炻板燒 (已搬遷) 新店位置

本身住大埔，但每年拜仙人都會有入屯門，唔係地膽，所以上網搵下有咩食，見呢間燒肉咁多like,個燒爐又幾得意，就揀左佢。搵地圖再發現原來搬左就之後搭一個站輕鐵到建生，行5分鐘就到，入到去發現乜油煙味，幾好😆我地一家四口叫左燒牛肉配飯；牛肉好新鮮，個爐仔好得意，細細個，又唔太油煙，正！吉列豬扒蛋飯；係我鐘意嘅濕蛋😊好好撈飯，吉列豬扒火喉啱啱好，外脆内軟✌🏻雜菜烏冬；可能姐姐知我個女唔食肉，專登比多d菜同粟米佢，個湯底好好飲，我個女好細食少都清哂。鰻魚蛋飯;條鰻魚係肥美嗰種，亦無燒到乾柴烈火，值得讚👍🏻良心小店，再經由屯門一定會再幫襯☺️👍🏻

早前在其它區試過食石燒牛，而真係好鐘意食牛，今日忙碌週未要到屯門到訪這所隱世石燒牛，慰勞一下自己。到達時間本可食個較輕盈的抵食下午餐，但因一心滿足我食牛的心癮，問店員推介，知道我當日不想吃得肥膩，他推介我試封門柳，我又想試吉列牛，所以叫了一款雙併牛，有12件，$188，計過都抵食的，又可以一石二了鍾意石燒係因為可以自己話事，仲可以慢慢燒，燒完即食唔怕凍晒。餐廳預備了牛的脂肪塗在爐上，專業， 一塗已香味撲鼻！2種肉的味道都好吸引，牛味較濃封門柳，各有所長，只加少許鹽已經好好味，而餐廳預備的酸汁亦有另一風味，唔錯！一贊是飯有加上飯素，最後我一口氣吃完，估唔到自己變到咁大食，好味大滿足！佢既蘋果汁都唔錯！餐廳內座位舒適，壁畫都好靚好有特式，下次再來一試其和牛(以上食評乃用戶個人意見 , 並不代表OpenRice之觀點。)

呢排香港天氣濕凍 堅凍 超凍大家都要好好保暖唔好病啊要著多件衫 帶遮出街同埋屋企有長者既 要更加關心佢地啊!!!!天氣凍就會好想打邊爐（但其實香港人係四季都打🤣）於是乎就去左新墟買料夜晚抵邊爐一落車 真係凍到痴左線是旦行入一間餐廳食個lunch就去買餸打邊爐呢間餐廳就係炻板燒我地都叫左lunch set 分別係板燒封門柳 同 板燒吉列牛另外重有小食 唐揚炸雞同椒鹽雞軟骨重每人一碗好多飯素既飯同麵豉湯 重有野飲先講小食兩款小食 個人覺得都幾重口味不過配埋飯一齊食都okay 但如果就咁食 會覺得略咸左少少麵豉湯都幾多昆布 正正常常口味可能因為真係太凍所以幾期待有碗熱湯飲下☺️到主食 板燒吉列牛$98有少少失望6舊入面有3舊都有筋🥺 都幾難咬筋既位置佔左舊肉既1/3感覺好似食少左肉咁🥲🥲🥲至於 板燒封門柳$128呢個幾好食 無筋 唔難咬有少少肉味 都唔錯成個set黎講 份量上因為配飯好大碗所以都夠飽既但若果只講肉既話 就會覺得唔係咁夠不過價錢上都正確既如果肉既份量再多既話 就變得貴左 依加呢個價位 有肉有飯有湯有小食有野飲其實都幾抵

