烤焗工房 (已搬遷) 新店位置

🔎烤焗工房又到左去葵芳掃街時間😋🍜🍝🍣🍤🍥🔸轟炸大大大魷魚🦑$❷❽烤焗工房的酥炸大魷魚🦑好大份完全大過塊臉😂😂可以配不同的調味料👧🏻選左海苔味脆粉唔會太厚身😆😆香口鬆脆現在設有碎上服務☺️咁食起上來都方便點😋下次有機會再試下其他小食👍🏻👍🏻

今日黎開葵芳廣場，繼續掃街，行到3樓Top世界就見到人頭湧湧，原來就係因為佢 - Bake & Grill 烤焗工房（葵芳店）。烤焗工房原來都好多野食，仲要係好吸引，難怪咁多人企係度食野如：意粉/飯、溶岩芝士拉絲系列，真係好吸引呀！原來烤焗工房都有幾間相連舖，而且都貼滿可供應的美食，正呀，仲要價錢唔貴，食3-4樣野食，先$100蚊...食完都飽哂。重點推介，2周年大優惠：必食轟炸大大大魷魚$28（真係自己買番黎都要呢d價錢）No. 1銷量冠軍：安格斯牛柳米配茄汁都係$29，抵安格斯牛柳米配茄汁 - $29最後都忍唔住叫左，係唔係安格斯就不知道了，但牛柳食起來很有口感，咬口十足，配合茄汁都係一個好特別的食法，可以一試呀

♥️安格斯牛柳粒雞翼茄意粉 $35 (可以加芝士+$5)製作時間都算幾快，等左5min就有得食，茄汁意粉做得吾錯，意粉煮得岩岩好，茄汁調味幾好吾會太酸，食落高質過茶餐廳，牛肉粒份量都算多，咬落幾淋身，但欠缺左啲牛肉味，雞翼味道正常，整體黎講都幾抵食。

之前葵芳廣場搞咗個雞翼節，網上雜誌報導出咗黃金雞翼，見男友又好鐘意食咸蛋黃類的食品就即刻去試下。揀咗網上雜誌介紹的烤焗工房，非常好彩一去到無人排隊，order後已經出現一條長龍，等咗5-10分鐘左右就有雞肉食。果然名不虛傳，用料十足，一食落口咸蛋黃味已經湧出來，加上即炸熱辣辣非常惹味。不過$40共8隻單邊雞翼都有少少偏貴。總括而言都係非常值得推薦。

轉眼間又黎到葵廣掃街，覺唔覺得香港好似愈黎愈少有得係街食到大啡菇 (唔好同我講去西餐廳要接近成舊水果啲，除左之前見到藍田有一間之外，另一到就係呢到，一想食嘅時候就覺得好難搵，#芝士洋蔥煙肉焗有機大啡菇 $38 有兩隻，出得黎香噴噴，用左芝士、洋蔥、煙肉係菇上面焗，食嘅時候要小心，爆菇汁是常識吧，如果可以再 juicy 啲就更正，咬落去成堆芝士菇汁嘅感覺太幸福了吧 🤤❤️-烤焗工房葵芳葵涌廣場 3 樓 Top 世界 3069-T11 號舖

每次嚟到葵芳廣場都一定要食嘅鹹蛋黃單骨雞翼～30幾蚊一盒 正常應該要兩個人先食得晒 啱晒同朋友仔掃街Share仲抵食過物快餐店嘅雞翼🤦🏻‍♀️每一啖都沾滿左好香嘅鹹蛋黃碎 而且佢係單骨所以食起上嚟又方便

✨#中女獨食難肥日誌 ✨#烤焗工房 #Bake&Grill #葵廣美食襯著葵廣雞翼節，整個商場食客搶吃雞翼！位於葵廣三樓的烤焗工房，長長人龍，即叫即炸，一試是否真的好吃😜#黃金單骨炸雞翼 $33單骨雞翼好大一隻，感覺似是全隻雞翼而不是斬半？熱辣辣，咸蛋黃味香濃，脆粉不算厚，啖啖肉，好吃👍🏼

