漢年茶餐廳

营业中

休息中

年紀漸大, 以前成碟雞飯炒底一次過吃下的氣量也沒有了, 由碟變成碗, 再由新鮮雞變成冰鮮雞, 不變的是蛋炒飯底正是鹽焗雞的好拍檔, 這可說是港式的親子丼吧! 炒飯乾身而且粒粒層次分明, 畢竟這𥚃依然有一大部份做港人以至是街坊生意, 他們可不是因為餐廳的名氣而賣賬呢! 當新鮮雞一步一步被冰鮮雞取代, 廚師的問題就是要如何除雪味, 以及令其肉質維持嫰滑, 而雞胸最能反映廚師如何處理問題, 雪味解決了, 但可惜是肉質就是回不了去, 唉!

上網睇到介紹話呢到既雞飯好出名，呢一日即刻約埋男朋友特登入大圍試！唔洗等位，好快就入去有得坐～街坊茶餐廳，價錢就唔算街坊價啦，加埋野飲都要成六十幾蚊！碗同碟都係大同細既分別，大家可以自己簡返岩自己既分量！【雞脾飯炒底】（碗）【雞飯炒底】（碟）上網見到介紹都係叫炒底哈哈所以我地叫咗炒底。講一講個雞，都真係幾唔錯，幾滑幾重雞味，雞唔會太肥，皮唔會痴住好多油，加埋個沙薑醬，so good！可惜既係，個炒底麻麻地，可能用即日煲既飯炒，想夾硬炒乾d飯，令到d飯粒好碎。總結，如果我住係大圍，我應該會成日去食，但唔洗特登入大圍食～同埋想去試既朋友，唔洗特登叫炒底啦～

係大圍踩單車前🚴‍♀️ 要食返個lunch先🤤經過路過看見門口有幾多人排隊wor🤷🏻‍♀️望落店門 原來係主打鹽焗雞飯🐔於是咪進去試下 係咪真係咁有魅力先💁🏻‍♂️距有兩個Size 分別係碗同碟碗比較少$46 碟比較多$49 👏🏻仲有指定雞髀飯要$62💁🏻‍♀️我叫左呢個碗飯 鹽焗雞飯 但啲雞肉係雞翅 😐冇乜肉lor 但都好食既 不過當中衛生就有目共睹la舊菜入面呢藏有泡沫一舊 🤦🏻‍♂️🤦🏻‍♂️我好彩眼利姐 如果食落肚就死🉐️啦😡總體來講 係好食既 但價錢好貴 雞肉唔夠多衛生情況不足 有小小離譜🤧🤧希望會改變下當我下次再去既時候😍

久不入（大）圍，人生路不熟，有人俾左兩個選擇我：屋子/茶記，咁之前試左屋子，咪試下茶記咯。點知一入去，嚇親多人到。。。唸住無位係門口等等，點個個阿姐大聲一叫：兩位入泥丫！心裡面講左句粗口，一張4人圓台，居然屈到6-7個人坐，好野呀！坦白講，雞飯既雞係唔錯既，朋友話個皮咸，咁大佬鹽焗雞呀嘛！起碼食得出係新鮮雞，多油，肉嫩有香味相反，朋友個蒜香豬扒就唔得啦，大碟但d豬扒喇到林，食得出果d梳打粉定鬆肉粉，又整到勁咸，條脷會痕果種，而且d肉喇到紅色都唔想再食。BTW，碗同碟目測都係咁多雞只係飯多同少，女仔叫碗都夠曬食架啦！結尾，如果再去大圍又有得揀，一定唔會再去；如果再去大圍而又好想食雞飯，會叫外賣，試下炒底，完。

同事帶我到大圍一間出名食鹽焗雞飯嘅餐廳食Lunch，餐廳空間較為狹窄，座位之間都有點迫，好彩同事一早嚟到攞定位先。🔹金牌鹽焗雞飯（碗） $46金牌鹽焗雞飯可以以「碗裝」或「碟裝」上菜，個人覺得「碗裝」份量適合女生，如果想炒底就可加$12。今次我揀了一碗金牌鹽焗雞飯無炒底，堅持白飯，可以試下最傳統嘅味道。雞肉佈滿碗面，而且仲係近雞脾位，好lucky呀😎！雞身好厚肉，雖然唔算嫩滑，但係可接受，不過因為鹽焗關係，略嫌有點鹹得濟。隨雞飯附上沙薑汁，汁做得幾好幾惹味，但可惜由於雞本身已經帶鹹，所以我選擇唔撈汁會比較好。白飯較為硬身，如果軟熟多少少會好啲。📍漢年茶餐廳大圍積福街100號．．環境分數：6.5/10食物分數：7/10Encore分數：6.5/10

喺網上聽人講呢間野啲鹽焗雞飯幾出名下，就特登入嚟大圍試食，原來間野都幾細，加埋應該容納得30人左右。咁我就叫咗一個鹽焗雞髀飯，$60唔包野飲質素都算唔錯，但係未講到超好食，份量都算多

行過見無咩人排隊就入去食下啦叫左個鹽焗雞飯 加錢轉左雞脾😋之前都食過幾次 今次隔左一排再食味道同之前食差唔多 質素無下降到即使唔點個醬都夠味鐘意重口味既人可以撈醬食 都幾夾佢有2個size (碗同碟)女仔黎講 碗已經好夠食 加野飲略嫌有啲貴 寧願慳番 出去買台式飲品

