澳門茶餐廳

营业中

休息中

喺香港食茶記就好common，但冇諗過唔洗去到Macau係HK都食到澳門小食，餐廳仲每日都有新鮮seafood任君選擇，食到我舔舔脷😋奶油豬仔包非常之高質，脆身香口，識落香香甜甜，簡直係味蕾嘅享受😋配搭埋個冰鎮香滑奶茶，香濃細滑，簡直冇得彈😍避風塘炒大肉蟹簡直嘅滋味滿瀉，大肉蟹果然係啖啖肉，而且啲肉質新鮮有咬口，配搭埋微辣避風塘口味，炒仲好香口，食到我意猶未盡😙XO醬炒鴛鴦牛河都唔錯，啲牛肉厚身，配搭埋肥牛幾特別，河粉係偏幼身嗰種，都炒得幾條條分明，都唔錯🤩馬拉盞炒通菜非常之好味，通菜翠綠脆身，配搭埋辣辣地嘅馬拉盞，非常之啱我口味☺️澳門燒豬頸肉非常之高質，外脆內嫩，豬頸肉係非常之好食，勁鍾意佢個口感，而且仲有啲薯角同酸辣醬配搭，非常推介🥰餐廳整體空間感十足，而且座位都闊落，而且上菜又夠快，職員態度都唔錯，幾推介✌🏻

雖然不是住尖沙咀，但在這區吃喝玩樂特別開心，尤其是有小朋友，九龍公園又大又多設施，一星期總會至少會來一次。最近去了與九龍公園咫尺之遙，名叫「澳門茶餐廳」位處樂道40-46號吃晚飯，唔洗去到澳門係香港都食到澳門小食😋炎夏，天氣熱到焗桑拿，又肚餓又不願排隊，這間餐廳都頗大，有好多位。一坐低，即叫這裡招牌，原味樽仔冰鎮奶茶，$26，透心涼快。之後，慢慢點菜，發現這裡雖然是茶餐廳，但原來除左食到正宗澳門小食，仲每日都有新鮮海鮮提供❤️我點了馬拉盞炒通菜，$70，火喉足夠。燒乳鴿，$54，即燒熱辣辣好惹味。清蒸龍躉仔，魚質鮮滑。澳門焗葡國雞飯，香噴噴，葡國汁滋味，$80。全部菜都是新鮮出爐，而且不收加一。

今日我老闆帶我來公司對面呢間♡︎澳門茶餐廳♡︎食lunch,佢成日來呢到食葡撻架，佢話唔使去到澳門都可以喺到食到正宗澳門小食🤓餐廳地方好大好闊落，重好乾淨👍🏻重有個魚缸養住啲海鮮😍呢到每日都會有新鮮嘅海鮮供應👍🏻茶餐廳食到新鮮海鮮，超新穎👍🏻𒊹︎招牌咖喱牛腩𒊹︎香濃嘅咖喱牛腩😋味道濃而不鹹，微辣嘅牛腩炆得夠軟淋👍🏻𒊹︎自家秘製燒鴨油雞例牌𒊹︎燒鴨皮脆有光澤😋肉味香濃👍🏻啖啖肉，油雞皮潤澤油亮，肉嫩香滑👍🏻𒊹︎薑蔥大肉蟹𒊹︎呢個真心讚👍🏻大大隻肉蟹，好食過喺酒樓添😋啲肉超新鮮，彈牙結實👍🏻最貼心係跟埋手套同蟹鉗比我地🫶🏻好多地方都冇噤好配套𒊹︎葡式蛋撻𒊹︎餐廳有一個櫃，專放蛋撻👍🏻葡萄皮夠鬆脆😋濃濃嘅奶香同蛋香😋當飯後甜品食❤️正

