潮州合成甜品

营业中

休息中

約會最完美既一環點少得有糖水做結尾🧡🧡中式糖水就最得我歡心🫶🏻•冰花綠荳清心丸🍧凍冰冰連埋起沙既綠豆糖水底一定要有埋不能少得既清心丸好滿足♥️♥️♥️

合成糖水呢間連何家小姐都光顧的老字號糖水鋪真的要試一試！我地11點半揸車黎都系超多人。而且呢間舖頭的侍應好有禮貌，耐性解答，而且都好快手。美中不足就系檯面好污糟（不過可能太忙啦～）我地叫左 一個黑芝麻糊 $ 27 和 一個馬蹄爽加清心丸 $31.價錢黎講，中規中矩啦，偏貴少少。不過算啦，貴極都系貴幾蚊～老實講，黑芝麻糊好難食～ 好水，完全唔系糊狀的。而且味道好奇怪。不推薦。至於馬蹄沙加清心丸，好食！呢個糖水都幾特別，之前未食過。而且口感，甜度都非常出色。如果唔抗拒馬蹄的話就要食下啦！

🔹九龍城//九龍城龍崗道9號地下🔹人均約$40🔹▫️綠豆腐竹馬蹄沙清心丸 $43超級消暑解熱嘅糖水😋😋馬蹄係食唔到一粒粒淨係食到個味好似湯☺️☺️好考功夫😍清心丸超級超級推介，好煙韌類似小丸子嗰種咬口，但係係透明嘅🤭🤭好QQ🤭朋友推介下次食綠豆邊會比綠豆更加好食下次試吓先！🤫🤫🔹好飽評語成個勁多次嘅合成！超級推薦大家去食🤭🤭平靚正！而且光速出餐超級快基本上5分鐘內糖水就到🤣🤣而且好多款中式糖水揀，冰花超正涼浸浸夏天必食❄️～其中薏米同埋蓮子都好好食㗎💕🧠回頭指數：🔟🧏🏻‍♀️打卡港女：6️⃣🌬冷氣溫度：8️⃣🚽廁所評價：5️⃣🧾性價比呢：🔟

冰花綠荳清心丸又係我每次黎必點既例牌天氣熱熱地食返碗冰花綠荳起沙既綠荳仲要透心涼 即刻消哂薯仲要配埋最愛既清心丸大滿足 好幸福🫶🏻🧡🫶🏻🫶🏻🫶🏻🫶🏻🫶🏻

這間位於九龍城的老字號糖水店，無去咁多年，仍然爆枱要等位，坐位仍是爛爛地，斜斜地的木版卡位，真係唔敢亂動😅 但勝在夠傳統。今次叫咗綠豆邊薏米馬蹄沙🍵，粒粒馬蹄勁爽口，綠豆又清熱氣，凍的整體不太生👍🏻 蓮子雪耳清心丸😋 煙煙韌韌有質感！

本身甜水就少食重要傳統重要潮式印象中就未試過🙈腐竹意米清心丸(熱)個名真係表達曬所有材料🤣入口先甜之後先有 腐竹味底就有意米，夠琳👌🏻腐竹就一條條個人喜歡既有咬口🤨結 : 偏甜不過腐竹味夠濃#腐竹意米清心丸#潮州合成甜品

經常食完晚飯都有糖水癮😏， 今次又去九龍城揾食🤤，到潮州合成甜品，位於九龍城龍崗道9號地下。 餐廳是一間老字號的糖水舖， 餐牌上有各款不同種類的糖水，我們點了椰汁黑糯米$32、 綠豆蛋$32。 🔸綠豆蛋 ～ 綠豆沙加蛋， 綠豆沙有沙質口感， 清爽香甜又綿密。 🔸椰汁黑糯米 ～ 甜度剛好， 黑糯米口感軟靭， 配上椰汁一起食， 增添風味。 糖水做得幾出色， 下次試下其他款式 👌🏻。🏷️溫馨提示～ 整個用餐體驗均屬個人分享意見， 只作參考😊。    

