澳門茶餐廳 (已結業)

假日期間，行過路過既下午茶時光。 一場黎到當然要試下招牌菠蘿油啦，細味品嘗之下只覺得 菠蘿包依舊鬆軟，但本人覺得已經不如以前那麼好味道了。豬扒包方面，勉強也算是厚切吧，但失望的是該日豬扒相當肥膩，總體而言感覺一般般啦

老實說尖沙咀食客幾怕去這類名氣店因為怕左d service但今朝心血來潮要吃魚柳見順路澳門就澳門今早澳門這個魚柳簡直好吃得驚為天人厚 肉多雪白 炸得剛剛好95分面包也軟熟他們賣朱仔包是名不虛傳了36元一個早餐送小蕃茄，煎蛋火腿友人叫肉碎菜譜銀針粉配多士煎蛋如改炒蛋 就不給火腿35元我們都要了即磨啡人客不多名店也要俾心機做大堂放映機

系海港城行咗好耐覺得有啲攰，出嚟搵咗意見環境唔錯嘅茶餐廳，霖住味道應該唔差，不過食完之後總體嚟講菜式都比較偏咸...雲吞麵甩粉，口感好面，比較粗糙。同其他茶餐廳比起身，雲吞又唔夠大粒，而且皮偏厚。澳門炒飯，份量幾大，入面有墨魚片，不過因為炒飯比較咸，所以墨魚片本身嘅味道食唔出~~燒鵝好味！本身嘅醬甜甜地。仲可以額外點酸甜醬，皮好酥脆，肉嫩。薯條軟熟好正~~~紅豆冰，小朋友好鐘意食！！紅豆量一般，不過無煮得好軟好爛...

放假同朋友特登出去澳門茶餐廳食野,為既係食個西多士西多士加牛油雖然好肥但好正,好有口感但又唔算好肥之後飲左個奶茶,又係好夠味再食左個海鮮炒飯,依個就麻麻地,炒飯唔算太香,但都夠飽肚

岩岩好同女友行街嘅時候講起話都好耐無過海去澳門咯，然之後就見到前方有叫做澳門茶餐廳嘅餐廳，真系緣分。不能夠違背老天爺，入去食餐飯先走喇。天時熱，首先整翻杯奶茶先，奶茶凍凍地，絲絲甜味入喉，感覺行咗咁耐街嘅熱氣都系奶茶作用之下消散咗。接落嚟就系咖喱牛腩喇，雖然話咖喱無印度餐廳咁好味，不過都唔算差咯，咖喱醬好濃稠，而且味道都幾重下，好在平時食開，牛腩都系帶著咖喱同牛腩味，燉得比較爛，所以牛腩入嘴易咬。澳門炒飯咯，一碟炒飯之中粒粒分明，好爽身，加入咗些少嘅搭配料，火氣好足，每一粒米都味道均衡，咸淡適中。

以前係尖沙咀返工成1LUNCH都去食,果時講緊人工得一萬蚊,40蚊一個飯好貴嫁所以都係糧頭先去得,果時好鍾意食個萄撻依家人工高左,雖然鍾意食D貴價野,但久唔久都會返黎回味從前,今日就特登同女朋友黎食下野今次我地2個人食左唔多野,佢就咁食個奶油豬,奶酒幾多下,個包都幾脆,幾好味我果個就多塊芝士,好似惹味D,食落正好多個蕃茄通粉都OK,蕃茄食得出好新鮮,通粉唔太林,岩岩好易入口坐左一個鐘度,開始多人,所以走啦

從來無寫過食評，但今次真係好鬼嬲！明明就是忌廉湯，佢吔死都話係萄式青菜湯！仲話完全沒有放忌廉！雖然其他客人都是內地遊客但都唔係咁求奇！連塊午餐肉都好似塊牛肉乾咁乾！我以後都不會再去！

叫左個炒蜆帶子炒飯，全碗飯只得2粒迷你帶子，硯肉1粒都冇!啲飯一pet野咁，間中有2啖以為自己食緊粥，咁樣都叫炒飯?成個飯最多系洋蔥，青紅椒，都唔緊要，個飯要$73，合理嗎?

