潮樂園 (和富道)

营业中

休息中

星期六同行7個人一齊食飯, 有人想食菜, 所以有人提議尼北角食, 夠哂方便~~一入尼就好多圓檯, 好岩成班人, 可以比我地坐得舒服又傾到計,真係好好既安排,呢度要讚一讚服務員先, 唔單單只係服務好,而且仲要有好多野可以食!!! 不過今次我地就滿足食菜先, 先試試佢既小菜。叫左個反沙芋泥食,平平地,大大碟,好抵食加!!!!!!!!一大碟大約有8大舊,幾好食,脆卜卜咁幾有口感加,而且仲甜甜地TIM,我真係諗唔到其他理由唔叫呢一個菜羅,咁好食,我點都會推薦比身邊既朋友既

今日行開北角， 準備添置新衣服， 經過幾小時的shopping, 終於買齊所有野。 行到累， 又到晚飯的時間，咁啱呢頭又有幾間特色嘢食， 看到這間潮樂園， 估計是食潮州嘢， 正想食下潮州三寶，就決定行上去食這間。潮州三寶有3樣野可以食,有花生啦,酸菜同埋一樣我食唔出佢係咩泥既野,但作為開胃菜泥講幾好食,要酸既有酸,要辣既有辣,真係可以比你既味覺,有多重既感受,真係好正好好食加,係潮州餐廳泥講,呢間野真係叫得上係好正宗,我諗鐘意食潮州野既你地一定唔會錯過

有很多朋友仔都會在深夜時分覺得肚餓，要食宵夜才睡得着，究竟是真的肚餓定係只係因疫疲倦帶來既空腹感？還是心癮？我一就都搵唔到答案,我就一向都沒有食宵夜習慣，不過....今夜突然 想食,真係好奇怪，所以就同朋友來潮樂園,吃了頓豐富的宵夜,之後再安安心心訓覺。呢間店令人有種好舒服既感覺,因為燈光好好,我仲叫左一碟大馬友泥食,好好食,大大條.而且肉質鮮甜,夠滑.唔洗用好多錢已經可以食到咁大條魚,真係好正,同埋好抵食,服務員做野好快,我等左幾分鐘已經有得食,LIKE

之前試過呢間堂食，覺得ok，今次便試外賣。但係今次真係極失望！尤其是鵝片鵝肝！鵝片又硬又粗「鞋」， 鵝肝更差，變色及霉！更更更差的是墊底的豆腐，是酸的！於是打電話投訴，應電話的男士叫我們拿去換，當時又夜，車程來回一個鐘，講真，如果有時間，我就唔使要買外賣。負責人叫我們掉去豆腐，留低鵝片鵝肝明天拿去換。第二天，叫工人姐姐拿去，點知佢竟然只拿走鵝肝換新，但佢話鵝片冇問題，唔換！一間唔會為自己食物負責任，亦冇把握機會令客人改變觀感的食店，根本沒資格有米芝蓮推介！

很久沒去過北角和富吃飯，很多食店已改頭換面。看到這間有三四個人排隊，外面的易拉架的食品推介又好似幾正宗潮州打冷，便去試下。點了冰鎮墨魚、子薑皮蛋、水瓜九肚魚鉻、潮樂園炒米，3人吃。除水瓜九肚魚鉻特色一些外，其他菜色一般，不值米之蓮2星級數。而且座位超狹窄，背貼背而坐，想吃耐D都唔舒服。

好抵食嘅米芝蓮⭐️推介潮州餐廳！呢間餐廳係炮台山同北角嘅中間。自己鄉下係潮州，每次返去都一定會食街邊嘅沙嗲牛河，坐係街邊食碟新鮮炒好熱辣辣嘅河粉。終於係香港食到啦！沙嗲牛河好夠鑊氣，河粉好滑。雖然佢比起潮州街邊食嘅仲係差啲，但係個汁嘅味都算正宗，可以頂住先😋今個禮拜尾會返潮州，就黎有得食啦!!!! 好興奮呀。😍另外，呢度嘅其他食物都好好味。佢嘅鹵水唔錯，最緊要係超抵食。一個lunch唔駛$50找數！

從前, 和富道很興旺. 來到今天, 好像沒有昔日的熱鬧, 不過當中, 也有必比登店潮樂園.這裡環境只算一般, 地下有點濕濕的, 擺位亦幾擠逼. 午市來到, 人客不太多, 當然, 也因為時間尚早. 看看餐牌, 午市價位不算太貴, 滷水鵝飯$46, 滷水鵝片飯只是$56, 不過在午市粥品一項中看見有鎮店蠔仔粥, 只賣$46, 那就來一客.鎮店蠔仔粥 $46: 7.5分, 要了個小的, 一樣份量不少. 蠔仔下得相當之多, 味道方面, 尚算鮮甜, 加上方魚肉以及魷魚, 很足料. 粥未算太吸收到蠔仔的味道, 感覺上, 有點各自為政. 最大問題, 吃完碗粥, 相當口渴, 要馬上喝汽水才行呢.回到和富道, 熟悉的街道, 當中的必比登店潮樂園, 環境一般, 鎮店蠔仔粥份量十足, 蠔仔尚算鮮甜, 但吃完後就很口渴了.

