潮庭 (太古城中心)

营业中

休息中

眨下眼又一年，哈哈，眨下眼就 3月﹗平時 HSBC 有個套餐，我地成日都點，所以大女話要食龍蝦伊麵，佢係個種去到一間餐廳，就一定要食某一啲野既人 (即是怪人)，所以今日無套餐，原價 $388...都要叫...隻龍蝦超細，平時以為是套餐，一分錢一分貨，今日原價食都咁細...真是幾離譜，下次唔係套餐一定唔會叫﹗ 其實...食返潮州野未好﹗鵝片好正﹗蠔餅好味道，今日唔記得叫走青﹗ 炸子雞，團年飯又點可以無雞呢？﹗ 因為...次次叫菜都中伏，今次叫個煲，諗住菜唔好味，都有魚蛋食下﹗ 蠔仔粥好味道，又係唔記得走青﹗ 今日廚師失手...超咸，連我平時食得幾咸既人都覺得咸...

今晚約了朋友到附近吃飯，在太古城中心逛下，見到有幾間中菜酒家！便走去睇下有咩好味小菜，之後和朋友揀選咗潮庭服務員為我們奉上茶同這餐前小吃，不錯的香辣爽脆，有花生、甜酸菜、木耳及青瓜粒加上小許的辣油⋯⋯蒜香炸子雞，很脆的外皮炸得乾身又帶濃香炸蒜粒，雞的肉汁不會太咸調味啱啱好肉質鮮嫩西蘭花炒鮮帶子，帶子鮮甜多汁不會硬實！西蘭花爽脆清甜伴佐蠔油同吃很好味整體來說：不錯的美味菜式並且地方舒服，服務員也很勤快

星期六、日家人聚在一起，飲茶最好不過。我們也是潮庭、翠園和西苑的常客。不過，不知甚麼緣故，最近幾個月去潮庭，發覺他們的餐具異常污糟，最初還以爲是偶爾發生吧了，自行洗洗便是。但誰不知次次都如是，而且越來越嚴重。今次一坐下，桌上的碗筷就是附圖的樣子，真嚇人！不但如此，酒樓內的洗手間一樣趕客。垃圾和廁紙散落地上，用完的廁紙也沒有人加添，跟酒樓的形象完全是兩樣！酒樓形象高尚，收費一點也不便宜，為甚麼清潔程度比屋村酒樓還要差？

好久没有吃潮洲嘢，今期潮庭推出信用咭優惠---潮式盛宴,加上要為至愛的老友記興生,就ㄧ行十二人,鐵定這個星期六晚上見識潮式盛宴。星期六晚,潮庭客似雲來,各路英雄,人聲鼎沸，都來爭奪這個盛宴美食。首失來個鹵水獅頭鵝五彩盤,鹵水味香。再來ㄧ個沙垃梅羔醬烤骨,烤骨份子雖少,但擺盤很美,帶來味覺及視覺雙重衝擊。假如眼球還没吃飽,再來一個擺盤精緻的翡翠蝦球伴炸豆腐。蝦味濃郁，這個原窩瑤柱螺頭燉雞,因着待應代為分派,賣相如何就不知了，但湯甜,螺肉鬆軟,就無庸置疑。蠔皇原隻鮑魚扣花菇:鮑魚,花菇,生菜ㄧ層層的重疊起來,就如盛開的花朵ㄧ樣,妙不可言,鮑魚肉鬆軟,鮑汁味香而不膩。肚子開始有飽的感到,而美食陸續有來。下ㄧ個菜的名子長長的,茶樹菇蟲草花碎蒸沙巴躉。再來的是潮蓮煙燻稻草鴨。這個莱連鼻子都照顧到。煙燻味剛好,鴨肉嫰滑,老少皆宜。銀線小豆苗，豆苗嫩囗。黃金煎伊麵,脆口非常。甜品鴛鴦甜晶包。最後奉上功夫茶,解油消滯,禮成。$2888這個價位,真是物超所值。

我從來食野都無咩所謂，但今次都忍唔到，叫碟牛肚，份量勁縮，問部長，佢地話係得兩三舊。仲要其他野都差咗，服務都差咗價錢，服務已不成正比，呢啲集團式經營嘅歺館。。。。。。。。。。。。。越做越衰

