潮洲滷 (已結業)

這陣子經常自煮煮到悶，經過這間潮式滷味店，看到廚窗前一盤盤各式各樣的滷味，看得心動，於是決定買幾款外賣回家，讓廚房休養生息。這裡各式滷味一應俱全，鵝、鴨、雞鴨鵝翼、鵝掌、鵝頭頸、腩肉、鵝腎、豬大腸、豬手、豬耳、豬頭肉、豆腐、雞蛋等...全部有齊。除此之外，還有油雞和紅腸等售賣。我買了兩大盒滷味，包括鵝、豬耳、豆腐，另要了半隻油雞配紅腸。鵝脾超正，啖啖肉。豬耳好爽脆，用來睇電視送酒一流。豆腐結實不鬆散。各式滷味淋上秘製滷水汁非常美味，配搭酸汁更醒胃。油雞好夠味，雞皮爽口沒有多餘脂肪。紅腸味道不錯，不會太咸。整體各款食物質素都很好，買回家做餸方便快捷～

老爺奶奶喜歡吃滷水鵝翼，早早已聽聞灣仔這間潮洲滷的滷水味道夠但又不會過鹹，最啱我老爺奶奶，因為他們都不太喜歡濃味食物。趁著去開灣仔春園街購物，一於去買滷水食物給家人吃! 潮州滷位於灣仔春園街附近，非常近灣仔地鐵站，算是很方便的位置，而且門面及內裡都很乾淨企理，有別於一般的舊式滷水店。價錢清清楚楚列在門外及店內，比起之前我們在別的滷水店，這間的價錢很合理啊!選擇很多，花多眼亂!必選是我老爺最愛的鵝翼，還有我最喜歡的豬頭肉 (天呀! 很多時去到滷水店都買不到豬頭肉的，今次見到超興奮! 豬頭肉配啤酒一流，是麻甩女子最愛之選)選了中SIZE的鵝翼 ($18/一隻, $50/三隻)，價錢比之前食過的便宜一點啊!味道也很不錯，不太鹹，我喜歡點一些醋，令味道更出!還有很多滷水食物，我幾乎全都想點呢!但當然必點的是我最愛的豬頭肉 ($20/一件) 啖啖肉，配啤酒看電視真是最佳組合，大推!我很喜歡吃鵝腸，但平時見很多滷水店處理鵝腸都不是很乾淨，所以很少有機會吃，但這裡的鵝腸處理得非常乾淨，所以也買了一點回去試試。鵝腸除了乾淨之外，最重要是不能太韌，(曾經吃過一些鵝腸韌到好像吃香口膠一樣，所以怕怕) 但這

放工前阿女打電話來叫我加餸，燒味早幾日先食過，想起同事介紹灣仔街市有間外賣滷水店＂潮州滷＂幾抵食。去到見到原來除咗滷水鵝之外仲有滷水鴨，平宜很多，例如滷水鵝髀要百幾蚊，滷水鴨半隻都只是$65，身為精明投資者，唔使諗。回家睇清楚都幾大隻，肉厚大片，有脾，真抵，最重要是滷水汁都好味。滷水汁及醋汁分開袋是細心嘅安排，有些店擺埋同一個盒好易倒瀉。上唔到滷水大腸好好食，完全冇怪味，肉質很腍，唔覺得肥。鵝腎鵝肝及鵝掌一只，今晚好夠餸。

話說逢星期六都會去灣仔上堂，有一次有同學仔買左d滷味請大家食，覺得好好味，同學話係灣仔買，原來係地鐵站付近，所以今次上堂前走左去買價錢牌，價錢吾貴我買外賣返屋企做晚餐最後選擇左半隻雞學生有優惠原來仲有報道過，信心保證雞鴨鵝一應俱全鵝掌鵝翼鵝腸豬大腸紅腸豆腐雞蛋睇落十分整齊衞生醋，老闆好細心，會提你醬汁點好食過倒落去半隻雞$53 勁抵食滷水味好平均，好夠色水雞肉好滑，老實講真係平過自己整小食有五款紅腸豆腐豬耳豬肚豬大腸豬耳好爽口，豬大腸又夠淋滷水味夠濃夠香，認真好味

