潤暉車仔麵

营业中

休息中

在元朗的好景洋樓地下9號舖，我們來到了潤暉車仔麵。這裡的食車仔麵絕對是物超所值，而且學生還能享受九折的優惠。我和我的朋友分別點了一碗車仔麵，而且這碗麵的份量真是驚人。我的朋友的碗裡有三種配菜，而我的碗裡則有四種，碗子實在是太大了。我的朋友點了一碗車仔麵，配上了出前一丁和瑞士汁。在配菜方面，她選擇了生菜、魚肉和陳皮魚蛋。而我點了一碗粗麵，搭配自家製的辣汁。這辣汁真是美味，讓人欲罷不能。在配菜方面，我選擇了咖喱魷魚、魚腐、通菜和牛柏葉。除了車仔麵，我們還點了一個咖喱魷魚作為小食。這個小食味道獨特，魷魚的咖喱味與麵食完美結合，讓人回味無窮。總的來說，潤暉車仔麵跟其他地方的車仔麵不同之處在於真係可以食飽人，而且湯底用鮮骨熬製，非常入味！潤暉車仔麵 (元朗)元朗合益路10-28號好景洋樓地下9號舖#潤暉車仔麵 #元朗美食 #車仔麵 #香港美食 #食評 #美食推薦 #麵食控 #食物探險 #美食愛好者 #好吃到停不下來 #大碗美食 #香辣美味 #foodie #instafood #foodlover #foodstagram #foodphotography #foodgasm #foodblog

元朗合益路新開咗間潤暉車仔麵，係附近買完野就同朋友一齊去試吓～晚市時間接近坐滿人，好多街坊捧場～除咗車仔麵仲有各款小食，價錢合理，加上環境光猛企理，難怪咁多人黎食!今晚唔係太肚餓，揀咗淨餸：鯪魚肉、振興貢丸、振興墨魚丸、振興魚腐、秘製牛根腩、牛腩汁。推介振興貢丸，口感零舍彈牙，夠哂鮮香；鯪魚肉份量十足，爽滑鮮美粒粒飽滿；秘製牛根腩軟嫩帶Q，油脂分布均勻，牛肉味香濃。朋友就試咗秘製辣汁，大讚香辣夠過癮～估唔到車仔麵都有出前一丁，爽滑掛湯～佢揀咗陳皮魚蛋、振興牛丸、蘿蔔、黃金豬頸肉，大推香甜又多汁既蘿蔔，而家呢個季節當造食就岩哂！黃金豬頸肉脆爽嫩滑唔油膩。港式地道小食揀咗以下兩款：瑞士雞中翼味道甜而不膩， 炆煮得好入味，肉質保持軟嫩，超高質！郊外油菜有通菜、菜心、生菜、韭菜，都幾多選擇，揀咗腐乳通菜，新鮮翠綠既通菜配鹹香腐乳，絕佳組合！

約左個朋友係元朗聚舊，食個中午餐，我唔熟路，朋友帶路本身想搵間元朗出名嘅車仔麵食下，不過朋友話俾我聽有一間仲正成碗湯飲晒都唔咸，煲出嚟嘅豬骨湯醬汁可以揀清湯、瑞士汁、腩汁、沙嗲汁、咖喱汁朋友就叫振興頁丸、秘製牛筋腩、新鮮豬腸、酸齋。個蠟像真係非常之惹味😋酸齋$8 豬紅$10蒜香雞翼尖$10咖喱魷魚$14 米線$11 ，一碗麵$53 ，加$12轉特飲檸檬可樂。先講一下個湯底，咁落去真係有豬骨肥，而且真係唔咸。非常推薦豬紅，彈牙兩點入座都非常多食客，我同朋友一人一碗麵，加瑞士汁雞翼，同埋一碟油菜。明白點解食到三點離開餐廳，都仲係咁多人入嚟食，真材實料，食材新鮮，自然會留到熟客👏

