漢年茶餐廳

营业中

休息中

下晝經過大圍，去左尼間舊式茶餐廳，梗係試下個招牌鹽焗雞飯，鹽焗雞飯有分1碗同1碟，我叫左1碗試試， d雞真係好入味，雞油又滲左入d飯到，超香， 食完之後到夜晚都仲好回味，好想食多次，以後我又多一個飯堂了

大圍區老店，從讀書時代已經開始食，味道不變，水準一向keep到，份量大大碟，抵食！只是地方比較細，座位比較迫。店員亦友善。沙薑雞飯和椒鹽豬扒飯一向是漢年皇牌菜。今天想吃較重囗味的椒鹽豬扒飯外賣，回家慢慢享用！椒鹽豬扒飯份量大堆頭，一碟約有７件排骨。部分豬扒肉連骨，肉質淋滑、鬆化不會死實。椒鹽亦平均地包圍豬扒表面，辣辣地，香囗惹味！味道雖濃但配上白飯，適合不過。今時今日的租金人工貴但漢年仍能保持水準不會將價就貨，實屬難得！

收工去左大圍行過見到呢間茶仔好多人食我地又入去試下先入到去見到好多人叫鹽焗雞飯，但我唔想食飯，所以就叫左湯米D雞就咁睇色水都唔差，食落真係好有鹽焗既味道，雖然唔係雞脾，但肉質都好鮮嫩，唔錯!雞扒炒公仔麵呢個份量都幾大碟，而且雞既數量係非常之多，但略嫌D雞扒咸左D但整體呢碟炒公仔麵唔會好油，都OK既!

金牌鹽焗雞飯果然係真材實料，唔係浪得虛名，經過朋友介紹下，喺大圍嘅小店入面覓食，店舖好古色古香，坐位不多，沒有耀眼的門面，不過人來人往，應該是有很多街坊幫襯。點了一碟金牌鹽焗 “雞髀” 飯，價錢有點貴， ＄61 ,沒有飲品，不過一場來到，決定試一試，份量非常之大，配了一隻雞脾及一碟仔沙薑，坦白講，真係幾好味的，雞脾好滑，釀得好入味，配合沙薑醬，味道很絕配，好正！呢碟仔沙薑簡直係有畫龍點睛嘅作用，跟我以往食嘅不一樣，呢個好味好多。不過，價錢真的有點貴了，而且沒有飲品，如果有套餐的選擇或者送飲品便更好了。金牌鹽焗雞飯果然係真材實料，唔係浪得虛名，經過朋友介紹下，喺大圍嘅小店入面覓食，店舖好古色古香，坐位不多，沒有耀眼的門面，不過人來人往，應該是有很多街坊幫襯。點了一碟金牌鹽焗 “雞髀” 飯，價錢有點貴， ＄61 ,沒有飲品，不過一場來到，決定試一試，份量非常之大，配了一隻雞脾及一碟仔沙薑，坦白講，真係幾好味的，雞脾好滑，釀得好入味，配合沙薑醬，味道很絕配，好正！呢碟仔沙薑簡直係有畫龍點睛嘅作用，跟我以往食嘅不一樣，呢個好味好多。不過，價錢真的有點貴了，而且沒有飲品，如果有套餐的選擇或者送飲

其實都不太明白，為什麼大圍這間普普通通的舊式茶餐廳，也有這麼多人在外面排隊😪。難道又是因為，大圍這個地區，舊式的餐廳買少見少，大家都是為了那一種情懷，才排隊嗎，確是少見多排。看看餐牌，下午茶的搭配非常之不吸引😕，例如，只有五隻雞翼的一個下午茶。而鹽焗雞飯，雖然好像很著名，但是又看見很多圖片都只是雞胸肉😩，怎麼也不吸引。於是也勉強點了一個午餐，雪菜肉絲炆米。雪菜肉絲炆米，雖然大大碟😯，但是端出嚟的時候，也不算鑊氣極盛。辣椒油/醬🌶️反而挺香，不醬不油，有點半固體粒狀在內。凍檸茶，雖然有五片檸檬，還算有誠意，但是味道不算極濃，普普通通的凍檸茶，而且用這種杯，賣相已經減了分。座位的安排也非常之普通，全部都是大圓桌，可能這樣會讓更多食客可以同時進食，但是每每都是兩人三人搭桌，又或是旁邊的小桌，兩個人坐着，也會有一名食客搭桌。總括來說，這樣的普通茶餐廳，如果封起雙眼來試食，我覺得這間餐廳，和其他餐廳的質素其實差不多，怎樣也不覺得有什麼特色，不值得排隊，而且索價＄48這一個炒米粉，其實不太划算，算了反正我不會再來。

