潤潤麵 (已結業)

一直以來都好喜歡到維記食佢既豬潤湯底既野佢既豬潤湯最夾通粉 麵次之 米粉最後。一路以為要食只有維記， 因為太子果間都冇咁鍾意。今日上日文之前搵搵見到有呢間評價不錯的就試一試。間鋪裝修得唔錯 乾乾淨淨的樣子。有唔同既餸搞 同堆 麵 仲有小食。湯底佢有三款 豬骨濃湯，豬潤湯底同蕃茄薯仔湯底呢個大家可以睇其他朋友影既點菜紙我自己就叫左呢個香茅雞扒（$40）加煎雙蛋（+$7）出前一丁（+$3）配豬潤湯底太耐冇食所以加左一丁👍佢個豬潤湯店 薑味冇其他同類型餐廳咁重，我唔係咁鍾意 因為我愛薑味。但係豬潤味好濃既 同埋店主主張唔落味清，不錯。香茅雞扒好好食 雞扒煎得好香 放左落湯一樣仲好好食煎蛋同一丁都同呢個湯底夾不錯。我女友就點左潤餐一丁潤同餐肉都好好食～ 總括 值得推介

這日放工約了朋友，但還有時間，覺得好肚餓，經過這間小店前，見到一大個黃色招牌，寫住“潤潤麵”，比它的招牌吸引，於是走到這店，見到門外玻璃貼住新假期介紹我至愛的豬潤麵。我便急不及待入內，有個店員很熱情介紹店內的美食，最初我坐在bar枱的位置，點了食物後，才發學椅子太高，坐得不舒服，便同店員講想轉位置，店員態度好好，幫我轉位置，如果在某些餐廳，一定比我人鬧。入到店內覺得好乾淨企理，牆上寫上是日精選。用這張餐單紙落單，寫低自己想要的餸、湯底同麵。我點了碗豬潤麵豬潤湯底。$35 再加一杯飲品熱細路鴛鴦 +$5 豬潤數量適中，如再多些會更好，麵小了點，豬潤爽滑冇腥味，再配上薑同蔥，連埋個真材實料的豬潤湯底，入口清甜美味。隻碗印有可愛豬（店鋪圖案）。見個名很有趣“兒童鴛鴦”便一試，好立克+阿華田我第一次試，都幾香幾好飲。見隔離枱叫了這個香煎雞尾包好香，我便點了一個$15，好香口好味值得一試。價錢實惠，乾淨，下次都會再去

一個人在佐敦附近，很快便決意午餐要吃麵食。看見這間應該尚算新開的麵店，便來個quick lunch吧。中午十二點未夠，店內有六七個都是一個人來吃的，店內有兩三張大檯和高檯，也是主打單身客。既然店名以潤為名，那我便試一下酥炸牛油雞翼&豬潤麵，再加杯細路鴛鴦。55元，其實我最初覺得有點貴，但食物來了以後便也覺得值得。先來的細路鴛鴦，阿華田加好立克，恕我見識少，真的沒有聽過，效果亦不錯（加上自動少冰）。酥炸牛油雞翼&豬潤麵，首先那個碗的size已經令我有點surprised，而且不是湯多而已，我點了公仔麵（其實是大光麵），份量感覺比平日茶記早餐吃了還要多！湯底選了蕃茄薯仔，喝/吃得出很足料及濃厚。豬潤我是覺得普通，但最喜歡是那酥炸牛油雞翼，一上菜看見那非常大隻及香脆炸漿，即使我在吃之前已經有浸在湯一會，咬下去仍然超級脆！當然，正喉嚨痛的我罪惡感指數爆燈，而且整個午餐份量超多，吃飽後的下午對於我這個上班族而言是很痛苦的一件事...

Went here because they had this pork liver bun with spring onions and ginger. If only the pork liver was as good as the one in SSP then it would have been heaven.It would probably taste better if they use spring onion oil from Chinese roasts instead of grilled spring onions.Anyway, the pork chop was so big that you really needed a knife and fork although you can tackle it like a canine!!!!!!!!!!!!It also annoyed me that the tasty pork chop was served in soup as it softened the the crispy surface

