潮苑正宗潮洲粉麵

营业中

休息中

今日去左香港仔，想搵間潮州粉面店食lunch, 行行吓見到潮苑，門面有大大塊嘅牌匾，店內都坐滿客人，令肥仔波對呢間店都幾有信心！肥仔波試左坑腩牛肉餅河（$43）牛肉餅 彈牙爽口，但係牛肉味就稍欠，可能係因為坑腩嘅味道太濃厚，所以蓋過咗。坑腩肥瘦適中，相當出色！在店內見到蔡瀾都係專欄介紹過，掂呀。油菜跟粉面餐價，另加$11；飲品跟餐麵加$7 有熱飲、$8有凍飲、$8有汽水，價錢都OK啦！🔺🔺🔺🔺🔺🔺🔺🔺🔺🔺🔺🔺🔺🔺🔺肥仔波指數：4.5/5分

牛肉餅坑腩河粉份糧：一碗正常份糧，值得一讚嘅係估唔到佢牛坑腩嘅份糧好多，而且十分厚，牛肉餅都有4塊，四十幾蚊黎講真係好抵食味道：湯有牛肉味，唔算好濃，岩岩好，牛坑腩十分淋，好入味。牛肉餅係岀名手打，有咬感

香港仔呢間潮苑粉面都算老字號，地點又方便就近巴士總站，收工太夜同老公買左兩個面番黎醫下個肚😆手打魚蛋粗面：魚蛋相當大粒，魚蛋同魚片每款都各有三粒同三片，推介佢既手打魚蛋，手打的確唔同d，一咬開巳經好多湯汁流出黎，而且好重魚味，口感比用機器製出黎既好，好鬆軟彈牙！坑腩河粉：一打開齊齊整整排係面，牛坑腩本身係最難整得好食既位置，不過佢既火候又做到岩岩好，燜得夠入味而肉質又夠鬆化，肥瘦得宜，伴有少許肥肉食落口無牛腩個d位咁硬！

叫左碗粉同一杯飲品，我都知呢D餐廳吾會亦吾可以座得耐。食完碗粉諗住飲埋杯野就走，粉食完，野飲重有3分2未飲，個員工叫左4個客入嚟座我座緊張枱，而當時得3個位係吉……結果4個客人同員工望住我，即係趕我走！以後都係去返南記。

潮苑食咗好多年，我最鍾意就係佢嘅牛肉餅河，即使我平時唔食牛丸，但嚟到呢度我都會點牛肉餅河～牛肉餅爽口彈牙，一塊塊圓形狀的，同牛丸差唔多顏色～牛肉餅幾有牛味，份量都好多添，都好足料~~~~~~~~我最鍾意就係外賣嘅話佢就會將麵同湯分兩個碗上，唔怕浸到啲麵變淋晒~~~~~而堂食既話嘅話就可以落好多蒜蓉粒❤️❤️❤️❤️但就坐得逼D，所以我比較中意叫外賣~~~~~~~潮苑正宗潮洲粉麵地址:香港仔湖北街12號地下

已經係唔知幾多次嚟呢度食啦 魚蛋更爽口 坑腩夠好食夠入味 極力推介魚蛋牛肉餅或者魚蛋坑腩河👍🏻👍🏻👍🏻價錢方面尚可 同出面食魚蛋河茶餐廳嘅價錢差唔多 值得一試

每次喺香港仔諗唔到食乜，又唔想食大型連鎖餐廳第一時間都會諗起潮苑坑腩米粉 ($33)依度嘅坑腩好夠淋，每次都會叫坑腩湯唔咸，食得辣嘅朋友，建議加埋枱上嘅辣椒渣，好好味以 $33 依個價錢，食到咁多坑腩，又有返咁上下質素，已經算唔錯片頭牛筋河 ($38)片頭爽口，少少彈牙，牛筋夠淋，算係入味片頭有 4 件，都係大件嘅，牛筋數量亦算多！每次叫河粉都習慣加啲醋同辣椒渣酸酸辣辣咁🤤菜心 ($10)菜心偏淋，比較細份，但仍然有菜心嘅甜味

嗌咗個招牌墨魚頭魚蛋河，墨魚頭冇味魚蛋質素普通四寶河質素都係普普通通，清湯淡到冇得再淡服務態度真係好差，首先店員冇乜禮貌，第二叫咗又唔記得跟住仲要鬧返我哋， 第三 冇貨又唔話畀我哋聽搞到我哋白等，跟住再叫佢地又扮聽唔到，叫咗幾次先過嚟

