澳門冰室

营业中

休息中

返工前，來一個茶餐廳大早餐，因為過咗繁忙時間，一個人都可以坐卡位，不過因為坐得太入，良久才有服務員過來。一個早餐，丹麥多士絕對可以推介，煎蛋腸仔一般，沙嗲牛肉米粉一流，熱鴛鴦有啲苦，要落糖才好飲。整體來說，比起一般茶餐廳，質素較高。

great service, good food, good price... value for moneytry the pork liver and ginger... the steak is really good too...

朋友帶先識點行上去，如果唔係去左對面果間😅 叫左三份早餐4個人食，成檯都係野食。 份量多，款式都夠，奶油豬仔好味，三文治都幾好算軟熟，麥片一大兜😅 總括樣樣都幾好。環境坐位痴得埋左點，但好在冇乜人，都算舒服。

尖沙咀有條街，偏偏就有3間叫澳門XXX嘅餐廳😳重點係佢地唔同老細之餘食物質素好大分別，揀錯就中哂伏。今日悲傷小姐就建議大家去食大廈旁邊上樓個間，的確係好食d🤫💗鮮茄牛腩湯通粉+奶油豬仔包配忌廉炒蛋+涷檸茶($53）羅宋湯有香濃同自然嘅蕃茄味，酸酸地幾開胃，因為有大量蔬菜粒令湯底更鮮甜，湯底煮得夠味又唔會太咸，甜嘅比例會比酸甜多少少🍅配料包括蕃茄、牛腩、蘿蔔🥕、洋蔥🧅同埋薯仔🥔，全部切成細細粒熬得夠淋。豪不吝嗇咁有好多粒牛腩，肥瘦平均，食落有咬口肉質亦唔會太鞋🐮通心粉夠大粒，通粉煮得啱啱好，唔會太淋有口感。用上坑紋通粉更加吸味。滑蛋炒得唔太油，蛋味濃但冇咩調味，而且份量較少🥚💗皇牌蜜汁叉燒通粉+奶油豬仔包配火腿煎蛋+涷奶茶($53)湯底係經典嘅味精清湯，不過唔算太咸🤣叉燒份量十足，叉燒算瘦但食落唔鞋，肉質有咬口都幾腍，但色澤較淺，遜色位就係冇燒焦位同蜜汁甜味，不過以唔係燒味舖嘅質素都算中上水準🐷豬仔包即烘即食，外皮非常香脆，不過包心就韌咗d，中間夾住大大塊未溶嘅牛油🧈練奶份量多到漏哂出嚟，咸咸甜甜咁非常夾，雖然好邪惡，但係系悲傷小姐嘅”飛彿”🥰火腿就薄薄地得一片有d唔夠喉，不過勝在煎得香

香港嘅疫情令不少食店都被迫暫時閂門，而今早因為需要到尖沙咀搞D野而到澳門冰室碰碰運氣😂早餐餐牌上有好多選擇，而我揀咗一個3餸面嘅出前一丁餐🍜，公仔麵煮得剛剛好，而豬扒夠晒淋，紅腸就普通，咖啡☕️是即磨而夠濃（好飮)，收費hk$34也值得！

今時今日lunch time 係尖沙咀揾平野食，實在越來越難，最近比我發現尖沙咀嘅澳門冰室既港式早餐時段竟然係去到中午12:00點!!~~ 甘就可以用平價早餐價格食反個full set 常餐啦!!~~早餐A (hk$34)沙嗲牛肉米粉: 沙嗲醬汁味濃，醬汁帶點惹味，米粉份量非常足夠，牛肉肉質比較軟身，牛肉份量尚算多，大約6件左右。炒滑蛋: 炒蛋份量不少，蛋味濃，不太油，炒得香口好味。牛油多士: 可能係外賣既關係，焗係個發普膠盒入面，多士已經吾脆，有點濕濕淋淋既感覺，如果分開用外賣紙袋放可能會好好多。港式熱奶茶: 茶味非常濃厚，奶味細滑，奶茶好飲，值得一讚!!~~以茶餐廳來講，送外賣既服務尚算不錯，打完電話叫外賣，都係大約等15分鐘左右便送到，買三十多塊錢都可以送外賣，服務真係吾錯!!~