冰花腐竹雪耳清心丸 $36第一次食清心丸，食落有少少煙韌，不過冇咩味🤔入面有啲細細粒嘅冰糖，仲有好多雪耳，不過個糖水底有啲淡，其他配料都冇咩味，如果再甜啲就好啦🤫蓮子雪耳圓丸燉百合 $34碗糖水係用個細燉盅裝住，蓮子雪味道正正常常，都算幾足料，甜度啱啱好，食落覺得好養生😄 椰汁黑糯米 $32椰汁喺係糖水最上面一層，質地比較杰身，好香椰汁味，黑糯米非常煙靭😋-潮州嘅糖水整體比港式糖水冇咁甜，可能會比較啱啲食得較淡味嘅朋友🫣-味道: 6/10服務: 7/10環境: 7/10回頭率: 6/10總評: 6.5/10💰人均消費: $30-40

今晚於九龍城泰國餐廳食完飯後，家人意猶未盡，想食潮州合成甜品的糖水，我地就慢慢行到位於龍崗道，但見到有好多人等候堂食，所以我地決定外賣返去元朗。蓮子百合雪耳湯 - 見到百合有啲“黑咗“。清心丸綠豆沙 - 第一次試清心丸，煙煙韌韌的感覺，幾特別。平時食開廣東式的糖水會較甜，而潮州式的相對係無咁甜，不過除此以外，合成的糖水對我來講其實似乎並無特別，或者我並唔識得欣賞，所以我決定下次一定要再去試下其他的糖水或甜品。

📍地理位置方便，隔離街便是港鐵站宋皇臺出口，門口亦有咪錶位，不少駕駛者會專程來九龍城吃泰國菜和甜品。🪑平日晚上7:00，兩層的店舖，這時間人客不多，暫時只開放下層。可能因為地鋪沒有趟門，冷氣好弱，人人都想搵風扇位💦👅以前這裏是出名「清心丸」，是潮汕特色的小食，大小像芋圓，口感似珍珠的水晶晶煙韌顆粒。這店的特色是好似車仔麵咁食糖水，換言之，可以加配加配，拼湊配搭出你想要的味道。📒不過最難的是睇餐牌，他把所有可行的配搭全部列出來，所以寫得好冗長，完全不是清晰易明，令人難以揀出想要得選項🥲🥣🥣🥣🥣🥣🥣🥣🥣🥣當中最簡單又好味的是<馬蹄沙 $27>（6號）簡簡單單的經典！熱的、都幾大碗，清甜的糖水，甜度適中！內附大量手拍、粒粒大小不一的馬蹄粒，清爽的口感，每啖都有馬蹄粒，係細水長流的感覺 😍另外，中意煙韌清心丸的朋友，可以加，不過幾錢點計？就要問牙姐，我都搵唔到，只知凍就加 $1 😅他在雪櫃裏分好了一碗碗地雪凍各款糖水。。<腐竹薏米 $31>（10號）另一款傳統糖水！奶白色，幾白濃豆味，好多腐竹融化在糖水中，可是惜今日就甜左啲。裡面仲有好多生&熟薏米，都幾飽下。

一間老字號舊式糖水專門中式糖水，招牌清心丸一一一清心丸的確系唔錯，煙韌彈牙，又軟滑糖水方面就只系一般般了當然唔難食的，只系普普通通，食唔出用心既味道一一一價錢也不是平的

