炒得喜小菜王

营业中

休息中

喺崇潔街入邊呢間嘅大排檔，燉湯非常好飲，黃金三蔬亦都非常好食，誠意推介！佢個黃金真係炒得啱啱好非常有蛋黃鹹香味。呢度唯一最大問題係夏天嘅時候冷氣會好熱，所以冬天嚟食開心好多。

食咗十次有多，終於的起心肝寫食評。呢度已經成為飯堂，次次諗唔到食咩就嚟炒幾個小菜。平民價錢，大廚質素，帶親朋友嚟食都會變埋佢哋fans。介紹返幾個必食推介：> 薯仔牛柳粒：色香味俱全，薯仔炒到金黃色外酥內軟，同鮮嫩多汁嘅牛肉塊完美融合，調味恰到好處。幾乎次次嚟親都嗌。> 豬肺湯：清心健胃非常鮮甜，豬肺好多舊，又清得好乾淨，質地保留少少彈。唔係次次都有，有要好好把握。> 黃金時蔬:惹味得嚟又不失營養。咸蛋黃鬆化，時蔬新鮮，上菜keep住熱辣辣香噴噴，非常好食。

位於小巷內嘅小炒店，座位唔多，所以Book定位會比較好🙌🏻環境唔算舒服，冷氣唔夠強，一邊食一邊流汗，依個位要扣分🥵✴️米網拔絲咕嚕肉✴️甜酸汁完美包住豬肉，唔會太稀太杰，醬汁嘅狀態啱啱好👍🏻✴️豉椒炒鵝腸✴️鵝腸比較細同幼，缺少爽脆嘅口感～炒得有鑊氣，仲有好多甜椒、洋蔥同埋菇，好惹味😋✴️花甲蒸水蛋✴️花甲排得好整齊好靚，賣相好吸引✨水蛋整體都滑身，推薦🤩✴️椒鹽九肚魚✴️偏油，不過椒鹽好香口濃味，九肚魚都好大條好滑🐟✴️西蘭花炒鮮魷✴️好多西蘭花，翠綠大棵🥦鮮魷同樣大塊肉厚，好足料！✴️黑椒薯仔牛柳粒✴️好鍾意依碟餸嘅調味❤️蜜糖甜加黑椒微辣，令人keep住想食👍🏻薯仔同牛柳粒size均一，一口一粒，好好食🤤✴️炸蟹鉗✴️非常大隻嘅炸蟹鉗，有足足一隻拳頭咁大🤜🏻不過食落就冇咩特別，入邊嘅蟹肉唔係一絲絲，同喺酒樓食到嘅差唔多，只不過放大咗～

日前行經紅磡…呢邊略為有些少名氣的朱x記和街市熟食中心都食个！今次走到崇潔街…一間小菜王…晚市七点鐘…見爆哂場！就選了這間…需然等了30分鍾…但食完餐飯後係物超所值的！夠碟頭…味道不錯…環境沒突別裝修但有排擋熱鬧氣場…和諧感觉怖滿全場！食物質素中上級吧…俾起一般菜館有風味…店內相片並不是街邊只供參考…小菜上枱發現同牆身相片几乎一樣…不同出面餐廰！與實物不符…值得讚！！！完全食得出用心制作的！叫左个椒鹽鲜尤九肚双拼…脆口新鮮…碟九肚食到尾一樣脆口$168…燉湯五指毛桃杜仲牛大力…火口夠 ～足料！味道好清香…滿意～另外一个銀杏什菜窩！湯底靚！但唯缺点太大窩…我們二人吃不完！有点浪費了！但見枱枱都叫！確實係夠份量既！下次会拉更多朋友來吃！希望你們加油！客似雲來…

