漢堡王 (已結業)

每年嘅除夕倒數, 都成為晞晴同男朋友嘅例牌節目. 今年都唔例外. 但係, 今年嘅晚餐就同以往嘅唔同. 以往都會去西餐廳享受我哋嘅除夕晚餐, 但係, 今年就唔同, 晞晴見到 Burger King 出咗個新嘅漢堡飽, 勁度吸引晞晴, 就係咁, 晞晴2009年同男朋友去咗 Burger King 度品嚐2009年除夕晚飯!~晞晴 7 點鐘就到咗餐廳, 好彩, 都唔係咁多人, 唔洗等位!~ 咁晞晴同男朋友都係諗住食蘑菇芝士安格斯牛排堡餐, 但係... 個待應竟然話賣哂!? 晞晴諗... 唔係吓嘛... 7 點咋喎!!! 咁快賣哂!? 而且, 個侍應都講唔到晏啲嘅時間仲有冇得賣!!! 晞晴真係有啲唔係咁開心... 之後, 晞晴都係叫咗個經典安格斯堡餐. 估唔到, 個飽都唔少嘢!!!打開個飽裝紙, 個飽原來都幾大!!! 塊安格斯牛排都幾大塊喎!~ 晞晴急不及待就咬咗一啖先!~ 嘩嘩嘩!!! OMG!~ 點會咁o架!!! 只係咬咗一啖啫... 塊牛排啲肉汁出哂嚟!~ 勁 Juicy!~ 之後晞晴再埋個飽同其他配料一齊咬多啖!!! 竟然好夾呀!~ 中間有啲好脆好濃味嘅嘢, 原來係炸過嘅洋蔥喎!

食左個雙層芝士蘑菇burger餐味道都ok,,起碼好過m記先但個包就細左d...洋蔥圈又得個幾舊- -多返d會好d 囉...(下次叫返薯條!)仲有個包d料濕得濟..搞到個包淋哂...一個餐就真係岩岩好..但對我而言就唔多夠飽既- -d員工又好似玩下玩下咁-____-不過算啦 冇乜人 座位又闊落 坐得幾舒服既但希望下次再去既時候 會好d 啦!!

番工又係~ 3點食lunch + tea + dinner真係勁唔健康......叫左蘑菇芝士堡餐，餐飲轉忌廉飄雪無乜人~好快就有得食先食個甜品~~~好大杯好好味呀~~~好耐無飲過氣水la~~因為本身個人好多胃氣忌廉 + 雪糕都幾match~~~d ice- cream 都幾軟滑~正~~~食完個甜品都飽晒........個蘑菇芝士堡餐望落勁細個law.....細個都嚇一跳....好在叫左餐......如果唔係一定唔夠食.....不過好味道~~~薯條 >> 好薯同埋好脆呀~~~個味道係香甜ge薯味~~~~!!!!!果然唔錯唔錯!!!!!!!睇落小但係食落份量都唔小!!!!!!!一個人食晒成個餐!!!!!!!!!!食完就好飽好飽好飽la~~~~!!!!!!好滿足ge一餐~~~~好抵食呀~~~有機會會有下一次~~~

由細到大 都係食m記為主 多年前 Burger King 開到成行成市 不過Burger King 又失蹤左好幾年 我都唔知點解其實係我心目中 Burger King 係比 M記 正好多多多多多多。特別係那個炸洋蔥圈 真係好食到 不得了。至於飽方面 亦比M記 更有風味 大家可能食慣M記 其實M記 慢慢變到 完全沒特色及風味個日我就食左個 煙肉加牛肉 漢堡 勁有美國風味 雖然不及 一般貴價漢堡店 不過平平地 算係咁。

薯條好過m 記,薯圈俾kfc差少少而轉飲品都要+ $ ,明益佢地,不過食完個鱈魚包5號餐都唔錯,同m記魚柳差唔多.叫某些漢堡包就有飲品送,係買野食前,請各位食家留意!尖嘴0既服務員會遞張套餐表你叫.一個個散叫唔抵食,反而一班人叫唔野食,抵d,記住拎野食時,有單0既話,留意當中0既優惠,睇住有效日期去叫餐食,唔好轉過頭丟左張單!

收到朋友的e-mail .. 見有買一送一咁抵既野 .. 梗係唔可以唔去食下啦 同男朋友叫左一個華堡combo free 左一個雙層磨菇芝士 combo對比起個雙層磨菇芝士 .. 華堡真係好大個呀 叫佢切半 .. 咁就可以試晒2個 .. 華堡 其實唔係好好味 .. 冇咩特別 ..不過雙層磨菇芝士又真係幾好味喎 .. 唔怪得知人人都讚啦 ..仲有既係 .. burger king d 薯條好好味呀 .. 食到尾就算佢已經唔熱 .. 但都仍然好脆呀 ^^ 讚呀 .. 希望得閒就有呢d coupon啦