首先，我想講我以前都係度食過幾次但自從一次食焗豬扒飯入面有隻蟑螂之後我絕無下次！諗起都嬲爆！食食下係飯入面有隻死蟑螂，大家諗下食果個有咩感受！除左反胃想嘔都諗唔到其他！，個侍應啊姊仲要愛理不理，豪不想解決問題！仲有同我講隻蟑螂可能係大隻煮熟咗先咁細隻！真想對佢爆粗！可能佢唔憂做喇，總之冇下次，以後都唔會再去食！而且d嘢食又貴除左西多士我覺得幾好味之外，其他味道都一般，出面好多餐廳都好味過佢多多聲！最緊要係兜飯有隻蟑螂，個侍應啊姊仲要愛理不理唔解決問題！呢d茶餐廳最好快d倒閉！！！

係公司樓下個間澳門茶餐廳點咗蜜挑金沙骨焗飯。個餐配送熱奶茶。個焗飯好足料。食材有菠蘿肉加豬排。個焗飯好熱。冬天入口好正。個賣相好正。個飯有蕃茄汁味。個飯焗到金黃色。豬排肉好嫩，好易入口。因為混入酸味蕃茄汁同埋菠蘿肉，好開胃。杯奶茶好熱。好飲。價錢$50。

香港嘅澳門餐廳，哈哈哈哈，平時得閒係澳門都食過下，就唔知呢間會係點樣。入門首先就覺得環境都俾人感覺好舒適，飯點都比較多人，排隊等咗一陣。澳門蛋撻就無必要問喇，蛋撻感覺賣相一般，但系烤得正，外表好酥脆，但系又唔會過分鬆散，蛋液嘅話，點講咧，就系味道好香醇咯，而且口感係真系好嫩滑嘅，同蛋撻皮系兩個不同嘅概念咯。炒鴛鴦嘅話事實上我覺得同街邊買嘅味道差不多咯，加咗啲洋蔥、丸什麼的作伴料，口感上多咗小小層次，都算用心，師傅手技唔錯，炒得火候掌握得很准，價錢又抵，總體上系比較滿意嘅。

今日又要同同事出去辦事，老細話見我地做野辛苦請我地下午茶，甘我地就近去澳門茶餐廳啦，我地去到果時有位，餐廳唔算大，環境就一般啦，不過最重要系D食物。嚟到澳門茶餐廳當然要點葡撻啦，睇個樣就知出品唔錯，外酥里嫩，皮脆蛋液又滑，烤得剛剛好，濃得嘅蛋味同奶香味，嚟到一定要點啊。凍咖啡不過不失，唔覺得特別，同一般茶餐廳差不多，對咖啡要求唔高嘅無咩所謂。有個同事話呢度嘅乳鴿唔錯，就點左一只來試下，味道可以，肉夠入味，皮烤得又夠火候，都算系外脆內嫩，仲系值得一試嘅 。最后就系呢度比較出名嘅豬扒包，同澳門嘅一樣口味，現烤嘅面包加大塊豬扒，面包烤得好脆，豬扒煎得好香，組合一齊好掂，嚟到嘅朋友仔一要點啊。

澳門茶餐廳啲野係出左名大份夾抵食噶，再加上老闆娘咁鬼死熱情，食野都食得開心啲啦ha 黎呢度一定要點翻煲咖哩牛腩，啲牛腩簡直唔可以用一片片來形容，而係用一舊舊來形容嘎，我自己都嚇左一大跳啊，不過啲咖喱汁好完美咁滲曬入啲牛腩到，牛腩好入味啊 牛油多士雖然好高卡路里，但係我無理由拒絕一碟咁好食噶食物嘎，而且上面舊牛油真係好大塊啊，我好鍾意吖 唔好以為茶餐廳淨係得多士奶茶呢啲野食喔，呢度仲有燒鵝食嘎，不過就燒得有啲隆咯，麻麻地。 食左咁多野，最後黎翻杯經典絲襪奶茶，真係好鬼嘆吖

未夠鐘食飯但又好肚餓 咁就遊蕩下尖沙咀搵野食行入呢條街發好多間唔同名但格局好似既澳門餐廳原來佢地係同一集團經營架 見到門口香噴噴既葡撻呼喚我，忍唔住買左雞批同葡撻黎食 門口旁有企位同side bench比人食野，應該岩岩出爐仲非常熱辣辣呢 雞批就冇咩特別，個批皮其實幾厚所以餡料相對較少，雞同洋蔥味都唔係好突出，勝在夠熱同牛油味香 葡撻反而好正！面頭微微焦香，蛋味香濃，甜酥皮好鬆脆一樣都係非常熱辣辣好好味可惜旁邊有人食煙影響食慾，但尖沙咀想食小食葡撻都為一個好選擇

香港人外出飲食係唔健康，少菜多人，唔係我想而係基本無選擇，個午餐全都係肉同加工肉，加埋油打架汁真係唔想肥都短命都好難。叫左個白汁雞焗飯，係好味架，飯有炒埋雞蛋塊但兩者乾身, 特別係邊位D飯焗到如膠粒硬，真係要撈白汁先入到口，雞好大件連雞皮,不過烘完肉硬左D，有成4，5件咁多，個白汁加埋少量煙肉碎同洋蔥，不過我真心想有菜食呀，其實只有肉真係好滯好唔健康，攝取唔夠會引起好多病。個餐包一杯熱飲架,不過奶茶麻麻, 我也忘了影相。