漁小館

营业中

休息中

呢次真係唔係講笑堅好食平時去深水埗多數去食街食估唔到行多兩條街有間cp值咁高嘅餐廳環境方面 9.5/10 餐廳夠大 而且都幾有特色冷氣都足夠地點方面 8/10 平時唔會點留意但係喺大街行入去都好方便最重要嘅係佢喺轉角位食物方面 10/10第一次畀咁高分首先會黎一個湯 唔係普通例湯 好夠味 又足料 飲完個口唔會好"喝菠蘿生炒骨飯真係不得了 生炒骨好有鑊氣 咬落去 脆卜卜個汁少少微酸 勁開胃!!另外個飯好食到離曬譜炒飯底粒粒分明 好乾身 完全係食到一粒一粒飯 最重要 最重要 最重要嘅係一湯一飯包埋凍飲都只不過係$49!!!

本身輕鬆愉快與家人共進晚餐， 但因飯店胡亂收費而大煞風景。 我們點了手撕雞半隻，上菜單也是打半隻的， 但最後埋單竟然收了一隻的費用。 細問之下，飯店話因為我預訂時是一隻，但我們即場跟伙記點菜時已改為半隻， 而且上菜單也是寫半隻的。 經過一輪理論， 老闆堅決收一隻價錢，這樣不老實的飯店， 以後也不會再光顧了

The seafood kitchen 漁小館🐟🍚🥢𝙏𝙪𝙘𝙠𝙚𝙙 𝙖𝙬𝙖𝙮 𝙞𝙣 𝙎𝙝𝙖𝙢 𝙎𝙝𝙪𝙞 𝙋𝙤, 𝙩𝙝𝙚𝙧𝙚 𝙞𝙨 𝙖 𝙣𝙚𝙞𝙜𝙝𝙗𝙤𝙪𝙧𝙝𝙤𝙤𝙙 𝘾𝙝𝙞𝙣𝙚𝙨𝙚 𝙧𝙚𝙨𝙩𝙖𝙪𝙧𝙖𝙣𝙩 𝙩𝙝𝙖𝙩 𝙞𝙨 𝙨𝙚𝙘𝙧𝙚𝙩, 𝙧𝙚𝙢𝙤𝙩𝙚 𝙖𝙣𝙙 𝙝𝙤𝙡𝙚-𝙞𝙣-𝙩𝙝𝙚-𝙬𝙖𝙡𝙡. 𝙏𝙝𝙚𝙞𝙧 𝙢𝙚𝙣𝙪𝙨 𝙛𝙚𝙖𝙩𝙪𝙧𝙚 𝙖 𝙜𝙧𝙚𝙖𝙩 𝙫𝙖𝙧𝙞𝙚𝙩𝙮 𝙤𝙛 𝙡𝙤𝙘𝙖𝙡 𝙙𝙞𝙨𝙝𝙚𝙨, 𝙞𝙣𝙘𝙡𝙪𝙙𝙞𝙣𝙜 𝙨𝙩𝙚𝙖𝙢𝙚𝙙 𝙨𝙚𝙖𝙛𝙤𝙤𝙙, 𝙘𝙡𝙖𝙮𝙥𝙤𝙩 𝙧𝙞𝙘𝙚, 𝙨𝙝𝙧𝙚𝙙𝙙𝙚𝙙 𝙘𝙝𝙞𝙘𝙠𝙚𝙣, 𝙩𝙤 𝙣𝙖𝙢𝙚 𝙗𝙪𝙩 𝙖 𝙛𝙚𝙬. 𝙒𝙞𝙩𝙝 𝙛𝙧𝙞𝙚𝙣𝙙𝙡𝙮 𝙥𝙧𝙞𝙘𝙚𝙨 𝙖𝙣𝙙 𝙜𝙤𝙤𝙙 𝙦𝙪𝙖𝙡𝙞𝙩𝙮 𝙤𝙛 𝙞𝙣𝙜𝙧𝙚𝙙𝙞𝙚𝙣𝙩𝙨, 𝙩𝙝𝙚 𝙧𝙚𝙨𝙩𝙖𝙪𝙧𝙖𝙣𝙩 𝙝𝙖𝙨 𝙬𝙤𝙣 𝙩𝙝𝙚 𝙝𝙚𝙖𝙧𝙩𝙨 𝙤𝙛 𝙢𝙖𝙣𝙮 𝙡𝙤𝙘𝙖𝙡 𝙘𝙞𝙩𝙞𝙯𝙚𝙣𝙨.🦐🦑🐟1️⃣Diced beef tenderloin with garlic flakesHKD 138 燒汁蒜片牛柳粒 2️⃣ Shredded chicken HKD 138撈起手撕雞(半隻)3️⃣Chinese fried shri

