炉端金 (已結業)

從未食過一間燒肉及日式放題這麼難食，一坐低一盤燒肉，一望落去顏色菸黑，跟住點咗D魚生，睇吓點啦！9秒9已經送到，未食已經知道中伏了，顏色已經反映一切。極度唔新鮮淡而冇味道。天婦羅全部林晒，最恐怖牛肉火鍋，2件牛肉（e個不是重點，而係D配料，2條菜一件豆腐（e個叫牛肉火鍋？）唔係掛！.全晚冇一樣嘢好食😮‍💨唯一可以話好食，就係罐裝飲品加雪糕😂另外可以讃一吓係環境乾淨，但卡位太迫，4人位連隨身物品也放不下，問有否放置手袋的籃子，沒有，結果4人的背囊、手袋全部要放地上🥲相當不人性化。完

疫情下二人一枱其間食刺身放題，廢話少講，餐廳食物質素中下，刺身大多數唔新鮮，可供選擇款式亦唔多(同實體餐牌可能有出入), 用QR code落單叫3次油甘魚都係無黎到，叫蝦6隻黎4隻，其他數目都會有出入什至消失，如做唔到或無貨就應該同客講聲先；落左單頗耐先上到菜，。最後我要叫碗好一般鳥冬填飽個肚。呢個價錢連加一差唔多每位$300其實附近仲有好多選擇。服務員態度中下(己經唔多客)；坐位由於疫情少客都尚算舒適。

一班人食飯最好就是食放題，唔使諗，實會有嘢啱食，揀咗呢間，每次路過尖沙咀都會俾佢啲燈籠吸引到，但係未食。突然有同事提起話其實嗰間食放題都幾高質，即刻訂位，當日一入到去果然係滿座咁滯，環境真係好日式風格，放題唔使諗，樣樣都叫啲試下，牛肉望落靚仔，有埋介紹，食落都有牛肉味，唔係雪味。雖然刺身款式算多，又夠新鮮。可以再食！

今年生日好似食左5 6餐飯orz同中同聚餐 想坐得耐又想乜都食下就揀左呢間無限時既燒肉加放題去到仲未係好多人貌似食燒肉既都會俾卡位用qr code落單 野飲岀面成座山仔咁隨便拎黎得最快既係炸物lol 都唔緊要我中意食天婦羅茄子 冬菇 實屬高汁 尤其茄子係細切 唔係就咁一塊塊 起碼食左10舊😇 冬菇好香 very juicy 燒肉啲肉就正常啦 冇乜肉汁 牛胸腹同牛仔骨最好食小食我地都冇乜嗌 清酒硯個湯幾甜幾好飲啲硯反而冇乜味🤣放題炒菜半枝油是常識吧 所以都食剩左總結係性價比高 無限時岩曬大班人食食傾傾

首先佢好近地鐵站，入到去環境幾舒服，坐落去都唔會幾迫，4個人用一個燒爐，即是燒烤都唔會有太大陣油煙味，推介以下幾款菜式，買單一人$386，唔算話太抵食。-1.燒海鮮首先扇貝都幾鮮甜，如果再大隻啲就會食得更加過癮，而且啲蝦都幾新鮮，食落去都幾彈牙，而且燒菠蘿都幾甜，唔會太酸。-2.清酒煮蜆首先啲蜆食落去冇沙，但是偏細隻，食落去好厚肉地。-3.雞翼啱啱炸起，脆卜卜而且醃料都好入味，仲有啲雞嘅肉汁。-4.剌身首先佢個款式都幾多，刺身食落去都幾新鮮冇腥味，而且三文魚個紋路都幾靚，肉質都幾厚實，而且好滑，北寄貝軟糯，魷魚就好爽脆-5.牛肉食落去不過不失，牛香味都ok，食落去正常唔會太韌但亦都唔會太滑，不過選擇就比平時嘅舖頭多啲，但係豚肉太多肥膏，油脂分布不平均，因此太肥食唔落口。總括來講，性價比不算太高。

