烤焗工房

营业中

休息中

之前都有食過大魷魚, 不過覺得都幾鹹~今日路過本來係想食多春魚...唔知點解又神推鬼㧬咁叫左炸魷魚....等左唔係好耐, 大約5分鐘左右魷魚依舊大塊, 有成隻手咁長~炸皮好脆有少少油, 我揀左香蒜粉..我覺得唔係好食得出蒜香味....淨係覺得有D粉, 講真已經唔係落得好多粉, 都仲係覺得好鹹....因為對上個次落得更多, 上次食紫菜粉~撇除鹹, 其他都唔錯~魷魚唔軔, 咬落其實係脆身, 連埋炸皮其實係夾既, 尤其係魷魚腳而且如果你食得晒係真係幾飽....串魷魚真係大得過份....下次試下其他野~

旺中有唔少小食店，呢間係比較水準嘅一間。今次同男朋友分享左芝士安格斯牛柳粒。份量都幾多，夠兩個人做下午茶。賣相都唔錯，表面都有幾多芝士，而且啲芝士仲拉到絲，味道唔算太鹹，可以一試。

#中意嘅請分享請點讚🍻----------旺中而家開咗好多間小食店，可以一路行街一路食，今次就試咗其中一間。---------😋唐揚魷魚鬚 $32因為係即刻整，所以要等大約10分鐘。一拎上手全部都係熱辣辣嘅魷魚鬚，出哂煙又好香。 魷魚鬚外脆內軟，炸粉唔會太厚，食落好似薯片咁脆 。整體嚟講幾好食。我嗰份魷魚鬚，有一條甩咗炸粉，得返條白雪雪嘅魷魚。而且份量比較少，大約得5大條魷魚鬚，計落就比較貴。----------🚩烤焗工房🔎旺角彌敦道688號旺角中心2樓AS26A號舖

其實自己本身已經幫襯過好多次呢間烤焗工房，基本上次次都係買魷魚鬚🤤，因為佢呢度整嘅味道，真係超香超好食，從來未喺出面食過差唔多level嘅。今日經開旺中，梗係要回味下好耐冇食嘅魷魚鬚，由佢定價$30食到依家加左價變$32，一拎到熱辣辣嘅魷魚鬚，前台收銀姨姨 (我估係老闆娘) 就好細心問洗唔洗要多支籤，因為我地有兩個人，真係細心😄。影張相試一試，以前食開嘅香味同外脆內軟嘅感覺依然喺度🤤，只不過份量少過之前，同埋魷魚鬚味冇咁濃，有啲啲失望🤔，不過依舊都係好食過出面嘅好多。希望下次黎食份量會多返少少啦，冇理由加左價但又少左㗎嘛🙊，食完唔夠喉。

呢間小店喺葵廣好高人氣，最招牌嘅嘢食就係牛柳粒！原來由唔知幾時開始，喺旺角中心分店原來有得加埋烏冬！（可能葵廣都有？🙈）禁啱經過覺得肚餓，於是乎買嚟食吓！🤤佢哋嘅牛柳粒有幾好食唔使多講啦，都係好多肉汁冇筋！😋但當小編食啖烏冬之際，出事喇！😶 其實小編離遠見住個staff一邊整，周不時落頗多白色粉末⋯🥴 胡椒味極重不特止，都頗鹹吓，而且食咗一陣開始口渴⋯🤦🏻‍♀️ 咁小編相信嗰啲白色調味料大概就係鹽&味之素啦！😥 最終小編都係食咗一半粉，食晒啲牛柳粒，然後迫不得已要放棄喇！🏳️

係旺中行街梗係唔少得去為食街覓食。 最啱就係唔想食得咁飽但係又想食嘢。正當我心思思諗唔掂食乜好嘅時候，見到人拎住一兜兜“又辣又香涼伴小食“，即刻忍唔住要跟住d人買同一樣嘅嘢食。😂🙊就係烤焗工房嘅“香辣土豆絲“ (我唔記得咗個名，我淨係知佢係土豆絲。。🙊)20蚊ge份量都幾ok，比想像中多。 除咗土豆絲，仲有青瓜絲同木耳。👍 全部都啱我胃口，正! 佢唔係酸辣又唔係麻辣，但係佢辣得嚟又唔會好似淨係得辣油咁嘅感覺。🤔 猜不透佢用乜嘢調味。仲會越食越辣! 好過引😂 試得過!