平時都食開街口間咖喱店，見有新車仔麵店開左，便過來試試。星期六十二點鐘來到，每張枱都有食客，但都未算滿座嘅，不過店員示意在外邊等等，咁就等位一下吧。等了約十分鐘，終於有一張吉枱可坐，在門口已經睇好餐紙，立即落單先😋🍚梅菜扣肉飯家人點了碟梅菜扣肉飯，賣相唔錯喎。扣肉入味，層肥層瘦有口感，薄切食落唔會膩，梅菜吸了豬油又香又甜美，淨係梅菜都可以食一大碗飯了🤤🍜紫菜 + 振興墨魚丸 + 秘製牛筋腩 +油麵 + 牛腩汁 + 小辣自己就試下佢嘅車仔麵先，叫了三餸，份量幾多呀🥰湯底鮮味夠濃郁，加上辣醬更惹味。振興墨魚不嬲彈牙鮮味啦，秘製牛筋腩炆得夠晒淋，香口加上入口即化，正喎，油麵一大碗，好耐無食過一碗咁飽嘅車仔麵啦。🥬腐乳通菜叫番碟菜先，腐乳通條條菜軟又翠綠，加上多醬正呀😋🐟鮮炸鯪魚球即叫即炸的，聽住個廚房傳出炸野嘅卜卜聲，上枱時勁香同勁大球😆好似長州大魚蛋咁大粒，好香口又彈牙，咬落超熱呀，真係要等佢涼少少先食到。凍左縮返細粒少少，但都比一般食店嘅鯪魚球大粒㗎，同埋凍左都唔油膩，高質👍🥤凍鴛鴦 & 🍋凍檸茶正常凍飲啦，夠凍幾好飲。車仔麵好多餸揀，而且係店家調味製作，唔係得行貨，幾有誠意呀。

在元朗西鐵站附近，門面燈光光猛。好易睇得到！車仔麵餸料選擇非常之多，有好多新的款式例如是振興牛丸。凍奶茶 茶味香濃。車仔麵中很少見有凍紅豆冰有很多綿綿的紅豆 加上椰汁飄香撲鼻，很不錯👍🏻**車仔麵三餸一麵起我叫了五餸一麵。我選擇了：陳皮魚蛋、豬紅、豬皮、香甜蘿蔔、雞扒 配沙嗲汁。雞扒份量非常大，煎得香口，入味。豬紅：沒有豬臊味，亦都很滑溜。陳皮魚蛋：很久不見傳統式的陳皮魚蛋，魚蛋細粒但好彈牙，陳皮味濃郁，很好吃。白蘿蔔：炆得非常香甜及軟腍豬皮：沒有豬臊味，非常爽口，吸掉了濃濃的沙嗲汁👍🏻這碗有生菜、秘製豬軟骨、黃金豬頸肉 配咖喱汁。咖喱汁香濃出色，並不太辣。秘製豬頸肉很爽口，鹹鹹香香送面食一流。豬軟骨，吃起來肉質軟嫩，並帶有卡拉卡拉咀嚼的口感，而且含有豐富的鈣質和膠質。好食🤤推介指數：⭐️⭐️⭐️⭐️⭐️

最近去元朗見到一間新開嘅車仔麵除咗有傳統車仔麵嘅配料之外，仲有振興丸類，一於試吓先！叫咗一碗 出前一丁沙嗲汁車仔麵廚師腸、漢堡扒、豬腸、振興牛丸、雞扒雞扒真心有驚喜！煎到金黃色，大大塊厚肉，好香口豬場洗得好乾淨👍🏻口感爽口振興牛丸出哂名好食，用真牛肉打成肉丸，多汁爽口另外一碗叫咗 米粉配腩汁車仔麵揀咗陳皮魚蛋、振興牛丸、振興韭菜餃、振興墨魚丸陳皮魚蛋，好多粒一碗有10粒🤣好滿足振興丸類同餃類都非常出色，真心唔會失望呀！瑞士雞翼都好入味🤤雞翼大大隻潤暉車仔麵 元朗合益路10-28號好景洋樓地下9號舖

