灣景廳

話說好日唔開電視，一開電視仲要已經冇乜睇嘅台見到灣仔區buffet有優惠，380蚊一個？有生蠔🦪食咁平？嘩嗱嗱臨叫個C9同事幫手買(我冇dl果個app)，其實都冇乜期待😂見平有生蠔試下晚餐當日行去，其實地鐵行去有啲遠😂有老人家唔太啱，除非call車。去到餐廳，唔洗等，直接入，餐廳唔算大，當日入座率目測約9成，而食物就真心普普通通，冇一樣特別好食，包括生蠔🦪，感覺唔算新鮮，不過冇乜野好食，所以食咗幾轉，連最穩陣凍海鮮都好一般，蝦🦐居然有沙😵‍💫，沙律區叫做多啲選擇，應該係咁多食物中叫好啲，熟食區揀唔落手，片皮鴨又一般，燉湯唔夠熱，有啲直頭係暖😵，鴨肝應改名叫鴨乾😑，有樣嘢叫做幾好，叫做部分食物一直有refill，甜品一般，最好係心型格仔餅🫣夠脆口開正我口味，花生醬夠濃，我自己加好多😂，overall，食物真係唔太吸引，不過餐廳大部分侍應都醒目有禮，真心加分唔少。如果做優惠一試無妨😃

話說最近暑假又嚟啦，我又開始好得閒，周圍喺度食buffet，大大話話我都食咗三四間buffet，令我最覺得surprise😱，仲要CP值好高嘅就係今日介紹呢一間，就係灣仔國際 - 灣景廳‼️‼️其實呢一間buffet，我已經唔係第一次食🤭🤭❤️‍🔥，所以非常之推介俾大家，仲要保證新鮮👍🏻 衛生一流👍🏻 最令我嚇親嘅係🥰🥰🥰 竟然有自助飲品吧，而家有好多出面buffet都唔包嘢飲，或者只係包啲果汁咖啡茶，但係竟然佢哋仲有樽裝汽水任飲🥤🥤除此之外，我覺得佢哋嘅嘢食款式都足夠，應有盡有，冷盤、熱食、沙律、海鮮、雪糕、甜品，樣樣都有🥰🥰 想知道有咩嘢食，睇吓下面就知🤭👇🏻⭐️ 重點美食：黃金芝士焗蠔、翡翠XO醬炒蝦球、辣酒煮花螺、香蒜粉絲蒸扇貝、紅燒花膠鴨掌、海鮮焗釀蟹蓋、日式蒲燒鰻魚，等等。🐠 日式刺身：三文魚、八爪魚、吞拿魚、北海道帶子、希靈魚甜蝦等輪流推出🦪 冰鎮海鮮：即開生蠔、麵包蟹、加拿大鱈場蟹腳、鮮蜆、鮮蝦、藍青口及翡翠螺。🍴 鐵板區美食：香煎鵝肝、香煎牛舌、燒牛仔骨、雜錦沙嗲串燒、章魚燒、香草烤羊髀、烤牛肉眼，等等。🍲 熱葷美食：清蒸比目魚、雞肉小籠包、豬腳薑、椒鹽魷魚、日式燒汁烤茄子等

芝士焗龙虾，是酒店招牌菜，有龙虾鲜味。威灵顿三文鱼，好正。鹅肝酱好香。苏打水好饮，好够气。榴莲芝士挞，豆腐花，意大利粉等等，整体來說，食物都味道好，舍得比靓质素好食物。網上訂位，价钱平均一个人388蚊，相对其他酒店，自助餐算平了。

依家自助餐係我第一次試，我覺得星期六仲要係晚餐價錢唔貴，一日$488 連加一主題係海鮮盛宴，開頭諗住去假期，而且晚餐咁平應該選擇唔多，但去到比較想像中多，冷盤有長腳蟹腳，蜆、螺、青口，另外有一款係小龍蝦，我就唔啱，意想不到係有生蠔，各種刺身，刺身中大部份款式都味道不錯，反而三文魚同埋鯛魚就冇乜味道。另外一日送一隻芝士焗龍蝦，熟食方面，有醉酒鮑魚、蒸扇貝、蒸魚、焗雜錦海鮮等，先食物方便我覺得最好食係羊架，而且有得即叫即煮意粉，不過我太飽所以冇試，另外當然仲有牛扒、威靈頓焗三文魚，另外仲有一啲中式食品，例如片皮鴨、小籠包等，熟食方面唔算太多款，不過都叫做平時自助餐嘅食物都有。飲品方面，有得任飲樽裝汽水，橙汁，紅茶，其他熱飲等等，另外湯類有忌廉蘑菇湯，以及豬骨猴頭菇湯，但係反而我覺得中湯好似落得較多味精，普普通通。甜品方面，亦有各式各樣嘅蛋糕，另外有即整的榴槤蛋撻，莎翁、格仔餅，另外仲有好多款雪糕選擇😋整體嚟講，我覺得依間自助餐性價比都算高，服務態度亦好好，不過海鮮類大部份都冇乜鮮味，但呢個價錢款式亦都比較像中好。😆

