烤焗工房

营业中

休息中

睇個topic都知我想講咩啦，就係炸大魷魚喇！行入旺中，而家多左好多食店，其中對於呢間有啲興趣，就他因為睇到個大魷魚炸大魷魚($28)，叫左大約5分鐘就有得食，重有幾隻味揀，其實我都都猶豫左一陣要唔要孜然味好，最後都係要左海苔味嗱，海苔味都唔係無味架喎，佢啲味粉都落得幾多，隻味係有啲甜既，炸粉粉漿都幾均勻，不多不少 魷魚食落唔係好厚肉，不過都幾軟熟 總結：好食 就係咁 同台灣都幾似 如果有九層塔就更好啦 哈哈

「好味的食物最容易令人肥胖」，很久沒有到過旺中，聽聞這裡進駐了不少食店，趁今天在附近工作，順道來逛逛。的確比之前有點不同，日式、台式、西式、韓式食物都有，主要分佈在二、三樓。有選擇困難的我最後揀了這家，因為想吃點不太飽肚的東西，但原來我的想法有點錯，因為這裡的食品以煎炸為主，炸薯條、炸生豪、炸帶子、炸大蝦、西多士……，而我選了以為相對較少油的安格斯牛柳粒和黑椒蜜糖雞翼。由於顧客都算多，幾乎每分鐘都有人來幫襯，加上店鋪寫明是用心製作，即叫即整的，所以也要等好一陣子，站著等的確有點累，尤其是shopping完的朋友。講回食物，先來的是雞翼，坦白說的確頗油膩，但味道卻很不錯，黑椒和蜜糖味分明，互相配合，誰也搶不了誰的味道，雞肉肉質也很滑，煎的時間恰到好處，不錯。而安格斯牛柳粒也很嫩，一盒約有十多粒，不過有一、兩粒有點筋，如果可以預先切掉會更好。不過整體感覺是吃完好像胖了幾磅，所以還是那句「好味的食物最容易令人肥胖」！

自從旺中加入左一D小食舖，次次行街都好想去食下野上次叫過炸薯圈，雖然好好食，但係份量好少，所以今次就叫左炸薯條，揀左蜜糖芥末醬呢間舖成日好多人幫襯，有部份客人拎完野食會企喺到食埋先走，所以叫完野食唔知企邊等好不過好彩呢到效率高，等左一陣就有得食啦佢仲好好人咁俾多左個膠袋我拎走之前都有食過蜜糖芥末醬炸薯條，覺得幾好食但係今次何醬汁竟然冇乜味朋友叫左千島醬炸薯條，濃味好多下次都係叫千島醬試下

是日去旺角掃街，第一站去旺中入面試新野。店面細細，但食物種類多多，見到炸野見到芝士，都知入面嘅小食極邪惡，選困難症真係糾結左好耐先做到決定。店入面都幾多人，不過等左10分鐘左右就有得食，都唔算太耐。點左份炸墨魚條，新鮮炸起，非常香脆，同泰式辣椒醬好夾，酸酸辣辣減低油膩感。餡料都算多，墨魚粒幾爽口，水準不錯另外點左芝士墨魚仔，芝士超多，老土都要講句真係好邪惡呀！墨兒仔份量唔小，爽口但就唔太覺有鮮味，可能芝士太濃味，掩蓋哂其他味道。店內比較擠迫，不過企住食都係掃街樂趣之一，店舖種類多，而且食得出新鮮即製，幾有heart，支持！

難得做吓旺角少女，發現旺中新開咗唔少新嘅小食鋪，方便少女們行街行到攰都可以食野依下肚！.鋪頭旁邊有啲靠牆枱，可以比人企係度食完野先再慢慢行街。轟炸大大...大魷魚大！大！大！大魷魚分量充足，大約有一個半隻手掌咁大，炸至偏深色，但魷魚偏薄身，炸粉就略為厚身，所以魷魚嘅味道唔係好出，整體感覺比較油膩。.爆珠荔枝汁加$10就可以以套餐價加杯野飲，清新既荔枝汁可以減低魷魚帶泥既油膩感，爆珠一咬就爆，感覺幾得意。

