澳洲牛奶公司

营业中

休息中

有人話澳牛服務員態度唔好，有人話效率高🤔今日好耐好耐好耐冇去食，走去食返個茶餐，多士烘底牛油面好正，🥪又唔太燶，脆卜卜食落口好有幸福感覺，义燒通唔太淋，煙靭度適中，煎太陽蛋有流心，食物係茶記黎講好食，正。不過枱係細d，4個人迫埋一齊個個叫茶餐係唔係好夠位擺，惟有食快d。我佩服股務員個個係望住枱食客，個個都好似在作戰狀態中，知道枱細同加強快速清枱入座，見人食完即收，一眼關七，效率非常高，比起有d酒樓或茶記，d阿姐唔知望邊好好好好多。推唔推介比遊客？會㗎！澳牛唔係享受環境，黎澳牛體驗一下香港茶記文化幾好吖👍🏻

唔該真係唔好再介紹任何朋友，旅客，或者任何人再嚟呢間餐廳食嘢。我好聲好氣問過職員攞張凳 ，只係問咗1句，佢話「跪俾你囉好冇」，我聽完打咗個突。我之後同佢講我好聲好氣咁同你講嘢，你咁樣同我講野？佢仲問返我轉頭話我依家得罪你呀？喂，唔好態度都由你地啦，但係唔係咁樣講嘢囉。我黎食野咁多年不嬲都知佢哋有凳仔會俾人放野，仲要係你哋個侍應係自己走過來問我哋食乜，我相信我問多一句都冇阻住佢？我真係唔明點解你哋個職員話要跪俾我？我話唔想係度食，個職員仲要走過黎同我講唔想食就走啦。我真係唔知你個職員係咩態度。好食嘅餐廳，香港大把，唔該唔好再吹捧呢間餐廳

雖然澳牛好出名，但非九龍人真係唔會專登出去食，呢排係附近上堂先捻起可以試下。係澳牛門口一定有一條長長地既人龍，但唔使驚，只有唔係排到轉彎，其實15分鐘內都入到去，如果係1個人，更快添。第一次食，我記得係5月，一入座就即刻有人問你食咩，餐的話選擇都係標準早餐同茶餐。早餐落完單5分鐘內就會比到份炒蛋配多士，等多一陣，連通粉都黎埋，呢個效率真係嚇親😂本身都無咩期待，唔覺得有咩好食，點知食過一次就上癮😂，令我回頭既其實係塊烘的剛剛好既多士。多士係烘到剛剛好，表面淺淺烘過，咬落去有食到麵包軟熟同表面焦脆口感，唔會面脆得濟，亦唔會覺得無烘過。炒蛋就正常發揮，但係比較唔喜歡係炒蛋既果浸油味出左少少，火腿通粉正常大碗好食既雞湯通粉。茶餐今次試埋茶餐，一樣效率快唔使講，叉燒意粉既意粉比平時食既粗D，偏淋少少（個人喜歡食偏硬意粉），叉燒都唔少，有約6片。而最喜歡都係塊多士，又係烘得剛剛好。☺️仲有叫左杏汁燉蛋，杏仁味重，燉蛋嫩滑唔會過甜，推薦比喜歡飲杏霜既人😆奶茶同檸茶，係標準好飲既，檸茶夠酸夠澀，奶茶茶奶比例平衡。總結：唔可以話係香港最好食既茶餐，但一定係標準既茶餐，分量黎講好夠，女仔食曬應該好飽下。效率

🥣茶餐 $52有牛油方包（烘底）、火腿炒蛋、叉燒湯通粉，+2轉凍華田🥤份量好十足，本身煎雙蛋轉炒蛋，炒到好滑，叉燒湯都有味不過有得揀沙嗲牛通就更好😆華田應該落左煉奶所以係好飲🤣🍳🍳🍳🍳🍳🥚蛋白燉鮮奶 $33叫左凍既，口感好滑身☺️好重鮮奶味，應該用左樽仔奶去整🥛有陣冰糖味🍳🍳🍳🍳🍳整體而言，晚餐黎講都好多人黎食，奧牛送餐速度都好快手，唔洗要客人等餐，食物質素都幾好👍🏻

