炑八韓烤親子餐廳

营业中

休息中

朋友帶住小朋友諗住食燒肉，我就推介這間，因為場內有一個好大既playroom，色彩繽紛既波波池，波波池內又有瀡滑梯，仲有其他啱細個小小嘅小朋友可以玩既玩具，成個場都會不停播放兒歌，令到餐廳氣氛好好，家長可以一邊食嘢，一邊望住佢係playRoom入邊嘅玩既情況，又有韓國服飾試穿，幾好吖🥰餐廳入面好大，裝修風格好靚，好有韓國既特色，坐位全部都係卡位，又大又闊落坐得好舒服🥰前菜：有生菜、醃蘿蔔、芽菜、薯蓉、泡菜、爐邊蛋和芝士粟米可以任食任添。沙律菜好新鮮同爽脆，正😄爐邊蛋因為小朋友，所以我哋冇加泡菜，爐邊蛋同芝士粟米都係小朋友最愛，我地每樣都加左4次😜我地仲叫左韓式烤腹協肉3條（韓式秘製醬油）$128驚嚇幽靈南瓜炆牛肋骨 $198原個南瓜上枱，然後會剪開整成一朵南瓜花，牛肋骨軟腍入味，南瓜🎃清甜，好食👍🏻鰻魚半份 $158皮脆肉嫩企鵝男爵與骷髏共舞全日早餐 $158小朋友見到這最喜歡，有漢堡扒、pancake、紫薯條、火腿、粟米🌽和蕃茄仔萬聖狂歡雪糕窩夫🧇$132蛋味香濃，鬆脆，份量一啲都唔少巫婆魔藥士多啤梨沙冰 $52芒果Oreo幽靈派對沙冰 $52總括嚟講！呢度座位環境舒適，食物新鮮！小

今日嚟觀塘呢間韓燒親子餐廳食飯，最主要都係因為地點方便，提供兒童餐同遊樂設施俾老闆放電，又有應節主題餐牌，適逢萬聖節就有萬聖節主題嘅兒童餐同埋甜品。我哋提早訂位仲有韓式包廂坐，夠晒私隱度芒果Oreo幽靈派對沙冰/巫婆魔藥士多啤梨沙冰兩款萬聖節特飲分別係芒果同士多啤梨味，夏日炎炎飲沙冰可消暑解膩可愛幻影幽靈便當好可愛嘅便當，小朋友一定鍾意顏色豐富，營養均衡，有蛋卷，炸蝦，火腿，粟米，士多啤梨，西蘭花驚嚇幽靈南瓜燜牛肋骨份量好多，原個南瓜好厚肉，剪開之後會好似花瓣打開，南瓜肉香甜，炆到好腍，吸收左牛肋骨肉汁；牛肋骨都炆到好腍，大大嚿，啖啖肉韓式烤腹脅肉卷成玫瑰花形狀，口感軟嫩，燒起嚟會有香濃嘅肉味同油脂香烤鰻魚 鰻魚厚身大條，肉質唔會太肥，偏向細嫩有咬口，燒香咗之後皮脆肉嫩，配埋鰻魚汁香甜焦香萬聖狂歡雪糕窩夫窩夫外脆內軟，牛油味香濃，配雪糕同水果絕配，小朋友都爭住食豐富韓式小菜任食：除咗沙律菜以外，泡菜、芽菜、海帶、薯仔沙律、爐邊蛋同芝士粟米都係可以添食遊樂設施：有波波池、滑梯、小廚房、小市場、推車仔、積木等等各種玩具，仲有閱讀角提供多款圖書，亦有BB凳、育嬰室、兒童餐具等設施職員態度親切

成日嚟幫襯呢間親子餐廳，大人可以食韓燒，bb有得放電👌🏻而且價錢相當合理，小朋友免收入場費/清潔費，只係低消一個兒童餐✨炑八秘製豬肉拼盤 $208拼盤包括名品大王豬扒、韓式秘製醬油五花肉同韓式烤腹脅肉名品大王豬扒係梅花肉，厚切豬扒肉質軟腍薄切五花肉用醬油醃過，味道帶點甜味腹脅肉醃得入味有咬口，比較惹味適合包生菜食✨兒童餐: 動物派對全日早餐 $162兒童餐選擇都唔少，本身想揀呀b鍾意嘅車車造型嗰款不過all day breakfast有呀b鍾意食嘅pancake,、粟米、薯條同雞扒👍🏻份量好大，食剩一半留畀baba😆✨棉花糖窩夫 $102窩夫新鮮整起外脆內軟，好香牛油味表面鋪滿忌廉，仲有士多啤梨同棉花糖✨手打鮮橙茶 / 士多啤梨果茶 $48用新鮮生果整嘅水果茶，飲落好多果肉飲落清新好啱食韓燒飲，而且甜度適中茶唔會太濃夜晚飲都唔驚瞓唔著👵🏻

