潮菜廳 (已結業)

附近見客，一條友就入左呢間野食，叫左個55蚊全包的餐:碟炒飯幾大份，豉油味幾濃郁，加上蔥花同蛋食落香口，味道好好，夠味。碟滷水拼盤實在太迷你了，每樣得兩件，之不過，勝在滷汁超正，唔會太鹹，滷鵝咬落唔老，滷肉肥瘦剛好，滷蛋至好味好入味，配合酸汁超YUMMY

好耐冇同老婆出街食飯，難得收工就近找間餐廳靜靜地唔使同人逼，老婆同我都中意食潮州菜，見呢間好似新開張冇耐，打算做下白老鼠，呢餐食得好開心冇令我失望，正宗潮菜，細細食叫左1飯3送，第一個上的乾鮑肉餅冇影相，味道還可以吧，賣相好精緻。碟特式炒飯都幾好食，沈左D蝦米仔喺面頭，口感更特別，我同老婆講，呢個食材簡單返到屋企自己可以試下炒本人好LIKE呢個寶魚芥蘭，有方魚、鮮蝦仁一齊炒芥蘭，好爽脆，色香味俱全。遼參扣鵝掌都超正，條參細左D，不過好滑，咬落彈牙，又索晒D汁，連舊香菇都好好味，鵝掌一樣燜得夠晒林

今晚老友同老公慶生，選了吃這新店，食物好好味：大閘蟹(公)酥炸牛腩(老板特別訂了牛)深海魚皮(超好味，即要多一碟)煎封黄立䱽(外脆內軟)魚翅(真係超多翅，正)龍蝦仔(好新鮮，好彈牙)一夜乾吊片(未試過，好有味，好鲜！)滷水鮑魚(正！)檸檬鴨湯(醒胃)會帶屋企人再嚟食！

親戚請食飯，BOOK左呢間餐廳，門面不大，入邊裝修覺得有少少港式茶餐廳的感覺；我地訂的是房間，還算OK，我只負責食，親戚點的菜，剛剛上的小菜沒有拍，但那個皮蛋覺得幾新鮮特別，以前好少甘樣食，最值得推介的隻雞，D肉好滑呀，食埋皮都唔覺得肥，淋上豆醬都唔會好鹹，上菜時特凳問下叫咩菜名，後來埋單時見到係168半隻，貴唔貴？見仁見智喇^^最貴的一味係碟龍蝦，（80蚊隻）上湯上好鮮，D肉質唔似食開的焗龍蝦甘"hi"覺得幾爽脆另外我超中意食的魚類，厘次叫左黃腳立，煎的，好香口，豉油味較得剛好，不會鹹，平時自己都有煮魚就是覺得豉油係關鍵碟芹菜炒魷魚，我冇點食，因為我唔食芹菜的呢，但聽阿姐講係由汕頭果邊海風晾曬的靚貨

以前行過好似未為意此間餐廳，原來真是新開的，點左個#潮式蠔仔粥，先48蚊，味道好正宗好鮮美，就係唔記得走芹了，仲有我中意食的#菜脯肉碎煎蛋，蘿蔔乾好香好脆D蛋好香，呢味真的好家常菜的味道，推介

午餐沒有多講究，直接點餐牌上的套餐，分量雖然好似好少，但是一男一女的胃口也夠飽了，#溏心皮蛋酸薑 好精致，味道不錯，#乾鮑肉餅 好迷你哈哈，两粒肉丸嘛，（建議商家不要叫肉餅）但是味道我中意，#豆豉雞口感好滑，但好似唔係好入味呢，#方魚肉碎粥 好好食BUT嫌太多飯唔夠湯了，例汤竟也是老火菜乾湯，整体都很满意，有機會再來試下其它正菜

呢間餐廳裝修幾土豪金個皮蛋賣相幾精緻，入口滑流，墊底的酸薑覺得唔係太酸，個炒飯最LIKE，在其他茶餐廳也食過類似的欖菜肉粒炒飯，但呢間食落D欖菜特別好味，另外仲有經典潮菜煎蠔蛒，正