潮林園滷味大王

营业中

休息中

最近搵到呢間喺銅鑼灣嘅老字號滷味店，一入門口已經聞到陣陣滷汁香！最吸引係間舖啲店員好老友，同客人有講有笑，成個feel好有人情味。一坐低就會即刻上兩碗湯，今日係霸王花煲湯都好奇問吓霸王花其實係咩，原來係潮州好出名攞嚟煲湯嘅植物招牌鵝肉飯真係大大份！啲鵝肉切得厚薄適中，肉質軟嫩多汁，最重要係滷汁入味到入骨！個滷汁有濃濃嘅五香味，加埋啲中藥材嘅香，令個鵝肉香而不腻。佢啲肉唔會有股雪味，睇得出係新鮮現滷。另外仲會有啲鹹酸菜墊底非常開胃小食雙拼嘅墨魚同鵝腸都係好料！墨魚夠韌夠彈牙，完全冇腥味，仲帶有陣陣胡椒香。鵝腸就軟糯香滑，一啲都唔覺肥膩，滷汁入味得好勻，食完唔會覺得太重口味。最意外驚喜係個潮州春菜，啲菜新鮮爽口，帶有自然嘅甜味。個湯清甜開胃，加埋少少胡椒粉，完全冇雜味。最正係佢啲菜煮得恰到好處，夠爽脆又唔會生，配埋滷味最啱！最欣賞係老闆娘對待客人好有誠意，每次都會問你食得慣唔慣，仲會介紹新出嘅滷味。價錢方面都好親民，一個人食飽飽都唔使百幾蚊，抵食到爆！

朋友推薦來銅鑼灣食潮州美食, 挑選了這間在地鐵站附近的-潮林園滷味大王。特別來吃這裏的滷水鵝肉, 非常驚喜！！<鵝肉鵝腸飯 $70>鵝肉鵝腸雙拼飯, 非常抵食, 只是70蚊, 鵝腸同鵝肉的份量非常之多, 鋪滿整碟飯, 鵝肉每一件都好多肉, 而且不會太肥, 鵝肉的滷水汁味道非常香濃入味。鵝腸入口爽彈, 而且同樣味道非常濃郁。<沙薑雞飯 $50>沙薑雞飯的雞肉, 份量很多, 以這個價錢在銅鑼灣區來講, 絕對超值。沙薑的味道非常突出, 而且還配有自家製的薑蓉, 值得推薦。<新鮮鵝紅 $48>鵝紅比較罕有, 竟然在此小店能夠吃到, 份量有一大碗, 醬汁味道非常香濃, 入口軟滑而有質感, 必食之選。<潮州春菜 $68>潮州春菜味道非常鮮甜, 菜亦極為新鮮, 配上腩肉片, 蒜頭和薑塊一起來煮, 清甜美味。<蓮藕眉豆豬骨湯>在餐廳叫飯, 還送上中式餐湯, 今晚是蓮藕眉豆豬骨湯, 材料十足。如果喜歡食潮州菜的朋友, 此店絕對值得再來, 特別推薦鵝肉和鵝紅, 做得非常出色, 真材實料又抵食。

講起「潮林園滷味大王」，你諗起咩？滷鵝？大腸？豬手？全部啱！但識食嘅老饕，一定會加多碟 「潮州春菜」！唔好睇佢綠油油好似好普通，佢先係成枱滷味嘅 「隱世MVP」，冇佢成餐都好似爭啲嘢！ 春菜係乜嚟？其實春菜係潮州人用大芥菜醃漬嘅傳統漬物，唔係普通菜心白菜咁簡單㗎！佢口感 「半脆半軟」，菜梗帶少少咬口，菜葉索盡滷汁，食落有股 「微甘帶酸」 嘅風味，超級解膩！點解潮林園嘅春菜特別正？滷水靈魂注入：佢哋唔係白烚㗎！係用每日新鮮熬嘅 「祖傳滷水」 慢火炆煮，滷汁嘅香氣完全滲入菜莖，鹹香中帶甜，仲有淡淡八角陳皮香！豬油渣神助攻：最正係面頭嗰啲 「脆卜卜豬油渣」！撈埋春菜一啖食，油香爆炸，鹹菜爽脆，邪惡到停唔到口啊～解膩神器：食多兩件滷鵝、豬手，難免覺得滯，呢個時候夾一箸春菜，酸香微微湧出，成個口即刻refresh！再戰三碟滷味都得！真心推薦你 春菜 食法！叫碗白飯，淋少少滷汁，鋪滿春菜同豬油渣，再撈埋滷味拼盤嘅鵝片、腩肉... 嘩！鹹、香、酸、爽一次過爆發，潮州人嘅comfort food就係咁簡單又上癮！