今個星期時間過得好快，又到左星期五同同事們一起吃午餐的時間。今次我地來位於太古城嘅潮庭我地食左十六七款點心，以下幾款值得出post跟大家分享熱辣辣，啱啱炸好，鯪魚爽口彈牙最喜歡食芋頭嘅我，當然覺得好味啦。呢款點心而家都好少酒樓做，估唔到我今日都食到呢款不錯，仲有少少藝術普普通通，勝在蠔仔夠多熱辣辣，真係會流沙架。食呢個要小心啊麻麻地，粉太多厚得滯浸鹽水食無咁熱氣，仲有少少臭豆腐味煎得幾靚，賣相滿分，如果韮黃多D就仲正我最愛的點心之一，入面係糯米來的

母親正日生日，又是星期五，一家晚上到潮庭吃飯。齊人已是八點，感覺枱與枱之間有點擠，也愈來愈熱鬧了，連自己說話也快聽不到。四個大人加一個六歲女孩，叫了一個信用咭精選四人套餐，再加家鄉炒麵線，和三個甜品（吃套餐沒有糖水送），吃得大家捧着肚子回家。最喜歡的，是家鄉炒麵線，不油，夠味。甜品杏仁芋泥真的一絕。其他的，沙律骨、湯、前菜，都是連鎖集團餐飲的一貫水準，沒有驚喜，但肯定不會嚇人。

今年媽媽的舊曆生日和冬至差一日，所以連冬至晚飯一齊吃，地點選了潮庭，價錢不太貴，食物質素好，坐得舒服，又近屋企，簡單點來講是『懶』囉，做女兒的就是有這個特權啦﹗必吃的鵝片﹗ 咕嚕肉是小朋友的最愛...不過我家 2位小姐口味奇怪，好多小朋友愛吃的，她們不吃，通常小朋友不吃的，她們愛吃﹗好彩今次大頭妹也有吃咕嚕肉﹗ 臘味炒芥蘭，芥蘭竟然有點老，以這個價位來講，好似 $98，真的不合理﹗ 蠔餅好好味﹗ 蠔仔粥今次真是超級好味...可能因為今次我記得叫 "走青"，沒有我最討厭的芫茜﹗ 臘味芋頭煲，味道還可以啦﹗ 炸子雞...我印象中好似好味﹗ 杏汁豬肺湯，每次都必叫的﹗ 最後仲有東海堂的士多啤梨蛋糕﹗忘記了名字，這款是用日本士多啤梨的，所以特別好味呢﹗小丸子不停吃士多啤梨﹗

好少來太古城, 估不到原來是這麼多人飲茶的, 已經放棄了美心皇宮, 因為要等20多張枱, 行多2 步來到同系的潮庭, 人比較少, 不用5分鐘便有位了.坐得好密, 不知道是否午餐的座位編排是這樣嗎? 椅背撞到別人椅背, 郁都唔敢亂郁.只得2口子, 不能點太多食物.白灼魷魚生腸牛栢業, 這款點心越來越少地方有得食了, 哈哈全是膽固醇高的食物, 都不能常吃呢, 份量都ＯＫ, 魷魚有鬚有肉, 生腸亦爽, 不錯!蒸鳳爪, 這個比較遜色, 啲醬汁好杰. 蝦餃, 大小適中, 蝦新鮮, 但d 皮就有少少穿, ok 啦!白灼芥蘭, 灼得都幾好, 啱啱少少淋, 跟這碟菜一起拿來是牒豉油, 咁我想要蠔油嘛, 就問侍應要一碟, 怎知她答我他們無蠔油, 我再一次問, "吓? 廚房無蠔油?" 佢真係答我無....聽到真係O 咀, 酒樓無蠔油? 真的有點不忿, 再問經理拿, 他便拿碟蠔油給我們, 之後那個侍應就避開我們的枱, 不經過我們.甜品係馬拉糕, 不會太甜, 又不太濕, 剛好, 就是嫌份量太多, 因為已經好飽了, hahaa!

初二食開年飯，聽阿妹話事去左潮庭。 要提早預約，因為酒樓booking非常full，大部分去既都係熟客，待應可以叫得出客人既名，令我好佩服。 餐具都幾grand 潮式中菜，各式都有。 前菜 飲返杯橙汁開心下 鹵水鵝拼盤，必點，鹵水鵝夠薄身又易咬，入口夠淋，點埋醋更好食。 紅燒豆腐煲豆腐外脆內軟，好多肉碎，醬汁送飯可食多幾碗。 鮑魚雞煲鮑魚細粒，雞亦好少，只係勝在夠惹味。 蠔餅蠔粒多，炸粉唔會好多，感覺冇咁油膩，都炸得幾香口。 我最愛呢度潮州魚旦粉，加埋辣椒醬好正，魚旦又軟又彈牙。 雪糕楊枝甘露有雪糕既楊枝甘露，甜甜地幾特別。阿媽都表示食得好開心😋