今日約咗朋友入屯門行山，難得山長水遠入到嚟，開始之前搵野食醫飽個肚先。就在新墟街市小巴站對面馬路見到呢間門口有好顯眼「炻」字招牌，門口見lunch價錢都比較親民，一於就試一試！ 餐廳設計特別，牆身有波浪上的鯉魚及一頭牛。環境乾淨企理，有數張卡位枱，坐得比較闊落舒服。 餐牌選擇頗多，除左主打石板燒牛之外，亦可以選擇丼飯烏冬。當然一場黎到炻燒牛專門店，又點可以唔食石板牛呢？餐牌上見到有封門柳，火鍋店都愈來愈常見有封門柳，但石板燒我又真係第一次見！所以點了板燒封門柳！ =板燒封門柳  ($128)=lunch set可配小食唐揚炸雞或八爪魚丸，我選擇了唐揚炸雞另配麵豉湯及飯+罐裝汽水然後我見到隔離枱上左一碟好靚蛋包飯，於是+$69 升級神級蛋包飯 石板上附上牛脂，先用它塗滿石板上，放上一塊封門柳，隨即聞到陣陣香味。枱上亦放上黑糊椒及喜馬拉雅粉紅鹽，另外店員也送上牛肉汁。封門柳油脂分布平均，雪花紋色擇亮麗，一入口就感受到很有牛味，作為牛魔王嘅我表示好味呀！ 好快店員就送上神級蛋包飯，滑滑的蛋汁上加上醬料，單是賣相已經夠吸引！輕輕切開，內裡是炒飯之餘，原來神級係因為仲有和牛粒！係有驚喜的！蛋皮夠

今日去咗間隱世燒肉炻板燒呢間店舖位於屯門，去完屯門探完朋友，專誠過來食，朋友話好近街市食完牛肉仲可以買埋餸先返屋企，地點又方便入到店舖地方整潔，環境舒適，裝修得很有日本色彩，一入到店舖已經聞到好香嘅燒肉味，，細看餐牌燒牛肉套餐，我們每人選了一份每份燒肉都有麵豉湯和白飯我今日揀咗下午茶時段仲有分小食可以揀埋可以揀炸雞或者八爪魚丸性價比非常高點了一個牛小排套餐當燒肉送到我的面前，細緻的雪花紋理油脂分布肥瘦均勻呢度最得意係要自己燒幾成熟完全可以自己掌控而且牛唔怕生個人覺得10至30秒就可以，太耐真係會好老同乾身牛小排肉質好林又有咬口鮮嫩，加上蒜鹽增加牛肉的香味，一口咬落去啲肉汁同埋牛脂味湧晒出嚟呢個牛真係不得了脂肪同肉嘅比例又夠均勻燒完放入口嗰種口感真係比得上好多好多好靚嘅和牛再加上佢牛味好重但係又唔會覺得太肥同埋太油膩一個字正啲飯係用珍珠米煲的都煲得啱啱好口感軟硬度適中麵豉湯小食有炸雞件和丸也不錯，最重要小食都係剛剛炸起送到我面前仲係熱辣辣炸雞望落有點兒乾身但一咬落去雞肉依然非常Juice！

今日同朋友去咗屯門睇戲睇完戲搵啲嘢食,因為都好少入屯門所以就上openrice睇下有咩推介,結果見到一間石板燒好多人推介所以就去試下, 店名炻板燒舖頭入面地方唔算太大但係裝修得好整潔而且大部分都係卡位都算坐得舒服板燒牛肉餐有五款選擇每款可以跟一個小食另外仲有一個麵豉湯,一碗飯,一杯飲品麵豉湯味道香濃,加上味道唔會偏鹹有少少蔥花吊味,暖一暖個胃,特別開胃板燒牛小排 首先會嚟個石爐等佢燒熱嘅時候用餐廳準備好嘅牛肉脂肪塗上爐面,咁樣可以令到一陣燒牛肉嘅時候,牛肉特別香,真係好細心將塊牛小排放上石板燒上面好快就見到佢開始轉色而且聞到好香嘅牛肉味,我自己本人就比較鍾意加少少岩鹽落去,我覺得咁樣個牛肉味會更加突出當燒到7成熟左右就食得牛肉入口肉質非常嫩滑完全有入口即溶嘅感覺而且脂肪比例都好均勻,令到牛肉味好香濃加上石板燒令到牛肉嘅肉汁全部鎖住真係好好味飯素白飯白飯上面鋪滿日式嘅調味料,紫菜碎,芝麻,食落口特別惹味配埋牛肉一齊食簡直係完美唐揚炸雞 雞件分量都算大,而且外邊炸到金黃色,香噴噴入口食到入面雞肉肉質嫩滑味道調教得啱啱好仲熱辣辣加埋沙津醬更加好味