講起銅鑼灣掃街或者食碗熱辣辣嘅嘢暖下個胃，我諗起「潮林園滷味大王」！呢間鋪頭個名夠晒響，滷水出名就梗㗎啦，但係呢，佢哋有樣「韭菜豬紅」真係不得了，絕對係我嘅心水推介，每次去銅鑼灣心思思都想食返碗！你睇個名好似好簡單？韭菜 + 豬紅 咋嘛！但係佢哋就係可以做到咁出色！首先講個豬紅（即係豬血），真係一啲都唔「鞋」口，食落去係「滑捋捋」，好似豆腐花咁嫩滑，但又有啲微微彈牙嘅口感。最緊要係完全冇嗰陣令人怕怕嘅血腥味或者異味，處理得超級乾淨，食得出係新鮮貨色。再講啲韭菜，份量十足，絕不孤寒！咬落去係爽脆嘅，唔會煮到淋pat pat，仲保留住韭菜獨有嘅鮮香同微微辛味。呢種爽脆同豬紅嘅嫩滑，一啖食落口，兩種口感夾到「啱啱好」，真係好過癮㗎！重點嚟喇！靈魂所在係佢哋個湯底！唔係普通清湯咁寡，而係用咗佢哋嘅秘製滷水汁做底，再加埋啲上湯去調校。個味係香濃得嚟唔會死鹹，帶住啖啖嘅滷水香氣同微微嘅香料味，非常之「和味」。啲湯熱辣辣咁淋落嫩滑嘅豬紅同爽脆嘅韭菜上面，啲豬紅索晒啲湯汁精華，一啖豬紅、一啖韭菜、再呷啖湯，嘩！成個口腔都係濃香鮮美，又暖胃又滿足！尤其係凍冰冰或者落雨天食，真係正到冇朋友！簡單嚟講，潮林

【🐟銅鑼灣隱世潮州神店｜街坊排隊都要食的滷水聖地🔥】 在銅鑼灣街角發現這家低調到會走寶的潮州菜！門口長期人龍陣仗👬👭，原來全是街坊來外賣「今晚加餸」——$60就有一盒鋪到瀉的「滷水雜拼飯」🍱，大腸、豬耳、紅腸乜都有，選擇困難症救星啊！ 但真正王者是掛著專利標籤的「品牌烏頭魚」🎖️ 上網一查嚇到——這條用獨家專利技術養殖的魚王，魚油香濃到在口腔開派對！肉質細膩無渣，$100+的價錢吃出$200+質素，其他店不容易找到同款🐟... 「滷水鵝肉飯」也毫不遜色🦢，每片鵝肉都吸飽秘製滷汁，嫩到不用咬～雖然裝修是大排檔格局，但回頭客很多，下次我要帶埋阿媽來，等佢都知咩叫「平靚正」天花板✨ #滷水界隱形冠軍 #烏頭魚身份證 #銅鑼灣街坊食堂 （見到個個阿姐都拎住3盒走就知道冇伏💸）