佢應該係稱得上香港最有效率，最符合香港人高效率嘅茶餐廳首先我行入去就已經有好明確嘅指示，我要坐邊佢招呼完我大概用咗30秒就可以落單我前前後後，應該用咗1-3 分鐘就已經可以進食總括來講，如果你係自己一個行入去，純粹係解決嘢食嘅話 你係絕對可以15分鐘就已經食完個午餐出返嚟每一次去我都覺得啲夥計嘅態度都好似好左推介嘅菜式 常餐炒蛋係最好的👌🏻配番個靚意粉🍝不過最出色應該就係凍奶茶啦，我覺得好有港味 一定要試見下圖

係情意結，那年讀書，常與同學一起去食，同學仔總會提我，快d 叫食咩，呢間有咩好食……回憶就是美好。今日再到，看到伙記們開心交談，又張瑛，又咩台灣人做，講講吓又咩倚天，咩金毛獅王，咩張無忌。聽住都開心，那是集體回憶，香港情... ...當然記住叫茶餐，伙記好心提我，飽要唔要烘底，炒旦，煎旦，心急又帶點緊張地點好餐，開心享受，那味道。叉燒通粉：湯味濃郁，叉燒都有4,5件，通粉夠軟（好怕硬），我鍾意。火腿煎雙蛋配烘底多士：當然最愛厚多士，記住那些年多士冇咁厚，烘底加牛油已好好味，仲有煎旦，嘩！旦汁點包又好，成嗰放入口都好好味，火腿仲有兩片，早排去另一餐廳食嘢，火腿片變火腿絲，sad。熱檸水：係有四片檸檬，唔係所謂的已破碎了俾你的所謂仿檸檬。。。正。蛋白鮮奶：同場加映，熱蛋白鮮奶，那些年必叫，開心的回憶，仲係熱烘烘，甜度剛好。美麗，就是不變，情，常在。

perfect turn over rate.even queuing 20ppl outside, just clear it within 10 mins.they just hv three set menu.very effective kitchen, cleaners, staffonce u sit down u need think of food u eat. if u wait, staff will stare at you.😳your heart will feel nervous❤️u will eat faster and leave it faster.very good marketing skill🥚🥚🥚egg are excellent.the milk pudding is very good too.90$ eat u very full.price is very good in tst area. worth.will come back✅#food #hkfood #hongkongfood #hongkong #hongkongdesser

#乜乜飲食日記 「由細食到大。留住溫度、速度、溫柔和態度的Comfort Food。但真係貴咗好多」———————————————🔺速食首選🔺香港人特色🔺快快快🔺多士炒蛋好食🔺最多二人好啦🔺懷舊🔺其實燉蛋燉奶都好食———————————————🍊常餐 $52 (lol)炒蛋多士烘底＋通粉＋熱奶茶•炒蛋同多士 通粉會食到一粒不留🫶🛎未去過的提提你～正餐只有3款：快餐、常餐同早餐😆

巧合喺呢間餐廳附近嘅office intern, 成日經過都見到排好長隊，以為真係神一般咁好食。有一次放工就去試吓食，啲職員真係好煩 係咁催人落單同埋單。佢個套餐確實係冇乜選擇，晚餐好似得兩個套餐，其餘就係單叫🤔個人覺得太普通，加上都未睇完餐單，已經俾人迫落單，感覺上好似嗌錯餐😢同埋我男朋友本身食嘢慢，職員對住佢黑面係乜事？究竟呢間好食嘅地方喺邊？蛋白燉奶？真係有嘅 我都唔會嚟食。。😕

澳牛相信係大部份香港人都唔會陌生，出名鬧客催落單同上菜快而見稱，而佢的炒滑蛋同燉蛋燉奶都有番咁上下質素。但大家或者未必知澳州牛奶公司名字由來，原來老闆曾經係澳州做過農場工人，所以係70年代開冰室時就改名澳門牛奶公司。今日經過佐敦，居然唔洗排隊，咁岩又等緊朋友，咁就入去叫左碗蛋白燉鮮奶，叫完唔夠10秒已經光速送到枱上。呢度的燉奶唔係雙皮奶，不過佢奶味都幾香濃，而質感都幾嫩滑，但又唔稀變得水汪汪，所以證明鮮奶同蛋白的比例，加上蒸煮的時間都調較得岩岩好先做到呢個效果，咁多年同每日咁多客都Keep到呢個水準，其實都唔易。最後唯一對澳牛有些少失望的係埋單時，個伙記俾左單我時居然好有禮貌同我講「多謝幫襯」。呢四個字完全係衝擊左我一直對澳牛的認知，難得伙記有禮貌反而會有種唔慣的感覺，更加不禁懷念以前戰戰競競嗌餐，驚俾伙記鬧的回憶，或者人就係咁犯賤吧!