而家嘅茶餐廳，真係包羅萬有，競爭力真係好大，好多都會出佢自己嘅特色食品方便大家打卡，而呢間澳門茶餐廳除咗有澳門特色食品葡撻，豬扒豬仔之外，仲有海鮮就有海鮮、乳鴿皇等等避風塘炒大肉蟹超大隻，蟹肉結實，其精髓是蒜蓉的獨特風味，讓人吃完蟹之後仍啜指回味 👍🏻招牌軟骨皇子鴿比一般餐廳好食，甚至媲美酒家，佢用先攣滷水再炸，唔會過鹹😋葡撻及咖吔砂糖鮮油豬仔包我每次都必食，豬仔包唔係硬掘掘係非常酥脆的🤤澳門炒飯非常足料，有叉燒、燒肉、蝦仁等等😀澳門焗豬扒飯，竟然食到兒時味道，而家好多個汁好濃嘅茄膏味，食完好口渴，呢個汁我好鍾意❤️豬扒軟淋滿分滿分💯🧋冰鎮樽裝奶茶好郁值得飲🥤紅豆冰正常水準🍹鴛鴦可能你會飲過但兒童鴛鴦你飲過未？😂其實係好立克+阿華田，都真係幾好飲，我唔係兒童都非常喜歡😎

同同事嚟咗呢間澳門茶餐廳食下午茶🙆🏻‍♀️因為見佢幾抵食，每個餐都係$4-50嗌咗個牛腩撈肉醬飯，味道ok口味偏咸，但牛腩幾淋肉醬就係普通好似台式肉燥飯個啲味道但係都幾細碗，男仔當正餐未必夠飽啦同事嗌左個乾炒牛河同炒飯睇落又唔錯喎聽聞佢啲炒野都幾好食下次再試下啦☺️

間唔中會專程去澳門冰室食早餐或者lunch, 一個疫症連冰室都摺埋， 今日一早要去尖沙咀training，咁先去澳門茶餐廳食返個早餐：豬仔包依然脆卜卜香噴噴，炒蛋咖啡都係一個味道-好味🤤 由巨人三文治食到今日嘅豬仔包，佢哋嘅麵包和豬仔包都係咁吸引我，希望澳門茶餐廳可以繼續做落去。

這茶餐廳的食物很多元化，中式、西式、燒味等食物都有，估不到的是，連煲仔飯也有。朋友點了精選午餐A，鴛鴦臘腸滑雞煲仔飯。本來我對這煲仔飯不抱期望，因為午餐的煲仔飯，不可能即點識煮。果然，朋友點餐後不久，煲仔飯就送上了。出乎意料的是，煲仔飯一上桌，就聞到微微的焦香味，甚是吸引。友人分了一碗給我吃，米飯粒粒分明，有焦香味，雞的味道不錯，肉質也不差，就是臘腸和潤腸的質素稍為差了一點，不過這個價錢，並且不是即點即煮來說，質素已是很不錯。我點的是豬扒包，豬扒有厚度，味道和肉質都不錯，麵包外皮脆，口感佳。飲品方面，朋友點了凍咖啡，香濃，好喝。

今日落咗去尖沙咀試吓呢間澳門風格嘅茶餐廳，我唔熟路都花咗一陣去搵個入口。入面好大，朝早又唔算多人，都唔會趕人走。成個set A 要42蚊，但係都叫抵啦：👍👍豬仔包 — 平時我會叫多士，但係我食咗成個星期嘅炒蛋多士，同埋好少見到茶餐廳有豬仔包，所以我都想轉下口味。個豬仔包咬落去脆到有聲，又有厚牛油個口感好豐富。👍招牌沙嗲金菇牛肉通粉 — 金菇通粉都少見，可惜無乜味，要靠個沙嗲汁加味。個牛肉口感都幾好。👍凍奶茶（跟餐）— 味道唔會太濃，杯奶茶都唔係好凍，用住手機飲杯凍奶茶都幾正。呢度早餐去到12點，下次可以唔使咁早起身😎同埋我想講澳門茶餐廳而家淨係得樂道呢度先有分店，希望唔會搞錯🙈

以前都成日幫襯樓上果兩間！呢間都係第一次，通粉同豬仔包都保持水準，但個雞翼炸到黑忟忟干憎憎，又一大陣雪氣味，咁都可以比客人嘅🙄🙄🙄🙄環境感覺污糟，見到都唔開胃！真係無下次！

最愛呢間澳門茶記的早餐／常餐，價錢抵食，滿足哂我所有的慾望餐肉。蛋。腸。雪菜出前一丁，仲有多士，唔會總係差緊樣想食的野，仲可以選擇辛辣面，好邪惡吸引的常餐雖然衛生同環境比較偏舊同冇咁乾淨，需要行樓梯，服務員都明顯係熟手，但就唔好奢求有特別好的態度，但味道絕對係我想要的茶記面餐