真係要大大力推介呢一間小炒店！每次嚟到呢度，都可以食到地道小菜！平時都會同朋友仔一齊出去土瓜環食呢間小炒店，性價比高，大份又好食。而且老闆娘好nice，仲推薦咗好多好餸比我哋食！佢哋用心選料製作，而且海鮮都係好新鮮！今次就帶屋企人一齊去食飯，同埋每次去到呢間小炒店都坐滿食客，所以提早經電話book枱+落定單！因為有老人家係度，都可以叫佢哋少油同特製，仲可以另外點一啲額外嘅菜式，佢哋都可以幫手預先準備，非常貼心！同埋上菜都上得好快，比我哋可以襯熱食！五指毛桃螺頭燉雞腳湯 天氣咁凍，嚟一碗熱辣辣嘅湯就啱晒喇！份量十足，有好多螺頭同雞腳係入面，味道非常鮮甜，滋陰養顏、生津止咳、清肝明目、健脾補肺，好適合秋冬天飲！豆鍋枝竹火腩大鱔煲 (特製)呢個煲其實係集合咗我同朋友鐘意食嘅餸去整，紅燒豆腐先煎後燒，非常入味、口感滑嫩，仲有醬汁鹹配埋火腩同大鱔，味道一流，大鱔非常鮮甜又爽口，有興趣可以試下點呢個煲，但要提早預先落訂！上湯雜菜煲 (特製)未見咁大份嘅雜菜煲，入面蔬菜種類非常多，超有誠意，好啱素食者/健康人士食！花甲蒸蛋廚房精心製作，精美擺盤，非常有賣相。呢一種蒸法，可以令到啲花甲嘅精華及鮮味，同

一坐底個肥呀姐新就一輪嘴推介佢啲湯呀海鮮呀好扯下，見其他食評話花甲水蛋ok，又有小朋友啱食，於是就叫，見餐牌無呢款價錢覺得怪怪地，原來埋單要成$288一碟，咁嘅價錢唔會叫啦，自己喺屋企都整到啦。另一樣就係明明落單同佢講要羊腩煲例牌$238，埋單又夾硬話係細煲黎嘅，要收$288，咁同搶錢有咩分別。另外叫左椒鹽鮮魷，豉汁蒸鱔，正正常常無特別，但全部百五蚊碟起，對唔對得住個價錢就見人見智啦。全部野都幾油下，仲話支持小店，咁呃錢法點支持呀！

沒想到出面也有我的拿手小菜🤩🤩必吃‼️蜆蒸水蛋😍一直以為只有在家才會做，或是要去吃私房菜才有，因為需要花費很多時間和心思才能做出來～～👩🏻‍🍳這家小菜王很用心🥰這是我第一次試別人做這道菜😋當然大廚做的更美味😋擺盤也非常吸引😍我和好友只點了小份😝隔離桌上有一個很大的盤子，十幾個人都可以吃😁😁這家非常划算喔，比起其他大排檔。總共點了3道小菜，除了蜆蒸水蛋，還有西蘭花炒鮮魷、炸子雞，加上一碗白飯、可樂冰底🍻還有每人一盅燉湯😋 海星燉雪梨🤩🍲這段時間不方便煮飯，有湯喝真是太好了🥰本來我們要1盅，店員照給我們2盅，說買1送1（聽到隔離枱十多人直程送湯）看來是想吸引回頭客的策略人均$2xx吃吃喝喝飽到上心口，比其他店划算多了。收多了1個飯的錢（$18），事後whstapp店員搞返清楚也過返數比我。店員非常友善，服務態度很好，也很彈性地配合客人的點餐，難怪生意這麼好。有機會我一定會再去的。😊

第一次食尼間嘢，體驗唔太好，叫咗個豉椒炒蜆，全碟蜆差唔多大部份都係有沙嘅，而且鑊氣又唔太夠，成碟嘢作廢，食咗個空虛，其餘啲嘢食正常水準，冇話邊樣特別出色，服務質素正正常常。不過有得揀可以揀更好，冇下次🙏🏻

今年在一間紅磡小店食冬節飯，每碟廚師用心制作菜式非常好味，服務好好，每碟餸份量非常大碟！花甲蒸蛋！ 椒鹽瀨尿蝦！脆皮牛坑腩！ 炸大腸 川芎白朮燉魚頭湯！好低食！ 好低食！正正正正正