難得放平日想同兩老一齊去食lunch buffet，坊間亦都有好多semi buffet ，但見到灣景廳有決定搏一搏長者小童$208 成人$238冇抱期望咁去，因為始終午餐buffet通常未必好多嘢食，純粹想同兩老開心下準時12點去到可以食到14:30！🦐眼見冷盤海鮮都有已經有四款，包括東風螺、蜆、青口同海蝦，東風螺、蜆同青口鮮味唔係好夠，反而個海蝦超多膏，肉質彈牙，食咗好多隻😆🥗沙律吧都有成六款菜，仲有粟米煙肉碎等等配料，亦都有六款沙律，荷蘭蛋沙律、吞拿魚沙律、中華沙律、涼拌雲耳、紅菜頭沙律🧀個cheese corner都有驚喜，冇諗過都會有，仲有埋橄欖🫒🍣刺身壽司有三款刺身，三文魚、鯛魚、玉子，壽司都算多款嘅，蟹柳加州卷熟蝦三文魚鰻魚，但見到卷物類塊紫菜好似比較腍，可能整嗰段時間呢🙈🥘到熱盤啦！唔好講笑款式真係幾多！當中較為特別嘅同我鍾意食嘅有泰式豬頸肉！接近厚切狀態🐖好惹味同埋每塊都有啲香茅喺上邊同埋泰式酸辣醬😂😂 隔離，仲有個泰式咖喱雞🐮紅酒炆牛尾都十分出色！超級軟腍！落足料！個醬汁撈飯一流！🐷然後好驚喜嘅，係佢居然有豬腳薑食😂😂 豬腳好腍，女士們可以補充骨膠原正！佢未算去到入

我呢個芝士迷有福啦! 灣景廳推出左芝士主題嘅自助晚餐，我緊係要去食盡佢啦! 🧀🧀「芝」味狂歡海鮮盛宴自助晚餐果然係芝士主題， 餐廳每人都會送半隻芝士焗龍蝦，爽口彈牙，芝士味好香濃🦞。 另外，仲有各式各樣嘅芝士菜式，包括芝士蝦🦐、芝士鮑魚，😚什至大大個芝士即刻熱溶比你，自己揀配菜去食芝士火鍋…等等都係必有架!🤩 一啲都唔馬虎， 實可以滿足鍾意芝士嘅朋友。🥰熟食除左芝士菜式外都有其他選擇，最開心嘅係有片皮鴨，皮薄肉嫩好好味😆😆，旁邊仲有大大塊牛排同威靂頓三文魚。另外仲有粉絲蒸扇貝、小籠包、串燒牛舌羊架、小菜等等😍，想飲返豌湯嘅都仲有一中一西嘅選擇，味道仲好夠架🍲。最緊要係7:30後仲有鵝肝多士任食，入口即溶超正!😋冷盤呢到海鮮刺身都係任食架!🥳 海鮮有龍蝦鉗、蟹、蝦、蜆、螺、青口，每樣都大大隻好多肉架🦞🦐🦀🐚。而刺身就好新鮮，仲好厚身好足料! 👏🏻 另外仲有芝士拼盤同唔同嘅沙律比大家解下膩，可以繼續食🤣。甜品最後甜品又點可以冇! 🤤甜品枱放滿哂唔同嘅蛋糕細細件，可以食好多款呀🍰🍮。另外仲有窩夫、班戟、滑嘟嘟嘅豆腐花、芝士榴槤撻、葡撻，非常豐富🤩。飽到上心口都唔好唔記得仲有Haagen-da