觀塘區心水推介既親子餐廳，一定首選「炑八韓烤親子餐廳✨」，餐廳裝修充滿韓屋風格，最重要有一個小朋友致愛既playroom，有波波池、滑梯、積木等等多種玩具，大人可以慢慢韓燒，小朋友嚮旁邊放電，而且playroom以玻璃間格，家長們可以清楚見到小朋友嚮playroom既情況。而食物方面以韓國燒烤為主，肉質高，選擇多，另外仲有專為小朋友而設既兒童餐，賣相吸引，健康又好味。兒童餐包括飯團、炸蝦、火腿及薯條，非常豐富。「炑八秘制豬肉拼盤」包括不同部位既豬肉，肥瘦適中，非常好味。甜品方面，棉花糖窩夫🧇份量夠多，又甜又好味。飲品點左手打鮮橙茶及士多啤梨果茶，鮮甜好味，配合韓燒一流👍。

平時成日都去𝐃𝐏𝐚𝐫𝐤果間炑八親子餐廳，因為滿足到我地韓燒既慾望之餘女女又玩得開心 有得食又有得玩🥳今次我地去左觀塘分店 超鐘意呢度韓屋既設計❣️着住套韓服影相好似置身於韓國咁😆！除左韓服體驗仲有小朋友最愛既遊戲室✨有好多唔同種類既玩具 波波池 瀡滑梯🛝女女玩到唔願走🤣呢度既兒童餐成日都會換主題 款款都好精緻 小朋友見到超開心🥰而且呢度好貼心 三歲以下既小朋友都會有選擇🫶🏻今次女女就揀左「海豚🐬暢游蝶豆花蘑菇汁飯」，一上枱佢超興奮 係咁指住話𝐃𝐨𝐥𝐩𝐡𝐢𝐧！之後九秒九就食完😂媽咪試過味 確實好啱小朋友口味 又唔會太濃 配料都好健康👍🏻另外我地嗌左一🐮一🐷燒肉拼盤都係水準之上❤️‍🔥油花分布平均 肉味濃 唔洗點醬汁都好夠味😋蒜蓉牛油八爪魚超正 必叫‼️水冷麵份量好足 涼浸浸夏天食啱晒❄️重點呢度既前菜都係無限任添 薯仔沙律同爐邊既粟米芝士蛋我地𝐞𝐧𝐜𝐨𝐫𝐞左好多次🤭最後仲叫左個棉花糖窩夫🧇成家𝐬𝐡𝐚𝐫𝐞食~窩夫好鬆軟 加埋鋪滿晒面嘅棉花糖一齊食超邪惡 超飽超滿足❤️

觀塘✨炑八親子餐廳講到食 我對呢一方面都幾奄尖 好鍾意慢慢嘆住食 但湊住個小朋友真係好難慢慢食 今日就發現咗呢間餐廳位於觀塘炑八 餐廳設有大型嘅波波池同瀡滑梯 小朋友食完 就急急腳去咗玩餐廳設有兩部分一邊係玩樂區一邊係用餐區 中間設有一塊落地大玻璃可以一邊食住一邊提住小朋友玩樂😍 真係可以食得安心又放心食品方面 除咗韓式烤肉之外 餐廳仲有提供兒童餐 款式都適合一歲以上嘅小朋友食用 而今日小jamie同朋友仔就揀咗動物派對兒童全日早餐 裏面包括有熱香餅、火腿、薯條、 蕃茄仔、粟米、 西蘭花同香煎雞腿肉♥️ 成個餐食都好營養豐富 真係可以滿足曬大人同小朋友呀大家有興趣就快啲嚟試下啦炑八韓烤親子餐廳觀塘鴻圖道90號2樓

