潮州合成甜品

营业中

休息中

小時候我就喜歡食甜的東西，糖果、雪糕、可樂，總之是無糖不歡。但我最喜歡的，還是媽媽煲的中式糖水，番薯腐竹、紅豆沙、芝麻湯圓，每樣都是我的童年回憶。所以我現在在外面煙韌食飯後，也總喜歡找家糖水店食碗糖水。今天在九龍城晚飯後，總覺得差點什麼，便到合成食糖水。我算是合成的常客，尤其喜歡他家的清心丸，軟糯煙韌，感覺口感比台式的黑糖珍珠有過之而無不及。這次就點了一個腐竹雪耳清心丸糖水，一碗糖水下肚，晚餐後的嘴饞也得到了滿足。儘管長大後我已沒那麼喜歡吃甜的，但這一碗中式糖水還是無法抗拒，可能這就是媽媽的味道吧！

雖說沒回潮州很久很久, 作為潮州人的我, 要在香港尋回潮州人的味道, 九龍城自然是不二之選. 首先去黃明記吃自家製的墨魚河吃午餐, 然後去貴嶼仔和記隆買白皮綠豆沙餅, 再去創發或樂口福吃晚飯, 最後再去合成吃潮州甜品, 就是充滿潮味而又飽足的一天. 說到合成糖水, 其主打的潮式糖水幾十年不變, 沒有任何西化, 在西式甜品主導而港式糖水店日潮萎縮的情況下, 可說是難能可貴.潮州糖水和潮州粥很似, 外表未必很花巧, 但份量十足, 吃得滿足. 連芝麻湯圓也比其他糖水店更大, 芝麻餡更多而外表更飽滿. 皮有點厚而芝麻餡味度香港濃, 口感顆粒感比其他明顯, 未必每一個人也喜歡, 但相當有自己風格. 綠豆邊清心丸同樣是徑典的潮州糖水, 其實清心丸由城鵝粉製成, 本身口感煙韌但沒甚麼其他味道, 但加上綠豆糖水, 上面再有冰塊, 冰涼甜爽的味道和口感, 也許真的能夠去心火而”清心”呢!

今日係新蒲崗食完dinner,但又想食糖水，於是就行去九龍城食糖水。是日都好熱，行到過去都身水身汗，好在食既夠曬清凉解暑即。我叫左腐竹薏米清心丸，清心丸夠煙韌，口感一流，另外佢糖水都有碎冰，令糖水清凉，但每一啖都食到好多碎冰，個人覺得口感唔太好。

喺九龍城食完正餐，多數人都會嚟呢間糖水舖食埋個飯後甜品🍮好耐之前嚟過，不過嗰時唔識欣賞，最近先知原來清心丸係煙韌type，所以再過嚟試下😆·<潮州綠豆邊清心丸> ʜᴋᴅ 35清甜嘅糖水，綠豆邊煲得夠淰但又唔起沙😋清心丸大大粒，甜甜哋，真係非常煙韌🤩·<芝麻糊> ʜᴋᴅ 28聽聞食芝麻可以生髮/烏髮(?)甜度適中，如果薑味再重多少少就更好🤏🏻·<冰凍椰汁黑糯米> ʜᴋᴅ 33其實即係椰汁紫米露🥥我就覺得表現正常，比起其他兩款糖水更甜

💙潮洲合成甜品💙冰凍椰汁黑糯米加湯圓。睇張相就知，真係成pat水咁😂 完全冇椰汁味。黑糯米都唔喺多，不過都叫正常。成碗野就係爆甜。留意番，加湯圓（$10）有2粒，不過係另外上，唔係放埋一齊架。冰花腐竹雪耳清心丸。腐竹有唔少，但唔知點解冇腐竹味，又或者話勉強有微微，不過都真係幾乎都冇。但有咬口。清心丸就正常，冇特別，完全冇人地話必食咁重要。成碗就真係似飲糖嘅水，冇味。另外就喺個餐牌。都真係幾唔user-friendly，睇落勁多款，其實只係啲款寫咗一次，加個‘冰’/‘冰凍’兩個字再寫多次，成件事就會變到勁亂，勁難睇。但係之後下面又再寫熱變凍加1蚊，咁其實只係需要寫1次就夠？簡單嚟講，佢地嘅糖水就真係得個甜字同貴字，冇其他。BTW，出到嚟真係見到勁多人係到排隊，都真係出名，但小編真係想知佢其實係出名咩？