自從中學畢業後就好耐好耐冇去過旺中，除了因為衣著風格早已不同，亦因被葵涌廣場主打小食匯集分薄了注意力。近年旺中參考了葵涌發展路線，為了爭取返客流量，也逐漸發展成以小食為Selling point的商場。於是，呢日我又重回故地，掃掃街，食食小食。而第一站試既就係葵涌都有既烤焗工房Bake & Grill。其實我覺得叫煎炸工房更加適合，因為小食都係以炸物居多，一聽個名就覺得好邪惡。各式各樣小食都係廿零三十蚊，唔算貴亦唔可以話好平。我同朋友先叫左份炸薯條，配以香濃芝士醬。薯條金黃香脆，芝士醬鹹香惹味。但炸物無法避免既就係油脂感，但呢點又的好難避免既。呢個係我指名想試既芝士雞波，28蚊有8粒魚蛋Size既雞波，盒底墊左少少椰菜，夾埋一齊食可以解下膩。雞肉被打成免治肉口感，裹以輕薄炸漿炸成金黃色圓球，簡單用了黑椒、鹽調味，雞肉中間仲有芝士，咬落口輕輕一拉芝士還可以牽絲。不過配醬係泰式酸辣醬，如果可以轉配薯條既香濃芝士醬我估會更加惹味。小店仲有轟炸大魷魚甚至係唔同口味西多士，每款睇落都好好食，如果係想掃街呢，建議黎多幾次啦，因為如果你係烤焗工房一次過點咁多，就會好飽㗎啦！雖然好邪惡，但係，So w

#薯條配安格斯牛柳粒🍟(HKD30)✔️👅：5.5/10✏️ 薯條本身唔掂 太碎 同埋芝士醬怪怪地 反倒牛柳粒都帶牛味 唔算太韌 都幾香⭐️ 仲有芝士多士、大魷魚等小食啊🐒

新年期間，黎到旺中碰碰運氣，睇下有無小食舖有開…見到烤焗工房門外人群都不少，就湊湊熱鬧。望到牆上標籤住多款小食，價錢都合理。今次就叫左芝士味醬汁薯條配吉列炸大蝦$33同薯條配吉列帶子$30薯條配吉列大蝦有3隻吉列大蝦，蝦肉不算太細而不厚粉漿，薯條就是普通薯條配芝士醬，底層無芝士醬同比較稔身。另外薯條配有3隻帶子，帶子味道不錯，但一樣是底層薯條比較稔。整體以呢個價錢質素都還可以，而且一個份量已經足以飽肚。

行街行到有小小餓，所以叫左個小食。見到人地攞住一個大大ge炸魷魚，就忍唔住都叫左個孜然味。 食落就無望落咁好味不過都可以。 佢炸得都okay香，孜然味有，不過唔濃，d炸ge粉有d多，個魷魚無咩魷魚味，不過都okay大塊 整體覺得還可以，有進步空間店面情況

見到佢啲嘢食幾吸引所以就入咗去食試咗佢幾款嘢食 總結係覺得一般 冇咩特別首先講講佢個大魷魚 我自己本身幾鍾意食魷魚但係我覺得得個炸粉有味 入面嗰魷魚係無味嘅 好似白烚咁....得個大字....之後就講講佢個薯條啦 我揀咗芝士薯條 呢個價錢來講係幾抵食嘅 但係得面嗰層有芝士 食到下邊已經冇芝士 所以係冇乜味嘅 而且自己一個食晒都幾膩 因為佢都幾大份最後講緊佢個安格斯牛柳粒呢個係三樣食物之中我覺得最好食嘅 味道唔錯幾入味 份量啱啱好 唔錯

