影片
港铁太子站 B2 出口, 港铁旺角站 B1 出口, 港铁旺角东站 C 出口
继续阅读
电话号码
28111983
营业时间
今日营业
07:30 - 22:00
星期一至日
07:30 - 22:00
以上资料只供参考，请与餐厅确认详情
行开太子始创中心，呢度附近真系有好多好野食，今晚想食酒楼中菜，就决定呢间潮悦。📌避风塘肉蟹香喷喷，够晒野味，避风塘炒蟹，蟹肉肥美，配合高技术嘅避风塘炒法，炒出香口，食过返唔到转头📌上汤焗龙虾更好食，原只斩件落啖啖龙虾肉，肉质非常鲜味，肉身食落口感更弹牙，食完咀郁郁，超满足。而伊面底我认为更值一赞，面身超弹牙，加上索哂上汤龙虾味而不杰身，食落冇太黏感觉，味道、口感都好满足。📌粥嘅份量几大嘅，而且用料好足，碗底尽是肉碎。由于用料新鲜同充足，整碗粥都好甜，好香浓方鱼同肉碎嘅味道。📌津白色泽亮丽又甜又冧，配合浓郁金腿二者夹食，一浓一淡味道天衣无缝，确实有一手！✌🏼✌🏼📌长脚蟹好鲜美，肉质亦非常嫩🦀️📌炒猪肠粉真系好食，口感糯糯嘅仲好Q弹，钟意食肠粉嘅朋友一定要试试
继续阅读
今日同朋友嚟潮悦开餐，呢度嘅𩠌真系冇令我失望，每一样都有惊喜！首先必须大赞呢个荔芋酥炸带子，一上枱就闻到阵阵酥香，足足有6件，分量好够晒。外层裹住嘅荔芋蓉炸得金黄酥脆，咬落卜卜声，入面嘅带子又大又弹牙，鲜甜juicy，芋香同海鲜味夹得刚刚好，一人食几件都唔够！然后系酱油长脚蟹炒肠粉，点咗两份都被秒杀！长脚蟹肉多到爆，拆得好干净，啖啖都是蟹嘅鲜甜，酱油汁炒得好惹味，劲够镬气，肠粉吸晒啲蟹汁同酱香，滑溜溜又入味，根本停唔到口。咁潮汕小炒皇都好出色，配料好丰富，虾米、鱿鱼、菜脯、青椒等炒得香气四溢，咸香够味，口感多层次，用嚟送酒或者送饭都一流，超开胃。钟意食蟹嘅千祈唔好错过港式避风塘肉蟹，只蟹新鲜到冇得弹，壳脆肉嫩，避风塘酱料炒得好香，蒜粒炸得金黄，带少少辣，惹味到舔手指，蟹肉饱满，每一啖都系幸福感。椒盐鲜鱿都好有水准，鱿鱼够大只，新鲜爽脆，椒盐味均匀裹住鱿鱼，咸香适中，外层微微焦香，内里保持鱿鱼嘅弹性，越嚼越香。最惊喜系上汤焗花龙虾伊面，只龙虾超级大只，肉质紧实弹牙，上汤浓郁鲜甜，伊面吸晒啲龙虾汤，每条面都挂住汁，鲜到掉眉毛，龙虾肉蘸少少汤，鲜味直接冲上脑，食完真系返寻味！最后饮返支蜜桃好卡顿啤酒收尾，细支装啱晒女士，蜜桃味好清新，带少少甜味，酒精度唔高，清爽解腻，同呢啲海鲜小炒简直系绝配！总体嚟讲，潮悦呢几道菜都好有水准，食材新鲜，味道正宗，无论系朋友聚餐定系家庭饭局都好适合，下次一定会再嚟试其他𩠌！
继续阅读
🍴潮悦，今天再来帮衬 😍😍😍每次必嗌招牌菜包括- 怀旧虾多士：虾味香浓，嫩滑又鲜香，每食一啖都有美颜感觉。- 沙茶牛肉芥兰：爽甜的芥兰淋上惹味浓郁的沙茶酱，浓稠程度控制得恰到好处，牛肉片份量唔少，也很美味，大家都抢住黎食。- 长脚蟹肠粉：长脚蟹唔止够大只肉都好多，仲有金黄蟹膏！炒完之后膏香渗入肠粉，每一啖都系浓郁海洋味，邪恶但心甘情愿卡路里超标！-卤水掌翼：食潮州菜必食卤水，这次点的是掌翼。卤水渗入掌翼，香浓入味，咸香惹味！- 腿茸扒津白：好creamy嘅口感包住尚有脆度嘅津白，质感顺滑软腍。
继续阅读
对潮悦一直有份情义结，于是约朋友到太子品尝怀念很久的食物。🦀避风塘炒大肉蟹可是这里较出名的菜式之一，大肉蟹炒至干身，起初入口时不觉辣，但由于较为入味，越食越辣，幸好虽然辣，但没有盖过蟹肉原有的鲜味，而最欣赏的是加入大量炸蒜，更惹味。蟹盖不只是大大个壳，内里的肉尚算足，而且不会太过黏壳，稍舀匙就很容易吃到。🦑鱿鱼须炸物黎讲d炸粉好薄，唔会食到成口粉，全部上枱仲系热辣辣，岩岩炸好，Very good👍🐔碧绿川椒鸡球，那股香浓的川椒味道, 紫苏叶炸得轻盈薄脆, 嫩滑的鸡肉跟鸡皮黏附著炒香了的川椒丝, 味道与口感都是相当惹味不俗, 是伴饭的最佳选择。🥬以新鲜既竹笙配蔬菜同其他素食配料烹调而成，竹笙既质感爽脆 蔬菜既鲜嫩。罗汉上素既酱汁为整道菜提供左丰富既风味，入口口感丰富，味道清新而美味🥰
继续阅读
豉汁蒸白鳝好大一碟，cp 值超高。白鳝新鲜，鲜味十足，冇泥味，蒸得岩岩好，肉质爽弹配埋豉汁，绝配。啲豉汁搽满晒白鳝，完全冇偷工减料。鳝又蒸到刚刚好，非常之滑👍椒盐鱿鱼须 好食过酒楼或其他小店，鱿鱼好新鲜，肉质鲜嫩，咸咸香香，松脆可口，越吃越起劲，真的要再 encore 啦 ！💯腿茸扒津白上面淋满金黄色嘅腿茸芡汁，仲有啲火腿碎粒闪闪下，未食已经闻到阵阵咸香！津白煮得啱啱好，菜叶软淋但菜梗依然保持爽脆，完全冇过火嘅「烂蓉蓉」感觉。捞埋饭食简直无敌🥢长脚蟹肠粉佢真系巅覆左我哋对炒肠粉嘅概念，肉质结实鲜美。平常不太吃蟹的我都吃的津津有味！个肠粉炒到好似炸肠粉咁脆卜卜，炒得干身唔油腻仲索晒啲酱油，酱料唔会好辣 以鲜味为主 老少咸宜🤤整体来讲，必食系长脚蟹肠粉同 椒盐鱿鱼须，食完仲想再食，流连忘返，份量都好多，食到好饱，同埋环境超舒服，坐得好开心😋
继续阅读
您可能会有兴趣的...