潮館 (元朗廣場)

营业中

休息中

假日訓到自然醒，lunch 食左少少野 就搞到晚餐都夜左食～ 點知比我發現到呢間潮館 原來9點鐘就到宵夜時段～ 都幾抵食～ 小菜半價🤤打冷有7折🤤🤤 3個人叫左4個小菜1個炒河粉🤩🤩沙茶牛肉炒河好好味！ 又夠鑊氣！ 半價都係40幾蚊 抵過叫白飯😂 再叫左冰梅骨 酸酸甜甜好開胃～ 香酥鴨 即炸好香口 不過3個人食有8件又太多🙊 涼瓜班塊同蝦球茄子都唔錯👍🏻👍🏻 因為宵夜時段唔算好多人～ 所以上菜速度都好快手～ 食物又夠熱辣辣～ 就算晏少少先食晚飯都抵食🙌🏻🙌🏻

每個星期日的中午我都會跟家人到酒樓飲茶，平時去開個間今日實在太多人，便轉去了位於元朗廣場的潮館，沒想到價錢卻比我平常食開個間還要便宜一些。雖然潮館都係好多人，是用取票機等位的，如果是搭檯的話，等十分鐘左右就有位了，星期日的價錢是劃一的，沒有早茶、午茶或下午茶時段。先來一個皮蛋瘦肉粥，滿滿的一碗瘦肉是肉絲來的，雖然是滿滿的一碗，但材料不算很多，我希望皮蛋的味道能重一點這個點心拼盤很划算，$20有5件，甚麼也能嚐一點蝦餃比較迷你，皮比較厚，但蝦很新鮮最愛這個紅棗糕，味道很濃，女士恩物奶黃包，餡料也多的綿花雞每一件的綿花雞內的材料都很豐富芋頭很大舊，裡面都很粉蘿蔔糕餡料沒有很多，主要就是白蘿蔔，會咬到一粒粒蘿蔔鳳爪，少少辣，已經斬掉了指甲的部分，份量都很多的

慶祝晚餐，各人點自己喜愛的食物。到潮州酒家當然要叫鹵水拼盤啦，味道很好，很入味。豬耳，鵝，腸仔等都很美味。鮮蝦茄子煲，很鹹很鹹，係好食的，但對身體唔好，蝦很爽，係好食的。茄子好淋，無牙都食到，但比較油同鹹。欖菜炒飯，我第二次叫喇。不太油，味道適中，乾爽，大碟。食到後段有飯焦的，喜歡的人會好開心。最唔掂的蠔仔餅。油到不得了，無乜蠔仔，成舊都係粉，好鹹，完全不用點魚露。盛惠6.5元一隻的灌湯包。好熱，皮厚，多汁，有舊小小的肉，不算好味，不過特價品試下。

一行約十人吃生日快，叫了個套餐，餸菜唔使兩三分鐘全部放曬上枱，眾人吃不切，餸菜已放涼，兩度叫侍應唔好甘快，但沒人理，依然極速上菜，還黑面，更有侍應見一位客人影相，就用一個非常惡劣既態度說：你地掛住影梗係食唔切架啦，其實成張枱得一位生日朋友影相，而呢位生日既朋友亦唔會話從多個角度拍攝食物，碟冇人換，亦冇人收過碟，貴酒樓真係要檢討下點經營運作，和監管下員工既服務態度，客人吃過一次真係不會再有下一次。。

今日難得放假，同左屋企人去元朗廣場飲茶，呢個商場只有一間酒樓，冇得選擇，所以長期都好多人等位，尤其星期六日，不過幸好酒樓都算幾大間，幾多位。野食一般，不過就幾多選擇，而且唔貴。蝦餃拚粉果呢個岩哂兩樣都想食既朋友，蝦餃皮略為偏厚，不過蝦肉都幾爽口，粉果餡料好足。牛肉球拚鯪魚球又係岩哂三心兩意既我，一次過試兩樣，牛肉球比平時食開既細粒，鯪魚球夠彈牙。美斯腐乳通菜通菜鮮甜。荷香珍珠雞珍珠雞唔錯，份量剛剛好。蜜汁叉燒包