朋友說這店的特餐和焗飯都很好吃，這天則改試午餐。點了午餐B，紅酒汁燴牛腩，選了意粉。紅酒汁牛腩和意粉是分開送上的，意粉不會因醬汁而變得太軟。這紅酒汁有淡淡的酒香，還有點意式風味，味道很好。牛腩很多，煮得很軟，除了牛腩，還有很多蕃茄和紅蘿蔔，意粉的份量也很多。這午餐連湯和飲品只售$59 ，實在超值！（這午餐本來只是包湯或飲品，但我點了飲品後，侍應說送湯給我喝。）另外點了一個午市中式小菜套餐A4，蝦醬通菜炒牛肉。這餐包括白飯和老火例湯，點飲品有半價優惠。通菜頗多，炒得爽脆青綠，牛肉也不少，不過就沒什麼牛肉味（這是預期之內）這小菜的味道也算是不俗。飲品點了原味冰鎮樽仔奶茶（加$9 ），不太甜，有茶香，不俗！另外要一讚這裏的侍應，我們點了兩個午餐，二人分享，問侍應要一個小碗，她看見我們一共二人，就主動給我們兩個碗，後來見我們的水已喝完，就主動給我們添上兩杯暖水。以茶餐廳來說，這服務很好了。

叫個豬扒意早餐,三小塊豬扒全是連一條骨,只咬到小小肉,應該係切D晒肉做正餐,留番呢d做早餐,點解會咁?打去個男人聽,反映完答我豬扒當然有骨,聽唔明我講"三條"都係骨,聽野唔經大腦,仲同我講數,咁你想點呀?我想你食左條骨,但講唔出口!冇下次!

突然好口痕好想食茶餐廳焗咖哩飯，以前放學成日會喺銅鑼灣食澳門茶餐廳，而家已經執咗，上網搵到尖沙咀仲有一間，就專登揸車出尖沙咀試吓澳門茶餐廳嘅焗咖哩牛腩飯啦。泊咗喺附近嘅harbour city，行返去到尖沙咀樂道，奇奇怪怪咁見到對面有「澳門茶餐廳」招牌，點知又要走返過對面再上樓。我哋叫咗一個咖哩牛腩飯，一個蕃茄醬焗豬扒意粉，加咗個菜。等咗都幾耐，在場見生意非常慘淡，加埋我哋得兩枱，可能係weekend關係掛？啲食物上枱時有啲失望，焗得太耐喇，燶得滯，咖哩又唔夠香，亦唔平，只能說是童年回憶😩

食開對面早餐想試下新既過左黎食一入到去地方幾大好多卡㡴但舊左d不過有澳門特色設計都可以叫左最鐘意既蕃茄牛通就叫左個鮮油火腿豬仔包配鮮茄牛腩湯餐肉粒通心粉 $38個通粉黎到比想像中大餐肉粒係煎過先落湯既起碼有8-9粒都有牛腩粒 大概都係6-8粒食到牛腩味湯底係港式羅宋湯feel幾足料 不過咸左少少 同無香葉既味道既不過夠料 每啖都有肉或菜 好滿足豬仔包部分，佢唔係奶油豬，係無奶既包有點硬 但夠脆上半個包唔夠牛油🧈所以有啲乾但下半夠牛油加上火腿係平衡到既 脆口得黎就唔乾上半個包就濟左d我用左黎點湯食岩岩好熱檸茶就正常唔算太澀有驚喜係餐廳有提供代糖多數得高級餐廳先有呢間茶記有真心有驚喜 好細心加分整體不過不失唔會叫做非食不可不過路過想食下茶餐廳都可以食下佢以呢個價錢 有呢個滿足感 可以再黎

地庫澳門茶餐廳一直比我嘅感覺都係好西式。呢幾年裝修咗就變咗茶餐廳格局，總覺得以前個裝修好好多，最近受疫情影響，都好擔心佢做唔住，最近終於的起心肝去試下🧐叫咗個常餐，招牌蕃茄牛腩通粉，首先想講份量真係幾大下，個通粉湯底好夠味，而且食到牛腩粒，真心抵食，但其他配菜就真係差少少啦，個豬扒喺而二條，而唔係一塊，而且好大浸油味，有待改善。咖啡真係真心好飲，希望澳門茶餐廳繼續做落去💪💪，疫情過後亦都會時常幫襯