呢日就食下啲傳統糖水舖，以前都食過幾次，因為好鐘意食清心丸😂🔸蓮子綠豆邊馬蹄沙清心丸合成嘅配料選擇超多，如果諗唔到食咩可以試下招牌！今次叫咗招牌加冰加奶配料煮到好冧👍🏻清心丸煙靭🤪淡奶底唔會過份甜膩🥰🔸腐竹薏米清心丸今次叫左凍，加左冰碎🥲個人覺得熱好食好多，綿滑啲，味道濃郁啲！平時都係食熱，今日天氣太熱頂唔順先叫凍🥲🔸芒果西米清心丸🙅🏻‍♀️芒果加水加冰碎同清心丸，好奇怪🙈黎呢到都係叫返啲傳統野啦😂

屯馬線開咗之後 即刻去左宋皇臺站潮聖 因為去九龍城真係方便咗好多😍 九龍城除咗食泰國茶出名之外 合成中式糖水都好有名氣 所以都專登試試！清心丸好特色 所以叫咗個 腐竹薏米清心丸 好有咬口🤣 又好消暑！岩晒係九龍城食完晚飯 再食返碗傳統潮式糖水🤪🤪🤪🤪🤪

合成糖水係九龍城區傳統潮州甜品店，有50多年歷史。叫了熱門的潮州綠豆邊清心丸，凍食既應該係在熱糖水中加冰。糖水有粒粒綠豆，清心丸，冰粒同花奶。綠豆同包糭用的綠豆一樣，但偏硬有咬口。清心丸透明質感煙韌，糖水甜度適中，係夏天消暑之選。P.S. 朋友的糖水中發現有小昆蟲，店家有即時換咗碗新，服務態度良好。

很懷念合成潮式糖水的味道。難得經過九龍城，明明已經飽肚都想食一碗。合成糖水口感依舊豐富，好似車仔麵咁可以有很多不同的食材組合，總有一款岩你口味！價錢跟以前差不多，仍然是30幾一碗。糖水略甜，假如可以減半糖會好好多。清心丸非常煙韌，自己係無辦法煮到呢個水準！總括來說，食得開心，因為這裡吃到懷舊地道嘅味道！

消暑必選【蓮子綠豆邊馬蹄沙】🍧話說𝚅𝚒𝚎𝚗𝚗食咗 #合成 咁多年都係好專一淨係食 #馬蹄沙清心丸🍡 百吃不厭❤️ 但最近氣溫高達📈 𝟯𝟲度....真係要清熱下火..特別成日食辣吃🥵所以肥仔就買咗.......🍧 #蓮子綠荳邊馬蹄沙〰️蓮子有維他命b, c ,鈣仔，仲有安睡寧神之用，所以好啱有失眠同埋減肥人士之選〰️綠荳邊...就清熱解毒...d好似𝚅𝚒𝚎𝚗𝚗嘅夜貓💤就啱晒〰️ 馬蹄沙....清熱解毒之餘仲可以降血壓🥶好消暑.🍧夾埋細細粒嘅沙冰食落口...wow真係好消暑🤩 特別適合去完沙灘🏖️郊外活動🚣‍♀️⛹🏽⋯⋯男女老幼都非常啱食..📌 潮州合成甜品 (九龍城)📍九龍城龍崗道9號地下

叫左一碗綠豆邊清心丸（細個碗38蚊），同埋一個綠豆邊蓮子百合薏米（大個碗53蚊），無味奶水佔左2/3，兩碗糖水夾埋91蚊，伏到一個點，啲料係1/3左右都唔知有無，淡，無味，細碗，唔知點解咁貴，起碼3十幾一碗，上次食無咁差，今次食完唔會再返轉頭。純粹覺得名氣過大，普通的舖頭都無咁稀，唔會咁淡，淡奶水真係好伏。仲要好大牌，啲阿姐係次次都西面的，我好少俾咁差評，因為落差好大，附近有其他選擇，想試下名物但真係好失望呢。