今日去咗set一個好靚嘅💜紫醉春薰下午茶🫖平時覺得樣靚味道未必咁好，但係今次都有驚喜喎，我覺得幾好食😋佢星期一至日同公眾假期2:30至5:30pm都有得供應🫧價錢都好抵每位$248，2位用$438⭐️✨藍莓黑加倫子芝士蛋糕呢個做到成個星球咁好靚，咬開入面係芝士蛋糕。✨椰香紫薯蛋糕卷好重嘅紫薯味，蛋糕軟綿綿，反而唔係好食到椰香。✨薰衣草乳酪慕絲杯上面有啲黑加倫子啫喱配上薰衣草乳酪慕絲夠滑。✨蟹肉香芒沙律西米薄脆超級多蟹肉喺面配上薄脆香香脆脆，鍾意食蟹嘅人一定好開心。✨煙三文魚法式三文治為咗配合主題，個包都係紫色夠晒精緻。✨蝶豆花白酒啫喱配鵝肝醬下面係漢堡包，白酒啫喱啱啱好平衡鵝肝醬嘅油膩感。✨紫薯忌廉芝士炸雞初時以為係芋角🤣上面有啲食用花裝飾，下面係忌廉芝士炸雞幾香脆。✨金絲香芋酥伴魚子醬呢個好食，外皮香脆入面就係芋頭，配上魚子醬鹹鹹地中和油膩。✨蝶豆花梳打紫色係蝶豆花梳打，配埋橙色荔枝爆漿珠珠，解渴好飲。✨菠蘿冰朋友話夠菠蘿味幾好飲。

隨着天氣回暖開始有春天嘅氣息，唔少餐廳都開始推出以春日作主題嘅菜式🌺 今次嚟到「灣景國際」酒店嘅「灣景廳」，一嚐佢哋剛推出嘅春日𝘛𝘦𝘢 𝘚𝘦𝘵——「紫醉春薰」☕️ 淨係聽個名都知係圍繞着紫色做主題，除咗薰衣草之外，少不了仲有紫薯、芋頭等角色😎 淨係賣相都好打卡𝘈𝘣𝘭𝘦😍 以酒店𝘛𝘦𝘢 𝘚𝘦𝘵而言，呢度嘅價錢亦好相宜，人頭$248另收加一，好合理👍🏻成個𝘛𝘦𝘢 𝘚𝘦𝘵由最上面嘅鹹點到底下甜點共分3層🤤 整體小編會比鹹點高分啲😋 尤其係炸物熱辣辣夠晒香脆👍🏻 《 金絲香芋酥伴魚子醬 》哩款炸物最出色，外層酥脆又鬆化嘅酥皮，內頭係香甜芋蓉，加上魚子醬做點綴恰到好處😋《 紫薯忌廉芝士炸雞 》 炸雞配搭紫薯係好新嘅嘗試，鹹鹹甜甜咁幾得意😝《 蟹肉香芒沙律西米薄脆 》呢個香芒蟹肉沙律超足料，每一口都食到一絲絲蟹肉，配搭薄脆整體清爽🤤《 煙三文魚三文治 》連煙三文魚都化成玫瑰花配合春日氣氛😊 好鮮甜👍🏻《 蝶豆花白酒啫喱配鵝肝醬 》初頭以為係漢堡包，誰不知面頭嘅一片係蝶豆花白酒啫喱！味道清淡酒味唔係好特出，不過同埋鵝肝醬一齊食就發效到互相平衡嘅效果，好有創意👍🏻《 椰香紫薯蛋糕卷 》蛋糕質感好濕潤，加

介紹朋友去食，點知全場只得幾樣嘢係好食！係有生蠔呀…不過啲生蠔細到不得了，仲有呀…啲青口同翡翠螺竟然係臭嘅，真係從來未食過咁差嘅 buffet，全個場坐唔到一半人！呢間餐廳真係好差，好差，唔會有下次！

🐽呢間buffet呢期既主題係芝士🧀仲有crossover海鮮😎。👅自助晚餐 ($688平日/$728星期五至日)3月份食連埋加一$500有找😃一開波食左加拿大鱈場蟹腳、即開生蠔、藍青口同翡翠螺🦪🦀蟹腳唔會重鹽水味! 生蠔鮮味唔重但質感幾爽滑👍🏼仲有日式刺身都算新鮮! 有好幾款沙律開下胃🥗熟食雖然唔多款，但都有誠意既😁有煎鵝肝、牛舌、烤羊脾、粉絲扇貝、片皮鴨，炒蝦球...啲調味都唔錯😉話明芝士主題🧀一定要食芝士海鮮焗蟹蓋，仲有每枱一客芝士焗龍蝦🦞都幾大隻下~有個芝士火鍋一路熱住😛可以拎炸雞點下個芝士醬😋仲有鐵板熱溶芝士，不過啲芝士好快杰番做一舊😶甜品有榴槤芝士撻、芒果拿破崙、豆腐花、黑芝麻奶凍🤩有Haagen Dazs雪糕，但我無食，反而試左本地品牌既雪糕，有花生醬味幾正🥜另外，同餐廳出示呢個post可以額外有杯特飲嫁😌

