炸嘜炸物專門店

营业中

休息中

紅磡新開左間炸物專門店，宵夜或晚餐加餸都係一個好好嘅選擇😍✨招牌炸三寶 - 有釀青椒、釀茄子同炸雲吞各兩隻，同其他地方嘅唔同，呢度嘅魚肉好有厚度，食落好彈牙，而且即叫即炸，新鮮熱辣食冇得輸🤤✨自家配製足料粉仔 - 好少地方見到有粉仔賣，而且佢好足料，好多蝦米同菇，再加埋佢嘅秘製辣醬，可以話係十分之夾同惹味，連我唔太食辣嘅都覺得正！✨椒鹽四季豆 - 本身我自己幾鍾意食四季豆，仲要配埋椒鹽同蒜蓉，簡直係大愛😻會食唔停~✨外脆內軟炸燒賣 - 極度吸睛的大大粒炸燒賣，裡面有魚肉香，真係外脆內軟，而且一d都唔會太多粉👍 沾埋辣醬食咸香味又出又滋味😸✨椒鹽粟米 - 比想像中易咬，整得好入口，粟米亦夠清甜🌽✨蒜蓉布包豆腐 - 裡面超滑，蒜蓉好香口，送飯實好正！✨招牌雞軟骨 - 估唔到幾juicy! 鍾意雞軟骨同有咬口嘅人一定會好like😍

食左兩三次, 忍唔住要打篇comment 鼓勵下呢間小店事源有晚心思思想食宵夜, 發現到呢間小店招牌三寶:用料真係唔錯, 魚肉足料, 青椒同茄子都新鮮蒜泥椒鹽四季豆: 蒜味夠勁, 夾埋四季豆食冇得頂, 重口味人士必試椒鹽栗米:好好味, 冇諗過炸完既栗米都可以咁甜同多汁, 重點推介炸燒賣: 外脆內軟, 加埋個辣醬真係食唔停口(老闆話辣醬係自家制, 有蝦米同魚乾)即叫即整, 而且等侯時間都唔會好耐, 基本上唔太多人既話,幾分鐘有得攞!下次會試粉仔同脆骨腸支持用心小店, 加油!

有日早食飯，返屋企嘅時候肚餓，諗住落紅磡買串燒食。路過見到有間新開嘅舖頭，睇個名似係專賣炸嘢，見門口有得泊位就試下～😋😋舖仔細細，但都幾多選擇，有我鍾意食嘅炸蕃薯條同四季豆😌😍仲有試咗天婦羅魷魚鬚、椒鹽粟米，呢兩個都有驚喜！！個魷魚鬚炸得好好食，唔乾身，我好怕炸得dry得濟吉口，呢個炸得啱啱好👍🏻我覺得最好食係個招牌雞軟骨，好香口，調味又啱啱好～老闆話開到1點，下次再想食宵夜可以encore😂😂😂

四季豆好好味，多蒜蓉，I like煎釀三寶都好正，同平日嗰啲唔同，佢三寶仲要饟肉係辣嘅😋仲有個黑椒脆骨腸仔都好好食，加埋檸檬汁好開胃宵夜真係一流下次要再其他嘢先得🤤