潮食 (乙明邨街市) (已結業)

要整創新口味嘅雞蛋仔，但又要既保持到雞蛋仔好食，嗰陣味又夠突出，其實好難但潮食係兩樣都做得好好🤤無論係雞蛋仔定係格仔餅，都做到外脆內軟，而且味道突出，非常犀利👏🏻豬柳強雞蛋仔都俾佢諗到，而且食落又真係好似食緊豬柳蛋漢堡，但雞蛋仔依然外脆內軟，真係好正🤤綠茶朱古力雞蛋仔有齊晒綠茶味同朱古力味，唔會互相搶左對方嘅味，唔錯仲有榛子朱古力格仔餅都好好食，正

一直都係呢間舖頭嘅fans，佢嘅雞蛋仔可以話係冇得頂，第一次食嘅時候真係冇諗過雞蛋仔原來可以咸食，我每次經過都一定會買雞蛋仔，每次都大排長龍就知道佢幾受歡迎🤩網上面大家都推介豬柳蛋味，但係我個人就推介Pizza味，可以話係完全還原到Pizza嘅精髓，真係冇諗過Pizza同雞蛋仔係咁夾🍕佢哋暫時搵唔到新舖位，開到3月下旬就會暫時結業，未食過嘅朋友仔好快啲去啦，遲咗就可能以後都冇得試咁正嘅雞蛋，希望遲啲係FB嘅雞蛋仔關注群組可以見到佢哋開新鋪嘅通知啦🥹

#20230318 🤍📍 潮食 沙田乙明邨街9號地下乙明邨街市2-3號舖——————————————————————————————#夾心系列雞蛋仔 #豬柳蛋 $35💭 間舖得兩個人默默耕耘咁整，🐷都等左接近一個鐘，老實講唔係支持小店真係唔多值😣本身🐷以為啲餡係每粒雞蛋仔入面，可以逐粒摵出尼食，點知原來佢係得啲豬柳係一粒粒，蛋同芝士都係用塊雞蛋仔對摺夾住，拎住尼咬既雞蛋仔都係第一次食🙈其實就係換左皮既麥當勞豬柳蛋漢堡🍔只不過將出面塊包換左做雞蛋仔，啲餡還原度極高😂因為不獲房協續租，所以做埋26/3就唔做喇～但老闆話已經努力物色合適既舖位，希望佢新舖唔使排咁耐啦😅.#沙田美食 #🐷在沙田 #🐷_食

貴一貴都要 n 訪！冇諗過雞蛋仔可以咸食，仲諗住純粹過吓口癮，趁佢租約期滿前趁吓墟，點知俾個豬柳蛋芝士餡驚艷到！😲 分開幾次去先試到5款，但反而佢哋啲甜味雞蛋仔同格仔餅就一般般 🫢 每次去都有 encore 豬柳蛋 🤤綿綿不絕的人龍，辛苦三個職員輪流擔當不同職責，佢哋連自己正餐都係食自己舖頭招牌嘢，就知有幾百試不厭！溫馨提示：盡量喺附近等唔好行開，趁佢新鮮滾熱辣食超～級～正！凍咗就一定會爭咁d!快啲趁佢三月底完約前去！期待盡快搵到新舖位東山再起！

話說佢2023年3月下旬結業又有蘋果肉桂味、豬柳蛋、pizza味等雞蛋仔就趁佢未結業來試一試吧！✨星期日下午4點來到叫左一底蘋果肉桂味雞蛋仔店員話要等1個鐘點知最後等左1小時40分鐘😂.anyways 講翻個雞蛋仔蘋果肉桂味基本上係McDonald蘋果批個餡加半底雞蛋仔味道係可以嘅配雞蛋仔亦幾夾💪可惜個蘋果肉桂醬係凍嘅如果加完醬有烘熱會好食好多.總括而言：味道是可以的，但不是驚天動地impressive，等差不多兩個鐘就絕對不值啦~

豬柳蛋雞蛋仔 $35每一粒雞蛋仔都有豬柳粒，夾住煎雞蛋同芝士，鹹鹹地，味道唔錯👍🏻 但雞蛋仔唔夠香脆，只有邊邊嘅位係脆。蘋果玉桂格仔餅 $29格仔餅厚身，加上超足料嘅蘋果玉桂醬，食完會好飽肚🤣 蘋果粒爽口，但略嫌格仔餅唔夠脆，而且可能個醬太凍嘅關係，搞到個格仔餅新鮮出爐都唔係好夠熱咁😅〰️〰️〰️〰️〰小店有好多唔同口味嘅雞蛋仔，例如：Pizza、餐肉蛋、手撕雞等，鍾意鹹食嘅我，覺得都幾吸引。食物味道唔錯㗎，只係覺得雞蛋仔同格仔餅冇咗脆嗰個口感，扣咗少少分，但整體嚟講，都係足料好食嘅😋小店租約不獲續租，暫時做到三月下旬，店主已經努力搵緊新舖，如果想去試嘅話，就要快啲過去啦😉 今次我哋係星期日13:30去到，大概等咗半個鐘，冇上網睇話要等個半鐘咁耐，都算好彩😆〰️〰️〰️〰️〰️食物: 4/5性價比: 3.5/5 環境: -/5服務: 3.5/5Revisit: Maybe