食飯時間得1個鐘，所以會提早打定電話嗌定外賣，自取。12點45分落order，1點去到餐廳，問侍應話整緊未有，收左錢先。15分鐘後再問另一名侍應，話係我前面有張大單整緊等多陣，最後我1點20分先出我果份。侍應pack外賣時，俾我發現入袋果2杯凍奶茶竟然係由一開始已經係枱面，放左超過半鐘果2杯。太趕時間個湯無飲到，個飯咸到喊，個奶茶淡茂茂（啲冰溶晒）。。2個餐88蚊吾貴，但要等甘耐加埋甘既質素真係好吾抵。其實有大單應該落單就要同個客講聲，等外賣等左超過半個鐘完全吾合理。哩間垃圾真係吾會再幫襯！！！！！！！

星期六的晚上，店內滿座，在外等了大概10分鐘。接待員熱心地搬多一張椅子給朋友坐，我地想飲水，她又提供熱茶，服務周到。裡面環境好嘈，傾計要好大聲，完全聽唔到對方講野。今晚係食肉獸系列。脆皮雞，炸豬手，金沙骨加梅菜肉鬆蒸芥蘭。脆皮雞，肉質鮮嫩，連埋脆皮，流哂口水。炸豬手，配芥末醬，豬皮炸到脆卜卜，香口惹味。金沙骨外層包滿咸蛋黃，吃一口已經回味無窮，每條骨都啖啖肉，抵食。每樣餸都夠鑊氣，各有特色，好好味。飲品推介咸檸七，大大粒咸檸檬，加上七喜，咸酸帶甜，好滿足。

深水埗（漁小館）的食材新鮮，坐落來都幾好，煮法味道都不錯。但是服務態度不佳，有待改善。食嘢係開心㗎，如果碰到服務態度不佳的情況，會影響我哋食慾。本身為左開心先聚餐食嘢㗎。所以提點下貴公司，改善提高下服務態度。不過菜式真係唔錯。涼拌青瓜雲耳比較酸，但食材未入味。酸辣雞腳味道唔錯，但雞腳太熟，無爽脆口感。酒釀生蠔，味道偏淡左哋可以接受。指天椒鵝腸，很好的一道菜，煮的過於偏甜。最好食㗎花膠雞湯，黃金魷魚，味道正。可以推薦兩款菜式。

四人飯聚，想食中菜嘅朋友話食開呢間嘅大角咀分店覺得質素唔錯，發覺深水埗都有分店，環境比一般小菜館乾淨企理，於是大家就去試一試。整體感覺還好但小菜每款水準不一，要碰碰運氣。鹹蛋黃金金沙骨鹹蛋黃夠香但又唔會太乾，夠哂惹味😋。蟲草花花膠燉雞都幾足料，真係有花膠同蟲草花，係幾好飲但都幾重味精吓。香草沙拉汁蝦球實在太過多沙律醬了，只感受到滿口醬汁，感覺很膩，要撥走醬汁先食得落😅。蒜蓉粉絲蒸蟶子皇蒸嘅火候岩岩好，蟶子夠新鮮，配菜雲耳吸收哂蟶子嘅鮮味，正!漁館脆皮雞好錯嘅一碟...上菜時朋友發現件雞肉都有血色似煮唔夠熟，於是請侍應拿回廚房處理，再上枱發現係求其烚熟，脆皮雞慘變烚雞😫，無奈之極。

呢到手撕雞好唔簡單，同一般用白切雞起肉唔同，本身已經醃製過外皮同豉油雞相似，加埋撈過既醬汁有一陣輕微既麻辣，辣度唔算好強，但係就會令人不食唔停口，正😋😋金銀蛋浸時蔬同一般大排檔差唔多，上湯味道咸淡適中，金銀蛋都好足料😎👍🏻🔸撈起手撕雞(半隻 $138)🔹金銀蛋浸時蔬 ($98)總括黎講單碟價錢唔算好平，但計埋份量性價比非常高，如果一大班人黎食其實非常抵食👍🏻👍🏻😋味道 8.5/10 😍回頭指數 8.5/10🔴漁小館 - 地址：深水埗福華街69-75號華邦大樓地下C,D號舖

早排又黎深水埗搵食，想一大班人食，飲下酒食下大大份既小菜，呢間漁小館真係唔好錯過啦! 🤤👍🏻👍🏻位置都近地鐵站，行過去5-10鐘左右都幾就腳~漁小館以廣東菜為主，同大排檔類似，店內裝修都幾企理，就算對食既環境有要求應該都無問題😃野食選擇一d都唔小，由貴價海味，老火靚湯，到平價小炒都應有盡有，但係身為食肉獸既我地就叫左炸豬手同手撕雞，加一碟金銀蛋浸時蔬～一上碟份量認真唔細，豬手仲幫你起埋骨先上，唔洗你拆骨咁煩，淡淡肉都幾正，外皮非常脆，同德國豬手有d似，加埋佢個芥末醬真係夠哂惹味😋😋🔹芥末脆皮豬手 ($138)❗️更多美食分享, Follow Instagram: Foodmarker.hk , 可以比個like我地, 大家的支持好重要😚➡️ https://www.instagram.com/foodmarker.hk/