幾年前食過一次合成嘅腐竹清心丸，覺得幾好食。特別清心丸，煙煙韌韌，質感好正。幾年後嘅今日，去九龍城買野，就淰住順便買一碗食下。見到有個招牌糖水，麼都有，就決定買佢。外賣加埋盛惠61蚊，都幾貴下。外賣到果陣，都呆一呆，已經有種不祥嘅預感，同我幾年前買3×蚊個碗有麼分別？我呢個61蚊嘅喔，就算唔大一倍，都一定唔係呢個size啦。返到屋企打開，我直頭係火火地，我明明叫凍嘅，佢居然比左熱嘅我，出面30幾度返到屋企全身汗，你仲比碗熱辣辣嘅糖水我食，無野嘛？我同屋企人講，呢碗野61蚊，佢地呆左，問我邊度買嘅，叫我下次唔好再買。最無言係後面，熱都算啦，等多陣無咁熱先食，居然完全無味，所有配料都係麼味都無架，好犀利。最經典係，食清心丸就係要食佢煙韌質感，而熱嘅清心丸，質感同啫喱係完全無分別。呢個真係無下次。

🍽 潮州合成糖水📍 九龍城龍崗道9號百合蓮子清心丸👾小編認為百合蓮子清心丸係成個合成糖水裏面最好食嘅糖水。蓮子超級鬆化 ，一啲都唔硬，而且糖水好清甜，超級值得推薦冰花綠豆清心丸🐻呢一個糖水係佢哋嘅招牌之一，綠豆味道好出，最重要係個清心丸。清心丸味道有少少似蒟蒻，雖然清心丸冇乜味道，但係配埋綠豆沙，有一種清涼嘅感覺。冰花蓮子紅豆清心丸👸🏻紅豆沙份量好充足，每一啖都有紅豆沙 。蓮子唔使講就一定係超級鬆化，同出邊食嘅蓮子一啲都唔同，再配埋清心丸，絕對係適合每一個需要補血既女人去食。環境：💛💛💛3/5衛生：💛💛💛3/5食物：💛💛💛💛💛5/5價錢：💛💛💛💛💛5/5 ($105/3=35)P.S. 夏日炎炎當然要食一個冰凍嘅糖水啦! 我哋十分推薦合成！中式糖水黎講，佢真係做得十分出色。去合成糖水唔食清心丸等於冇食過。而家傳統嘅糖水小店寥寥可數，合成價錢又合理又好食，份量又充足，切勿錯過。👍🏻

多年無食,突登去買, 芝麻糊竟然食到有馬蹄,亦覺得唔好食,無下次了,真係好多間好食過佢,真心失望!多年無食,突登去買, 芝麻糊竟然食到有馬蹄,亦覺得唔好食,無下次了,真係好多間好食過佢,真心失望!

自細喺深水埗長大，兒時幫襯開嘅食肆，剩返「合益泰」、「公和」同埋「合成」等幾間，買少見小。不過，「合成」就好多年前就已經搬咗去九龍城，喺舊址「清真牛肉館」旁。今晚嚟「清真牛肉館」食晚飯，好想食嘅咖喱牛腩竟然沽清，意猶未盡，想起隔兩條街嘅「合成糖水」，順路探訪。「合成」賣嘅係潮式糖水，佢哋有一種潮式糖水料叫清心丸，喺外面嘅糖水舖較少可以搵得到。清心丸呈方糖大小嘅透明形狀，咬落口感非常煙韌，喺嚟「合成」必叫嘅選擇。基本上，所有嘅糖水湯底及配搭嘅糖水料，已一早分開煮好盛起，待客人落好單，再合併成各種口味嘅糖水，所以，我成日諗，間舖頭名，係咪由此而來？今晚叫咗兩款糖水，分別係清熱百合綠豆清心丸👍🏼👍🏼👍🏼👍🏼👎🏾綠豆沙加咗臭草，好清香微微帶甜，食落感覺好下火，加埋煙靭嘅清心丸，完美配搭。冰花蓮子雪耳西米👍🏼👍🏼👎🏾👎🏾👎🏾落單時，侍應姐姐問落唔落奶同埋冰？原來啲冰係用冰粒，冰粒略大，如果可以改用沙冰，可能效果會仲好啲，而奶就用上咗花奶。可能煮蓮子嘅糖水，落得重手咗，食落略甜。幾羹過後，竟然撈到蚊螆一小隻。其實老式食肆好多時，味道未必會係好特別，我們更多的是慶幸，喺時代巨輪下，還偶有機會可以回味