講起銅鑼灣「潮林園」，好多人衝住佢哋嘅滷水鵝去，但係識食嘅老饕必點蠔仔粥！一碗上枱，熱辣辣白煙捲住海洋鮮味撲埋嚟，未食先流口水～點解必食？ 蠔仔多到唔使錢咁！ 一啖粥舀起，粒粒珍珠蠔仔脹卜卜，目測有成30粒+，完全冇偷工減料。蠔仔咬落去爆鮮汁，仲要冇半點腥氣，師傅處理得超乾淨。粥底靚到犯規！ 用豬骨湯+大地魚熬嘅湯底，米粒煲到開花綿滑，食落有淡淡海味鹹香，唔會水汪汪或者漿口，係正宗潮州"糜"嘅口感！ 畫龍點睛菜脯粒！ 面頭撒咗炸香嘅金黃菜脯粒，鹹脆帶微甜，溝埋綿粥同嫩蠔一齊食，口感三重奏正到拍枱！性價比堅高銅鑼灣地段，碗足料蠔仔粥份量夠一個女仔飽肚。同區其他潮州舖，呢個價可能得半碗蠔仔，佢真係良心到喊溫馨提示即叫即煮，熱辣辣上枱最正，攤凍咗鮮味會打折扣。口味清淡人士可能覺得偏鹹（潮州風味嘛），可以叫少鹽。夜晚7點後勁多人，想唔排隊建議下晝茶時段去！總結： 如果你厭倦咗酒樓味精粥，呢碗滾燑燑、鮮味爆燈嘅蠔仔粥絕對係清流！順便叫碟滷水雙拼（大腸+墨魚超夾！），百零蚊食到潮州靈魂，飽到扶牆走～實測金句： "蠔仔多過粥！食完成個口仲係海洋味～"

講起銅鑼灣「潮林園」，好多人衝住佢哋嘅滷水鵝去，但係識食嘅老饕必點蠔仔粥！一碗上枱，熱辣辣白煙捲住海洋鮮味撲埋嚟，未食先流口水～點解必食？ 蠔仔多到唔使錢咁！ 一啖粥舀起，粒粒珍珠蠔仔脹卜卜，目測有成30粒+，完全冇偷工減料。蠔仔咬落去爆鮮汁，仲要冇半點腥氣，師傅處理得超乾淨。粥底靚到犯規！ 用豬骨湯+大地魚熬嘅湯底，米粒煲到開花綿滑，食落有淡淡海味鹹香，唔會水汪汪或者漿口，係正宗潮州"糜"嘅口感！ 畫龍點睛菜脯粒！ 面頭撒咗炸香嘅金黃菜脯粒，鹹脆帶微甜，溝埋綿粥同嫩蠔一齊食，口感三重奏正到拍枱！性價比堅高銅鑼灣地段，碗足料蠔仔粥份量夠一個女仔飽肚。同區其他潮州舖，呢個價可能得半碗蠔仔，佢真係良心到喊溫馨提示即叫即煮，熱辣辣上枱最正，攤凍咗鮮味會打折扣。口味清淡人士可能覺得偏鹹（潮州風味嘛），可以叫少鹽。夜晚7點後勁多人，想唔排隊建議下晝茶時段去！總結： 如果你厭倦咗酒樓味精粥，呢碗滾燑燑、鮮味爆燈嘅蠔仔粥絕對係清流！順便叫碟滷水雙拼（大腸+墨魚超夾！），百零蚊食到潮州靈魂，飽到扶牆走～實測金句： "蠔仔多過粥！食完成個口仲係海洋味～"

📢大件夾抵食嘅鵝肉滷水舖頭🦆🐣鵝肉飯 鵝肉切片鋪滿白飯，油亮既外皮搭配粉嫩既肉色，下底有滷水豆腐同埋酸菜，視覺好誘人😎😎🤩🤩鵝肉都滷得幾入味，肉質緊實唔會太晏，皮脂香而不膩😗滷汁甜鹹適中 啱啱好😗😗🍱鹵水什拼飯真係好豐富有鵝腎、鵝肝、腩肉、大腸、豬耳、紅腸、豬肚、滷水蛋 堆疊成小山，滷香撲鼻!!!!一次滿足多重口感，CP值高🤭🤭🤭❤️鮮鵝紅 係富含鐵質，可幫助預防貧血入口滑嫩如豆腐，但帶有獨特彈性，無腥味，湯汁清淡卻鮮甜😬😬💚潮州春菜 都係潮州既特色菜，春菜好淋甜，湯汁滲透菜葉，鹹香中帶清甜菜富含葉酸、纖維和維生素

