影片
以上资料只供参考，请与餐厅确认详情
招牌菜
食记 (16)
我从来都唔写食评, 但今次真系不吐不快昨日我班妈咪朋友谂住抱埋d阿B去铜锣湾gathering, 上网见佢homepage介绍得唔错仲话下午茶49蚊起, 所以谂住去试下唔驶次次都去酒店TEA, 听我个朋友讲佢要求要VIP房(个网到话有)所以个老板要求佢前日要入定500蚊按金, 我仲谂住乜好好食架, 要好似酒店留按金咁夸张。好啦下午3点几我地个个一家大细共8个大人, 3个细路上到去先发现地方劲迫(80呎都唔知有无), 坐位又唔舒服全部四脚櫈, 打开餐牌直情吓死你, 最平个TEA SET都起码90-100蚊, 个老板仲要点晒你地人头话我地仲有人未叫, 好似焗你要佢D餐咁, 好啦都比咗按金唔走得, 计过数净饮都要70蚊, 就唯有每人叫一份餐。我地其中有人叫鸡翼餐, 点知得个几只瘦猛猛的鸡中翼加10只左右炸唔香的薯角, 后来鸡翼唔够仲比咗d超咸粟米顶档, 野饮仲另加钱, 叫司华力肠餐, D肠又系连皮都煎唔脆摆落微波炉叮到过晒热干晒, 真系味道仲差过楼下的街边档, 真系好离谱另一个朋友叫咗碗盛惠108的公仔面餐, 𩠌又少面唔靓, 味道差过茶餐厅但就高级大酒店价钱, 好过份仲有都唔知佢喺咪好耐无人帮衬, 佢D茄汁有阵疑似天拿水的味, 我最初以为我朋友大咗肚对D食物的味觉敏感, 老板于是比过支我朋友, 哗, 点知过一阵又攞过出来比我另外的朋友用, 哗, 变咗的野就唔应该再用啦仲有就系连水都唔比杯你, 心谂人地酒店都会比杯水你吖, 你咁的价钱咁的服务质素, 我宁愿去隔离怡东酒店啰, 呢间嘢我真系唔会再帮衬, 系我有生以来食过最揾笨的餐厅。
继续阅读
上星期同老公去食晚餐, 食物水准普通, 但收费就相当吓人非会员叫一个套餐要接近五旧, 会员价都要三旧半, 但入会费就要120 蚊一杯饮品最一平都要50, 大多要成80-90两个人消费就要成千蚊...但连淸水都欠奉, 要就叫法国矿泉水, 晚巿最低消费每人180 蚊, 最多坐两个钟头, 每人最少要叫一个套餐, 或者一件食物加一杯饮品,真系苛刻到唔信, 5星级酒店都无咁o既耍求,真唔明如此平民餐厅何以星级收费总之唔值得帮衬呢间餐厅
继续阅读
开头以为佢同之前哥间同地方既 Bayview 系同一间, 只不过系装修左, 所以小学既聚会就谂住系哥道包场. 一去到, 男店员推介个set, 哗! 七千几, 眼都凸埋, 之后会员价节左系四千几. 同酒店摆一围差唔多. OK, 咁我都缩沙, 表明我既Budget系每人200蚊楼下. 跟住佢都即刻建议我当Dinner set 做个餐牌俾我. 每人连加一大慨$198加个加一(会费$120另计). 咁我觉得如过系以旧Bayview既水准黎讲加依家个装修, 系绝对OK. 男店员都有话俾我听, 如果我要坐足三粒钟的话, 系可能要我地加个汤或者甜品先OK. 咁我都OK.落左500蚊订之后, 先记得上黎openrice睇下, 睇完就好唔安落, 希望自己唔会俾个喊面佢, 自己就惊左成日. 但心谂openrice成日有人会抹黑事件. 安慰下自己.到左当日(200809201900), 见个餐牌无左小部分之前俾我睇既野食 (那小部分正是"有肉食"的款色). 而且价钱连加一之后系$280. 与我原先预计$230楼下有一段距离, 跟住男店员解释系因为加左个汤/甜品. 经一轮讨价还价之后, 男店员都可以我地唔要汤/甜品就减到$240, 咁我都认为人地都要做生意, 都无问题. 何况之前佢确实有讲系会加. (但无讲加几多, 我自己亦无问, 系我问题.)未人齐我叫左杯冻柑桔柠蜜, 蜜味好蜂蜜, 唔系菜蜜哥只. 几好饮啦.人齐之后叫野食, 因为餐牌上面全部菜色比较无肉食. 好似鸡亦, 白汁烟肉意粉, Taco等等共十多项... 最后拣左浓汁西兰花猪软骨跟薯角. 薯角几好味, 猪软骨一般. 