今次唔單止 #大人食得高興🤩#小朋友玩得開心🥳 仲可以 #着韓服打卡影相📸有得食燒肉嘅兒童餐廳真係好少見，今次嚟到炑八，先整份 《秘制豬肉拼盤》有齊三款豬肉，加上冬菇同埋南瓜🎃配上秘制醬料，燒得好脆好香，油脂+肉香，食肉獸爸爸非常滿足😌另外，當然唔少得一人一份兒童餐🥣一上枱，小朋友就勁興奮，比個跑車盤深深吸引住🤩有炸蝦🍤薯條🍟飯團🍙火腿等等..造型得意，款式又多，小朋友食咗勁多🤣兩杯水果茶🥤（手打鮮橙茶&士多啤梨果茶）肉眼可見超多果肉🍊🍓茶香同水果香完美帶出，生津解渴，大人細路都鐘意飲最後唔少得甜品🍨🍧棉花糖窩夫窩夫大大份，可以分4件一人一份，配上士多啤梨、綿花糖、朱古力醬，又香又脆🤤食飽飽就去玩放電，兩兄弟喺兒童區暢玩有職員姐姐看管，波波池，小型廚房🍳瀡滑梯🛝玩到攰，就可以借用服裝頭飾，喺韓屋佈置前影相打卡，1秒閃現韓國🇰🇷

第二次黎喇！小朋友狂#放電 既#親子餐廳😺😺位於#觀塘 既呢間 ✨️炑八韓烤親子餐廳✨️雖然個地點離地鐵站係有啲距離，不過一條直線直行轉一個彎就係👍🏻 唔洗兜黎兜去 😎😎餐廳設計好靚，係#韓屋 黎嫁🏠 如果多人仲可以坐係韓屋入面🤗 真係好有feel 🤩🤩 重點緊係波波池啦🏃‍♀️‍➡️🏃‍➡️ 今次帶哥哥黎玩✨️✨️兩個都差啲掛住玩唔記得食野🤣🤣 🩷玩既時候瑤媽同瑤爸就可以metime拍拖食下韓燒🥰🥰唔錯唔錯 👍🏻👍🏻佢地既兒童餐細分左1歲以上，同3歲以上既餐點🤩 好有heart 🩵🍭#繽紛兔仔造型飯糰便當東哥話要食飯，所以揀左個便當，兔仔飯糰超可愛🐰🐰平時食野極慢既佢，今日極速隊晒成個餐🥹🥹 （因為爭取時間去玩。。）🍭#動物派對全日早餐雞扒，粟米，火腿，薯條，蕃茄，熱香餅😝😝 超級豐富🍅🥞 欣賞佢蔬菜份量都唔少，證明餐廳好著重小朋友營養 🍭韓燒🍖🍖#蔥蒜牛五花 #炑八秘製豬肉拼盤 #蒜油蜜糖雞腿肉唔會醃到太咸，豬肉拼盤好豐富👍🏻👍🏻最中意個#豬五花腩 🤤油香肉香🍖食落口又夠惹味🤤 #韓烤 真係必食五花腩 ☺️🍭#手打鮮橙茶 🍊 #士多啤梨果茶🍓飲得出好多果肉，瑤媽中意橙茶😝 兩個小朋友中意士多啤梨，

之前睇咗好多推介話呢間韓燒餐廳有波波池俾細路仔玩，今日阿女面試完獎勵佢去呢度食飯！一入到嚟觀塘韓屋設計非常之靚，有置身韓國嘅感覺！小朋友玩playhouse最低消費只係要叫個兒童餐kid動感企鵝跑車之旅$162小朋友勁開心話企鵝壽司好得意😊同埋都幾豐富喎，有好多隻炸蝦🍤有紫菜蛋玉子，仲有火腿！都幾健康好味。炑八秘制豬肉拼盤$208佢呢個豬肉拼盤都幾豐富，有幾款豬肉最鍾意就係厚身嘅豬五花肉，有咬口，幾煙靭，夾住啲生菜食幾好味！士多啤梨果茶$48入邊有好多粒士多啤梨🍓拿靠近咗出嚟俾小朋友食，杯嘢酸酸甜甜味道不錯！手打鮮橙茶$48都幾新鮮，都有橙茶，手打幾出味！棉花糖窩夫$102佢係用個窩夫上 ，老公話個窩夫應該脆嘅地方夠脆，而應該淋嘅地方淋👍🏻👍🏻份量係超級大，上面仲有好多棉花糖同cream，大人小朋友食得好滋味！🍱炑八韓烤親子餐廳 (觀塘)📌📍觀塘鴻圖道90號2樓