自從年紀漸大胃口縮細就已經好少食放題😹但果日係尖沙咀經過呢間睇落好似居酒屋嘅餐廳😯見到放題價錢合理，食物款式都幾岩食就入左去試～雖然係食放題，但成個格局都好日式餐廳✨座位好寬闊，亦無放題果種好急速嘅節奏😌🔆日式放題$𝟚𝟞𝟠無限時的放題❣️分日式放題同燒肉放題($308)燒肉可以叫日式放題嘅野食加爐端燒專叫的食物😋我地果日walkin已經無哂燒肉位了🥲▪️壽司、刺身、沙律好望下我張氣勢薄弱嘅刺身圖😂呢度款式算不錯，有幾新鮮嘅虎蝦食，另外好鍾意馬刀貝夠爽口😆壽司質素算普通但以款式取勝，有三文魚籽、海膽同拖羅蓉😳當然唔會超鮮甜但起碼不會腥臭😂前菜沙律就都係基本款▪️炸物、天婦羅、串燒雞翼放題係坊間幾受歡迎，呢度嘅雞翼款式都唔輸蝕有成七款架🤩佢嘅炸物表現都唔錯，全部岩岩炸起熱辣辣▪️一品料理主要提供較飽肚嘅烏冬、粥飯及鍋物🍲叫左清酒煮蜆但無乜酒味同有沙🤥仲叫左個牛肉鍋同海皇粥，牛肉上枱時仲係生生地，等一陣食口感岩岩好，鍋裡仲有菜同菇，均衡番今餐營養🤫對個粥本來有期望，但覺得唔夠鮮味但都幾綿滑▪️雪糕、甜品、飲品雪糕係放題中擔當住重要角色，呢度嘅雪糕竟然都係放題❗️果日有兩款haagenDazs雪糕，仲有其

事實係比佢嘅裝修吸引入去嘅，感覺好熱鬧😄好多卡位，可惜4位坐實在好迫。自助飲品區+QR code 點餐。點咗D魚生，九秒九已經到咗，一見到真係唔開骨🤪D魚好似死咗好耐菸菸黑黑🤦🏻‍♀️未食已經至到唔掂，真係好唔掂😮‍💨再食壽司，當然上面啲魚生都係唔掂，但係啲壽司飯都係唔得，好似食爛飯仔咁，鬆鬆散散😩燒烤嘅肉,都係偏黑好恐怖😱整晚都係聽到啲朋友話，唔好食！唔好食！唔好食！我唔係偏激，我真係未食過咁難食嘅放題！好啦！試吓啲天婦羅，點知都係一樣，好似隔咗幾夜咁，已經淋晒🍤最離譜係個牛肉火鍋,簡直大開眼界，2塊牛肉，e個不是重點，加一件豆腐，2條菜，係咁多！HEA到一個點😅老實講，真係唔好意思🥲今晚係我提議去呢度食,仲有人請🙏🏻sorry

吃完只覺好口喝，燒肉就像肉乾似的，最正常的就是飲品和雪糕，最滿意的就是6點入坐10點離開，和朋友聚會是一流。一次光顧不會再回頭。完全不想拍照食物照片，魚生都是叫一次就好了。

其實 $300 位放題已經唔會有要求，求其食得飽，唔肚痾已經有賺，可惜依間野連咁基本嘅嘢都做唔到，真係難食到入唔到口，最正常係可樂同埋雪糕，其他嘢真係唔想放入咀。D 串燒基本上係炸嘅，連小小味都冇。剌身好似係垃圾桶執出嚟咁，碎上，冇一件完整，仲要你肯定未食過咁樣味道嘅刺身，基本上係臭同埋腥，諗起都作毆。壽司D飯係熱同無味，似小學生 Party 嗰啲自家製壽司咁。最估唔到最正常係海洋粥，真係正常無味嘅粥，算係咁。唯一值得讚嘅係服務員好貼心，唔知係慳錢定係壞咗，無冷氣！服務員即時放低迷你風扇一把，算係咁。實在太過難食，回家亦有肚餓及肚痾。

日式咖哩吉列豬排飯 (午市套餐)已經忘記價錢, 好似係$60-$70咁上下, 有跟麵豉湯同中華沙律.地方寬躺, 坐得舒服. 食物方面豬排size都算大, 唔會炸得好乾, 上完咖哩汁都唔會冧哂. 不過個咖哩汁有啲太鹹同太杰, 食到一半有D辛苦, 要不停飲野. 不過最sad嘅係 咖哩入面啲薯仔同蘿蔔太小 (我本身係鐘意食咖哩入面啲蔬菜) 麵豉湯同中華沙律大家都想像到係咩味, 所以不作評論. 食完個Lunch, 都未必會食佢啲Dinner