以前唔係周街都有得食果陣,係山頂同機場都有去食.....咁既然行開尖咀又唔知食咩好,就去食下啦,由於下午吃得太飽,所以9點幾先去食但都未係好肚餓~咁就兩個人叫一個set 加多一個包啦叫左個芝士磨菇包set,加個煙肉芝士包芝士磨菇:一向都咁好食,唔會因為佢變左單層已變得無咁好食........煙肉芝士:呢個反而面o既bbq 汁太濃啦,煙肉本身已經濃味,再加埋果個汁實在太咸啦......薯條:一樣咁脆,不過唔知係唔係因為小人,覺得果度凍氣開得好大,好凍,d 薯條要好快就比佢吹凍曬~~食得一定要夠快~

1/7/2009 (星期三)參觀完忠僕號，買咗d書比自己同屋企人，有d疲倦，於是去咗Burger King食嘢，店內推介期間限定的BBQ 燒烤雞腿堡，於是我就叫咗一個試下。BBQ 燒烤雞腿堡：味道唔錯，雞腿係用燒烤方法煮，確係好食d， BBQ汁好惹味，正。

19/6/2009 (星期五)昨天食咗 Triple O 的魚堡，我好奇想知道究竟Triple O 的魚堡是否好食過Burger King，所以今晚就去 Burger King 求証一下。我就叫咗一個鱈魚堡套餐試下：鱈魚堡：味道唔錯，醬汁好味，又有大大塊的生菜，但魚柳用料不及Triple O，所以無咁好食，不過一分錢一分貨， Burger King 勝在價錢合理，而且比M記好食，所以都有一個笑臉。洋葱圈：幾好食。

日期：2009-06-02 在"Burger King"(尖沙咀分店)買了"WHOPPER with Cheese(芝士華堡)"( $31)。在家用焗爐翻熱。 Burger King是美國一家漢堡包專門店，始於1954年。1980's年代初於香港開設分店，後來全面撤出。直到幾年前再度進軍香港，目前本港共有12間分店。WHOPPER with Cheese---芝麻包夾著牛肉漢堡扒、車打芝士片、生洋蔥、酸青瓜、生菜和蕃茄，配上茄汁和蛋黃醬(Mayonnaise)。芝麻包外脆內鬆軟。漢堡扒是以明火燒烤的，充滿燒烤香。肉質有些乾嚡，幸好牛味濃郁。芝士味淡，生菜蕃茄鮮甜，洋蔥酸瓜惹味。蛋黃醬略酸了點。

Ｂｕｒｇｅｒ　Ｋｉｎｇ　係我最鐘意食既Burger既一間!食過好幾次我覺得佢好過M記好多...而且亦都抵食好多!佢d薯條亦都好好食...唔會好似M記咁落好多鹽..雪糕又滑好多..而且佢既Burger一向都係即叫即整..M記都係學佢~地方好大...座得好舒服! 環境唔錯..幾清潔會不斷有下次=v=

尖沙咀burger king在剛剛開張時去過一次...因為個位置唔系太方便,其他時間都是去其他分舖..(已經有4間了)再一次去,沒有了長長的人龍...沒有了以前的2位o靚女姐姐,一位高高的,一位長直髮的,2個都不見了換來一個新的...但他只在聊天,沒理會我...吃我每次都會吃的2號餐芝士華堡...跟油麻地的一樣,水準保持!!!今天的洋蔥圈淋淋o地,不太脆口..不過我還是很愛洋蔥圈的....賣食物給我的staff,一路跟我說話,一路玩他的舌環,伸o下伸o下....OMG!!我取了食物後,剛轉身便聽見一句:你咪x嘈la!..呢d可唔可以收工先講ar..今次要比喊樣...因為人面全非...好樣好禮貌的全走了,換了這些不知所謂的人..以前裡裡外外都是又o靚又有笑容的...唉...

今日下午去食Burger King,見到小華堡餐免費加大,於是買左個餐食個套餐好似麥當勞,一個包一杯可樂一包薯條小華堡同一般漢堡差不多,但牛肉烤得好,味度一流薯條薯仔味十足,少鹽,非常可口值得一試

Burger King成為優秀食店，食滿五十蚊仲可以送新地。我當然唔會錯過啦，但點樣先可以食滿五十蚊呢？我就要個芝士煙肉漢堡加大，加多塊芝士同一塊漢堡肉。芝士煙肉漢堡依舊好食，個包好夠熱。而且相當足料，有生菜、蕃茄、洋蔥、牛肉等既材料。而牛肉好juicy，唔會整到好乾。而煙肉就好脆口，當然生洋蔥味最正啦。整體上，個包係好好食，一定會再食。薯條雖然同M記既一樣大細，但九成既薯條都好脆口，無乜邊條係淋。香滑奶茶得個講字，就算個茶包一路浸杯茶到，但茶味一都無濃到。個色就好似港式奶茶，但味就差得遠啦。令我想起以前M記用茶包奶茶既味道。朱古力新地好食過M記，雪糕好夠奶味。而朱古力就好濃，一定有下次。我最鍾意既burger一樣咁好食，實有下次既。另外，好耐之前食細華堡餐都有新地送架，真係好抵食。

Burgerking的漢堡牛肉是火烤的,很香很野味,味道濃烈, 配合味道清淡的新鮮生菜和蕃茄,麵色,洽到好處,中等價錢有這種品質,一定要試!!至於薯條和洋葱圈, 真是一般過一般,和Mac記水準差不多!!但主角是烤漢堡!!