炑八 - 韓烤親子餐廳 今日嚟到觀塘嗰一間親子餐廳，同寫一間韓國燒烤餐廳，餐廳有隻韓屋嘅設計，內裏有一個兒童遊樂區，有波波池、滑梯、等設施。炑八秘制豬肉拼盤非常豐盛的燒肉拼盤，有三款唔同部位嘅豬肉，有大大塊厚切名品大王豬扒；另外就有韓式秘製醬油五花肉，配生菜一流，仲有韓式烤腹脅肉。海豚游蝶豆花蘑菇汁飯小朋友見到一定心心眼既海豚飯。手打鮮橙茶士多啤梨果茶叫咗兩杯特飲，係鮮果茶，比較清新，又有果香。棉花糖窩夫最後有非常香脆嘅窩夫配上棉花糖做甜品。

原來依家親子餐廳唔只係食啲雞翼、腸仔意粉🍝仲可以燒肉😍普遍燒肉店地方雖然闊落，但咁多爐都好危險，帶住小朋友點燒到肉🤔不過媽媽級朋友表示好耐冇食過燒肉，就同佢一齊去試吓😌😌好彩一入到去見到個大波波池，小朋友已經嘩出嚟😂位都未坐好已經走入去玩🤣職員好好，安排我哋坐最近波波池嘅卡位🥰等我哋可以安心一邊食一邊觀察小朋友🤭除咗燒肉，小朋友可以叫兒童餐🥰餐點好貼心，3歲以下都有餐可以食😙套餐已經包埋遊戲室遊玩時間同韓服體驗😍可以著住韓服喺韓屋打卡📸職員仲好細心，落力搵套啱size嘅衫比小朋友著😇🚘動感企鵝跑車之旅 ($162)我見都有唔少媽媽帶小朋友嚟，小朋友玩到夠就返嚟食飯，食飽又走去玩😆媽媽就盡情同朋友食燒肉傾計😙終於有地方可以燃燒小朋友嘅體力，同時滿足媽媽個胃😆😆🥩炑八秘制豬肉拼盤 ($208)🍗蒜油蜜糖雞腿肉 ($98)🧇棉花糖窩夫 ($102)🍊手打鮮橙茶 ($48)🍓士多啤梨果茶 ($48)

有得玩有得食的餐廳，一坐低就送上三款醬料，六款小菜，沙律，蒜片辣椒，生菜盤，又有芝士粟米，泡菜雞蛋，食完又可以無限再添。跟著旁邊有頗大的波波池，還有瀡滑梯，不同玩具，又可以換衫影相打卡，正正。另外整個環境是韓屋設計，好似置身在韓國韓燒一樣，店員還十分友善和喜愛小朋友，我仔第一次玩波波池，由最初拍住玩一掂波波驚到尖叫到可以企起度玩，好有進步，都要謝謝店員幫忙哄和鼓勵！！總結來講，值得再去，比呀仔放電，食完飯返到去好快訓著😂😍人均：$312.炑八秘制豬肉拼盤有一大塊豬扒、醬油豬五花，韓式烤豬骨肉，少量菜蔬，不同豬肉用來包生菜，加點蒜片辣椒食得好多，一口有齊不同味道和質感，愈食愈多。.動物派對全日早餐有薯條，火腿，西蘭花，車厘茄，粟米，雞扒和熱香餅，火腿切得好精美，呀仔好喜歡，雞扒微微煎香，好嫩滑。餐廳會提供一次性圍兜，又有育嬰室，隨時可以換片/餵奶❤️.甜品-棉花糖窩夫推介！！甜度適中，我自己食咗3分2個，窩夫外脆內軟，加上滑溜的忌廉，大人小朋友都喜歡的棉花糖，原來好夾，好好食。食完我再食番小菜和燒到焦香的芝士。.飲品手打鮮橙茶、士多啤梨果茶大大杯，好足料，可以食到的果茶。