好味道！一定再試😋今晚只叫咗六款因為太夜😜留返下次試其他菜式鍾意香口必食小炒王、黃金炸魚皮同埋炸豬手🍻地方唔算好大啊！但坐得舒服！環境清潔、服務態度一流👍🏻👍🏻

今日同屋企人提早做節，黎左深水埗既漁小館🙆‍♀️其實之前都食過大角咀個間，覺得啲小菜都可以的。我地一共有七個人，都叫左好多餸，有杏汁白菜燉豬肺湯、芥末脆皮豬手、拔絲咕嚕肉、撈喜手撕雞、通菜炒牛肉、漁館鮑魚小炒皇、籠仔金蒜蒸蝦飯同埋黃金鮮魷🥳呢間上菜都算快的，叫左一陣好快就有得食了。-🎈杏汁白菜燉豬肺湯其實自己一直都好喜歡飲豬肺湯，因為屋企基本上好難煲到。呢個我自己覺得都好飲，但因為重杏仁味，屋企人就覺得麻麻地🙈雖然好飲，但我都有少少覺得個杏汁好似有啲蓋過個湯咁，飲唔到豬肺湯既原汁原味。-🎈通菜炒牛肉我覺得呢個菜就不過不失～啲牛肉都炒得幾好食，同埋份量都多！！-🎈拔絲咕嚕肉呢個拔絲咕嚕肉太甜了，唔係太好食！！感覺好甜但又冇咩酸味咁～下次就唔會再叫了🤫-🎈芥末脆皮豬手呢個我覺得佢都整得幾好味，不過可能因為係脆皮既關係，所以食落去就有少少乾😳但都係好食既😊-🎈漁館鮑魚小炒皇感覺一般，略嫌有少少鹹左啲🙈🙈但都驚喜因為裡面都有幾隻細鮑魚～-🎈黃金鮮魷呢個我個人好欣賞，炸得好好，都幾重鹹蛋黃味😚好後悔冇影到相！！！-🎈籠仔金蒜蒸蝦飯呢個賣相好好，但食落去又唔係太特別咁。佢啲蝦係開邊蒸，所以食落去就方

一大班人出到黎最怕諗唔到食咩好有人要求：想食大排檔小菜但又怕熱最後朋友推介深水埗呢間漁小屋價錢稍貴，不過坐得舒服選擇亦多！今次淨係影左一面餐牌 唔記得影埋另一面😭😭 所以菜式名憑記憶！1. 上湯翡翠苗👉🏻👉🏻好味道！上湯味道清甜，翡翠苗亦都好嫩，推薦比想食菜，健康一下既人2. 椒鹽鮮魷👉🏻炸得幾好，唔厚粉，魷魚大大件但都好惹味3. 蛋黃金沙骨！呢個幾有驚喜！可能少食呢個煮法，覺得好夾，非常香口！4. 籠仔金蒜蒸蝦飯 $168呢個賣相一流但味道好普通，蝦仲有d 乾...唔太推薦3總括而言，呢間食物質素幾唔錯，份量都幾足夠，係價錢係"深水埗+小菜"黎講貴左d6個人叫左7個餸加埋飲下，埋單大約每人$200~

今次又嚟心愛店鋪為家人提早預祝母親節。叫咗八個小菜,我可以推介呢幾款邪惡之選：籠仔班片飯 椒鹽一字骨 鮑魚仔小炒王 撈起手撕鷄 炸牛腩試過就知道有幾好味,加埋大會送既生果盤就為呢餐飯畫上一個句號😍

呢個「漁村宴」都幾抵食，有湯，魚，蝦，雞，鮑魚，飯，仲有生果同甜品，好多野食，d 餸都好大碟！ 個餐本身for 4個人，但我地5大人都食唔哂。味道方面都好好，尤其係個湯，有驚喜，參味好濃，好甘，好足料。整體都好好！

和家人約了來開飯，最喜歡小炒皇，韭菜香，腰果脆，蝦乾大又鮮美，還有菜埔鹹鹹的，好好吃，喝上一口啤酒，疲勞頓消，老人家最喜歡吃他們的荷葉糯米飯，荷葉香滲透在飯粒中，加上海鮮，味道不言而喻！讚👍🏻