炭火燒 (已結業)

一坐低，等了十分鐘，仲未有水或茶。放下MENU，就無人理過我。其實只有三張檯有客。職員背住我，唔知做甚麼呢?然後等了很久，再追，才比水，態度仲好負氣!!!!食物又等好久，放餐個waitress 黑口黑面，問佢呢個係甚麼? 佢話唔知啊! 個經理又行過來，無理。黑口黑面咁行開。好奇怪!!食物很差。勁鹹。牛肉，豬肉都唔新鮮。鰻魚好鹹，好臨。海鮮食唔晒，好難食串燒到食唔到。仲唔係平。職員態度仲好差!連餐具都要問佢!仲每次比一份! 我6個人!!!

此店尚在裝修已被它的時代感外牆吸引，開張後才發現原來是一間日式燒物餐廳。餐廳面積不大，近燒爐個邊超大油煙，好彩我和男友坐另一邊，空氣尚算清新。晚餐有四款，約$58蚊，我要了燒雞肉定食，男友要了牛舌定食，另外叫了一串金菇牛肉卷($12蚊)。牛舌定食有四塊，口感像煎熱了的牛肉乾，又硬又嚡，牛舌面積頗大，但食具卻沒準備刀叉，莫非他們想客人用口咬嚟食？我的雞肉只有五小塊，味道較牛舌好，不過煎得好燶，食落有啲苦。金菇牛肉卷一串有兩粒，每粒只有女士尾指般大小，金菇煎到燶哂，牛肉只有肥肉，可以說是極差！晚餐份量偏細，女仔都唔飽，男友吃罷一點飽肚的感覺也沒有，轉頭就去吉野家食多碗雞鈑醫肚。唯一可讚的是晚餐的前菜，有山芋蓉和枝豆。蚊單$140蚊，我倆都認為不值。