今日食午餐就去咗屋企人推薦嘅一間日式餐廳，一入去個店員非常熱情，而且好有禮貌。-1.吉列蝦稻庭湯烏冬配凍檸水$60首先烏冬有淡淡豬骨湯味，烏冬比較軟身，想推薦個吉列蝦，好香炙燒味，同埋好香脆，，唔會蓋過蝦嘅味道，同沙律醬一齊食好夾，而且杯凍檸水有少少香澀。-2.粒粒封門柳井配凍檸茶 $76首先個飯有少少燒汁喺上邊，仲有少少飯素紫菜，配合啲泡菜好開胃，跟住就係啲牛柳粒好香牛脂同埋佢只係用咗海鹽同埋一啲基本調味，今次唔會蓋過咗佢原本嘅香味。-最後仲送咗兩碗麵豉湯，淡淡嘅麵豉味。

好久沒吃吉列牛對言次應該是三年前還可以去日本🇯🇵的時候在東京吃的那一次畢生難忘因為吉列牛肉質非常嫩好想再吃一次結果發現屯門站附近有一間吃板燒牛有板燒吉列牛！於是放工就去吃個晚餐六點後會有加一服務費如果六點前吃就非常抵吃全日板燒有四款牛可以選擇包括和牛、封門柳、牛小排和吉列牛我要必吃吉列牛跟餐還配飯素白飯、麵䜴湯和湯品非常抵食如果想要特別飲品還可以加錢配日式飲品但我去到的時候已經無日本蘋果汁或茶類😭😭😭這個板燒是用明火上面有個石板又好玩又好食🤣🤣🤣吉列牛肥瘦分明稍為燒十秒就最好吃咬落去肉質異常的嫩滑肉厚又有咬勁而且啖啖肉好令人滿足吃得出牛肉新鮮配的白米飯是日本飯煙煙韌韌非常正🤣如果兩人套餐還可以送小食可惜我只有一人😭😭😭♥️全日板燒-板燒吉列牛配麵䜴湯、飯素飯、凍檸茶$168+10%服務費📍 炻板燒 (屯門)屯門屯門鄉事會路112-140號雅都花園商場地下G10A號舖

呢間屯門嘅石板燒幾好食 因為商場嘅指示唔係太清晰 會比較難揾 為咗方便大家 提翻佢個位置係商場街舖 而唔係商場入面😆佢有做午市同下午茶套餐 個人認為都幾抵食👍🏻下午兩三點 人流都比較多 睇嚟好受街坊歡迎👏🏻套餐會附送麵豉湯👍🏻我叫咗午市套餐嘅板燒封門柳 總共有六塊 啲顏色同花紋幾靚 配埋一碟牛肉燒汁 飯係飯素白飯 套餐包一款小食 我哋就揀咗唐楊炸雞燒出嚟香噴噴 好吸引呀🥰🥰🥰有pink salt同black pepper揀 等大家可以調味 因為佢嘅牛係比較原汁原味🥰套餐包兩杯野飲 我哋叫咗熱檸茶 凍奶茶🙈我哋仲叫咗個鰻魚粒蛋包飯 $68 入邊有好多鰻魚粒 都幾大份 調味幾好 蛋包好有蛋香 煎得啱啱好 仲有啲蔥花喺上面👍🏻