今日行旺角，見到一個大大招牌寫住轟炸大魷魚，俾個招牌吸引着，就即刻叫轟炸大大大魷魚。買單時， sales介紹加＄10就可以有嘢飲，見到隔離嘢飲杯都幾靚，就加埋荔枝爆珠啦。 轟炸大大大魷魚見到呢個大魷魚，wow好似好抵喎,又吸晴。但好可惜，呢個魷魚實在令我太失望，個粉太厚，咬落淨係食到炸粉味，魷魚味唔特出，一開始聞落幾香，但係食落得個鹹味，而且炸得較油。😟爆珠荔枝汁^_^呢個飲品都唔錯，淡淡的荔枝味，食完大魷魚，覺得呢杯飲品有佢存在的必要，感覺到好清新。加上一粒粒爆珠，咬落即刻爆開啲水，感覺好正！加上外貌吸引，似燈泡嘅樣，入面裝住荔枝汁。不過量少，飲幾口就冇咗。加分位係個staff 親切有禮

旺角邪惡小食何其多😂最近旺中人氣破表既烤焗工房人頭湧湧。店鋪牆上掛上多款小食既相完全係魔鬼誘惑，款款都好想食😣最後都係買左比較少食到既炸洋蔥圈，另加8蚊要份原粒珍寶帶子配香濃芝士醬。洋蔥圈粉醬脆而且冇皮肉分離，最重要既係洋蔥裡面真係好juicy，再配上濃厚既芝士醬，真係所有享受一次滿足! 呢個時候都顧唔到熱量，大口接大口咁食。不過我稍嫌帶子有啲肉腍，如果炸前好好吸一吸多餘水份炸較好。

今天同朋友到旺角購物，首先到旺角中心打個白鴿轉！之前曾到過連接新之城與旺角中心之間的頂層小食店。今次移師到較為集中的二樓！雖然不及葵涌廣場選擇多，但亦不失為一個可以歇腳掃街的好去處！觀摩一會發現這間店舖人流相對較多。朋友素來熱愛香口食物，而我亦偏愛薯類食物。當然避免不了，要去試試！食物選擇大路有洋蔥圈、薯條、魷魚、焗蠔、丸類等等！另可以以優惠價加錢食其他小食。價錢整體亦都合理！炸洋蔥圈 + 原粒珍寶帶子配(香濃芝士醬) - 香氣很濃厚！洋蔥圈炸得香脆乾爽不油膩，配上濃而不稠的芝士醬顯得份外味美！帶子炸得酥脆，而且體積迷你，方便容易入口！

一段時間沒有去旺中，今次再去就發覺多了不少小食店，對於我這個喜歡小食當飯食的人來說，簡直是福音喔！走到2 樓就發現了"烤焗工房"，薯角、飛碟...重點是都有芝士的，邪惡至極。最後被薯條脆筒吸引，沒想到當中也有驚喜呢~火焰芝士沙律薯條脆筒 ＄25起初覺得$25有點貴，因為那邪惡的Double芝士飛碟也才$22。(其實也好想吃飛碟丫;口;) 不過到食物送到的一刻，那想法就消失了，雪糕筒比想像中大杯。單手拿著吃，其實雪糕筒裝蠻方便丫面頭的芝士黏黏軟軟的，一口咬下去連脆脆的粗薯條一起吃，感覺不錯！長長的粗薯條炸得好吃~ 我吃慣濃味的，再鹹一點就完美了。內層有另一種芝士醬，也可以拔出薯條來點面頭的軟芝士吃，芝味倍增。吃到薯條末端總有沙律醬...一看之下，原來底部是碎蛋沙律哦！有驚喜~~大口大口地咬，薯條、碎蛋、脆筒，口感很不錯，但就比較熱氣...後悔沒有加飲品...其實飲品也只是加十元左右...下次再加吧！沙律到脆筒底丫~份量也算多的...如果再來一層芝士就更讚了！薯條略嫌唔夠喉~其實還有很多邪惡小食...不過胃只有一個...吃了這個大大份的薯條脆筒，已經飽飽了！下次再來我要吃雙層芝士拉絲飛碟~

又係旺中小食推介❤️呢款飛碟裏面係有吞拿魚，粟米，芝士嘅，食起黎帶啲辣味🙂都算系惹味～多士烘得幾香脆，仲要做到拉絲效果添！#芝士控 真系可以去試試佢🙂芝味好重，食完都飽飽地