年初二一家人開年揀左去呢度餐廳既預約早已爆滿，相信質素應該有番咁上下。 餐牌好多潮式中菜，好多都好想試。 鹵水鵝拼盤，鹵水鵝夠淋夠薄身又易咬，其他餸就不過不失。 紅燒豆腐，豆腐夠淋，紅燒醬濃度適中，餸飯一流！ 蠔餅，夠薄身，炸粉唔會太多，入口煎炸感覺唔會太強烈，蠔仔都幾多，入口啖啖蠔，同埋冇食到有穀有沙。 鮑魚雞煲，呢個有少少失望，鮑魚得好少，而且個雞煲味道太濃，咸左少少，同埋雞都係偏少，冇下次。 甜品有雪糕楊枝甘露，好少會叫雪糕楊枝甘露，出奇地佢個芒果雪糕同楊枝甘露幾夾，同埋楊枝甘露好有咬，好食！開年食得唔錯，今年一定行大運！

叫得潮X潮X,通常我都會期望有一些美味既潮式點心可以食到,雖然呢度既潮食不多,但係總有心水.我以韭菜粿做評審.皮做得不算薄,韭菜餡味道不夠濃,下既肥豬肉不夠多,食起來就係唔夠香,而且汁液亦不多,食起來就是不夠美味.其他點心反而跟一般酒樓差距不太.所以來呢度唔好EXPECT有美味潮點

假日冇事週街hea....茶癮起....見勁多人排隊就試下la ..因為好多人等位..決定一路等位一路tick點心...咁一坐低就有得食la 餐具係藍白配搭..好靚....一點都唔似中式茶樓..好似去左飲西茶咁 一坐低前菜有花生, 甜酸菜, 同齋腸仔, 甜酸菜爽口, 唔會太酸, 腸仔雖然淡但有咬口, 花生好香脆, 花生味香濃, 個前菜有少少辣辣地, 不過唔食得辣的人都食到, 越食越開胃, 好耐冇試過差唔多清左盤前菜 主菜到 叫左潮州煎芋茸綠茶粿, 煎藕餅, 菠蘿叉燒包, 鳳爪, 珍珠雞, 菜苗餃, 水晶包, 魚腐千層腐皮 同咖啡糕潮州煎芋茸綠茶粿 - 本來以為粿會較硬同好甜....但呢個好清, 皮薄, 食落軟冧冧, 芋茸又夠多, 不過可惜用的芋頭唔夠香, 同埋煎得較油膩菠蘿叉燒包 - 菠蘿皮好香..外脆內軟..皮薄餡靚煎藕餅 - 入面有一粒粒的蓮藕粒....唔同出面食開的藕餅, 呢款肉比較多, 蓮藕較少, 口感彈牙而唔爽, 不過肉調味好好, 雖然係煎但唔覺油膩 鳳爪, 菜苗餃 - 鳳爪唔會煮得太冧, 啱啱好, 有點咬口又不至于入口即爛, 可惜味道唔夠濃, 菜苗餃有別一般酒樓

到潮樓飲茶，還是訂位好。因為太古多寫字樓，lunch hr是非常多人的。不過茶樓算闊落，不會座得太逼。枱與枱之間是有足夠空位。而且待應服務態度好，不會請你盡快結賬。至於點心當然較貴，始終受地段環境影響。整體質素不錯，不過個人認為小食較點心出色。蒜香牛仔粒，牛肉肉質彈牙富牛味，一吃就停唔到口。如果蒜片數量再名一點會更好。蛋白杏仁茶除了充滿杏仁香外，蛋白亦很香滑。最期待的，當然是功夫茶。每次一小杯，最先有點苦澀味，再飲帶點甘香。邊飲邊說享受茶香。

這兩個月先後光顧了幾間美心集團中菜，包括金鐘北京樓，中環重開的紫玉蘭，和昨晚的太古城潮庭，感覺一致：裝修很好，食物只能稱普通，有些更是差。昨晚五個人，六菜一湯，加三飯兩粉一甜品。菜有魚有肉有蝦有鵝，極失望是蘭度炒蝦仁，上檯已睇出是最低檔，雪到透明的蝦，入口完全無味；情況和北京樓及紫玉蘭完全一樣，有冇搞錯？以後是否要在美心集團戒叫蝦？牛肉都唔得呀，上次一口梳打粉，完全無牛味和質感。咁都一千一百元，物非所值。