炉端金 (已結業)

好几次经过哩个地点见到呢间餐厅装修都几靓，咁今次终于入去食啦咁我地。日式放题中午258蚊要加一，任食嘅可以食到3点钟。我地都叫左刺身先，有象拔蚌，带子，三文鱼等等啲刺身呀咁。寿司亦都有啊海胆军舰呀，唔错。咁当然啦炸物芝士波，紫薯，忌廉饼等等。熟食有一口牛呀或者啲粥等等都有。饮品方面都系任饮，咖啡啦，茶啦，同埋可乐呀柠檬汁呀等等。整体我觉得刺身呀，寿司都新鲜嘅，都唔错。炸物都好食。饮品选择都唔少，仲有Häagen-Dazs 雪糕全食。所以我地食完个评价其实都正面嘅。而且无漏单，坐得舒服。下次会试埋佢烧肉。