黎開大圍剪頭髮就試下呢間經大圍地膽朋友介紹嘅懷舊茶餐廳～～～晏畫12點黎到，撞正食飯時間，雖然好多人要搭台，但見到人地台上面嘅美食，等果一陣子同坐逼少少都係值得嘅！朋友話黎到呢度必食嘅係「咸雞飯炒底」同「椒鹽豬扒飯」，咁我地就一於死跟～～～～～好快野食就到左， yumyum🤤🤤🤤⭐️傳說中的咸雞飯炒底咸度岩岩好，雞好嫩好滑，肥瘦適中，炒底香口，略嫌炒得唔夠乾身（可能食飯時間太趕太多單關係？）整體都唔錯！⭐️傳說中的椒鹽豬扒飯呢個就偏向小小咸左啲，蒜香味非常好，好惹味，只係都係嫌飯底”林”左啲（可能因為我偏好食硬飯），整體還是很好！總括，呢間係一間唔錯嘅選擇，下次黎剪頭髮都可翻兜🤤👍🏻

大圍有一間餐廳叫漢年，裏面嘅鹽焗雞飯非常出名，今天我來到就是為了試它，我叫了一個鹽焗雞髀飯，飯送到黎了我第一時間夾了一舊雞髀放落口雞俾肉嫩滑而不鞋口，食落有點鮮雞味，用雪藏雞來做還食到有鮮雞味，果然要讚一讚師傅，加上他的砂礓一齊食，要加分，而且白飯也加了一點雞汁，食落口都特別甘香，大家經過可以不訪試一試

網上話餐廳的雞好食，仲要話排哂隊，我住附近都唔知，今日無刻意經過，見到唔多人而入去，當然試下佢地的雞，唔錯！我相信這類型的小舖，如果唔係用心，好難在大圍咁多競爭對手下而屹立不倒。👍👍

一間唔起眼嘅茶餐廳，全部都係圓枱，環境真係唔多好，坐又坐得唔舒服😌，但係避過繁忙時段，呢度都算唔差架😅。幫襯過好多次，每次都係工作便利，先有得食架咋😋，味道保持不變👍。鹽焗雞蒸煮到啱啱好👍，啲骨仲係鮮紅色😍，怕嘅人真係唔多敢食架😅，唔會好鹹而又食到雞味👍，又夠滑😋。大食啲嘅😳，個飯要炒底先得😁，我就要分兩餐食喇😅，飯底炒得好香😋，蛋味十足😋，而且就算堂食同外賣，擺碟都絶對唔媽夫架👏👏。

當日剛巧到大圍探訪朋友之前都有聽說過這家的雞飯很馳名順理成章一出站就往店子去店內環境市井而不算逼夾侍應都算熱情其中一位帶眼鏡的女侍應更給人一種以為自己是熟客的親切感坐下後立即叫兩客雞飯因為之前上網見到就那麼一碗心想會不會不夠飽而且以一碗飯不包飲品就46大元不好吃會很失望登登登櫈雞飯上場！上桌時就這樣連沙薑一起放雞皮的光澤加上斬得漂亮吸引心已放了一半拿開醬汁再看一共有大概八至十件而且吃下去真的雞有雞味肉嫩而彈牙加上香口的沙薑以及雞汁流到飯內連平時不好白飯的我最後都可一口氣完成當天也有點熱奶茶尚算可以可能雞飯太驚喜總結絕對是可一戰的雞飯如果食量大可以加三元要碟上不過碗裝的對女生或不大胃口男人來說已足夠

直接入正題，今日黎一試大圍鹽焗雞飯，2:00左右到，一坐低，點了一碟鹽焗雞飯一碟椒鹽豬扒飯，兩個都係白飯底。望附近既食客，個個都+12蚊要炒飯底，我堅持白飯底算數，要最original 味。服務員阿姐先上椒鹽豬扒飯，一食。。。。豬扒都脆，但味道較咸，伴碟既醬汁話就話係椒鹽，但似豆瓣醬多d 。之後上碟既鹽焗雞飯，挾件脾位食，一咬落去，靱到攝晒牙😖，又無味！咁都賣49 蚊一碟，老老實實，大家樂晚市套餐都好食過呢間。叫飯加熱飲，叫熱檸茶都加11蚊一杯，老實講杯熱飲都唔平。去櫃檯埋單比錢，收銀阿姐望都無望，一直望手機玩轉珠，大姐呀，比錢你，眼都唔望，我一野拋低107 蚊就走，費事理佢。總結，呢間野唔好食。如果係我叫錯野點錯餐，我抵死，但我叫招牌菜都中伏，咁點先🤨

海南雞飯就食得多，鹽焗雞飯都係第一次。呢間餐廳一路都收藏左，但好少會同朋友去食雞飯，終於有一次返工去咗食！同行所有人都叫咗鹽焗雞飯，我自己就叫埋炒底。鹽焗雞飯有兩個size，細啲個size就用碗上個飯，大啲嗰個就係用碟既。🐔鹽焗雞飯嘅雞肉真係好有味，我會食埋啲雞皮，連埋啲雞肉一齊食，不過啲雞肉就唔係好嫩，另外覺得如果可以去埋骨就更正更方便啦😛 炒底嘅飯都好乾身，粒粒分明。自己冇乜點嗰個汁都已經覺得成個飯好夠味另外有一次好夜臨關門去食嘅時候就冇晒鹽焗雞飯啦，所以想食嘅朋友仔可能要早啲去

平時係沙田食到厭 想嘗試下擴闊美食版圖 朋友推薦呢間茶餐廳既飯 所以lunch一齊去試試佢！我食肉餅飯 朋友食椒鹽豬扒！兩個飯都好好食！食落唔‘un’🤤唔重口味既朋友應該會覺得味道有啲濃 但重口味既我覺得好好食😋不過係有少少油 唔油既話又無咁香既！值得再去食！