🙌🏻😌打曬蛇餅都好快入到去～果然出名快！🤍🥣 🐄 蛋白燉鮮奶 - $33近排愛上咗蛋白燉鮮奶，去到邊都要試一碗🥣養顏潤膚依啲就其次啦😌最緊要都係好味呀嘛😚之前試親嘅都冇乜特別，但係澳牛依碗簡直係蛋白燉鮮奶嘅巔峰(🥇頒過獎俾佢先!啲蛋白同鮮奶味就算凍住食都好出味🤪🤪🤍🤍非常之香滑🫶🏻🙌🏻質感👶🏻🍼好似初生BB嘅皮膚咁嫩滑，擺入口佢會動L動L咁🤤(咁講小變態 but trust me!!簡單啲講：味道+口感=好味到冇嘢講💘p.s. 絕非打手🫲🏻✍🏻鍾意蛋白燉鮮奶嘅fans試咗就會明🤤-📍 澳洲牛奶公司 (佐敦)佐敦白加士街47-49號地舖

今日經過見到難得唔駛排隊 就入咗去食前面兩位入咗去我用兩隻手指✌🏻示意兩位門口個哥仔勁串問我幾位okay 澳牛啲串嘴風氣又返曬嚟不過入面嘅侍應其實都仲係好nice 叫咗一個常餐跟凍檸茶 牛治烘底加凍燉奶澳牛啲野水準一直有下降趨勢常餐個通粉無以前咁好食尤其個叉燒越嚟越薄今日個叉燒已經係厚返小小個湯底唔知做乜勁鹹 鹹到隔開啲湯食 最好食都係炒蛋多士 水準一直keep到另外叫咗牛治都還好 牛肉比得唔多 係罐頭碎牛肉但烘底烘得靚嘅燉奶依舊好食 好夠滑不得不提下杯檸茶 茶底超清 好好好好飲！！Btw 今日自己個檯 仲有其他檯都係兩個人坐卡位 好驚驚😂😂😂😂驚隨時比侍應_叫我地坐返一邊

我移民咗去英國，難得得返嚟香港， 梗係要試下佢個光速餐都排幾長龍， 但係啲侍應哥哥真係好有效率， 原則上我只係等咗五分鐘侍應哥哥都好有禮貌同埋好有效率， 當時落緊雨， 佢哋都有主動幫人將啲濕嘅遮放入個膠袋裏面好有效率， 一入到去就即刻問我食咩隔咗唔使十秒後即刻有得食， 非常欣賞我點咗茶餐通粉份量超足叉燒都好多個湯底都幾好飲唔錯炒蛋特別正係我最推薦嘅嘢又滑又好味凍朱古力都幾好飲飲品通常都係你食到一半啲侍應哥哥就會過嚟問你飲咩抵讚我下次一定會再嚟

今日第一次挑戰澳牛，未去之前做足功課：睇用家評論、餐單同背熟要點嘅嘢。一坐低，侍應立即過嚟落單。我叫咗「茶餐，多士、炒蛋、通粉」。因為枱比較細，飲品要後叫。落單五秒後，叉燒通粉已送到眼前。再過五秒，多士炒蛋都嚟埋。果然係光速效率。叉燒通粉無論叉燒定通粉份量都好足。通粉煮得啱啱好，亦好夠味。炒蛋香滑，牛油多士都唔錯。差唔多食完，叫埋杯凍華田。差唔多飲完，侍應就會過嚟寫張單俾我。埋埋單，成個用餐過程只需20分鐘，快💨、靚、正！

事隔半年又再來澳牛🐮仍然係排長隊、人氣依舊向來好鍾意呢度嘅職員高效率、做實事🔝✔️雖然有啲人會覺得佢哋好惡有時落單講慢咗 都被白眼🙄但佢哋真係好Man😎分享今日所見所聞今日我坐喺卡位入面要同另外一個陌生男人搭枱此時有一個大肚婆🤰行入嚟要搭我哋嘅枱對面嘅男人玩緊電話📱仲未識反應此時 Man爆職員已經話：快啲讓裏面嘅位出嚟比大肚婆🤰坐入去呢度男職員嘅貼心真係😍😍😍食物有幾高質不需要多說 大家睇相☺️