影片
港铁西营盘站 B1 出口, 步行约4分钟
继续阅读
电话号码
25496088
营业时间
今日营业
07:30 - 17:00
星期一至六
07:30 - 17:00
星期日
全日休息
以上资料只供参考，请与餐厅确认详情
呢間舖頭不嬲都好多人排隊，永遠都有一條人龍喺度，想食佢真係有啲難！今日剛好經過西營盤，見到有四五個人，馬上排隊！真係未試過可以排隊5分鐘就有得食！大開心了！嚟到潮州人，應該係食啲豬什，但今日反而好想食牛，所以嗌咗三餸配米粉，揀咗牛筋、牛腩同鮮牛肉！再叫咗一份鮮牛油多士，再配埋杯凍檸茶！就係一個完美嘅午餐！店員喺5分鐘後就即刻送上食物，份量都幾大碗！見到米粉上面鋪滿好多餸，最開心嘅係有西芹碎喺上面，我即刻加咗啲冬菜，再配埋佢秘製嘅辣椒油！真係好正！湯底飲得好舒服，加上濃濃嘅西芹香味，真係好好味！首先講吓啲牛筋，真係好正！軟腍腍得嚟，又醃得好入味！正！跟住就到牛腩，呢個反而有啲失色，有少少嚡口，下次可以叫第二樣。跟住就到鮮牛肉，呢個真係冇得頂，嚟到仲係有啲鮮粉紅色，證明啱啱淥起，啱啱熟，軟腍得來唔會過老，而且又好重牛肉味！呢個係值得推介！佢嘅辣椒油亦都係一絕，非常之辣！而且又好香！最後加埋鮮牛油多士，食到又熱又凍嘅感覺，真係好match！今日真係不枉此行！
继续阅读
想試好耐，終於，唔洗排隊添，賣緊既特製辣椒醬已經預訂到一月，so crazy本身好鍾意河粉，牛腩新鮮，一啲都唔肥，湯既鮮味足，本身好怕會太鹹，但係 so far 味道適宜如果路過肚餓，一定會再入黎食
继续阅读
已經食咗好幾年每次嚟都要排隊有時早啲放lunch 11.9嚟到就可以排少啲😂通常排隊嘅時候阿姐已經會出嚟問你食乜所以可以一早望定揀咩餸通常我都會叫豬潤牛肉入到去坐低嘅時候等多幾分鐘就可以有得食湯底絕對一流有啲似冬天食胡椒豬肚鍋嘅濃縮版每次我都會飲晒啲湯先走豬潤同牛肉都係煮到啱啱好牛肉帶少少粉紅再浸吓湯就剛剛好有肉味 亦都唔會「那」得過分豬潤薄切，但係份量都幾多辣椒油自家製 相當香辣超多人預訂，而家訂已經到下年一月才有我見有客一口氣訂左十樽另外試過鮮油多真係一般塊牛油薄到上枱嘅時候已經融哂
继续阅读
西環達濠仔。門口長龍有氣勢。正宗潮汕味。對個口。fit個胃。唔啱傾偈。人聲鼎沸。一碗豬潤粉腸河。不怕肥。材料份量足。等一陣就嚟。可惜座位編排太無稽。面壁制唔制？玩自閉。遇上抄牌。魂魄不齊。服務員前仆後繼。專業自成一系。豬潤薄切不贊成。三十六計。慳皮閉翳。厚切口感冇得揮。粉腸畀得大方。其實此物矜貴。粥品麵食舖。列為高消費。河粉太冧。很難補飛。另碗魚蛋豬潤粉。只論魚蛋數量。其他免提。得兩粒。包你唔會滯！香港魚蛋。蜚聲國際。老細！
继续阅读
有次我入去，見到仲有兩枱客食緊， 之後話唔做生意了，就快收工， 我出返去，個侍應姐姐好惡咁鬧，踏污糟曬個地下 ，好奇怪莫非嗰兩枱客食完走嗰陣時又唔踏污糟個地下？ 個惡侍應姐姐放工時， 行出去又唔污糟個地下咩？莫非惡侍應姐姐係飄嘅？？？
继续阅读