潮樂園 (和富道)

营业中

休息中

補 07/10因為揾唔到想食嗰間( 原來執咗 )，行嚟行去最後隨便簡咗間茶餐廳。潮洲菜，對佢嘅印象一向唔錯，有時屋企加餸都會買啲潮洲冷盤，酸酸辣辣幾開胃。但作為午餐，上次試過一次都唔係特別好食。希望今次可以改變我嘅睇法。落單：雙拼( 鵝片+豬耳 )，本身加底有鹵水豆腐，同一碗紫菜湯。紫菜湯冇乜其他料，紫菜+水，臨上枱先加一小執蔥花，不過味道絕對唔淡，蔥花有調味過，完提升咗個味道。但呢個鵝片鹵水味唔夠，唔係好入味。豬耳都算爽口豆腐直頭冇乜味甚至有啲苦味。總結：一般質素，不過不失

住北角既朋友帶我去食打冷🧑🏻仲係米芝蓮推薦既潮樂園。本身唔係好鍾意食打冷，不過見朋友一直一直講好好好好味就試下，都真係唔錯😋我地叫左3個菜，分別係滷水鵝片，蠔仔粥，同烏頭，滷水鵝片嫩多汁鮮美，鵝下有滷豆腐和花生，配飯係一流既🤤蠔仔粥係正宗潮州粥，飯同湯比較分明，但好鮮甜有蠔仔味，我覺得最好味係果烏頭，即係凍魚，充滿左魚既肉汁，好滑，點埋醬汁鮮甜味更出，唔怪得之可以拎到米芝蓮推薦啦，我朋友仲話有好多野都好好食，下次同佢再食過✌🏻

呢次真心發現北角臥虎藏龍既小店，又是係米芝蓮推薦，又是係校長喜歡既餐廳👀中午左右去到，叫左兩份套餐，兩個人都食好飽。蠔仔粥呢款其實不能叫粥，更類似泡飯。本人不太愛蠔仔，覺得會太腥，但係食左一啖，勁鮮甜囉肉碎係裡面一D都唔油膩，整個粥清淡爽口，有D鹹魚幹提鮮，關鍵蠔仔好新鮮，小份兩個人完全夠分。鵝肉滷水三拼這款算是套餐裡面貴😶但係食潮州菜都係要試下既，鵝片鵝腎鵝翼三拼加豆腐底，一碗飯一碗紫菜湯，滷水味道重，鹵水拼鮮美多汁，入味濃郁。要推薦既係紫菜湯，食出淡淡鮮甜味，GOOD

爸爸就成日同我講起佢細個系潮洲食嘅潮洲菜，令佢畢生難忘。今曰行經北角，就見到潮樂園，就諗住買一份潮洲最經典嘅蠔仔粥番屋企比爸爸。入去落完order 個店員就話我知要等20-30分鐘嘅，因為系現煲。咁我買完就番咗屋企啦，估吾到個粥拎到屋企仲系熱騰騰嘅，開個盖就聞到好和嘅海鮮味食落口啱啱好。個粥入面d 蠔仔超大粒，仲好新鮮，入口鮮美。個粥就好稠，好香甜。一份夠我同爸爸兩個人食，98蚊份量超足，蠔仔都吾少。。

今日同朋友一齊黎呢間傳說中好好味嘅潮樂園食飯。我哋系北角 A1 出口，行大約五分鐘左右就見到，佢個環境就有點兒似舊式茶餐廳，但位好大，系舒服嘅。我哋就嗌咗個潮式炒花甲，椒鹽魷魚，同手打魚蛋紹菜煲，個炒花甲就好大一盤，全部都有肉嘅，扺，好好味，d 花甲好新鮮，好食嘅。個椒鹽魷魚都唔錯，好脆，好香，好嫩！佢哋 d 嘢食就都唔系好貴嘅，total 兩個人就 350左右，又抵又好食，分量十足！下次都會同朋友經常黎呢度食。 。

同屋企人行經北角，就想搵間餐廳食飯，我就想起之前有朋友同我介紹系北角有間老字號嘅潮州菜，咁就上網搵咗個地址行過去。原黎離我哋好近，就系 銀煇大廈，環境都ok，乾淨嘅，咁我就見到呢度有面墻就黐住好多相嘅，見到原黎好多名人都會黎呢度食嘅。真係唔黎錯。咁我哋就叫咗個川椒鳳凰球，招牌炒米，炒芥蘭同鹵水拼盤......我自己就好鐘意嘅川椒鳳凰球，道菜主要由雞肉同蝦肉組成，d雞肉好嫩，好滑，d蝦肉就好爽口嘅，同埋好大隻，雞同蝦大約都系一半一半到，所以料都落得好足ga！！！道菜就有小小辣嘅，好惹味，餸飯一級棒！！！

晚上6:30外賣反到6:45好高興即刻開來食，鵝上莊，偏瘦帶鞋（還ok的）豆腐，正常鵝翼，硬帶乾腎，超乾超硬超柴蛋，正常豬大腸，應該係最好食全部加咪280幾元好心d食物擺太耐個面乾晒就咪比人，食果個真係好難受完