呢間野係香港仔係街坊都識，同區黎講略貴一兩蚊，但又真係幾有潮州風格同口味。先睇食咩好，貴唔貴？唔算平囉，正常價位。今次牛肚牛腩麵，蔥另上，呢個位好潮州。睇落賣相唔差，唔係好大碗。牛肚，入味，彈滑，金錢肚位，唔錯。呢個牛根係淋滑款，不是爽彈款，炆得入味，質感方面魚與熊掌自己取捨。麵底幾爽口，簡水味唔重，幾好。呢個係精華所在，炸蒜非常香，極邪惡，唔落對唔住自己，喜歡重口味人事不能錯過！總結：一間好潮式風格既街坊粉麵，好食既，價錢中等，多個選擇咁囉。

聽朋友介紹話哩間好出名，所以第一次來食。來到排隊好快，但系入到去嘅時候就有陣好唔舒服嘅味，而且餐牌都有滴黐黏黏，很反感。 然之後喊咗雲吞坑腩河，味道係ok嘅，再自己加埋炸蒜，辣椒油。味道一級。 最主要想講樓面乾淨滴就好啦😵

突然好想吃雲吞麵，雖然明知道不會很好吃，但香港仔吃粥粉麵的鋪頭實在少之又少，所以只好來這裡，可能大家都與我抱著同一心態，所以一到午市時段，這裡總是座無虛席，還經維持排隊入座的人龍。坐下來點了餐，很快雲吞麵便送上，不過單看賣相已經不吸引。一吃進口，麵還是很彈牙的，不過雲吞卻真的很接受，雲吞皮不知是否煮得太熟而變冧，雖然不算細粒，但整粒都是豬肉，蝦的蹤影幾乎看不到（或者真的是沒有的吧，因它沒有註明是鮮蝦雲吞），至於湯底當然後也沒有任何鮮味，顏色偏白，如果對食物沒有要求，只杙填飽肚皮的話也不防一吃。

潮苑係香港仔已經經營左好多年 無論咩時段去 都總有人係入面食緊粉麵幾乎每次黎食 我都係叫坑腩河 因為佢嘅坑腩真係好正😋但最近 我想試埋menu 上唔同嘅野 今次我就叫左手打牛肉片墨魚丸河粉 外賣番屋企食😚😚牛肉片我好細個個時就食過 已經好耐冇食今次食番 好驚喜 牛肉片比得好多 起碼有10塊😍😍而且好彈牙 同牛丸係另一種滋味墨魚丸都好有墨丸嘅鮮味 亦都好彈牙不過今次個河粉有d 漲左 淋左少少同埋唔知點解 個湯底好似比以前清左d 🙁🙁

落雨絲濕，胃口又差搞到唔知食乜嘢好，求求其其搵一間冇咁多人既餐廳，入去食啲嘢醫好個肚就算，咁啱就見到有間粉麵舖就入去食碗粉麵。入到鋪頭聞到牛肉味好香，就咁就叫咗一碗牛雜河粉加一杯熱奶茶。牛雜河 $27, 熱奶茶$6 跟粉麵價牛雜河粉，一直係好多牛魔王嘅至愛當然我都唔例外，牛雜做得入味，牛內臟味道好濃好香，個牛湯底都非常好味，加埋啲滑口嘅河粉再加埋啲葱花，真係而家諗起都口水嗲嗲渧。杯奶茶原本十幾蚊嘅，但係因為跟粉麵就淨係俾六蚊就得，杯奶茶都幾滑又算有茶味，呢一餐都算幾好食。

上星期自己一個人食碗牛腩河粉，未坐落兩分鐘，有位職員要求調去其他座位吃河粉，當食不夠十分鐘要求趕我走，我都係客人，我都有錢比，點解食個宵夜，食得背隻骨落呢？之後向本公司理倫，最後解釋！因為地方小，有其他客人在門口等，希望我合作一點，唔該一句話，真是非常好笑，最後至電石糖咀總店找負責人，理倫，原因係我食一碗抗腩河需要付三十二元，全香港仔最貴，打開門做生意希望客人食得開心舒服，不是為了追生意，個唒底線。

ot完，好肚餓，突然好想食潮苑，呢間我真係細細個就開始食，有種莫名既親切感！😙😍坑腩手打魚蛋河粉$41，坑腩少肥多瘦，但就一d都唔韌同埋hi，味道濃郁，無得頂👍🏻手打魚蛋彈牙有魚味！🉐️最鍾意堂食，點解？因為我會落好多好多炸蒜粒，連埋蔥花，湯底，好正架！加少少辣油仲惹味！😝雖然明知湯底好肥，但都忍唔住飲左一大半！😋+$10 有一小碟菜心，可惜今次既莖部有d苦，唔知係咪洗得唔乾淨，無食晒😰一個$51既晚餐，洗去工作大整天既疲累！