為食仔卜卜蜆私房菜 (已結業)

本身自己去開（為食仔旺角店）食👈🏼已經食過5次⋯⋯原全冇問題的．今晚去了銅鑼灣去了、銅鑼灣店的為食仔！叫什麼沒什麼🤷🏼‍♀️ 湯底👎🏽鹹死👎🏽黃金豆腐👎🏽好唔掂冇味的海鮮 一般🤦🏼‍♀️服務就唔差的很好，食物真係👎🏽

book左9點半，食98蚊任食，去到仲好大聲話任食2個鐘。食左半個鐘，諗住想加蜆已經話食埋呢碟（加蜆）冇得再加，因為已經冇晒🙄🙄又話任食？叫左個黃金魚皮，大部分都好硬/lam晒，咬唔開，想叫象拔蚌仔又話冇

呢間野簡直係垃圾之中嘅垃圾！啲蜆勁多沙又唔新鮮其他材料都一樣難食！！響鈴完全唔係即叫即炸牛肉全部勁唔新鮮 好大浸雪藏味祈求大家千祈唔好嚟食！我隔離對情侶 食咗15分鐘就埋單！

好失望～千其冇叫海鮮拼盤～200幾蚊得兩隻蝦超級5抵食～跟住要即刻取消個海鮮～好伏～總之好伏～d態度又5得～d蜆又細隻又多沙～食到個口好軟～係個黃金魚皮ok～但係又得幾塊～好貴d嘢～食完都5飽

記得17年食過旺角嗰間兩次，嗰陣佢都未係媒體大肆宣傳，所以印象中質素係幾好☺ 之前食啲蜆係真心多、甜同大隻。但今次係銅鑼灣呢間就好似差啲啲嚕🤷‍♀ 平日夜晚去唔爆場，要讚嘅係2位waiter速度都好快，成日都會過來睇吓有冇蜆殼要掉同收碟😂😂 2個人坐4人枱，擺埋嘢食其實啱啱好，叫多幾碟可能就唔夠擺喇🐷——————————————————🥘🌊招牌卜卜蜆煲 $168見到有食評話啲蜆好多沙，差唔多隻隻都有，但我食哂全部都係得幾隻有咋喎😯 唔知係我好彩定係店鋪真係有改善呢🤣 招牌=原味，但原來都會有微微辣；怕辣嘅朋友仔建議可以撈起啲辣椒先😀 個湯都幾鮮甜嘅☺ 合格~~ 不過蜆真係比我印象中細隻咗，失望呢😔-⭐🐮特級牛肩胛(小) $128 >> 已夠2人食👍🏻都大碟嘅，係2個人份量👍🏻 唔韌，有好濃嘅牛味🤪 都幾好食啊~~-🐷🐽黑毛豬腩片 $108呢個推介呀，好薄好大塊同埋無咩雪藏味🤓-🥬🥒雜菜拼盤 $58有生菜、油麥菜、小棠菜，原來小棠菜打邊爐係好清甜架😍 要加分🥰-🔥🌟自家紫菜炸響鈴 $68呢個上碟已經見到好油😅 食落都一樣，油爆🤣 2個人食係有點兒多🤣🤣 想食可以叫返原味，

藥膳雞湯卜卜蜆放題 $98想食卜卜蜆好耐 知道呢間夜晚九點半後可以用$98任食卜卜蜆 ,特登留番個肚夜晚食揀左藥膳雞煲味， 偷飲左幾啖，都好濃又入味既藥材味d 蜆都好鮮甜， 前後一共叫左三轉， 未到兩個鐘我已經收手食夠皮雖然有d 蜆係食到有沙， 以$98 可以任食既質素， 都已經不錯仲有叫埋其他野食， 墨魚滑高質， 有墨魚味， 海蝦都好新鮮大隻，惟數量比較少。萵蒿好鮮甜爽口。本身openrice 見佢咁多負皮係有d 擔心， 但我覺得又未至於咁差， 服務態度都好有禮貌， 又快手幫我地換碗收拾蜆殼。

第一次寫食評本身自己好中意食蜆 見到呢間野既時候已經想食左好耐今日終於去左食 因為係openrice睇到既食評大多數都話間野唔好食好多沙 所以無抱好大期望6:00入到間餐廳見到人好少 得果2枱 見到d話伏既食評大多數都係食18禁同原味所以我同我fd就揀左胡椒雞湯個湯底其實幾唔錯 不過煮到後尾偏咸 但都係好飲蜆黎講 2個女仔都食 好似食極食唔哂咁 好多蜆肉偏細 但味道食得過 幾好食 咁大鍋既蜆 得5隻係有沙同2隻臭左 唔錯D侍應服務唔差 都會主動加湯 加茶水 臨走前都一直唔多人 明明係星期六 希望多d人可以去試下 真心覺得間餐廳唔算差 可以試下

見電視推薦懷著期待的心情去食卜卜蜆，點知去到銅鑼灣分店服務態度差食物質數仲差。我同fd叫左個18🈲️辣蜆（中辣），只因我地好鍾意食辣想試下辣蜆有咩特別，估唔到所謂既辣只不過係純辣椒碎淨係得個辣 乜味都冇，蜆湯滾左好耐都食唔出鮮味，七折都嫌貴。由於用緊七折優惠就唔可以同享海鮮優惠，不過見隔離檯叫左一碟蝦食剩半碟話要撤走仲建議我地唔好食，最終我地淨係叫左d菜食，兩個人七折完都四百六真係好唔抵，仲要難食到呢真係一次都嫌多，唔知其他湯底會唔會好d 但應該都唔會有幾好