但对面个friend就问我点解无左西兰花.(真系一粒都无) 男店员了解之后都有话换俾我, 我都唔需要, 男店员都好有心将西兰花另上. (不过咁既失误, 下次唔好喇.) 食完仲好肚饿. 不过之后加埋个好得下既New York Cheese cake. 都加番分既.经历就讲完. 再细讲各方面啦.环境系OK既, 但系电视机就认真煞风景, 个场明明系适合清清静静, 摆部电视出黎都有, 点会倾到偈呢...价钱, 其实我无细阅餐牌. 但席间有人叫大家睇下一杯益力多系几钱, 睇完之后我都. 你地自己睇下啦下. 以分量及菜色黎计都唔值$280.服务. 总括就系唔Pro, 唔识笑, 上碟双手"牙"落去, 唔识侧身单手摆低, 要个客就佢地. 呢D都无, "讲'送'名"同"请慢用"更加欠奉. 走亦无讲"多~晒拜拜". 咁样点留客呢. (俾足tips你啦, 要改喇!)P.S. 是晚有大慨六七个人上过黎坐低过, 但好快就走左, 系俾我十一个朋友吓亲定系其他原因就唔知喇.
继续阅读
上月27号是男友生日的日子, 我们已经走过很多日子了...所以生日都不太著重....他拣选了到此过生日, 所以放工后匆匆到铜锣湾跟他会合..亦很后悔没有到OPENRICE一看它的评语...一上到去, 感觉....环境很局促..很细...很暗...所谓的维景FEEL..一点都不美....因为看出去有很多其他高楼大厦..再看看餐牌...OMG, 489一个套餐?? 再看看288一个套餐? 真的有个冲动起身走人...算吧. 不想破坏他生日的日子..点了餐后....再看看...怎么只有我们2人...还有一个不知道是否老板的人在上网用电脑...之前给我们介绍食物的那一个人..像其他食评家一样, 说用什么什么最好的材料...天然做食材, 但他的口才真的有待改善...食物..龙虾汤..还是PIZZA HUT比它好味..主菜...都不太像大厨做的..饮品还可以吧..最后埋单...成为7百多元...如果有得选择, 一定不会再到此一试...
继续阅读
前两个星期6.4晚会, 之后其中一个friend带我地一行7个人黎呢间野谂住饮下野, 食d小食点知黎到先知装左修 (绝对唔舒适)好攰既情况下大家不疑有诈, 坐低先知'lai'野 (同时间隔离枱个男仔咩都无叫就走左)打开餐牌, 所有野饮最少都六十几蚊食物更加系百几二百蚊一款个老板见我地面有难色, 猛咁sell 佢地系用咩健康食材呀, 煮法呀, 有机呀, 物有所值㖞好, 我地就试试啦我叫左杯细既草莓菠萝雪泡(要七十几蚊架)点知个老板话, 大部份人见到个杯既size都会叫大杯, 因为抵饮d 一睇, 哇, 原来细杯系细到离哂大谱, 好似将包250ml野饮倒左落去咁上下结果, 又俾佢屈左叫杯大, 要成八十几蚊!!!杯野仲要劲难饮, 泡占左大半杯, 又无生果味, 好稀, 好好好差其余几个friend都系咁... 有个叫杯参蜜都话无货, 要饮杯几十蚊既橙汁!!!!!其中一个friend 谂住坐阵就走, 点知又俾个老板话要每人都叫杯野饮呵, 入黎又唔讲清楚, 简直系**!!!结果个friend 又俾屈左俾八十几要左杯可乐加雪糕临走前, 我食甜品o个个friend俾个老细话要叫多杯野饮先得, 因为系minimum charge!!!!!!我地忍左咁耐终于忍唔住同佢理论, 佢唔好再迟d先讲!?!?!? 个甜品都七十几八十蚊, 仲要order 野先meet 到佢个minimum!?!?!? 佢估佢呢度真系高级酒店呀?!?! 半岛都无咁做啦系咪呀 一轮扰攘下, 结果个老细都俾我地算数我地即刻拉队走人临走前我睇睇个餐牌, 原来'minimum charge'呢样野系内页先有写仲要唔明显真系把鬼火原本个minimum charge仲要系两杯野饮tim, 即系at least 百五蚊一句讲哂呢间系一间自以为是既**离谱!
继续阅读