諗住同女朋友一齊食返餐好嘅buffet但係冇諗到體驗咁差蟹腿特別鹹 生蠔細細隻 仲好腥啲三文魚刺身係碎嘅覺得唔係好新鮮飲品種類唔多 得少少汽水橙汁茶奶啡Häagen-Dazs嘅雪糕有啲口味都冇晒體驗特別唔好 唔知點解啲嘢會咁鹹

經openrice 買自助餐券1830-2130三小時早去到可以坐低拎飲品咖啡奶茶檸茶檸水樽裝汽水準時6點半開始拎野食全晚唔算太多人所以唔洗排隊好快有得拎先食冷盤 最愛既生蠔今晚生蠔係法國生蠔size 中間唔算太細 重金屬味 勝在夠新鮮同洗得乾淨冇蠔殼之後有其他冷盤青口 蝦 蜆 蟹腳 最出色係翡翠螺鮮味同夠甜 而且唔un 又冇沙 正👍🏻其他既就中規中矩之後試佢熱食有豬腳薑，非洲雞，比目魚，炆羊腩蒸扇貝，焗蠔，蟹肉炒飯，茶碗蒸每樣熱食都好好味 仲要refill 得好快

今日客人很少人，衹有許有退休癈老。幸好各人安靜，不太嘈吵。印度咖哩雞。比目魚、西冷牛排，和式靖魚，雨衣甘藍，各式乳酪，非常寫意。冰淇淋亦有十多種，各類西餅，住君品嚐。是日食客很不多，衹有很有退休長者。幸好罪安靜，並不太嘈吵。印度名菜咖哩雞。西洋比目魚、西冷牛排，日本式靖魚，雨衣甘藍菜，各式芝士，令人非常寫意。雪糕亦有十多種，各類西餅，住君品嚐。 團年飯每人只需港幣兩百多元 ，實在食得令人開心快活。

去咗灣景廳試咗個自助晚餐，真係食得過癮🍽。梅菜煎黑毛豬肉餅嘅感覺，豈止夠哂香，啖啖肉嘅口感又juicy，加埋身邊朋友啱啱嘅笑聲，真係開心過癮。話晒「鮑魚海味扒時蔬」，啲海味同菜苗嘅組合，鮮味真係好夾，令人一試難忘。再嚟個花雕鮑魚雲耳炆雞，啲雞肉真係嫩滑得嚟，花雕酒香四溢，完全係大廚嘅手藝👨‍🍳！當然，唔少得飯後甜品。每次都要等個蜜桃香檳啫喱，微醺嘅感覺配埋啫喱嘅Q彈，簡直太perfect！每款美食都正到彈起，頂住肚食，又唔驚撐。喂，下次你哋都試吓，一定唔會失望架！食咗之後心情都跟住好起嚟，Life咁多煩惱，間中都要嚟個飯局才開心啲呀！😋🥂👍

灣景廳以北海道牛乳為主題，製作一系列鹹甜點下午茶令你沉醉於牛奶香氣中，帶來滿滿幸福感❤️在自然光透入餐廳中，享受愜意午後時光北海道牛乳牧場下午茶套餐 $438/2位✾ 鹹點❥北海道牛乳蛋白伴魚子醬鍋巴香脆鍋巴上放北海道牛乳蛋白、魚子醬、蟹肉同巴馬風乾火腿。鹹香鮮味，口感層次豐富❥ 煙三文魚牛油果三文治卷 食用花加以點綴，麵包包捲著煙三文魚同柔軟牛油果，每啖都帶有煙燻香味❥ 黄金玉子炸蝦棒 造型有趣，蝦棒炸至金黃香脆且乾身外層酥脆，內嫩滑玉子包著爽彈蝦肉❥ 帶子海鮮春卷香脆可口，啖啖海鮮鮮味❥ 脆炸北海道牛乳金黃匙羹盛載着炸牛乳，一口迷你造型鬆脆外皮包著嫩滑牛乳，外脆內嫩相互眏襯✾ 甜點❥ 北海道牛乳雪糕多士盒 金黃酥脆多士盒配搭冰涼奶香牛乳雪糕，冷熱交融雙重口感多士盒面層塗帶蜂蜜，份外甜蜜蜜❥ 北海道牛乳芝士蛋糕 黑白乳牛圖案精緻可愛，入口幼滑輕盈每啖都散發濃濃牛奶香味❥ 北海道牛乳燕窩燉蛋白 矜貴燕窩放在滑溜牛乳蛋白上盡顯奢華，滋潤養顏❥大吉大利馬卡龍橙色大吉馬卡龍充滿新年氣氛，入口鬆化酸甜桔橘醬帶來清爽感，甜而不膩✾ 紅豆冰紅豆軟綿配搭順滑濃郁北海道牛乳入口甜絲絲又透心涼❤️✾