知道潮食嘅豬柳強雞蛋仔好耐，但因為住好遠所以冇動力去食。直到喺關注組話佢就結業，想喺佢消失前點都要食一次！ 為左豐富行程，就要喺新城市睇埋戲，去埋車公廟。好彩3個地方距離都唔遠今次叫左3 底夾心分別係朱古力、蘋果玉桂、同必叫嘅豬柳蛋因為閒日去，12:30左右去到唔係太多人等，而且佢有十個爐一齊整，所有等左大約3個𡃁字就有👍🏻聽講如果放工時間同假日就要等好耐豬柳強真係唔洗多講，睇佢個拉芝就知好食！ 2個人分嚟食啱啱好，我諗自己隊一個都可以。充滿幸福感👍🏻👍🏻呢個蘋果玉桂好聚手超足料！蘋果粒粒仲係爽口！好食過麥記個蘋果批好多，而且夾得好好個啲餡唔會跣晒落紙袋，仲係好乾淨！ 不過呢個口味相對鹹味嘅豬柳蛋嚟講就甜同漏左啲，所以留返一半返屋企食。 而佢凍左淋左後都好味，口感似蛋糕或車輪餅咁軟綿綿買比小朋友嘅朱古力夾心配朱古力底，呢個都好好食！ 佢似係麥記早餐嗰杯熱朱奶但再濃味啲！ 小朋友放學後拎住係咁咬嚟食😋佢做到26號咋，真係要快啲去，希望佢可以快啲搵返個舖位遲啲開啦！另外隔2個位間越南粉都好好食，如果要等好耐可以去食住等

#潮食 係雞蛋仔界數一數二，一聽到小店租約期滿之後，都特意過去試試。📑做足功課，知道大家都想支持小店，要排隊要等岀爐，都預要啲時間，所以趁住假日，係小店開門前就排隊。無錯，係開店前已經排緊隊🙈🔅豬柳強 $35每粒雞蛋仔都脹卜卜。芝士足夠到漏邊，中間重有雞蛋同粒粒豬肉，好足料，食完可以當做一餐午飯💕

呢間係位於沙田屋邨裏面嘅雞蛋仔鋪🍳🧇，雞蛋仔同格仔餅都非常岀色，有好多特別嘅雞蛋仔口味，除咗最基本嘅甜味雞蛋仔，仲有鹹味嘅雞蛋仔，例如有最出名嘅「豬柳蛋夾心雞蛋仔」，同埋比我想像中多人叫嘅「手撕雞夾心雞蛋仔」，我由中學嘅時候已經開始食，係一間性價比好高嘅雞蛋仔鋪，價錢親民得嚟，質素都一直keep住水準🥰！由一間隱世店變成喺「雞蛋仔關注組」出晒名嘅一間舖頭，但可惜去到三月下旬就要結業🥺，希望佢可以喺同區繼續做🥹🫶🏻。🍴 豬柳蛋夾心雞蛋仔 ($35) 「鹹食嘅雞蛋仔好特別🫶🏻」本身我個人唔太鍾意食m記嘅豬柳蛋漢堡，所以一開始聽到豬柳蛋x雞蛋仔crosover呢個組合嘅時候，係冇乜好感嘅，但一直以來見到咁多人大讚，我冇理由唔試！然後試之後即刻「嘩」咗一聲！😍首先雞蛋仔外脆內軟，呢個係呢間舖頭嘅基本質素，然後雞蛋仔入邊每一粒都有豬柳粒，加上椒鹽嘅味道，再夾住芝士同煎蛋，成個雞蛋仔嘅味道即刻昇華咗，好有層次感！大推！！🤤😋 美味指數: 8/10💪🏻 健康指數: 5/10—————————————————————🍴 榛子朱古力格仔餅 ($29) 「飽滿嘅感覺 好滿足🧇」榛子朱古力味好濃，再加埋牛油

呢間嘢之前已經見有唔少YouTuber介紹過佢最出名嘅就係豬柳強雞蛋仔豬柳蛋漢堡啲friend 😂聽聞佢三月底就會結業諗住嚟試之前，其實都係OpenRice睇咗啲食評發現啲人話上個星期日用咗90分鐘去等即刻肴底笠水….即管試吓去現場碰一碰運氣去到現場，見現場排隊等嘅人都唔係好多店家話唔使等好耐，約30分鐘但係其實差唔多20分鐘已經攞得啦👍❤️拎上手有啲贅手結果係食到每一啖都係有豬柳漢堡粒喺入邊每一粒雞蛋仔都有芝士，同埋雞蛋好match其實我覺得呢個配搭仲可以將漢堡轉火腿，午餐肉或者其他嘢…希望佢會喺其他地方再開返啦

