潮館 (元朗廣場)

营业中

休息中

晚飯點左個188元羊腩煲， 點知一望落去得幾件羊肉，個size大約好似燒賣咁大粒，其餘全部都係筍，叫個經理過嚟詢問一下，睇下會唔會係廚房出現咗乜嘢問題，可否幫忙跟進一下，點知個經理係咁不停話可以幫你退咗佢，完全冇服務可言，發誓唔會再去呢間野！

個蘿蔔糕好粉又少涵、基本上係食緊一舊蒸好左再煎且有兩粒蝦米既糕：配上極油花生醬、超少既甜醬、辣椒油(非醬)至於條炸兩腸就好似石頭咁硬，個人覺得佢唔算係脆不能接受，唔小心真係會插爛牙肉講到豉油就好似大陸工廠刪減預算不斷濃縮成本咁，倒一下一秒都唔夠就拎走，要出聲想多啲先會係咁衣倒多一下比你最失望既係無小籠包，依個係我個人口味同對茶樓既要求，其他讀者就自己過濾一下，我覺得近年潮館裝修左靚左但野食貴左少左又差左。所以整體評價不見好。總結係飲左咁多年茶都未試過有咁既食物質素同價錢。

自己嘅生日啲朋友問食乜嘢， 由於小東邪我最近呢學習食得健康所以就搵咗呢間有營食肆其實好耐之前呢都飲個茶食個晚飯因像中就好極度好極度一般 不過元朗廣場呢個地點有就腳印像中又唔係難食 較早前亦都喺元朗呢間飲過茶 咁大家都支持有營食肆 咁樣就去試一試 今次有啲驚喜 上次飲茶服務都一般可能忙啦 今次服務好非常好係每一個員工都好好係咪再training過呢味道方面唔敢話好好食但係我哋嘅目標係有營食肆所以可以接受 加上可能係小東邪小弟我嘅生日飯 有人請食晚飯有利是收有禮物收所以心情特別好咁唔知作唔作準吖，總之平靚正大碟招呼好

今日，又去揾食，來了元朗廣場的潮館食晚飯。最鐘意食龍蝦既我，點了龍蝦伊麵孖寶加鹵水拼盤，優惠價$2××，認真抵食，所以點了一份來試試。同埋叫多個炒班球。味道方面，幾好不俗，份量亦算夠食，至啱我地e d大食積。

星期六中午，本來去牛角燒牛肉。嘩，10幾人响門口等緊....唯有去隔離潮館飲茶。飮咗$178，唉冇諗過稻香集團兩個人飲茶都要＄178 ,蠔油鮮竹卷，豬肚燒賣，炸🍆子味道都算唔錯。如果平啲就好啦，下次試吓下午茶時段再嚟過。人人在門口等特價下午茶。原來午市冇咁化算，難怪....呢個豬肚燒賣嘅賣相真係嚇死人，不過味道係OK嘅魚茸炸茄子算係好食又抵食潮州風情都可以試一下魚片頭同蝦棗Ok，有兩粒韭菜餃嘅嘢一般啦

現今世代開得成行成市的點心專門店比比皆是，然而水準參差，未必間間做得好。這次就試了一間不大合意的。點心好不好味暫且作為後話，先說上的時候都是側埋一邊的，更顯得蒸籠大點心小，未食都已扣分。蝦餃皮厚蝦少，蝦無蝦味，味同嚼蠟；而燒賣就是意圖以一舊肉質飽人，無聊到極點。蒸點之後是兩個煎點：分別是腐皮卷及蘿蔔糕。腐皮卷好像未煎完似的，談不上脆之餘，腐皮更是靭的，要扯開來吃，難以下讌。蘿蔔糕亦然，粉多蘿蔔少臘腸少，吃下是一口的粉，無甚味道，靠的就只是蘸點的甜醬。點心都是油加膩的代表作，難有再會時。

幾經辛苦 終於等到晚上九點鐘宵夜特價時段 打冷同小菜都有折扣 三個人食都好飽 仲要食完有得拎走都只係大概100蚊到 以咁既價錢黎講 食物質素尚算可以 捱得肚餓既你絕對可以下次黎試下

今天一大清早到了潮館飲茶，還記得有一次在這裡吃了個好好味的流心芝麻煎堆，是我回來再光顧的一大原因呢!裝修點FUSION 感覺，色彩繽紛。蜜汁叉燒腸 - 滑溜的腸粉皮裡面包著叉燒和翠玉瓜碎，味道不錯，但餡料有點太少了。香麻煎堆仔 - 上次食是黑芝麻餡的，可是今次是芋頭，經常被「香麻」兩字誤導，看來餡料是十分隨機的，不過芋頭也不錯啦，煎堆弄得外脆內軟的，我本身不喜歡吃芋頭都覺得挺好味。菜苗鮮蝦餃 - 蝦是爽口的，但菜苗不多，但整體也是好吃的。奶皇馬拉卷 - 不過不失，比以前吃好像少了點奶皇香味?