同朋友去開九龍城食泰國菜，佢就推介我去呢間傳統中式甜品店食糖水。第一次去呢啲舊式嘅糖水舖，見佢有好多款式，都唔知揀邊款好，最後就揀咗番薯糖水加清心丸同湯圓, 而我朋友就上咗紅豆沙加蓮子。佢哋調返轉糖水好夠薑味，可能有啲朋友會覺得好辣，但我都接受到，至於配料方面，佢哋嘅番薯揀得幾好，無根，而我幾欣賞佢哋嘅清心丸， 呢樣配料好少喺出邊食到，識落煙煙銀銀幾好食！湯圓方面就中規中矩，你唔會太厚芝麻味都好足夠。至於我朋友叫嘅紅豆沙，紅豆都俾得好足，食我亦都唔會太甜，蓮子亦都煮得啱啱好。總括嚟講我覺得呢間中式甜品店幾高質，如果冬天嚟食就更加好，食完個番薯糖水成身都暖笠笠。

食完晚飯突然好想食糖水男朋友話帶我去九龍城呢間好出名嘅糖水舖食甜品， 究竟有幾好食呢我都抱住好期待嘅心情想試吓～個menu真係有好多選擇，花多眼亂 成幾十樣糖水 我哋揀咗好耐都唔知食邊款好，淨係想每款都想試下，哈哈哈最後一人揀咗一款凍嘅糖水熱辣辣嘅天氣食番碗透心涼嘅糖水 真係好爽我嘅係 44.冰花蓮子雪耳清心丸男朋友嘅係 51.冰凍菠蘿馬蹄沙一上台真係o咗嘴，我冇諗過會咁鬼大碗哈哈，心諗～咁多點食得曬我碗糖水加冰加奶，冰就有好多真係夠曬凍，奶都有好多，撈勻嚟食勁大陣奶香味啱曬我呢啲鍾意奶嘅人啲雪耳真係超級爽口，食落去索索聲勁爽脆㗎！ 蓮子亦有勁多，食得出好新鮮清心丸亦有好多沉曬底，每一粒都好大粒 好煙韌超彈牙， 咬落去彈下彈下好有口感男朋友呢碗菠蘿馬蹄沙都好好味 啲菠蘿又係沉曬底，有好多塊每一塊都好大嚿，亦好甜好爽好冰凍

 綠豆邊清心丸 $35 綠豆邊 粒粒分明 綿得黎保留到少少咬口🉐 清心丸 好煙韌💯有嚼頭 同芋圓、珍珠相比， 會少左飽濟感✅必食😻 椰汁黑糯米清心丸 $37 黑糯米 份量頗多 軟糯唔過甜👌🏻 擂沙湯圓 $30 有五粒芝麻湯圓 🍡湯圓煮得太耐 無口感可言 好痴牙😥花生🥜同糖粉唔會好甜 但係都唔太建議試 除非中意食漿口粉團🥴 整體而言， 糖水甜度掌握得恰到好處 ⚖️唔會過甜 選擇眾多 配搭自由度高👍🏻係現時比較少有既傳統糖水舖 值得一試🥳

都有一段時間冇黎呢間潮州糖水譜，每次來基本上都係一定會叫清心丸，只差在用乜嘢配搭，究竟係就咁綠豆定係綠豆邊，又或者加唔加蓮子，諗起都覺得開心。不過今次幫襯，明顯少咗好多人，唔洗等又唔洗上角樓，唔知係唔係同佢d糖水質素下降有關呢？先講我最鍾意嘅清心丸，以前外脆內煙韌，今次就成pat野咁，朋友點的白果腐竹蛋，似乎稀咗少少，無諗過最基本嘅經典糖水都失手。希望今次純屬個別事件，係我唔好彩，因為呢間真係我心目中No 1的糖水舖。