滷水鵝片飯 ($72)鐘意食鵝片既一定要試下呢到既招牌滷水鵝片飯，真係香而不膩。經過精心滷製既鵝肉肉質鮮嫩，肥瘦適中，鵝皮帶油脂香，又唔會好油膩，送飯岩曬。飯底仲有滷水豆腐，豆腐吸曬鵝汁同滷水汁既精華，香氣濃郁但唔會過鹹。滷水雜錦拼飯 ($60)一碟可以試曬八款滷物， 有鵝腎、鵝肝、腩肉、大腸、豬耳、紅腸、豬肚同滷水蛋，樣樣都滷得好入味。個人特別推介鵝肝同腩肉，鵝肝入口非常軟滑，口感綿密，腩肉肥瘦適中爽口不膩 。元朗凍烏頭 ($158)潮州特色凍烏頭，雖然係凍食，但魚的鮮味依然十足，最值得一讚係魚中間仲夾著黃油，每一淡都散發住魚肉鮮甜味。另外仲配搭左鹹鮮嘅普寧豆醬，食落仲有潮州風味，魚鮮味更加突出。店員招呼態度好好，仲送左例湯比我地，青紅蘿蔔排骨湯味道夠火喉仲好清甜。整體都好滿意，唔止用料十足，價錢仲好親民，鐘意食潮州菜既一定要試下。

朋友介紹嚟到銅鑼灣呢間潮州老店，裝修懷舊但座無虛席，一睇就知有料到！試咗成枱招牌菜都好好味！🦆 鵝肉飯鵝肉滷得入味，皮薄肉嫩，最正係啲秘製滷水汁撈飯，忍唔住扒晒d飯！🌿 韭菜豬紅豬紅滑到似豆腐咁！韭菜夠嫩冇渣，好好味🥰🔥 滷水雜錦拼盤呢個滷水拼盤真係冇得彈！豬大腸軟糯入味冇異味，豬耳爽脆膠質豐富，新鮮鵝腸脆嫩鮮甜，鵝腎厚切有嚼勁，每款都滷得恰到好處。滷水汁鹹香得來帶淡淡香料回甘👍🏻🦪 潮州蠔仔粥蠔仔多到每啖都有2-3粒，飽滿冇腥味。加埋加胡椒粉同芫荽，風味即刻昇華！臨走前見到隔籬枱叫咗秘製潮州凍蟹都好吸引，但因為係每日限量製作，老闆娘提我哋一定要早一日預訂先有得食！下次會再嚟試下！😍

落大雨，同朋友去咗軒尼詩道呢一間老字號滷水鵝片潮式滷水鵝片皮彈肉嫩脂香四溢，豆腐吸飽鹹鮮老滷，花生綿糯帶沙沙口感，整體味道剛剛好，有滷水香味，但係又唔會好鹹，特別係鵝肉非常嫩滑鮮味蠔仔粥好多料，方魚大地魚乾酥香, 肉碎鮮嫩，蠔仔飽滿爆汁，粥底綿滑滲透海味精華，非常鮮甜，蠔仔肥美飽滿，仲有啲一條條好幼嘅，唔知係咪魷魚鬚，但係啲口感非常豐富潮州春菜潮州春菜翡翠碧綠，腩肉煨至菜莖軟糯，吸足鹹肉鹹鮮，很解膩。 沙薑雞半隻沙薑雞皮金黃肉嫩滑，骨髓見紅，剛剛熟，肉質嫩滑，點上薑蔥蓉，非常美味。

同朋友前排去咗銅鑼灣嘅「潮林園滷味大王」食飯，呢間位於軒尼詩道嘅潮州菜館真係好有街坊feel，店面唔大，但晚飯時間人氣旺，坐滿晒仲有好多人攞外賣。入到去老闆娘好親切，一坐低就送上例湯，暖笠笠好窩心。😋滷水雜錦拼盤$108真係超值之選，拼盤入面有鵝腎、鵝肝、腩肉、大腸、豬耳、紅腸、豬肚同滷水蛋，款式多到數到數唔哂。鵝腎同鵝肝滷得入味，鵝腎爽口，鵝肝軟滑帶點甘香；腩肉肥瘦適中，滷汁香濃；大腸同豬耳咬落Q彈，紅腸同豬肚都好有嚼勁；滷水蛋滲滿醬汁，蛋黃半熟好香，啱晒同朋友share！🍖秘製韭菜豬紅$68係一道潮州特色嘅小菜。豬紅份量多，切得厚身，入口軟滑無渣，滷得唔會太鹹，保留咗豬紅嘅鮮味。韭菜炒得爽脆，帶點清香，同豬紅嘅軟嫩好match，仲有少少蔥花點綴，增添咗層次感。呢款菜簡單但好食！🥬滷水鵝片飯$72係今次嘅主食，鵝片切得薄薄，肉質嫩滑多汁，滷汁嘅鹹香滲入每片鵝肉，食落完全唔鞋口。飯底仲有滷水豆腐同滷汁，豆腐吸滿湯汁，外酥內嫩，配飯真是一個絕配。飯量適中，滷汁同鵝肉嘅比例調得啱啱好！🍚