星期日黎到元朗廣場見呢間食店都幾多人等下環境都幾大又多位，應該都唔會等太耐， 即管試下， 好彩等左15mins 度就有位喇4 個人可以座8人台都幾好點餐紙有3張， 我影左一張， 因為呢張最多好野食開始點野食喇荷香珍珠雞呢個必食啊， 勁好味， 係每隻獨立包架， 味道同份糧都剛好藥善豬手呢個係最抵食只係$15.8仲要非常好食， 唔會好濃藥味， 連個湯都可以飲埋架， 超正翡翠叉燒腸牛肉球拼鯪魚球蝦餃拼粉果蜜汁叉燒包， 皮好軟棉棉， 肉汁都夠多， 正呀醬汁蒸鳳爪， 勁多隻都係$23 腐乳通菜埋單只係$227.5 , 但其實佢平日既下午茶仲平啊

星期六，同屋企人去咗元朗廣場「潮館」下午茶，好多人等位，不過都算幾快，等咗一陣就有位。呢間潮館平時淨係食晚飯，晚飯時段小炒都幾唔錯，款式又多。飲茶真係第一次，感覺中規中矩，平民價錢有咁既質素，性價比算好高，值得讚👍🏻媽咪叫咗個核桃包，我個人麻麻地入面啲好似冬瓜蓉既餡料，但媽咪中意，覺得唔算太甜幾好口味既嘢，真係人人唔同，哈哈😄

我地食$888半圍「潮盛宴」個套餐入面有鴛鴦水晶包但3隻都係苦的見到經理行過 於是問經理佢話「落左蓮芯，係苦苦地」跟住食壽包，又係苦的-兩樣都係苦 真係好難食於是我地搵個侍應問佢用的半鹹淡廣東話答我地話佢唔知於是我地叫佢可唔可以幫手搵一搵經理但個侍應答唔知之後直頭無視我地 -等咗15分鐘後又見返個侍應執檯我地問佢係咪打算唔理我地唔打算幫我地問經理點知個佢話「我唔識聽廣東話」-到最後最後搵到經理個經理話一批壽包返黎可能會有一兩隻會苦-但3個水晶鴛鴦包, 3個都苦2個壽包, 2個都苦5個包，全部都又苦又難食咁都叫一批包裡面得有一兩個係苦？-其實我地聽到隔離檯又係食呢個餐既客人佢地都係咁話包係苦既個細路女仲好大聲話「個包好難食」-然後個經理用極度悔氣既語氣話：「咁洗唔洗換水晶奶黃包比你地吖？」-然後對於佢個侍應既態度個經理超級理直氣壯又悔氣甘話：「佢新黎既，我講聲對唔住囉」-咁既態度 又難食又一肚氣真係無下次

今日嚟食下午茶，叫4樣嘢食，有一半都唔食得，離晒大譜!!服務人員態度懶散，落單叫咗好耐，呢啲都係通病嚟架啦~但點都估唔到，食物可以咁差，叫4樣，2樣都有問題。芝麻糊就有啲酸味，好奇怪的味道，都即時退咗。之後仲有個糯米芋球之類嘅，我個朋友唔覺意食咗個落肚，到我食嘅時候，發現佢入面的粉都唔熟。離晒大譜，其實有一半出事真係好誇張。同侍應反映啦，佢就即時話取消，好似咩事都冇發生過咁，仲習以為常咁。我好失望，下次唔會再嚟。

唔想煮飯，黎食晚飯都唔錯既選擇！黃金蝦球，好好味呀😋😋👍👍～個皮炸得夠脆，旦黃好咸香，又唔會覺得好油膩，佢係蝦球無殼，所以食起來好方便，$68重好低食呀~甜酸番薯骨，都好正，佢用左番薯而唔係薯仔，番薯好香甜軟糯~好有新鮮感酸酸甜甜好開胃😋😋👍👍👍個雞係套餐黎既，重有一個一魚2食，炒龍躉球翠肉瓜，同埋蒸龍躉魚骨，3個餸都係$2××幾，都唔錯架啦～雞正常冰鮮雞，普普通通啦～炒龍躉球都ok好食架，蒸魚都ok啦～係無咩肉好多骨羅！2個魚唔記得影相 ，$2××我可以接受架啦～埋單$500左右，3個人食，都算係咁，個黃金蝦球同番薯骨真係值得食😋😋