每次係旺角行街都會好自然黎呢間小店食小食因為呢度有男友鐘意食既 “椒鹽雞軟骨”好邪惡 但又百吃不厭 夠熱 又香口 配埋沙律醬好食“芝士漢堡扒撈一丁”漢堡扒有兩塊+燒過既芝士 同麻油味既一丁食落係唔錯的 但越食越咸了

見到有人食大大魷魚，見到咁大塊就比佢吸引住，所以就試一試大大魷魚，即叫即炸，大約等左5分鐘就有得食，但係炸得比較油膩，都比較厚粉，但口感軟身，整體一般，下次再試埋其他食物先。

旺中一樓美食街，雖然係就係迫d ，但葵廣真係有d遠，黎個中間點旺角得都已經好鬼滿足旺角中心出左名多野睇多野食，烤焗工坊一向都係鬼醫肚不二之選。一來生冷野冷面壽司好難搵廁所🚽，旺中好小小既廁所要去到朗豪坊我唔會咁冒險一於把握時間食d穩陣，又飽肚，又底食，安全既野，繼續shopping之路！不得不提，係就係要等5-15分中，但絕對等得過望住熱辣辣拉喵絲既飛碟同juicy蒜香既焗蠔，我唔客氣喇！建議可兜個圈番黎拎，對面衫鋪成日趕人走明既大家都為做生意搵食，所以兜個圈番黎，食得！一人讓一步啦

真係好鐘意食薯條🖐🏻去親旺中都會好想encore呢間嘅薯條🍟有四款醬揀：芝士醬/蜜糖芥末醬/千島醬/沙津醬。永遠都係會叫番蜜糖芥末醬 🤤醬份量多，基本上每條薯條都有被淋上醬😆薯條即叫即炸，又夠多醬，咁樣已經夠掂了😚(其實我地俾完錢之後去咗周圍行吓，番到嚟店員話薯條已經整好咗一陣，俾啲醬整到腍咗少少😫睇嚟以後我買完嘢食係唔可以行開🙁).不過我覺得23蚊一份其實都唔平。之後見到樓上(定樓下😹？)有間炸薯條係賣$1X，都係有配醬。咁等我搵次試試佢係咪差唔多🤔

行街shopping 離唔開食野！旺角中心以前好少小食揀！呢次就試下呢間小食店！因為佢有晒我最鐘意既芝士同薯角！同行朋友最鐘意食海鮮！所以我地揀左芝士吞拿魚飛碟不得了，芝士原塊擺係外面！好好味之後，仲有薯片配珍寶帶子，芥末芝士醬🤔❤️食完會滿足既感覺！

Baked Spring chicken with herbs (half/$38) : There were potato wedges with half of Spring chicken which was about woman’s hand size. The chicken skin was baked to attractive brown. Though margin of chicken was a dry and tough, other parts were not tough and the taste was alright with some herbs flavour. Chicken lovers can have a try.

旺中而家有好多嘢食，之前就試左呢間烤焗工房，見到有人推介嗰隻燒大魷魚，有幾隻味揀架，我試左兩隻味，紫菜同孜然粉，兩隻我都覺得麻麻地，有D亁，反而嗰隻芝士火焰魷魚仲好食，夠晒香仲好鮮味，同埋仲有個墨魚條都好好食

旺角中心自從開了美食廣場後，便立即旺了很多，同一時間開多了那麼多的小食店，也只是試過一兩間，這次便來到《烤焗工房》來試試它的烤炸小食～大部份小食的價錢都不算貴，由 $20-$40 不等，食物款式種類也挺多。這次就先試下比較簡單的炸洋蔥圈～盛惠 $22 完全不貴，而且可以選配一款醬汁 — 芝士醬、蜜糖芥末、千島醬或沙律醬 四選一，這個是芝士醬的～洋蔥圈新鮮滾熱辣，吃一小口是燙口的，芝士醬都足夠。但洋蔥的味道就不夠強烈，反而被芝士醬味蓋過了，而且吃到最底下的很多都淋了。

旺中以前賣衫多依家漸漸變成 葵涌廣場翻版對於我呢啲唔常去葵芳嘅人嚟講呢係一件好事因為近近地去旺角就可以食到好多小食今次簡左超大隻 炸魷魚食有4，5隻味比大家簡我簡左紫菜味即叫即炸正不過咬極都極唔斷咬左唔夠2啖之後d炸皮就全部甩晒有待改善