為食坊

营业中

休息中

係香港食餐晏有幾貴大家都知，好唔好食係另計。我自己打工一族嚟講係冇要求，又懶得行，只求食飽就算！所以我選擇自己帶飯！但最近發現公司附近開咗間外賣飯盒，宣傳單張既價錢$25-$30，仲有每日廚師推介特價飯$20，其實真心有懷疑咁平係咩質素，在好奇心驅使下試咗一次，叫左個$25鹵水紅腸雞翼飯，真心好食，各様都正常，似住家飯，味精唔重，因為食完唔覺口喝，係唯一飯量，大食嘅可能唔夠，但呢個價錢食2盒都抵，現在簡中冇帶飯都係食佢，每次都好好食，未試過中伏！咁抵食希望佢捱得住，益下我哋班打工仔！

滷水雞髀飯嘅味道真係一試難忘呀！滷水汁非常入味，除咗滷水鹹甜味平衡得好好之外，仲有種微微嘅焦糖香味，可能廚師係落左片糖。而且除咗滷水汁嘅味道，仲有其他香料例如花椒八角等等嘅香味出咗黎，真係好唔錯。至於肉質方面，可能係新鮮即做，所以雞髀個肉質係十分之嫩滑，簡直係剛剛好熟。$25可以買到一盒超大隻嘅滷水雞髀飯，真係勁超值。同埋佢哋原來每日個餐單都唔同，可以有排試。不過建議都係透過佢哋嘅WhatsApp預訂咗先，因為我見佢有部份餐未到1:30已經賣晒。

今日放工時經過大連排道，見到聽日有一間平價餐廳開張，位置就喺大連排道宏達工業中心。睇落張海報個價錢真係好吸引😋😋😋，$20-$30就有一個外賣飯。蟲草花蒸雞飯尖椒老蛋腩肉飯燒汁雞扒飯京蔥爆炒牛肉飯台式滷蛋肉燥飯個個飯都好吸引，有啲選擇困難症！平時大連排道周邊的餐廳平均午餐都要$60左右，聽日去試下睇吓好唔好食先？佢有個WhatsApp可以預訂飯盒，聽朝試吓落單先。