大圍火車站附近的短短幾條街，已有不同特色小食店或餐廳，漢年能屹立不倒，其見其實力。星期日午飯時間，門口大排長龍，要等十多分鐘才有位。漢年不是一間舒適好坐的餐廳，但食物平民高質，主打食物一定是雞，堂食的話可選鹽焗雞飯或湯米。它的雞雖然是冰鮮雞，但餐廳將雞醃得很入味，很難吃得出雪藏味，加上自家制沙薑汁，每件雞都要蘸一蘸，才夠滋味。如果堂食不夠滿足，可以外賣雞返歸慢慢品嚐，分冰鮮雞和新鮮雞。不講究的，冰鮮已很美味。

心血來潮事件簿😋做完野之後難得係大圍食野，啱啱轉入條街，見到咁多人係出面等緊，咪睇下個餐牌有咩啱食咁囉，多啦😸話咁快多啦啦我就叫左一碟鹽焗🐔飯黎食🙈好多時我地食嘅雞都比較韌，無咩口感，好難得依間茶餐廳整嘅雞係比較有口感同易入口，真係抵佢做招牌菜式👍雖則係鹽焗雞，對於唔係幾食得咸嘅人黎講就啱啱好，加上雞油滷埋D飯黎食就梗係絕配😋想食個好價錢又唔太貴嘅lunch，依間都係唔錯的選擇黎架😸

本來黎大圍唔係食呢間嘅，不過黎到，原來個間冇開，於是就試下呢間，呢間未食過，不過網上都好多好評今日係平日星期一，中午12點零已經座滿，其實無論外面同入面都係普通茶餐廳格局，冇乜特別，所以如果冇做功課或者冇人講，都唔知呢度有好野食招牌菜之一：鹽焗雞飯炒底個飯$48,炒底+$11=$59，炒底都幾貴下，不過又想試d雞好嫩滑，夠味得黎又唔會鹹，沾旁邊嘅沙薑醬都好好味，炒底d飯好香，粒粒都有蛋，仲有幾條菜心食下，呢餐好滿足

皇牌鹽焗雞飯 ($44/碗；$47/碟)如果胃口吾大的話 建議一碗已經足夠😌因為一碟真係太大 兩碗飯份量嫁🙉鹽焗雞好夠味 撈埋沙薑仲惹味☺️雞味頗濃又夠滑😳😁而且你想要求咩部位都有!😋如果吾中意食雞胸既朋友 就記得叫「走胸」😍中意既話 可以轉埋炒飯底😆-椒鹽豬扒飯 ($46)今次黎漢年除左食最岀名既鹽焗雞飯外就係為左食呢個椒鹽豬扒飯😍一黎到已經聞到好香既椒鹽味豬扒痴住啲爆香左既辣椒同蒜😳不過與金城比 始終冇咁惹味太過著重蒜粒既份量抵讚既係豬扒一啲都唔乾唔柴食落都幾軟熟而且幾入味👅

大肚八個月，受到旁邊金城茶餐廳不禮貌對待後，懷著失落的心，跑到旁邊也很忙的漢年，老闆娘立刻為我找個好位子，還好心得叫我把買菜袋放在旁邊的空位。心情好多了。這裡出名是鹽焗雞飯，我嘗過，味道不錯，但今天叫了午餐時菜牛河，份量好大，很好吃！看來這是繼雞飯以外，最多人叫的，可以留意一下。一邊吃，看到員工們都很有禮貌。味道重要，人情味濃也很重要啊。老闆娘可能也不知道，她簡單的一個行動是多麼令我窩心！值得推介！