今日趁暑假最後一個星期，帶阿仔同老婆最鍾意既有得食有得玩既親子韓燒+遊樂場。今日平日，我同老婆都要提早book位，因為依間平日都爆，餐單每次有唔同主題，次次都有新鮮感。今次個兒童樂園又唔同左，波波仔又轉左d花款，又有新野食。講番叫左咩野食先🥰首先前菜，無限添加，一如以往有泡菜/醃蘿蔔/海帶/芽菜，一定要提泡菜，佢地泡菜真係超級好食，直情好似係韓國食既味道👅。海豚🐬游蝶豆花蘑菇汁飯：海豚做型+淺藍色既蘑菇汁非常吸精，視覺味覺雙重享受，小朋友大愛，成碟食晒🤪外裙肉：口感同味道都好特別。雪花五花肉：好大塊又厚既五花肉，但最特別係可以叫店員燒，自己燒又得，燒完夾住生菜🥬食香而不漏。韓國醬油蝦配紫菜飯：隻隻蝦都超大隻，入晒味，好多蝦膏，唔會好咸，撈埋紫菜飯食一流。狂野叢林芒果窩夫配雪糕：窩夫全部都係即叫即制，仲要係呀加厚，新鮮熱辣嘅格仔餅配埋冰凍嘅雪糕再加啲新鮮芒果，非常好食。Ps:小朋友個玩樂區好大，小朋友可以邊玩邊食，大人又可以Metime，係一個超級適合大人細路去嘅餐廳。 #炑八韓烤親子餐廳 #韓烤親子餐廳 #香港親子餐廳 #親子餐廳 #韓系童心空間 #韓屋 #親子韓服 #親子假日好去處

我同老公想食韓燒，而婧妤婧楠就想去玩，咁就黎左觀塘嘅炑八韓烤親子餐廳，一入到嚟，佢地就已經比遊戲室入面嘅波波池吸引住！即刻除鞋入去玩，有滑滑梯波波池、超市玩具、扮演區玩具、仲有好多唔同嬰幼兒嘅玩具可以玩……兩姊妹玩得好開心，而我同老公坐嘅座位正正就係可以望到佢地玩之餘，又可以享受韓燒嘅時間🌸海豚暢遊碟豆花磨菇汁飯擺盤好靚，有蟹籽、紫菜、蝦、青瓜，配料好豐富，好健康🌸雪花厚切五花肉店員好好主動幫手燒製，好厚身又長嘅五花肉，雪花分布好平均，肉質多汁，味道濃郁！配埋新鮮生菜包埋一齊食🌸外裙肉燒烤之後食落口仍然保留到肉汁，仲食到濃郁嘅牛味，口感軟嫩但又帶少少嚼勁🌸韓國醬油蝦配紫菜飯 幾隻大大嘅蝦，浸喺滿滿嘅醬汁入面，每隻蝦都好入味，仲有蝦嘅鮮味，配埋紫菜飯，好惹味🌸狂野叢林芒果窩夫配雪糕暖暖脆脆嘅窩夫🧇配埋大量嘅cream同埋芒果粒連埋雪糕一齊食🌸芒不了的芒果乳酸特飲，清新香甜🌸莓有煩惱的藍莓乳酸特飲，味道酸酸甜甜，🎀餐廳舒適寬敞，餐廳店員服務態度好友善！有啲座位仲係韓屋設計，好細緻好靚！著住韓服體驗一邊食韓燒，好似置身喺韓國咁

就快又開學了，暑假完結前，我哋把握時間同Mina去玩，今日嚟到觀塘炑八韓烤親子餐廳，點解選呢間？因為佢有得食又有得玩，只要點個兒童餐就可以享用playground設施🥰呢個playground 五臟俱全，包括有波波池、滑梯🛝模擬超市等等⋯Mina玩到唔捨得走，原來仲有韓服試著！Mina著韓服完影相再入playgroup玩，我同Mina爸就係出面一邊食飯一邊睇住佢，佢玩得開心，我哋又食得放心😆🫰🏻🌟海豚游碟豆花蘑菇飯可愛既海豚造型，飯中間係蟹籽紫菜飯，配上雜豆忌廉汁，好味又營養豐富🌟外裙肉外裙肉口感嫩滑、肉味濃，可配生菜及醬料一齊食🌟雪花厚切五花肉肥瘦比例各50的厚切五花肉，燒的時候油脂溶化，聽到嗞嗞聲，烤到外脆內軟，再配生菜及配料一齊食，滋味滿分💯🌟韓國醬油蝦配紫菜飯醬油蝦用左刺身級大紅蝦，肉質鮮甜、口感彈牙，撕開蝦頭仲有蝦膏，醃得非常入味，配紫菜飯一齊食，風味更好🌟狂野叢林芒果窩夫配雪糕即叫即做的窩夫配雪糕，需15分鐘做好，賣相超級靚，熱辣辣嘅鬆軟窩夫配上冰凍嘅雪糕，再加上幼嘅忌廉，食到Mina停唔到口🤣