有無人發現星期六尖沙嘴食野係好難唔排隊，如果趕時間都唔知點算！X芳園啊，X記芝士撈丁啊，星X冰室啊，根本係無可能有位！！無計啦唯有食間冷門啲嘅。🍅番茄牛腩湯通粉（可轉公仔麵、米粉等等），配煎蛋腸仔，牛油脆豬（$47）👉🏾呢個番茄湯好出色，係飲得嘅羅宋湯，加少少胡椒粉就更正👉🏾脆豬大大塊牛油真係好邪惡，包韌左啲啲，但我都食晒......識我嘅都知我好鍾意食番茄湯底，尤其是呢種煲到啲菜林晒，入晒味嘅羅宋湯！！個人推薦配公仔麵，因為掛住晒啲湯真係好正！😍😍

本人為澳門冰室長期食客一直認為食物與服務性價比高但近來多了一位瘦削帶眼鏡女侍應此人下單態度極差，全程西口西面收拾餐具似發洩，傳菜亦然做得咁辛苦不如唔好做希望餐廳跟進

今日同老公行行吓街落大雨，就走咗入澳門冰室早啲食個lunch. 因為聽聞澳門冰室最出名係蕃茄湯底，所以我一定要試吓。我點左個番茄濃湯豬膶公仔麵套餐，老公叫咗個番茄牛腩湯通粉套餐，套餐可以跟雙蛋或火腿蛋，厚多士或豬仔包。首先個面底OK都幾彈牙，通心粉夠大粒有口感。湯底真係好香濃蕃茄味，但唔會太酸，不過湯底啲牛肉粒就比較少，而豬潤就比較硬，可能煮得太熟。豬仔包用嚟配番茄湯底食會比較好味。總體來講還可以，而且價格尚算合理。

喺尖沙咀返工搵晏晝食係最難又要好食又要正唔係間間都好依間冰室都幫襯左好多年唔好要求服務其實食物都算唔錯首先焗咖喱牛腩飯咖喱有咖喱味囉牛腩就冇牛腩味不過窿窿地又幾好食依個價錢來講算性價比高迷你版西多士牛油多個麵包如果唔要求質素嘅話其實算唔錯

吃过午饭之后呢想在附近找喝的。侍应认真不高兴。感觉香港人都是这样。可能问路的破坏环境买东西的太多太多 上去点了一杯鸳鸯23。说最低消费30。于是打包给钱就是27。

今日中午和朋友經過尖沙咀，附近的食店都人山人海，見到有間澳門冰室需要行樓梯，不算太多人，就決定醫醫肚，侍應安排我們坐一邊卡位，態度都不是太友善。餐牌有焗飯和意粉、蕃茄濃湯公仔麵，飯意粉套餐，最後我們點了蒜香蝦仁雞柳焗飯和司華力腸片芝士肉醬焗飯，跟餐餐配上西多士或蠔皇時蔬，凍飲加$3。蒜香蝦仁雞柳焗飯 蒜味不足、蝦仁少、雞柳肉質還可以，飯太濕，汁太多。司華力腸片芝士肉醬焗飯 味道偏咸，普普通通。總評：服務極差，食物普通。

簡單凍咖啡少田多粉結果比正常更甜同阿姐講加啡 中和俾佢以嚴厲眼神痛斥 「咪已經少田囉」搭桌的哥哥 亦告知阿姐 佢杯凍咖一樣 要求少少田比正常更甜充滿怨氣阿姐 最終肯 為我那杯加水 當然最終依然係甜到牙痛既啡水

大家都知道澳門茶餐廳，其實不一定要去到澳門先至有，但偏偏在尖沙咀一條街内，就為何有三間怎麼多用上不同的(澳門)名字的餐廳，今日就走咗上樓，食一間叫《澳門冰室》，走入大廈的旁邊有一條小樓梯直達二樓 但門口總算易找到，樓梯的背後也有一幅著名大三巴的牆畫當然只是早餐時間，所以餐牌只有數款選擇一個看似簡單，其實是豐富美味的餐肉腸仔蛋一丁麵，食落麵質大不算太韌，當然餐肉蛋腸也滿意，特別是這片肥而不利的午餐肉用上鋼杯，已使耐熱性上更能保持，當然味道較為重要餐廳內裏的位置雖然稍為迫夾，但也好在還算乾淨

澳門冰室員工態度惡劣送外賣時見到我怒啤我我:要特餐a 多士 炒蛋 熱奶茶仕應:小姐 你碗野要咩丫 都未講要咩就咁快講野飲我:咩碗野仕應:食咩？我:a 我要a仕應又問:你叫錯左啦無丫 你個餐無多士 得奶油朱跟我:咁我要奶油朱—————-分隔線——————-然後無比到炒蛋比我 佢落左早餐c😪落咩都無講声