星期六想同朋友去食嘢，聽朋友介紹話紅堪有間炒得喜小菜館大排檔形式，啲嘢好好食，又大份，本人又十分鐘意食大排檔嘢，於是決定去試下。唔試唔知，真係超乎想象每一道菜都份量好足，完全可以講係色，香，味俱全。喺其他大排檔食嘢總有一兩味失色，但係呢度係每一道菜都冇得挑剔 ，睇得出大廚對每一道菜都好用心去煮真係估唔到咁細間嘅小菜館會有咁用心嘅廚師食材都好新鮮，海鮮都係游緊水嘅，總之食到好滿足，好滿意以後會繼續黎食多啲大廚煮嘅嘢

店的門面很普通，但內藏了一位大廚師午市$48/位我以為又係碟頭飯點知！好味到我覺得附近餐廳應該無生意做！首先：份量多！一碟餸+一碗白飯+一碗湯+一杯冷/熱飲其二：好有鍋氣！廚師炒菜的手藝！同出面茶餐廳簡直是兩回事！太好味！其實好驚寫完食評會好多人⋯⋯⋯四個人嗌嘅午市，分量多到以為自己食緊晚餐！雖然環境好普通，但係都坐得舒服。而且小炒嘅味道又唔會搞到自己全身都係。本身都知道紅磡呢一區係比較平價，我以為平就唔好味，但呢一間餐廳都會令我擔心佢哋會唔會賺到錢

公司晚上要OT,紅磡附近冇咩地方可以選擇，於是黎呢度午市飯堂試下晚市！老闆老闆娘當然非常nice非常好客啦！有驚喜，真心抵食，份量夠又好味！仲有隐藏菜單添，咁就交俾大厨拍板啦！

📌 炒得喜小菜王 - 紅磡崇潔街15號地舖🗓(29/7) 星期五 ⏰晚上7點左右 💈特式：崇潔街成條街都係食肆就係人都知，最近又開左間新舖，主打食鑊氣小炒/小菜，價錢仲幾相宜，除左餐牌上嘅小菜套餐之外，佢牆身都貼左好多時令/推介小菜，好有大排檔feel。🥩🍔🌭🌮🥗🥯🥘🍲🍝🍣🥟🍤🍱食物：今次先試試佢地d小菜套餐，套餐有包飯，但我想試多d唔同款式嘅餸，所以就無要飯，淨食餸，叫左個三寶，價值$248，講下味道先...米網拔絲咕嚕肉 - 其實...就係普通嘅咕嚕肉，個名就好似好勁咁，但都好食的，d咕嚕肉做到細細粒，仲要係啖啖肉，炸得脆，個醬都好味唔太酸，因為我本人唔係好鐘意食咁酸。蜜椒薯仔牛柳粒 - 呢個好食，中上水準，雖然d牛柳粒有一半半過熟，有少少un，d薯仔佢就有炸過，脆脆地，加埋d蜜糖味好上到，仲要有d焦糖化嘅感覺，黑椒粒又好香口，送酒一流。薑蔥霸王雞 - 呢隻雞我真係要彈一彈，個味道係ok嘅，好香薑蔥味，但敗筆係佢好油，同d雞肉好un，多油到好似水塘咁。☕️🍵🥤🧋🍺🍷🥃🍹🧉🍾🍶🥛飲品 - 飲品佢就有啤酒/汽水之類，另外本身仲有提供茶水。🍽環境：雖然係新開，但環境方面都真係未如理想

坦白講，星期日嘅崇潔街夜晚真係冇乜得揀，基本上得兩三間舖頭有開，見佢入邊都有兩台客食緊嘢，咪入去試吓，點知真係有d驚喜，起碼個孖寶，真心抵食 ，味道同份量我自己覺得性價比好高🤔三個人叫咗個孖寶搭其他散野，個孖寶我懷疑佢哋set錯價😂，孖寶加三寶五個餸加埋$418🤔，12個餸叫齊都係$968😳，不過我估佢哋之後都會改返。我哋叫咗一個孖寶，同埋執咗啲散野，唔知係咪因為新開張，份量都幾多😅味道正常中上，未至於去到話乜嘢隱世小店，但係價錢伊個地方我會覆啅囉，最後食唔晒打包。