繼上次由港島區入去粉嶺覓食之後，今次又再一次去到平時好少去嘅屯門區搵好嘢食啦！有個friend約我去屯門高爾夫中心打波，難得咁山長水遠，梗係搵吓附近有啲咩特別嘅餐廳試吓啦！上OpenRice度check，發現呢間餐廳嘅評價好似都幾好，加上當日我去嘅時候天氣開始轉凍，所以好想食啲熱辣辣嘅嘢！咁食燒烤就啱晒啦！呢間餐廳可以話係一間小店，門面唔係好大，但都算坐得舒服嘅。我當日去嘅時候係下午茶時段，本來以為得返啲普通茶餐廳嘅貨色，點知嘢食選擇都幾多，甚至有得食燒烤喎！打完兩個鐘高爾夫球都已經有啲肚餓，咁就一於問吓靚女店員有啲咩呢度嘅招牌特色菜，試吓佢啦！靚女店員同我講，可以試吓佢哋嘅吉列牛，係用日式嘅石版去燒嘅，外面一層鬆脆嘅吉列皮配合好有牛味嘅肉，食起上嚟口感非常之好，成個口都係油香，真係一試難忘！我另外加咗錢試下靚女店員介紹嘅神級蛋包飯。叫得做神級，梗係有啲神級嘅食材啦！原來係用咗和牛粒下午茶套餐的確好抵食，因為佢除咗有餐湯，仲有得order小食，分別係炸雞同埋花枝丸。因為我實在太肚餓啦，所以就兩樣都order試吓

今日係屯門行完山，見天氣涼涼地，突然好想食烤肉，但又怕任食烤肉太heavy🤨，咁啱行過雅都花園商場，見到有間食石板燒牛😳，一黎可以滿足我食肉既慾望，二黎我又想食熱野，我就二話不說衝左入去🤣🤣🤣餐廳坐位唔多，但都坐得闊落同舒適。餐牌有唔少選擇，有石板燒、丼飯、稻庭烏冬、蛋包飯同埋鰻魚飯🥰我地點左兩個套餐，一個係石板燒另一個係鰻魚飯！😆🌟板燒吉列牛 $98套餐包一份小食，可簡唐揚炸雞或八爪魚丸，跟餐有麵豉湯、飯素白飯、罐裝汽水（可樂/忌廉）吉列牛有6塊，我地先用豬油燒熱個爐，放上一塊吉列牛，可以跟據自己嘅喜好自行調節牛嘅熟熱程度🤪兩面煎熱再灑上岩鹽同黑椒調味，吉列牛四面炸過，做到外脆內軟，肉質嫰滑，加上調味料，食落口感豐富，回味無窮。唐揚炸雞有3塊，灑上七味粉，點埋沙拉醬，味道都唔錯。另外，飯係加上飯素，食到濃濃嘅柴魚味，令人食唔停口！非常開胃！😋😍至於飲品我地加左$10換左橙味梳打，味道都唔錯！🌟原條鰻魚飯 $88鰻魚係成條上，肉質夠晒厚，食落啖啖肉，無骨，食落好滑，而且燒得夠熱，白飯沾鰻魚汁，美味飽肚🥰總括黎講，餐廳cp值好高，午市唔洗一百蚊就可以食到石板燒真係好抵食，而且唔洗加一👍🏻

早前在其它區試過食石燒牛，而真係好鐘意食牛，今日忙碌週未要到屯門到訪這所隱世石燒牛，慰勞一下自己。到達時間本可食個較輕盈的抵食下午餐，但因一心滿足我食牛的心癮，問店員推介，知道我當日不想吃得肥膩，他推介我試封門柳，我又想試吉列牛，所以叫了一款雙併牛，有12件，$188，計過都抵食的，又可以一石二了鍾意石燒係因為可以自己話事，仲可以慢慢燒，燒完即食唔怕凍晒。餐廳預備了牛的脂肪塗在爐上，專業， 一塗已香味撲鼻！2種肉的味道都好吸引，牛味較濃封門柳，各有所長，只加少許鹽已經好好味，而餐廳預備的酸汁亦有另一風味，唔錯！一贊是飯有加上飯素，最後我一口氣吃完，估唔到自己變到咁大食，好味大滿足！佢既蘋果汁都唔錯！餐廳內座位舒適，壁畫都好靚好有特式，下次再來一試其和牛