今天天氣涼涼地，一於行遠D去試試雜誌介紹的豬膶麵。這小店約有廿八個座位，而餐牌只有一張紙。麵食由$35-$40不等，另設小食由$15-$25等。平民價錢定位。豬膶鮮牛水晶粉（番茄湯）$39這湯底茄味十足，有鮮蕃茄同洋蔥，味道酸酸地有D薯仔味，細味之下，仲有少少薑的辛味，十足住家風味。而豬膶有三片，可惜煮得有點老，所以囗感比較鞋有點粉；鮮牛肉切得比較零碎，無乜調味，有少少韌。而水晶粉都幾特別，有點像米通粉，口感滑啫啫，吃罷沒有飽滯的感覺。豬頸肉粉$40（清湯）豬頸肉有數片，切得薄薄的，入口唔韌。除了豬頸肉外，仲有少少肉碎，米粉份量唔少。奶茶$+5奶茶是港式風味，茶味十足，用上黑白淡奶，入口順喉滑溜。可能期望大，吃完有點失望。豬膶麵還是維記做得好D。

係facebook見到有唔少好評 所以黎試下 發覺真係好一般 唔洗專登黎食叫左兩碗麵(豬潤水晶粉豬骨濃湯、豬潤米線蕃茄薯仔濃湯）同薑蔥鮮潤包豬潤水晶粉豬骨濃湯 (加蛋）HKD39豬潤正正常常 唔會有腥味 而水晶粉係普通嘅長通粉 食落有啲過淋 而豬骨濃湯一啲都唔濃 好淡 結果食淨半碗 因為冇咩味實在食唔落豬潤米線蕃茄薯仔濃湯 HKD35現場所見 食蕃茄湯底嘅人比較多 但都係唔太夠味 同係其他餐廳食嘅味都係差少少 但比豬骨湯好 薑蔥鮮潤包 HKD20哩個包反而唔錯 份量適中 而且係新鮮整出黎 終於有番啲味 鐘意食豬潤嘅都應該鐘意食 總括黎講 對麵可以唔洗抱有咁大期望 唔算特別 其他餐廳有更好選擇 但環境唔錯 都乾淨

去完尖沙咀行街，想食個 early dinner, 不過唔想迫又唔想貴, 就行咗去佐敦. 廟街一向多選擇, 我哋行咗成個圈都唔知食乜好. 行過潤潤麵有個阿姐好熱情咁介紹, 佢主打係豬潤, 不過都有其他choice. 我哋見價錢實惠, 佢又話D湯真材實料, 咁就入去試吓. 有張落單紙, 可以揀自己想要嘅餸, 湯底同麵. 我知道豬潤有好多營養, 不過都有膽固醇, 雖然好鐘意不過都要收劍吓. 要咗個煎蛋蕃茄湯麵 $35, 雞扒豬潤湯麵 $40. 同一個豬潤薑蔥包 $20. 麵嘅份量幾多, 番茄湯幾thick, 幾香濃. 個豬潤湯堅係真材實料, 好有住家湯feel, 配麵一流! 個豬潤包係有煎過嘅, 外脆內軟, 入面夾咗D煎得好香嘅薑蔥豬潤, 好鬼正. 略鹹咗D, 不過都好満足!

一年365日，有四份之一時間女仔係流住血咁過既。你真係咪話女人唔補好易無無青春、無精神、無你乎!揾到呢間豬潤小店，其實係因為灘叔之前有係佢FB share過呢間小店，好奇心之下去試試。上網睇評語D人大推佢既蕃茄薯仔湯底，咁就等我去試試喇!餐牌薑蔥鮮潤包$20雞尾包夾上唔少豬潤，而且豬潤經薑葱爆過，唔單止無腥味，仲多一份香氣！豬潤入口算鮮嫩，唯獨份量有點小，兩口就食哂。豬潤湯麵配 雞扒雙蛋 $40佢既豬潤湯底好清甜，一D都唔油。平時外面食到既豬潤麵都會浮起D泡沫，欣賞佢地湯煮得夠細緻。蕃茄薯仔湯通粉配 豬扒鮮牛 $40鋪頭Sell用新鮮材料，不加味精，而呢個湯底都飲得好舒服。平時岀街食完飯，都會口喝飲幾杯水，但呢度真係無喎！欣賞鮮牛好味無渣，豬扒都唔錯。飲品有個叫細路鴛鴦 (餐+$8)個名幾得意，原來係阿華田+好立克，都幾搞笑喎！飲得岀好立克既奶味同阿華田既香，可以一試

鮮茄薯仔湯好味！有薑味😍😍😍 早餐有豬潤麺好少見！店員有禮友善！雖然落錯單但好快糾正！不過選擇甚少🤔🤔🤔希望多d吾同野食佢地話試業，等我再試多幾次，希望水準keep到！