漢記小廚 (已結業)

係德福睇完戲出來都成8時, 在商場內搵食一定要等位, 最終帶左友人去左啟業村食大排檔好過. 當晚都好多人雖然唔洗等位, 但就要搭枱. 2個人叫左豉椒炒蜆, 辣酒煮螺, 鯪魚炒a菜, 蠔仔粥同椒鹽九肚魚 當中我最欣賞係個炒蜆無咩沙雖然唔大食, 但勝在夠鮮味值得食. 九肚魚同樣炸得香脆無油, 辣酒煮螺d螺夠大隻可能用左辣酒煮好似食唔到咩鮮味..當晚最唔得係個粥唔夠蠔仔, 下次可以不叫. 最欣賞係此店d亞姐真係個個都好有禮貌, 雖然多人但樣樣野都跟足無溜單...不過此终室外當晚又唔算多風愈食就愈熱...都係要留回冬天先可以再來.

食友仍常客，早已定位．無錯，食大排檔也要定位．我地食緊途中眼見唔少人等位呢．薑蔥蒸食友帶來的：乾曬大蝦乾從來未食過咁大隻乾曬大蝦！食友話佢係之前特地搵人幫佢曬架！！！呵呵呵．．．我好有口福哪白烚花螺正～鮮美．時間掌控剛好．懷鹽雞腳豬紅一樣的鮮美．清蒸花蟹，凍食．新鮮美味．鮮嫩美味．鮮臘腸鮮潤腸跟菜底上在榮華買來的鮮臘腸和鮮潤腸來個加餸！正！菲律賓冰鮮桂花班？？？食友購來的海上鮮．肉質鮮美無比，是介乎實肉與非實肉之間的質感．非常好吃．乾燒大蝦碌蝦味鮮鮮鮮，連貓貓也抗拒不了．竹枝羊腩煲啲羊腩好香好嫩好好吃啲菜仲正，吸曬啲羊腩味．好食到不得了．金沙釀茄子是大排檔的招牌菜，香酥之餘，因為茄子給兩邊薄薄的釀了魚肉，再燋脆漿去炸，炸好後再灑上碎炸香蒜．．．好食到唔知點算好～必吃之選！！！再來了一個：鹵水雞腸肥美難擋，可以妣美鵝腸哦．

果日由于要過九龍灣呢邊捧場，加上老公話以前經常同D波友過來呢間大排檔食飯，於是我地一致决定過來緬懷一番久違的大排檔風味。首先，决定我地0既主食為蠔仔粥一窩（48蚊）。一捧上來時，聞到好香，食落都好美味，我同老公一人即時一人食完一碗先再講，正！不過我覺得如果加多D冬菜落去會更加惹味。一份巴辣豬紅（20蚊），唔系想像中的辣，正確講系無辣味，味道不過不失。一份鹵水三寶（42蚊），有紅腸、豬大腸、墨魚，再配上豆腐、花生，食落都唔錯。一份椒絲腐乳通菜（28蚊），不過不失啦。 總括來講，如果一大班朋友想飯聚，既想平靚正，又想有飲酒吹水，又唔怕大排檔的話，呢間真系一個好選擇！

間唔中都會黎"漢記"食dinner,因為附近都沒什麼好吃..."漢記"算係比較好的一間~今次叫了沙嗲金菇肥牛煲,薑蔥魚頭煲,蠔餅,蒜蓉西蘭花,蠔仔粥~沙嗲金菇肥牛煲★★★★★☆☆☆☆☆薑蔥魚頭煲★★★★★★☆☆☆☆蠔餅★★★★★☆☆☆☆☆蒜蓉西蘭花★★★★★★☆☆☆☆蠔仔粥★★★★★☆☆☆☆☆味道真係好一般~冇乜特別~環境同其他大排檔一樣~服務同價錢都係一般~

數算一下已經有一年多沒有到過大排檔，再臨大排檔給我第一個感覺是多麼親切，沒有餐桌文化的控制下享受食物也是一種樂趣。因為只有三人的關係，只點了羊腩煲，椒鹽鮮魷（因為九肚魚沽清），豉椒鵝腸及豉油王炒麵。羊腩煲附上大量生菜及枝竹，羊腩煮得夠時間，份量也很多，可惜汁料不夠味。椒鹽鮮魷，油炸食物只要粉不是很厚的話，剛炸出來一定好吃吧。豉椒鵝腸味道略嫌不夠惹味，亦吃不到鵝腸的肥美，但這樣仍可接受，因為鵝腸的香味主要來指附在腸上的肥膏，肥膏烹調時間過長會融化，但煮得不熟反而有機會帶有細菌，所以作為餐廳還是保險一點較好。豉油王炒麵為最好的一樣，炒麵炒得乾身，亦有少量芽菜點綴，麵充滿豉油的香味，簡簡單單的材料能造出這樣的食物，歸功於廚房一直”拋鑊”的師父。整體來說，以大排檔的價錢來看，這裹的食物都比附近的好，作為宵夜這裏是一個好選擇。回覆以下食評：大排檔的環境沒可能比上大酒店，如果食評均以其他地方的標準來評，我相信這並不是一個客觀的食評。（題外話：這裏的老伯伯夥計十分可愛及落力，祝他身體健康）

其實佢隔離有間叫日昇既店...仲多人幫襯! 今日同...同事叫左個冬菇肉絲湯米, $23....個汁好"傑"....不過就大大碗! 同事叫...話好鑊氣!

今日同老豆去食，２個人點左腰果炒雞丁．京都骨同白灼鵝腸，腰果炒雞丁鑊氣好夠，不過淡左少少京都骨炒得好脆，用ｇｅ係新鮮排骨，好味白灼”哦”腸好爽口，但食唔出”哦”腸果種香味唔知點解ｄ伙記好似有少少撞聾咁．．．．．成日聽唔到人講野，不過會ｏ係你面前搵茶洗一洗ｄ碗筷今餐算係咁啦～