食評一面倒讚好，早想試下。過活動範圍不在灣仔，總未得其便。約兩個禮拜前要去灣仔辦點事，機會來了。買了鵝上庒起片、翼、膶、腎，共銀$201。總的而言，全部只有鹹味而少有滷水味。鵝肉/翼材料上不過失但不入味，膶/腎相當硬身，遠不符期望。該店若要打出名堂，與當下名店相提並論，仍需從製作基本功入手。

今晚落佐班實在太累唔想翻屋企煮飯食，就來到呢度買飯盒食。叫咗一個鹵水鴨飯加咗一個鹵水蛋。鹵蛋好入味，裏邊都有鹹香嘅鹵水味好滿意。鹵水鴨肥瘦適中，肉質好軟又香。整個盒飯先三十幾蚊，好抵食！！

潮州滷水外賣店，在每個街市嘅角落總會搵到一間。今日有幸嚟到灣仔嘅街市，經朋友介紹搵到呢間潮州滷水店，發現意外嘅驚喜。首先不得不讚，呢間滷水店好多的滷水唔係事前整定大量，而係因為當日嘅銷售情況在不斷添加。好似我當日你買嘅時候剛巧滷水鵝全部已經售罄，師傅講明要等新一隻出來要等15分鐘，即係佢哋係不斷提供新鮮嘅滷水出嚟呢點真係要讚一讚。去到味道真係不得了，滷水有啲地方做得唔好係會一種死咸既感覺。但係呢一間味道剛好而且層次分明，你會食到好層次香料既渾合，所以係不論係今日呢個下庒滷水鵝或者係搭單嘅蛋同雞翼，味道都一樣咁好。價錢略貴，但物超所值，加餸必備。

#cassiegowanchai-係灣仔翻工嘅人，會唔會返工午餐快食會選擇燒味飯？又或者收工會砍料翻去當一碟餸呢？如果有嘅話，可以留意依間「潮州滷」。💕-佢係灣仔站A3出口對住嘅石水渠街，好容易搵到。去到門面見到，雖然係小店，但係都有少少明星光顧過，同埋有雜誌嘅報導。仔細睇下報導，發現佢地其實係一家人自己經營嘅小店，賣點係佢地嘅滷水唔係得個鹹字，比較清香，香料味好濃郁。😍-我今次就打包左隻滷水鵝翻屋企加料。原來滷水鵝同鴨嘅分別真係好大，鵝肉食落真係嫩滑好多，肥油唔多，入口鹹中有滷水料嘅清香，味帶少許甜。食到最後都唔覺得膩。另外，仲有加左少少配料，紅腸、腎同蛋，翻屋企再炒碟菜就已經完成一晚嘅餸菜。今次完全顛覆左我對滷水嘅理解，原來唔係鹹就等於入味，原來滷水鵝係咁好食！🥰-味道評分▶️🌕🌕🌕🌕🌗 (4.5)抵食評分▶️️🌕🌕🌕🌕🌗 (4.5)回購評分▶️️️🌕🌕🌕🌕🌗 (4.5)-➡️潮州滷 (灣仔)📍灣仔石水渠街1-13號其發大廈地下8號舗-

行到邊食到邊～灣仔-今日剛好在此，一定來到我最喜愛的小店加餸回家。與家人一起分享這個經濟又實惠的滷水食物。-HK$18/起豬大腸～之前吃過後便念念不忘😆。豬大腸處理得好，非常乾淨沒有異味，軟香柔滑。-HK$7/隻滷水雞翼、HK$10/2隻滷水蛋、HK$20/大鵝腎～爽脆，送汽水或啤酒一流、滷水雞髀（忘記價錢）～全部非常入味又不會太鹹。-HK$127/斤滷水鵝～半肥瘦、肉質嫩又入味蘸著酸汁來吃更惹味🤤-每次來到有選擇困難症，每一樣滷水食物都想食。老闆每次也笑臉迎人，推介有什麼好吃給我。還要排🉐️整整齊放在外賣盒。一邊行一邊聞到好香滷水汁味。回家後也要排靚靚

食滷水當然要食潮州滷水，貪佢夠正宗。今日經過灣仔比佢門面吸引了過去，大大隻滷水鵝、雞掛左廚窗，更有一盆盆的鵝腎、豆腐、大腸等等...望見到都忍不住下單了。今次買了滷水鵝、滷水豬大腸、滷水豆腐和滷水蛋。外賣拎走時，店員都貼心提示，天氣炎熱，回家後要打開外賣盒通風一下。鹵水豆腐滷水豆腐香濃豆味，且鹵水味道濃郁入味。鹵水雞蛋 雞蛋入味，但食起來不會有太咸的感覺。鹵水豬大腸豬大腸煙靭，有咬口且不算太肥膩，鹵水味濃郁。滷水鵝 滷水鵝肉質肥瘦適中，滷水味香濃，但也沒有蓋過鵝肉的味道，(店中有獨立包裝滷水汁，白醋相當貼心)

