漢陽樓韓國料理 (已結業)

同BF 2個夜晚8點幾去食~食物款式都幾多*想食乜就食乜!!食得好飽!!!好滿足!!!飲品都OK啦!!!特別想讚下一位WAITER!!戴眼鏡既...超級有禮!!!非常好!!!佢可以同客人傾下計開下玩笑...唔會好似其他WAITER咁死"咕咕"價錢都合理... 2個人任食都係$196!!非常之好!!!!!!

熟食好味過自己燒有三文魚刺身, 不過唔新鮮, 有鰻魚壽司, ok架, 其他冷盤就麻麻地, 而咖哩角同蜜糖雞翼雖然唔係值錢野, 但係好味, 仲有即煎既煎讓三寶, 龍蝦丸, 司華力腸, 雞尾腸, 不過太飽, 冇試, 自己燒左豬頸肉, 肥牛, 煙肉, 牛扒, 都好味, 甜品食左蕃薯糖水, 喳咋, 啫喱糖, 糖不甩, 全部都好味不過想講一講服務, 待應冇乜禮貌, 有個類似經理既男人(因為著黑衫的)推住架餐車推得好快, 我本來夾緊野食都俾佢嚇親(差d撞落我度)$108加一, $120左右唔算平, 如果住附近可以試吓, 唔就腳既話就唔好試嘞, 因為冇乜特別

尋晚終於都同屋企人去左食韓燒喇~!我地最尾揀左去【漢陽樓】都幾好味同幾扺食呀~!佢係$88 (加一) 全包,如果飲啤酒先另計~加火碢就一個爐二十,我地五個人, 有兩個爐,咁就可以一個火碢一個韓燒喇~~~好彩我地加左火碢咋~!因為咁先可以灼下菜食~唔洗淨食肉咁膩~嗯~~D肉都幾好味~!唔覺好勁味精~!另外佢仲有壽司同熟食~!幾好味嫁都~!原來佢星期一至五晚上七時半埋單,或九時後入座,都可以有九折~!仲抵添呀~!D服務都OK呀~加水呀, 換爐板呀,都好快呢~~!整體表現值八十五分呀~!

其實係好耐之前已經黎過黎到一次，突然想食韓燒所以就黎返黎間，因對上一次濊已有好印象，今次３點幾左右同女朋友黎食自助餐，發覺岩岩落場，要等到５點４５分先有第２場，環境整齊地方乾淨，已冇生蠔供應，不過生文魚刺身仲有，雖然唔算係新鮮，但已算不過不失，肉類味道比以前差左少少，有飲品、甜品、熟食、壽司等供應．．．每位８８蚊（另加一）重點係原全唔會有趕客走既ｆｅｅｌ，因為睇過好多其他韓燒食評都係話好快就俾人趕走既情況，所以如果鐘意食韓燒又想坐耐ｄ既朋友可以一試！！

同男朋友平時食韓燒都係食開韓陽苑，見到雜誌登廣告話漢陽樓有埋新鮮生蠔任拎任食，而且都係＄９８，就決定一試。去到壽司種類比漢陽苑多，而且魚生新鮮。生蠔都唔錯，而且飲品種類多選擇，利賓納／檸檬茶都有。剩係食魚生同生蠔都已經抵。再食埋韓燒同埋熟食，仲更加抵。所以我同男朋友都會再去。

想食任食自助燒烤,諗起漢陽苑,但兩位只得個半小時,要自己燒的情況下我覺得太過急,所以選擇這間.七點半到達,八點三才入坐,真係幾旺場.相比漢陽苑無論人手同食物的擺放都係企理得多.加$20 要了番茄湯底.正價時段有三文魚刺身同生蠔,每隔一陣就會refill. 刺身只屬一般,生蠔我用作火鍋料,味道唔錯.肉類比較遜色,選擇少,味道一般.甜品和飲品就很多選擇,亦有雪糕供應.total: $260總括,如路經的話可以一試.

尋日我同老公去食LUNCH 真係好底.我食個SET 有雞肉,飯,湯,前菜,啫喱20蚊.老公食左個大碗飯餐都係有湯,前菜,啫喱24蚊.LUNCH 仲唔使加10% 添.下次一定會再去食.

上次行行街，諗唔到食乜，但架車就泊入商場，於是就咁是但間食啦，9幾入到餐廳收$78 另加一，地方都算企理，食物就一般，但唔到雪糕又話冇，三文魚刺身又話唔包，淨係得幾款卷物壽司，失望！韓式烤肉幾好味，但火料就食唔到，因又要加20 蚊，唔值，好在後尾埋單，收銀姐姐比(大)收據我，可享3小時免費泊車，算係BONUS啦！

$98一位實在太超值了, 一踏進這餐廳,看到上的食物,簡直有眼花撩亂的感覺,不知從何吃起.因燒烤的味邊太吸引,所以先試牛肋骨,牛仔骨,牛扒等, 唔..醃得好入味, 泡菜都有十多款.另有專人燒串燒肉及蔬菜,天婦羅等...還有三文魚生,壽司,日本小食(聲明會不斷refill三文魚,如埋單時發現吃剩,每片魚生另收10元). 湯都有三款,人蔘雞湯,粉葛湯及忌廉湯.仲有個沙律吧及數款鮮果...熟食又有十幾款,特色小菜, 魚,薑醋豬腳蛋都有...竟然比我發現一味家鄉菜:木耳煮雞酒,咦,都唔差喎..噢,已經好飽啦,但望下甜品, 都係食埋呢碟啦, 有豆腐花,涼粉,0者0厘糖,泰式甜品等等, 吃罷,ok, 埋單走啦...咪住, 門口還有一個雪榚櫃,內有四款雪榚,有黑芝麻雪榚呀!隨即佐一個cone,食住走!$98一位包飲品任飲,酸梅湯,菊花茶,甘庶水等,好似加$10可以打埋邊爐(唔使啦,一定食唔落)以呢個價錢有咁多選擇,而味道亦不差,食得過!

個隔與漢陽苑分別不大不過呢度比起上次我去個間銅鑼灣漢陽苑企理好多而且Ｄ野食ＲＥＦＩＬＬ得好快去開將軍澳既朋友不妨去試下