大圍出名老字號飯店， 位於大圍火車站 咸分鐘左右，被人譽為"人生必食大圍鹽焗雞髀飯", 是名過其實.此店裝修一般, 經常大排長龍, 要等一陣間才有位，入面是大圓枱, 搭枱是常識吧。叫了一碟金牌鹽焗雞髀飯炒底， 雞是嫰滑， 分量是大碟，可是炒飯底立黐黐， 似是一早煮好然後bug 上來。 以為是什麼世外菜式， 原來只不過係誇大其詞， 而且價錢並不便宜， 可能是加租加得厲害， 一個普通飯去到70蚊， 而且錯又坐得不舒服，絕對不值此價錢。

之前有朋友介紹，如果去到大圍，就一定要試下呢間餐廳既雞飯🐔🐔🐔咁岩今日過到來，就梗係要試下啦！不過咁岩遇著lunch hour, 見到都好多人等位啊🤦🏻‍♀️ ～ 不過，好彩我自己一條友，好快就"zip"到位😬😬我order左個鹽焗雞髀飯，$60，無餐飲。茶記來講，貴左少少💰，啲雞幾滑😋😋，但好油🤐。另外，呢間餐廳仲有好多男人的浪漫🙊，茶記碟頭飯😝😝😝不過，都係無餐的，飲品另外再計。如果想去浪漫一下，不妨試試😉

是日在威爾斯覆診後，坐馬鐵回到大圍午餐。是日目標有兩個：第一是到漢發吃最愛的斑腩飯，二是試試附近小食店的手撕雞腸粉。較少在週末來到漢發，人流實際很多。汗水不斷流，等了10分鐘後，店員安排我進店等候，表示「快到了」、「吹吹風」。快要中暑的我立刻回復了生氣，五分鐘過後入座。湊巧地，是日午餐便有涼瓜斑腩飯，不用單點。午餐一碟飯，一杯餐茶，盛惠$46，價錢尚算公道，而且份量十足。點餐後，很快便有凍奶茶。漢發的凍奶茶一向奶多、糖水也較多，對嗜甜的筆者來說味道剛好，而且入口非常順滑。可惜，主角斑腩飯略為失準。人流多，預先炸好的斑腩回鑊時間不久，略凍。但炒過的豆豉涼瓜惹味燙口，依舊蒜味香濃，填補了溫差。白飯也煮得軟爛了一點，但味道好彌補了不足。再到大圍，便再吃這裡的炒烏冬，再為大家介紹。漢發名物可不只鹽焗雞飯！

人多、坐位逼、食完要即走，但依然經常要等位既漢年茶餐廳🤔適逢星期日過黎，門口長期keep住有人等位，好彩自己一個好快就攝到入去。爭扎左好耐叫椒鹽🐷扒定雞飯，最終都係決定叫雞，雞肉幾滑啖啖肉唔會好多骨，但幾油下飯底都有油，沙薑汁好味點雞一流

昨晚無聊入去大圍搵嘢食，七點左右發現好多舖頭都似準備閂門冇乜客。七點廿五分經過漢年，睇見好多人，決定入去試試。入到去，阿姐望吓我，好啦做埋你啦，快啲叫食乜，七點半閂門嘞。咁我坐底想話睇吓餐牌，阿姐已經又問我食乜，我亂望牆上，見黑椒雞扒，就隨口話黑椒雞扒，阿姐話豬扒啦，豬扒有嘢飲添，咁就豬扒啦。叫完，隔離搭枱人兄碟炒米粉上枱，嘩香到飛起，想改，但見佢哋忙於執嘢收舖，算了。到碟豬扒飯上枱，一睇就知正，首先個汁夠熱夠黑椒味，飯熱又係我鐘意嘅淋夠索汁，豬扒唔係一塊扁個種，係連骨帶肥，好滑但又新鮮炸完有啲脆。好耐未食過咁正嘅豬扒，多謝阿姐介紹我叫豬扒。仲有杯凍奶茶，好滑，夠奶味。食飯其間，不停有人入嚟，阿姐話閂門嘞，咁外賣呢，冇嘞，閂門嘞。可知這店在區內應好有份量。我再入大圍，一定再去。