銅鑼灣為食仔卜卜蜆，劣評，叫咗個18禁卜卜蜆煲，一味得個辣子，湯底無味，蜆份量足，但是味道苦澀，叫咗其他食材唔新鮮，最好笑係gas 爐走左隻曱甴出嚟，戴眼鏡阿叔待應態度惡劣，

之前食過一次旺角分店都過得去，所以試下銅鑼灣店，結論是勁難食！點了招牌卜卜蜆煲，係好多蜆，但每隻都細細隻而且完全不鮮甜，有幾隻仲成啖沙。蜆滾起後d湯完全唔鮮甜，仲有少少臭火鍋配料點了:1) 蟶子王同元貝：完全唔鮮甜。。。2) 牛頸脊：價錢唔平，小份賣$228但完全無牛味，肉質好差，連超市50蚊肥牛都好食過佢3) 黑松露芝士蝦丸：無黑松露味，d蝦太碎無咬口，而且完全不起膠。黑色的蝦碎包住粒芝士。。。難食！

一直有幫襯開為食仔旺角既分店, 雖然質素唔係次次一樣不過都算中上,諗住同朋友試下銅鑼灣應該都冇死啦,點知就出哂事。訂位訂左七點鐘, 六點九上到去得一兩張枱, 係星期六既晚上已經相當可疑不過唔緊要, 我地叫左個個18禁卜卜蜆雞煲(小辣), 啫係一個乾身既雞煲再加埋連殼既蜆.嚟到見到個雞煲d汁多到加左湯咁, 青椒又多過d雞, 食落似豉椒炒雞, 不過係譚仔大辣程度既豉椒炒雞。我本身食得辣,而且食開旺角分店既小辣係覺得唔辣既, 但今次真係辣到我食唔到, 最後食左兩舊雞就即刻要求加湯。 但味道真係同旺角食開既唔一樣, 就同老闆講左聲, 點知佢淨係答我地, 小辣都幾辣㗎...最後叫左既配料都完全食唔到就走人。

用左openrice咁耐第一次寫食評.因為真係好差叫左個胡椒雞湯卜卜蜆湯底. 淡而無味. 好多沙黃金響鈴卷都完全無味. 擺低果下仲有隻甴曱從碟底爬出黎. 極度不安黃金豆腐粒都係淡而無味. 比酒樓椒鹽豆腐還要差食材選擇都唔多..每樣食材都感覺係佳寶質素.選用大陸食材. 點左本地高級牛肩脊. 完全冇牛味比吉野家牛肉還要差. 薄過紙一餐飯大約食左2.5小時. 中途換左4枝Gas. 食到中途見倒牆身都有隻甴曱.最後忍受唔倒未飽就埋單. 每人差不多$400食過好多間打邊爐. 呢個價錢呢個質素都係第一次.呢間野永久黑名單!

貴店以$1/隻甜蝦作推廣活動，本人跟朋友2人點了卜卜蜆煲$178，亦有點其他食物，然後我們先後叫了60隻甜蝦，直到第4次要求再加20隻甜蝦時，貴店女職員竟給面色我們看，及告訴我們不能點太多甜蝦，雖然最後經理有給我們下單，但本人極不明白為何我們不能再點甜蝦？原因是會令你們蝕本？如果你們做不起這活動就請取消！其他食物價錢這麼貴還要給我看你們職員臉色？簡單莫名其妙！你們職員再如此阻止客人小心違反商品說明條例！

在銅鑼灣煩惱食咩好，到京都廣場時看到有蜆吃，很吸引，就上去了。在餐廳門口看餐牌，職員介紹有頭甜蝦$1/隻，很吸引呀！就座後，點了胡椒雞湯卜卜蜆煲、以及是日特價的大元貝2隻，看看份量如何。看到煲時，就覺得份量很多，超抵食。蜆肉有鮮味，湯底很濃。不用豉油也覺得很夠味。職員定時過來收集蜆殻，加湯及加茶，都幾細心。吃了一些蜆之後，就點了20隻有頭甜蝦。初初以為是加進火鍋裡，到看到實物時，才知道是刺身，喜出望外！甜蝦很滑、很鮮甜。吃罷再追加多20隻。我覺得再追加多幾次都得！現場尚算坐得舒服，唯獨與鄰座距離較近。鄰座對話大聲的話，就聽不到朋友說甚麼了。最後埋單，調味料$12/人，茶芥$6/人，胡椒雞湯卜卜蜆煲$188，大元貝2隻共$50，有頭甜蝦40隻共$40，連加一共$345。平均$172.5一位，有咁多海鮮食，真係好抵！今天是星期日，夜晚客人也不算多，有點擔心這餐廳做唔做得住呢⋯⋯

今日訂枱食生日飯，蜆多沙到點食都有，最後頂唔順換湯食其他野，入座唔算多人，食物唔多款，豉油好似無咩味，整體感覺一般，略為偏貴3個人都八百幾蚊，咁嘅價錢可以有更好選擇。