放假入屯門踩咗一日單車，夜晚返返係市中心附近搵野食。係vcity 附近就有哩間食日本石板燒牛嘅餐廳，見幾有特色，價錢相宜就入去試試。餐廳比較的骰，大概只能容納約20個食客，牆上面都畫左一啲帶有日本文化既壁畫。因為當時時間比較早，可以安排坐係卡位位置，二人來講坐得比較舒適。餐廳主打係石版板燒牛，另外仲有一啲小食同烏冬丼飯等等。我叫咗一個板燒吉列牛set 15片,$228，另加一支蘋果汽水🥤牛嘅外皮用左吉列方式，而牛嘅脂肪分布都尚算平均，以呢個價錢來講質素不錯。而且可以自己煎，當係烹調下過程都幾有趣。而店員嘅服務態度都好好👍🏻見到我哋燒到有少少癡底嘅時候，都主動友善地幫我哋換一個新嘅石板，值得一讚。友人就叫咗一個肥牛稻庭烏冬，$62另外，餐廳亦都提供唔同嘅日本特色飲品，值得推介大家一定要叫呢一個蘋果汁汽水，甜度適中，係清甜嘅蘋果味，而且比得上可樂既氣，下次我一定會再飲

今日同亞媽去食日式午餐, 間餐廳名夠特別, 炻板燒, 就入去試下先.睇完餐牌, order 了兩份午餐.6片封門柳,白飯,小食八爪魚丸, 飲品加錢要了信州蘋果汁. 職員送上火爐一個, 上面係石板, 將牛柳放在石板上燒, 炻石燒是也客人可以根據自己牛柳嘅熟食程度去燒, 非常方便 八爪魚食落 juicy白飯夠香軟, 上面舖了海台芝麻肉鬆, 非常香口.另一個餐要了唐揚雞稻庭烏冬, 烏冬彈牙, 湯底夠濃又不油膩, 海澡, 粟米粒係指定動作, 雞球炸得金香酥脆, 點埋沙律醬就更滋味 我好怕 d 麵豉湯太咸, 這個就啱我口味.清香嘅蘋果汁好正, 睇真 d 係有 50% 果汁成份, 仲係信州產品 影返張全家幅先 枱上嘅調味料請隨便享用各位, 我唔客氣, 開餐啦 ~~

星期六相約朋友巴倫紐看電影，睇戲前梗糸搵D野食先，我地經常在附近搵食，今次在雅都地舖比我地見到間燒肉店就入去幫襯嚇，店舖不大剛開門人流吾多，我地下單後開始有人入內午餐。原條鰻魚飯$88 (包罐裝飲品)OMG！XXL大碼嘅原條鰻魚、鰹魚碎、 鰻魚汁蓋滿成個飯香氣噗鼻，熱騰騰鰻魚肉油花四淺，唔腥肉質嫰滑冇骨加上甜美醬油汁，十分美味飽肚😋板燒封門柳牛肉set $128 (包小食唐揚炸鷄、飯素白飯、麵鼓湯、汽水)封門柳牛肉系自己燒鐘意食幾成熟都得，每碟包塊油脂比你開爐，牛肉油脂分怖平均，石燒上吱吱聲香氣噗鼻，牛味濃肉質鮮嫩食時灑上些岩鹽配白飯味道一流，而且仲配上左個日式燒汁點牛肉。可惜牛肉比較少，唐揚炸鷄炸得比較乾身太硬，總體而言日式板燒午市冇加一超值抵食！