本人今天探親經過此地，諗住買些外賣加餸孝敬親人，點知換來受氣收場！今天傍晚買了幾份鹵水，加半斤五花腩。埋單的時候竟然收多了近50蚊！佢哋話舊五花腩重，師傅已經切咗，冇得退！講真，切多咗唔係問題，重點是沒有經過本人的批准，也沒有告知本人幾錢幾重，感覺就好像在藥材鋪被屈機一樣！本人也十分清楚有事候份量及重量十分難計算，但理論上應該在切開食物前先替食物秤重，雙方同意份量後，才能把食物切開！而不是叫了半斤的分量卻售賣一斤的價錢！可能本人甚少幫襯此店，生面口，加上五花腩難去貨，所以覺得老屈像我這樣的過客一個半個冇所謂！最慘是和親人食飯的時候，他們個個都話唔好食，鹹而無味！最慘是五花腩只有瘦肉，並甚少肥膏。他們認為食物質素及份量完全不值近200元！絕無下次，永不光顧！

依間野既菜式都幾整全,除左經典潮州款式外,重有創新既款式!!!~佢個滷味,調味幾到位,夠味得黎又會唔好咸!!!~蠔仔粥好香好足料!!!~每次食潮州菜都必點,潮式大眼雞,重必定要沾普寧豆醬先好食!!!~

松鼠大人生日，一行18人，13大5小.book 左房，本來只有個半鐘頭。。一早叫定老闆 Eddy 寫張菜單：冰鎮墨魚韭菜豬紅煎蠔仔餅普寧炸豆腐四式冷熱葷（潮陽蝦蟹棗，五香甘蔗燻碲，滷水牛𦟌）鹹菜胡椒豬肚湯凍元郎黃油烏頭滷水鮮鵝肝滷水鵝片鵝肉沙爹肉片炒芥蘭蠔仔方魚肉碎粥 (漏左, 最後無要到)黃金糖醋麵反沙香芋老闆重送了糖水。。。因為有朋友遲到，叫左小小嘢食住先炸魚皮淨魚旦大家都頗滿意，因為朋友遲成大半個鐘頭，最後老細都吾洗我地還枱。真的不好意思

終於要試下呢間北角既米芝蓮推介啦中午黎到呢間野 間鋪係唔多人既 唔駛等位直接入得去就坐得叫嘢食啦咁望下個餐牌見到呢到主打食鹵水嘢既 成個LUNCH餐牌都係咁我地個個都係點個雙拼飯 而我點咗個係鹵水餓拼沙薑雞飯首先我地係每人都有碗紫菜湯既 味道唔錯 都算幾好味既個湯未飲晒個飯已經黎啦 就發現個飯好大碟 塞到滿一滿 所以我個湯都未飲晒就可以食個飯啦啲鹵水餓都幾好味 鹵水味醃得唔錯 同埋份量好大碟咁個沙薑雞呢就麻麻地 其實冇乜味 但有陣鹵水味 因為放埋同一碟上 個雞我就覺得一般般但我試咗朋友個碟鵝腸 啲鵝腸幾好味呀 又有口感咁 都幾爽口但呢到既環境就一般般 幾迫下 同埋地下有種好油同埋好跣之後間係有烏蠅飛飛下 感覺比較差同埋再加上仲中有一碟好似落錯單咁 得單拼其他整體都OK既 不過不失 

上星期訂位今天到潮樂園晚飯，今個星期初就在報導得知它升級為"米”食店了。真好彩早訂位，今晚有得盡情食食食，相信日後越來越多食客來朝聖，就更難訂位了。今天一行4人相當放縱地叫了6個小菜加1大碗粥。今次沒有重點推介因每款食品都做得很出色，性價比亦高，其食物質素絕對可跟某些知名度高又得過很多好食評的潮州食店比拼。看見牆上的有圖餐牌已相當吸引，當食物真身放在枱時更令我們失去理智，筷子一直未能放低。簡單形容炸的"香”、"酥”、”脆"滷的"入味”、”不死咸"、"應嫩得嫰”、”應爽得爽"炒的"有鑊氣”、”味道超乎預期"希望今次影出來的相能比文字更表達到每樣的美味及食店對其食品的要求。字窮的我只能說大家請親身去體驗吧！這個樂園值得一遊再遊。普寧炸豆腐煎蠔餅滷水鵝片、墨魚、豬手鵝片切得很厚滷水鮮鵝腸梅膏骨沙爹牛肉炒芥蘭方魚肉碎粥

第一次食潮州式的滷水豬手係唔脫毛，同店員投訴佢話換，結果只是將豬手的毛係咁易拔走，但仍是食到成口毛，收咁嘅價錢唔該攞個心出來做好啲食物，仲好意思貼到一店都係啲明星相。

你間鋪喺北角和富道 泊車就拍喺門口那找位 入到佢間店舖座位不太多 大概30個 地方也不太大 但係老闆廚師服務員的服務態度非常好也非常親切 我哋睇完餐牌就叫咗一碟我鵝片例牌 一碟鹹肉炆菜 一條大眼雞 一支大藍妹 兩個人都食到好飽 嗰條大眼雞大約＄190 肉質非常亂畫而且非常新鮮 亦都算係好大條 都算係幾抵食 我片肉質好嫩滑 味道也非常之好 味道也不太鹹 滷水味香濃 至於嗰個鹹肉蚊菜 也是非常好食 我見到都有不少街坊到這店食嘢 亦都有一啲碟頭飯供應 一般是$50＄60 價錢都尚算合理

Had lunch with 3 companions on a really hot Saturday. Ordered a lot of food- oyster porridge, pig stomach soup, braised goose, mixed prawn roll, steamed fish and some deep fried vermicelli. Other than the vermicelli, I think all the other items were tasty especially the fish which tasted great and the oyster porridge (a little heavy on taste though)Our only regret was there was no oyster omelette available when we were there but I will be back to try it!