我同家姐上個禮拜五同埋今日都喺由顯徑邨屋行上山，行去水泉澳再行到乙明邨，第二次幫襯“潮食”買咗“芝士”、“朱古力”同“豬柳蛋”三款雞蛋仔都唔駛$100，而且味道水準同西灣河嗰兩間“蛋記”同“鴻記”仲有得fight，太抵食。

今日下午大約4時買了原味雞蛋仔及抹茶紅豆雞蛋仔，因為舖前都有大概10個顧客，所以我坐在對着舖頭那個公園的座位等（10步之隔，但仍能清楚聽到職員嗌的號碼）。大約15分鐘後，職員嗌我的號碼，我立即行回舖頭但已經沒有職員在拿食物的那個位置，於是我便問一位女職員有沒有嗌過我的號碼，她說‘無喎，會唔會係你睇唔清楚你張飛個冧巴？‘她這樣的回應‘很好’，我都是多等一會，所以沒問題，就算我看見有已弄好而又應該是原味的雞蛋仔放在那個準備給顧客的那個盤上。2分鐘後，我再聽到我的號碼，兩份雞蛋仔都有了，我立即回剛才的座位想襯熱品嘗，抹茶紅豆雞蛋仔是熱的，但原味那份當我咬下去那刻就知道出事了，雞蛋仔是放涼了的。。。這會不會是剛才那位職員小姐有嗌我的號碼，但見到抹茶紅豆味還未弄好，所以將原味那份多放一會？定還是不對清楚就說沒有嗌我的號碼？就算不是這些情況，凍咗嘅雞蛋仔就係唔好食，就算食到係有蛋味。這間受到吹捧的店舖就算能另覓舖位都不會再幫襯。最後補充返抹茶紅豆雞蛋仔夠紅豆，但抹茶味很少。

潮食！未聽過呢個名都可能聽過名物「豬柳蛋雞蛋仔」，將會係黎緊3月尾就結業🥹！由於都為數唔少嘅人特意來支持，等候時間都比較長，拍得住食壽司郎🤣，今日星期日等左一個半鐘✌️，由天光等到天黑～到手之後咬落去～嗯！係值得嘅！每粒雞蛋仔都漲卜卜包含住熱辣辣嘅芝士同豬柳，真係出奇地好夾🤤覓食攻略：1）預留到充足嘅時間先好買呀！今日見到位女士發晒炆嬲到震拍晒大脾，係度係咁問有未…😗買嗰陣都提左你要等起碼成個鐘起…（雖然建議等侯時間只供參考）2）避免接近黃昏嘅時候到訪/穿著長袖衫褲/自備蚊怕水，好多野咬🥹3）租單車嘅朋友要注意還車時間🧐返大圍還再行過黎都唔算遠4）肚餓嘅朋友可以買個撈面或其他小食，止下癮🤣5）買完，袋好張飛去車公廟行個圈再返黎都仲得👍🏻我地之前都介紹過，踩單車沿住城門河嘅路途中， 不妨轉個彎，試一試～希望佢地可以搵到合適嘅鋪位，繼續為大家帶來美食啦！最後，選擇留下來的香港人，貫徹鍾意排隊嘅同時要學識有耐性同包容❤️

豬柳蛋芝士雞蛋仔$35有留意開雞蛋仔關注組一定知呢間雞蛋仔KOL，不過因為早有聽聞佢既等候時間有幾癲加上地點又隔涉就一直冇試，然後聽聞佢只係做到三月尾先衝去食，去到先發現原來佢只不過係要搬鋪姐。個雞蛋仔粒粒都有一細粒豬柳扒，食到中間先會食到芝士同蛋，係一個咸既雞蛋仔，感覺好似食緊一個脆既雞蛋仔，同行人先覺得幾好食，我就覺得還好啦！而且等候時間再過長，值不值得等待就見仁見智啦~ 等候時間：90分鐘（星期日）

又有一間小店結業，因為房協唔續租嘅關係，希望佢哋快啲搵到新舖位。小店嘅雞蛋仔款式非常有創意，平時雞蛋仔都係甜食，但係佢哋就將豬柳蛋、Pizza、餐肉蛋、手撕雞嘅概念加入雞蛋仔嘅元素。今次試咗豬柳蛋雞蛋仔，等候時間比較長，要等大約1小時，如果可以嘅話建議平日去。雞蛋仔做得好香脆，入面真係加咗芝士，食到豬柳蛋粒，同埋溶咗個煎蛋，計時輕微溶溶地，食落去有驚喜。除咗一啲創新嘅款式，佢哋亦都有朱古力、抹茶嘅味道，另外都有朱古力格仔餅，款式好多。