訂7點半, 6點9已到場, 可以早啲入閘, 不過6個人要分兩張檯, 本來以為真係限聚, 點知入面正有6人檯坐緊, 都算, 啲牛.... 仲 L衰過超市廿幾蚊磅嗰啲, 啲牛大部份都唔得, 好韌, 服務都ok, 不過啲牛肉..... 如果你諗住 $298 可以任依靚牛就勸大家唔好太天真, 啲牛完全無牛味

疫情持續左2年！都比較少約朋友出去食飯！今次難得一聚！有日行過見到呢間放題好似唔錯！網上d人都讚抵食！就同d朋友黎食下！呢間餐廳網上同WhatsApp 都可以訂座！好方便餐廳又好快有回覆！好有效率！confirm booking 都係透過WhatsApp 就完成值得一讚我哋6:00就到達！飲品種類唔算好多！大部分都好似未見過！但又幾好飲主要好多都係茶！有水又有汽水🥤都幾好！隔離放左一大堆冰住ge飲品食物種類幾多！整體幾新鮮！仲有海膽軍艦開頭上食物速度都幾快！之後人多就開慢同埋會漏單！不過呢到ge好處係無限時放題！可以由5:00食到10:00pm ！星期五六日就268元一位成人未加一！可以慢慢傾下食下！都唔錯座位都算舒服！唔會太迫同隔離枱有d距離！仲有塊簾隔隻雪糕有Haagen dazs ，同另一隻唔知乜牌子！當然係Haagen dazs 好食d^_^另外仲有雪條甜筒揀！都幾多選擇天婦羅又夠新鮮！炸物又係即叫即炸！唔錯！忌廉蟹肉薯餅唔錯整體上全部食物都唔錯！服務都ok！大堆人可以考慮下呢到啦

好幾次經過哩個地點見到呢間餐廳裝修都幾靚，咁今次終於入去食啦咁我地。日式放題中午258蚊要加一，任食嘅可以食到3點鍾。我地都叫左刺身先，有象拔蚌，帶子，三文魚等等啲刺身呀咁。壽司亦都有啊海膽軍艦呀，唔錯。咁當然啦炸物芝士波，紫薯，忌廉餅等等。熟食有一口牛呀或者啲粥等等都有。飲品方面都係任飲，咖啡啦，茶啦，同埋可樂呀檸檬汁呀等等。整體我覺得刺身呀，壽司都新鮮嘅，都唔錯。炸物都好食。飲品選擇都唔少，仲有Häagen-Dazs 雪糕全食。所以我地食完個評價其實都正面嘅。而且無漏單，坐得舒服。下次會試埋佢燒肉。

想試很久的日本餐廳，終於試到啦，可能抱有過高期望，並不如想像中的美好😅其實整體食物質素屬中上，以放題來說真的不錯，而且沒有限時，可以慢慢享受晚餐，只是選擇款式不多。食物種類有串燒、壽司、刺身、卷物、天婦羅、小食、沙律、一品料理等。❇️刺身🌀新鮮，好食👍❇️壽司🌀可以一啖一壽司，size 剛剛好👍❇️天婦羅（忘記📷）🌀試了苦瓜天婦羅，幾特別，味道不會很苦而且還有回甘。❇️串燒🌀整體不錯，只是蝦串燒的肉質有少少霉。❇️小食（忘記📷）🌀很喜歡炸物一口芝士，一咬開就有很多芝士醬流出😍 自私地吃了三粒，好邪惡👻❇️雪糕🌀蜜瓜味，第一次吃這牌子雪糕，太甜了😌 不喜歡

原本打算book其他放題，但最後只在這成功訂枱。對上一次黎已經係一年前嘅事，當時質素唔錯，都有推薦其他人黎。今次其實對呢間餐廳幾不滿，原因有以下幾點：1. 食物質素差，海鮮類食物唔新鮮，甜蝦有啲“梅梅地”。另外，人生第一次食三文魚刺生會食到魚骨，三文魚壽司有鱗片。2. 上菜是隨機模式。點了的菜，一係無黎，一係就埋單前先黎。無點的菜，又會無啦送黎。第一輪點的刺生，足足等了半小時。3. 食物碟滿左蝦殼同其他垃圾，職員不會換碟，只把我碟上的東面倒走，再比返個碟我。4. 雪糕的選擇比之差好多，連最普通朱古力味都無，得啲冷門味。雖然爐端金的名字沒有變，但太多野比之前差，相信已經頂左手比其他人。而價錢比大喜屋的放題還貴，食物質素差到我寧願叫熟食，最後同女友一人一碗烏冬就算。報告完畢。