咁其實係睇左alfred c嚟試的,但我個人覺得……我食開嗰幾間又好食過佢好多。碗細粥都幾大份，個味係正常，但唔鮮冇特別，料就幾足既。問題係好難接受碗粥裏面有膠袋+同蠔殼碎但唔知係魚鱗。二人食就叫左細蠔餅d蠔一d蠔味都冇，佢d蠔係落左唔少，但點先做到冇蠔味呢(黑人問號) 仲有一上枱就已經好淋出哂油，我真係好失望。大眼雞就正常野,其實係想食馬友，但8點已賣哂。最basic既野都係咁既水準，我都係去番九龍城啦 …冇下次。

尋日，一大班老友話要搞飯聚，好多人都舉手話呢間潮樂園好好食，咁的就信班老友鬼鬼一次，打左電話去呢間餐廳book枱。今日一放工直接上左呢間餐廳食飯了，因為我哋今次係book位既，所以就訂左食物了。呢一客要落order訂定先有既雞真係不同凡響，原種清遠少爺雞真係非常新鮮，雞肉嫩雞皮彈，雞肉汁都好多呢另外既呢一客香菜腩肉煲都勁讚呢，香菜都好鮮甜，腩肉都非常入味，味道絲毫不差錯，而且份量都好多啊very good

當然要簡返間好餐廳先得啦，經my friend推薦我就試左呢一間潮樂園!!!!!!潮樂園係坐得好舒服既，呢度香噴噴既沙嗲牛肉炒芥蘭，仲可以品嚐的料理算係挺豐富既!!!!!!潮樂園既用餐空間都稱得上叫做大既，提供的位置數都算係多，食物都真係全部都好高品質，真是秀色可餐呢!!!!!!，真係非常之建議大家可以點沙嗲牛肉炒芥蘭黎try try it!!!!!!沙嗲牛肉炒芥蘭即煮熱呼呼，大推薦，大推薦!!!!!!

今日同屋企人一齊去慶祝生日，首先，不得不提既係呢一間餐廳真係好好,坐得我好舒服同埋好自在!!!!!!就算一左班人泥呢一度都唔會話好迫,都會坐得好舒服既,呢度既鎮店滷水鮮鵝肝真係好好食,好有滷水鮮鵝肝果種鮮甜味,好好食,好正,我真係好LIKE!!!!!!!!我本身勁鐘意食滷水鮮鵝肝既野,因為真係好鮮甜同埋好好味,呢度既滷水鮮鵝肝,鐘意食滷水鮮鵝肝既朋友唔係唔試下,潮樂園真係比左好多驚喜我!!!!!!

潮人要潮食？！咁當然係要食米芝蓮推介的『潮樂園』啦一行八人食潮州菜，蠔仔粥、蠔餅、鹵水鵝．·．等等等大家都知係必叫的潮州名菜保正好味，所以今日就特別推介『鹵水鵝肝』，同『沙茶牛肉炒芥蘭』『鹵水鵝肝』的味道香濃，口感一流，配以法國紅酒一起進食真係令人回味無窮『沙茶牛肉炒芥蘭』，唔講可能唔知，其實真係潮州名菜，呢間炒得鑊氣夠，牛肉鮮嫩，芥蘭又嫰，配上沙茶醬調味，真係會食到大叫一聲「好味呀」

成日食的常客了！最愛豬紅，大眼雞，鹵水鵝拼盤，炆牛腩，紹菜魚蛋煲，煎蠔餅，潮州粥……太多了！寫不完！要等位，次次去都排隊。所以成日系天后買了外賣就拿走。我覺得性價比高，食潮州打冷，隨便系旺角食食兩個人都要600幾，這裡不需要。不是高級餐廳的環境，但是高級餐廳的食物出品。very good good！也好停車，就把車停路邊，同老細講聲幫手及及差佬便可。服務也好，上菜也非常快。最新一次是同朋友食完再打包掌亦回家同老公仔宵夜，非常罪惡啊！下次再去過！

約一大班朋友聚聚，通常都會選擇潮州菜。之前食過這間店，覺得無論環境及食物都不錯，於是推介朋友們到這店聚聚。門面開揚，設計新穎，令人坐得好舒服,好正。我們好像自成一角，可以暢談一番 ,完全唔記得左,自己泥左呢一間店。我們點了荔芋香酥鴨, 元朗楊氏黃油烏頭,鹵水鵝下莊,凍花蟹,鎮店肉碎粥,全部都好抵食,我好鍾意,重點係價錢唔太貴,我可以話係物超所值,真係好抵食加,一定要泥呢一度食野呀,平平地又大大碟,真係正到不得了呀!!!!!

哩日一行四人,因為上次覺得幾好食,所以再次幫襯呢一間好出名既潮樂園,今次叫番條打冷必備嘅大馬友嚟試吓,哩隻馬友好多肉,入囗啖啖肉好正!因為呢條馬友本身已經好鮮甜既關係,所以基本上唔駛點汁已經好夠味。不得不提既係佢地果個鵝片拼鵝肝,真係一個好新鮮既食法,實在係令我大開眼界,原來鵝都可以咁樣食,真係好特別,重點係價錢真係好公道,唔貴,其實仲可以叫做係平TIM,好開胃,食完馬友,再食呢個真係好好食,兩個加埋一齊真係好加分,好好食,一個字.正!!!!!!!