成日心思思想食潮州打冷，但多數都要大班人食先開心嘛，所以今日經過呢一間滷味外賣店，忍唔住走咗入去買返幾味加餸！-老闆好好人咁主動問我想買咩食，而我呢個選擇困難嘅朋友仔就表示咩都想食...於是老闆就推介滷水鵝、鵝腎同豬耳比我！最後我因為太興奮仲揀咗紅腸、蛋、雞翼、豬大腸～走個陣老闆仲好細心提包汁要分開沾，如果唔係就會太鹹！-返到屋企試完，全家人(當然包括我)都覺得好好食！每一樣都勁入味，加埋個汁就更出色！食到我地個個都勁開心🥳食物質素高！服務又好！真心推介！

餓餓餓，lunch未食麼？肚餓浮上水，紅腸我要囉！餓到識得吟詩作對，搞到好似迴光反照咁，皆因大胃血濺動漫節，lunch都唔得閒食，事後真係就嚟餓到暈低心血來潮想食滷味，太耐冇食喇，想食得傳統啲、落地啲老細好豪爽，見有人嚟就好親民咁問人食咩？大胃猶豫不決，都冇催，仲好快幫我地決定好𠻹手起刀落，兩份拼盤光速生產完成，型呢間只提供外賣，咁我地要搵掟去喇老細叮囑醬料要食嘅時候先點，有醬油同醋，特別開胃刺激齋睇色水都好吸引，食落真係好想大嗌「XX滷味」呀，瞬間令人學壞嘅滷水鵝，唔會嚡，仲好嫩口𠻹蛋呀、紅腸、鵝腎、豬大腸都好出色呀，要忍住口，留返啲畀屋企呀

最近在灣仔上課，每次經過這條街，都看到這不顯眼的小店都有街坊排隊光顧，應該味道不錯吧，老公喜歡吃滷水，今天下課後決定買回家嚐嚐。買了一盒拼盤，裡面什麼都有，有滷水鴨、豬腸、紅腸、鴨腎、雞蛋等等，份量很多，我們2個人吃，都吃不完。滷水汁好香，很好下飯，我最喜歡滷水鴨跟滷水鴨腎，很入味。可惜今天的滷豆腐都賣光了，下次得嚐嚐滷豆腐！附送了2包醬料，本人覺得不需要加醬料，加了反而會比較鹹，喜歡重口味的朋友較適合。在家煮好白飯，加上滷水拼盤，就是簡單而美味的一頓。

同屋企人出港島一日遊之後，回程時特登去灣仔街市附近斬左大大盒滷水拼盤返黎加餸，好耐冇食過咁入味高質既滷水野喇。平時食雞都係食雞脾雞翼多，12蚊可以買到滷水雞脾完全係抵到爛，食落好新鮮入味，可以encore。 滷水豬耳 ($20) 夠哂彈牙，我最鐘意可以揀大細、價錢不一，有時唔想食咁多肥膩野都可以自己就住買。 滷水鵝腎 ($40)第一次食，滷到個芯都好入味，鵝腎原來都好煙韌又香。 滷水鵝掌 ($23) 食一隻就好有份量好滿足，即使冇再翻煮都唔會乾，好惹味。

今天路过湾仔，突然想吃卤味，想起之前路过一间，潮州卤，就走过去看看了。老板很热情特意跟我推荐了卤水鹅🦢，于是我就买了一份外卖🥡回家尝试一下。 果然是专业做卤味的，水平很到位！鹅肉饭上面铺了厚厚一层肉，我一个人吃，都吃不完。肉切得很厚，咬下去，满满地幸福感。我最喜欢的是卤水猪耳🐷和卤水鹅鹅翅猪儿肉很厚，很入味，软骨很脆。目前在香港吃过的，最好吃的卤水猪耳，比超市里面的好吃一百倍。鹅翅也很入味，卤得刚刚好！适合在湾仔工作或者生活的你，买一个卤水拼盘，回家一边吃一边看电视📺配上饮料超级幸福