潮興魚蛋粉 (已結業)

上年有次無意經開, 先發現住左響附近咁耐都無試過里間潮興, 於是就試下.成日食既都係魚旦米, 牛雜米, 亦都試過佢地既雲吞同魚餃,我個人認為牛雜魚粿係最好味, 但雲吞都唔錯, 係個魚餃就好一般.唔係貴呀, 22蚊碗, 絕對飽肚!

这条街好多小店, 但因为农历年, 不是很多开门, 但做完运动, 好想吃碗面. 经过这家写着正宗潮洲, 身为潮洲人, 就进去试试. 第一感觉就是, 那里有餐牌呢? 当然心知道客人大多是街坊, 但餐牌挂在一边真的不容易看. 好, 终于看到, 点了个鱼片, 牛腩河粉, 即到, 味道是不错. 但$37碗, 在这个地方, 好像真的贵了一点. 卫生环境一般, 看见负责煮面的, 一有空就在煮食的位置吸烟. 抬上的水没有抹干, 碗面放上去又移来移去.

上星期師傅唔知發起咩神經, 竟然想喺放飯時去食碗魚蛋粉, 何解食碗魚蛋粉又會發神經呢? 其實係師傅心知呢區冇邊幾間嘅魚蛋粉係好味, 加上一碗魚蛋粉份量太少, 食一碗師傅又點夠飽, 但食多碗又好似唔抵喎, 你話仲唔係發神經咩?直到出發前師傅內心仍然十分掙扎, 最後還是決定去發下神經, 師傅記得呢度有間粉麵食店, 加上又未黎過, 就決定入去試一試! 入到去食店, 店內都幾細, 伙計見師傅一個人就拿拿聲叫師傅撘枱, 驚死師傅亂咁坐; 坐底後第一時間望下個餐牌, 其實望黎都多餘, 最想係望下幾多錢一碗啫!師傅是次揀左魚蛋麵, 落完單就當然要等下啦; 於是師傅四圍望, 靚女就望唔到喇, 但就望到好大個牌寫住 “即日現場手唧魚蛋保証100/100純鮮肉魚制造, 絕無添加, 日日新鮮”, 師傅心諗今次冇死喇, 再望下個枱上, 一碗熱騰騰嘅魚蛋麵就喺師傅面前, 於是第一時間試下個湯底, 湯底幾清冇鹼水味, 但未道頗咸, 湯底唔多吸引; 至於麵身亦算爽口, 爽口得黎唔夠彈牙, 勝在冇鹼水味, 整體算合格, 但師傅始終覺得全蛋麵好味好多; 而魚蛋有四小粒, 炸魚片亦有三片, 魚蛋形狀不規則, 大小亦不一,

10年1月18日（星期一）晚，是晚女友又因為要清理積壓的文件而要加班，我和家人吃完晚飯就過去接她收工，並陪她吃晚飯。早前送女友回家時，已留意到這間麵店從今個冬季開始兼賣煲仔飯，女友間中嚷著要去吃，所以是晚就和女友去試試這裡的煲仔飯水準如何。煲仔飯款式不多，女友本想試未曾見過的鯪魚球煲仔飯，可惜落完單後，師傅話鯪魚球唔新鮮而叫我們另作他選，女友惟有改點北菇田雞煲仔飯。等了約十多分鐘，北菇田雞煲仔飯就送來了，女友先下豉油然後再蓋上煲蓋，再等一下才開始吃飯。田雞份量頗多，北菇亦有兩片；田雞肉較結實，肉質尚算爽滑，可惜鮮味欠奉，豉油並不突出，飯粒軟熟亦有飯香，女友略嫌飯焦不夠多。由於這店認真地製作煲仔飯和沒有期望下，我們都覺得這裡的煲仔飯算是不錯了，比起那些粗制濫造的好得多。

4月22日（星期三）晚，約十時左右，在中環起程送女友回家。坐巴士到了女友家樓下，但感覺上好像還欠一頓正餐，於是和女友走去最近的粉麵檔吃碗麵。這裡是很普通的粉麵店，我想吃坑腩，可惜賣晒，問女友想吃甚麼，她說牛肚，就來一個牛肚撈麵。 這裡的牛肚是用廇胃的普通牛肚，不是金錢肚，但煮得很腍，咬落不韌，而且很入味。可惜麵始終是鹼水麵，而且不知為何師傅又在麵上加上少許蠔油，以致女友食麵時覺得很咸，還好的是附上那碗清湯味道清淡，喝兩口中和了口內的咸味，那清湯相信應該是豬骨熬成的湯底。兩個人吃一碗麵，吃完後感到很滿足！

一行四人去果度食野. 因為我唔餓, 叫左豆腐花&豆漿, 共10元. 朋友們叫的麵各自24 至 34 不等, 另外我朋友再叫一個油菜. 食緊期間, 我地望一望張單, 佢寫多左5 蚊, 我地咪問佢個油菜唔係跟麵就+5蚊咩? 佢即刻話 "食果幾蚊野想我5蚊俾你? 我仲想叫你打包拎走添呀."(表示嫌我食得少錢, 因為我食10蚊, 阻住佢做其他人生意). 真係火都黎埋呀, 落order時你唔講, 依加問你係咪寫錯價錢先講, 仲要話本身都唔想俾我坐喎, 心諗如果要買外賣都唔會揀你呢間啦. 佢話要收我地個菜正價, 但個菜其實係我朋友叫, 佢有叫麵應該收5蚊.如果唔想人地叫幾蚊幾蚊, 佢就好心唔好賣幾蚊一碗豆腐花同幾蚊一杯豆漿啦. 一係你一開始講聲話有最低消費, 我最多咪俾多幾蚊, 叫多碗麵係度浪費都唔願受你氣. 佢收正價又唔講聲, 要到我地問係咩時, 佢仲要話本身都唔想俾我坐喎. 佢依加擺明係呃錢, 我地仲要受佢氣添 呢間野真係永遠都唔會黎, 唔聲唔聲呃你錢又冇禮貌

來過幾次，吃過魚蛋，牛肚和坑腩魚蛋: 夠彈牙爽口，魚鮮味一般牛肚: 夠厚夠淋滑坑腩: OK, 爽口，但有點偏肥總括來說，未算是100分的粉麵，但也不至於得一個哭面。平平地吃碗粉麵，這裡可以一試..午市時，這裡超多人所有單拼粉麵$19.

食晏時冇乜得揀，行過呢到即管試一下。叫咗坑腩魚旦撈麵，因為要坑腩所以要加3蚊。麵一送到知道有可能出事:事關冇特別吩咐，個麵竟然冇走蠔油，但係牛腩本身d味道就"遮"住晒;食落牛腩好淋，但淋得嚟有少少奇怪感覺，好似爛晒咁，變咗冇乜口感，味道唔算差唔算好，總括嚟講牛腩唔突出，要加三蚊唔抵；麵就真係麻麻:有梘水味同埋有少少發脹，麵身唔夠爽口；魚旦較為可取，有魚味但係唔屬於彈牙個隻。食品水準令我有少少失望。