夜晚經過元朗廣場見到潮館門外既餐牌有些特價小菜，好似好吸引就行在入去..燉湯都好足料，味道唔會太鹹，亦都唔會淡到好似水，都唔錯既...最適合少湯水人士....滷水牛展唔會太"un"....都唔係太細碟...！粒粒梅糕骨...酸酸甜甜都好開胃，同埋有番薯...開頭仲以為是薯仔....方魚炒芥蘭...冇咩特別...

入元朗行街行到肚仔餓就揀咗潮館醫肚，呢間潮館我黎過幾次，感覺唔差架坐底睇睇餐牌先款式算多花多眼亂，隨便叫幾款啦先黎個花膠雜菜煲，飲啖湯先，幾清甜亦夠味，菜既份量唔少夠淋，花膠都有好幾件，幾有咬口，算好食！1之後黎個蒜仔乾逼黄花魚，條魚煎炸過再用D汁焗入去，外面淨番既汁唔太多，條魚鎖住D汁，須然煎炸過但肉質唔會太乾，調味亦都唔差，都算好味碧綠川辣雞球，同一般啫啫雞做法差唔多，但辣辣地幾野味濃湯雞燉翅，幾多翅喎，湯底好濃好足料l埋單3百幾，唔算太平但絕對合理

一坐低，無人問飲咩茶，算啦！根本唔夠人手，唔容易地先搵到個人，到有啖茶飲下，等左好耐點心無黎，一問之下先知根本無落單！！！有無搞錯呀！咁大間酒樓！之前都黎過食晚飯，都唔錯！睇返最近cm都麻麻地！人手唔夠！漏單！今次之後，我諗以後都不會再來！！！！😠😠😠😠

潮洲菜中的潮式鹵味、大眼雞魚等大家都愛食，但要食好食的潮洲菜一般都不會很平，區區一條大眼雞已經要百多元，這間潮館坐得舒服之餘，潮式食物亦有折扣，一百元有找，便可以食到大眼雞，還有其他小菜，水準也很平均；每月更有不同小菜優惠，幾乎可以把它當飯堂呢！

17號放工同女朋友黎呢度諗住食個晚飯，叫左鵝片，西蘭花同埋明爐烏頭，好快鵝片到左，跟兩個白飯，愈食愈唔對路，個菜呢？吹左一次吹左兩次，終於黎左，已經無乜胃口，都食左幾件。魚呢？？？？一問之下原來未落單！佢落單後同我講幫等加急！最後以落單計起半個鐘先到條烏頭極力推薦如果有時間唔知點用，就去潮館

坐了一个钟只上了一个送，问阿姐说关机了没下单，问怎么不早点讲答我们没有追所以在你们这吃饭需要一直问下单了没？送好了没？关键是态度好差，怪我们没有催，真的是第一次见下次不会再来了

今日係一年一度嘅平安夜，我們無去到迎接聖誕嘅熱點尖沙咀或銅鑼灣，反而入咗去屯門醫院接身體有啲不適嘅五叔一齊去元朗廣場嘅「潮館」食晚飯！我們叫咗滷水拼盤嘅鵝片都幾嫩滑，豬耳好爽脆，鴨腎都幾爽唔會過硬，滷水汁嘅味道就比較鹹！凍烏頭魚嘅肉質好鮮甜嫩滑，雪凍咗味道比煮熱咗嘅味道更加帶出魚肉嘅鮮味！蠔仔肉碎粥應該叫做蠔仔肉碎湯，因材料份量比較少，湯嘅份量相當多，味道就有啲腥！明爐烏頭魚嘅肉質唔算好嫩滑，配料嘅味道掩蓋咗魚肉本身嘅鮮味！咸菜豬肚湯嘅豬肚都幾爽滑，湯底嘅味道都幾清香！花生鷄腳嘅賣相就非常嚇人，啲鷄腳浸到「摷」晒皮咁，一啲口感都無！家鄉煎蠔烙主要係食到炸粉同麵粉，蠔仔嘅份量係超級少，唔好講話蠔仔就連蛋嘅份量亦都極之少，而且相當油膩，真係令我們覺得好失望！南乳豬手嘅賣相亦都係唔得，相當凌亂，豬手非常韌身，一啲都唔腍身！