佢而家做緊優惠都抵食嘅！唔知做到幾時呢！宵夜時段：星期一至四，八點半後；星期五六日及公眾假期，九點後小菜有半價，打冷有七折試過佢啲嘢食呢又唔算話特別好食，不過咁大個折扣就比較吸引普遍來講佢每個菜都係大份嘅，如果兩個人食嘅話，可以試嘅菜就相對少啲喇！對上果次食我哋兩個人曬咗六個菜，最後就打包走！今次我哋叫左三個菜，其實都食唔晒！1）韭菜豬紅 $65韭菜就好少嘅，味道相對淡，唔夠辣，同大排檔嘅水準爭好遠2）大豆芽煮豆卜 $58佢裏面除咗有大豆芽同豆卜之外，仲有折左條嘅魚片頭，加咗少少辣，好惹味道，可以一試3）滷水拼盤 $95又係大大份，絕對係超過兩個人嘅份量，有掌翼，鵝肉，豬耳，紅布腸，雞腎，滷水蛋。如果特別鍾意食滷水嘅應該都OK嘅，不過我應該唔會再食嚕！

今日同老公去咗元朗廣場三樓潮館嘆一盅兩件，由於不想中午跟人迫，所以喜歡飲下午茶多d。其實好處多多，有平價點心🥟食又坐得舒適、找侍應幫忙都易d。下午茶的特價選擇都蠻多，有獨立特價、有孖寶形式、更有多款不同配撘，簡直包羅萬有。除了便宜，品質都好重要👍🏻即叫即蒸點心放上枱還是熱辣辣，份量跟午市一樣沒有因為特價而減少😘難怪經常排長龍。下午茶可於下午一時半取票，兩點便派位。蟹籽燒賣大大粒夠彈牙😋珍珠雞份量剛好👍🏻鮮竹卷有很多木耳絲，好桑😋

係元朗潮館飲茶飲咗好多年感覺都好好，嘢食同價錢都ok。今晚第一次去食晚飯，真係大跌眼鏡，好失望‼️夜晚人比較多，7:15去到要等45分鐘先入座，我地5大1細叫咗六樣嘢食。等咗15-20分鐘左右上咗第一碟醬爆花枝蚌片，睇到個份量以為自己食緊lunch，碟餸好似擺咗好耐，係室溫既，一D都唔熱。過多陣上咗川式辣雞球，更加震驚。😰😰隻碟本身就細，仲要半隻碟係擺個幾片葉，另外半隻碟就係擺所謂既雞球，我覺得似雞碎或者雞柳，完全唔係雞球。有職員通知我地咕嚕肉無曬啦，要轉其他，我地就轉咗個胡椒豬肚湯。之後我地再order多5個白飯，又等咗10幾分鐘，催咗兩次，佢話黎緊，但係一直都無上到。過多一陣先黎話無飯了，只可以俾到一個飯我地，咁我地就改乾炒牛河。點知佢俾咗一個凍曬既飯俾我地😓😓😓之後既每一樣嘢食都等咗好耐好耐。周圍既食客都等到唔耐煩。當上龍蝦伊麵既時候，再一次震撼我對龍蝦伊麵既印象，每人只分唔到一啖伊麵😑今餐既價錢接近$1000，我覺得完全唔值，份量細，味道一般，仲要等好耐，食完一樣等好耐先有下一樣。潮館飲茶ok但係晚飯就無下次。

有時晚餐諗唔到食咩又想食中菜就會來元朗廣場呢間潮館，除咗打冷嘅菜式之外都有好多中式小炒可以選擇。夜晚仲有啲孖寶套餐，我同屋企人最鍾意食呢度嘅蠔仔粥，唔太鹹味道啱啱好。另外仲會食麻辣豬耳，拍青瓜，滷水鵝片，蘇炸魷魚鬚。個魷魚鬚真係一絕， 食得出佢係即炸。而且我同屋企人貪呢度坐得舒服，慢慢坐都得，另外另外印象好深刻嘅係每次嚟到呢度嘅服務生都笑容滿面，香港地真係好少員工可以成日笑容滿面，呢一點係值得一讚。

今日下午去了元朗潮館飲茶，價錢超抵，食飽飽，兩個人都不用100元下午茶兩點開始，基本上都是點了些孖寶等，感覺上比去快餐店舒服是日蒜香雞粒炒飯28元，炒得很乾身，每日有不同的特價蠔仔粥，8元，材料十足，沒有將貨就價臘腸卷 17.8元，是舊式茶居傳統點心，臘腸肥瘦適中，現在已經不是很多地方做了，偶爾食一下，好像食到兒時的回憶合桃包12元， 飯後甜品，但不是很甜，很好樓面的阿姐服務也很好，只是廣東話不太正，有一點惹笑