潮林園滷味大王喺銅鑼灣算係人氣鹵水店，成日都見到有人排隊。今次試咗幾款招牌菜，整體感覺幾實在，價錢唔算貴，份量都夠誠意。韭菜豬紅新鮮，豬紅滑溜無腥味，唔會一夾就散，韭菜爽脆，湯底濃郁，簡單但好食。蠔仔粥（碗）有驚喜，除咗蠔仔仲有魷魚乾，啖啖海鮮味，唔係好多舖頭會落，成碗粥即刻多咗層鹹香海味，呢點加分。粥底夠綿，唔會太稀。什錦拼盤（小）有紅腸、鵝肝、腎、豬頸肉、豬腸、五花腩，下面仲有豆腐，每樣都入味，鹵水味香但唔會死咸，特別推介鵝肝同五花腩，夠嫩滑。鵝肉飯份量好多，啲鵝肉厚切，肉質唔鞋，滷得夠入味，飯底有鹵汁撈埋一齊食幾滿足。整體嚟講，無論堂食定外賣都幾穩陣，嘢食唔會失望！性價比高，價錢喺銅鑼灣算合理，尤其拼盤幾抵。📍 潮林園滷味大王 銅鑼灣軒尼詩道446-450號軒華大廈地下C號舖

前日放工, 約左好耐冇見既朋友出黎食飯。我哋今次去左銅鑼灣一間主打潮州菜既餐廳食飯。我哋入去坐底， 老闆娘俾左兩碗西洋菜湯，飲落好清又鮮甜。我哋叫左幾款食物，潮式拼盤有鵝肝，豬耳和豆腐，鵝肝入口軟滑，豬耳爽脆。蠔仔粥，入面有好多蠔，蠔仔新鮮食落完全無腥味，湯底有肉碎、蔥、芫茜等配料, 味道鮮甜。潮式春菜，入面還有燒肉，味道食落似芥菜，沒有苦澀味，湯汁甘甜。滷味鵝片飯，鵝片肉質軟滑，充滿油香，滷水好入味，配上豆腐和酸菜伴碟，十分開胃。

潮林園滷味大王主打正宗潮州滷味，裝修樸素，枱椅擺設簡單，而氣氛好熱鬧。 韭菜豬紅一上枱就散發住濃郁嘅韭菜香氣。豬紅煮得非常滑嫩，入口有細膩柔滑嘅口感，配埋豉油同蒜蓉，味道濃郁，非常出色。什錦拼盤(小)係必嗌嘅招牌菜，滷水香濃而不膩，每件食材都吸收晒滷汁嘅精華。豬腸清洗得非常乾淨，冇腥味；鴨腎啖啖都係脆彈嘅口感；紅腸肥瘦比例完美，滷汁令紅腸更加惹味；滷水鴨肉質嫩滑；滷水鵝肝入口即溶；滷蛋入味，蛋白彈牙，蛋黃綿密。呢個拼盤款式多樣，感受到師傅嘅功力。獅頭鵝肉飯鵝肉係潮州菜嘅靈魂！鵝肉肉質嫩滑，保持住鵝油嘅香氣。滷汁滲入鵝肉每一絲纖維。白飯吸晒滷汁，食落每一啖都係濃濃嘅滷香。蠔仔粥粥底夠滑夠綿，蠔仔新鮮肥美，入口鮮甜多汁，完全冇腥味，仲帶住海水嘅甘香味，配埋胡椒粉，味道層次更加豐富。