今晚三個人去食，食物質素好，選擇性可以，味道不錯，招呼非常好，相當有禮。隔離枱客人唔食得太鹹，老闆還特意送上一碗湯作調較！擔心泊車抄牌，老闆亦幫手留意交通情況！價錢合理！

試試新開張·潤暉車仔麵今日行經見佢新開 就入去試下佢🤤豬三寶麵（時菜、豬皮，豬紅，豬腸）$48 特飲鴛鴦紅豆冰+$6叫左個豬三寶車仔麵 $45蚊有4個餸🫶🏻 時菜、豬皮，豬紅，豬腸 ！叫咗個中辣，牛腩汁 ，豬腸好味道非常入味、豬紅就清啲，但係都好新鮮！送熱飲，特飲跟餐只係加$6就叫咗鴛鴦紅豆冰，味道濃郁唔錯😌梅菜扣肉飯$48 特飲鹹檸七 +$6見佢有頹飯食😂叫咗我平時最愛嘅梅菜扣肉飯，佢啲梅菜醃得好好味，甜甜地，一啲苦味都無！呢個頹飯有驚喜，出色👍🏻然後再叫咗三個小食🫶🏻沙嗲牛柏葉$32沙嗲汁味道香濃，牛柏葉非常新鮮爽口！份量都好多，呢個抵食🌟韭菜豬紅$20呢個味道呢比較清淡啲，但係我鐘意，食落新鮮，唔會太多調味料👍🏻腐乳通菜$18通菜爽嫩，煮得岩岩好， 甘大碟都只係$18蚊 ，呢款就性價比高👍🏻學生就有九折優惠，可惜不是我🫣 原價都係平常車仔麵嘅價錢🤭可以可以一試，沙嗲牛柏葉同埋頹飯都係我覺得好食㗎👍🏻潤暉車仔麵 (元朗)📍元朗合益路10-28號好景洋樓地下9號舖

當人人都去排隊食人龍車仔麵，比我表姐發現呢間新開嘅車仔麵，喺附近拍咗咪錶，就行過嚟食。兩點已經過咗繁忙食飯時間行入去就有位。一人一碗車仔麵 。蘿蔔，蒜香雞翼尖，秘製牛筋腩 咖哩汁，小辣 米線$43 冇諗過咖哩加少少辣係咁過癮，咖哩汁好香好嘢味，蘿蔔清甜，蒜香雞翼尖比X仔涼粉更好食。另外一碗米線豬紅蘿蔔豬大腸 牛腩汁秘製辣汁$43 個辣汁好正，豬紅新鮮彈牙，鳳爪新鮮自製非常驚喜。另外單點兩款小食 酸齋$20 非常新鮮軟淋瑞士雞中翼 $24 ，唔會好咸又入味。仲有自家製辣菜脯，好香口。一定會再幫襯。

😤😤😤果日2個人 買左2個外賣（一個招牌麵配米粉，一個豬三寶河），我哋一個有着校服，一個冇着校服。買完先見到佢有個牌寫住學生有9折，咁我哋問佢係咪9折，落單個阿姐入去問咗入面個呀姐，出嚟同我地講冇折，話過咗時間😳😳我話下，有分時間嘅咩？咁佢入去再問另一個阿姐，再出嚟話 而家冇啦，我問點解，佢又再入去問另一個呀姐，今次話得事既呀姐，就出嚟同我講話下次要早啲講，一個有着校服有九折，一個冇着就冇折，要分單，而家打咗單，所以無得折。我話麻煩咁你地再打過啦，我都係買完先見到個牌有折。咁佢唉左聲，就返去再打單。出嚟仲同我講，下次要堂食先有😳😳……但你地個牌唔係咁寫架wo…..😤咁都算啦，返到去打開個豬三寶河，碎河黎架wo😤😤仲有，買左2個外賣，分別收左2次$2， 但湯就得一碗（因為2個麵佢分左湯），錢就收2份食野唔係錢的問題，好食都算，河粉又碎既，食到谷鬼氣😤😤😤