見雞翼節,我去了試好多間雞翼其他味道都係一般唯有這一間,特別差係差到完全唔會比錢買果種我以為雞翼節,佢地會出一些特別的雞翼,我期望味道上係好食我買了這間的芝士蒜香牛油單骨雞翼這一間特別貴,而且我見都幾多人買咁照試下,點知一試,好難食得8支單骨雞翼,我都食唔完我食完第一支就想掉了佢芝士蒜香牛油單骨雞翼拉唔到絲,而且燶到咩咁,重有一陣好奇怪的味........可能係整到太燶搞成完全難食又貴又難食我期望係佢地會搞到好好食點知出奇地難食,重話咩雞翼節,D質素重差過一般平日賣果D我食了咁多間,得一間叫好食點解寫這一間,因為這一間特別難食味道:0樣貌:4香味:0抵食度:0

每次去葵涌廣場經開呢間都好想食佢個鹹蛋黃炸薯條一個人食又驚食唔哂今晚有老公陪我食😂終於食到喇鹹蛋黃炸薯條 $28等左一陣好快有得食未食都聞到陣陣鹹蛋黃味熱辣辣薯條炸得好金香食落去先食到鹹蛋黃味再食到薯條脆卜卜勁香口一條又一條食到停唔到口當然食多幾條都會有d漏但整體黎講係幾好味既好有黃金蝦feel今次整體黎講係正既👏🏻5⭐️為最高味道：⭐️⭐️⭐️⭐️推薦：⭐️⭐️⭐️⭐️回頭：⭐️⭐️⭐️⭐️

🍗燒雞翼，我鍾意食😋真係不得之了！雞翼嘅受歡迎程度，大到可以有一個屬於自己嘅節日，就係葵廣雞翼節 ！我呢個吃貨當然唔會錯過，一齊慶祝普天同慶嘅日子🎉等我試吓有幾正先！🍗熔岩芝士蒜香牛油單骨雞翼($43/8pcs) @烤焗工房呢款雞翼嘅處理手法好特別，因為佢係用吉列炸，凹凸嘅表面令雞翼可以沾上更多嘅芝士，所以一拎起嘅時候，好容易就可以拉絲🧀芝士、蒜蓉嘅味道比較重，幾個朋友share，加杯嘢飲就爽啦！😊

依家葵芳做緊雞翼節有18間店鋪都做緊期間限定🍗🍗雞翼節日子: 2019年4月27日、28日及5月1日、4日、5日..🌶🐓死亡辣翼($43 5隻)呢個淨係聽個名都覺得辣個雞翼好似剩係得辣粉唔係好辣咁等緊個陣見到有人食到面都紅埋 嗰陣仲諗住笑佢😂食第一啖嘅時候都覺得接受到 但食多一兩啖就開始來料真係好辣 食唔到一隻💀💀想挑戰或者覺得自己食到好難嘅可以是另外仲有個18層雞翼 呢款應該冇死亡雞翼咁辣😅😅📍烤焗工房（3樓Top世界3069-T11-T12號舖... 📍葵涌廣場#happychillii葵芳

嚟過葵廣幾次 先開心大發現 原來葵廣3樓有‘為食天地’我揀左芝士洋蔥煙肉焗有機大啡菇～面頭有拉絲芝士 下面係洋蔥粒x煙肉x沙律醬 不過我覺得同大啡菇唔夾😓大啡菇無想像中咁好食 有得揀嘅話 我想食大冬菇多d😂😂😂順帶一提 店員送即棄刀叉一份 但係我左手拎盒 右手拎叉 點用刀鋸大啡菇呢？求解答😂😂😂Overall評價:價錢偏貴 下次唔會再食

去葵芳行街，都一定會見過呢間烤焗工房。佢最出名嘅係酥炸大魷魚，可以揀唔同口味嘅調味粉。首先佢嘅大魷魚真係好大份，仲大過塊面，一拎上手就聞到好香，個皮好脆，啲炸粉唔算太厚。啱啱開張嘅時候，因為魷魚唔算易咬，所以一邊食，啲皮就一邊甩，結果最後皮同魷魚係要分開擺入口食嘅。不過而家設有碎上嘅服務，所以就唔會有呢個問題啦。個人真係好鍾意食佢嘅酥炸大魷魚，尤其是配埋佢嘅孜然粉或者海苔粉，真係好好食。見到有唔少人都會買佢其他小食，全部嘅賣相都好好，希望下次有機會可以試吓啦。

The Salted Egg Yolk craze is still going strong! The perfect guilty pleasure indulgence, fresh out of the fryer oily goodness. Crisp and crunchy on the outside and juicy and tender on the inside, the chicken wings are fried to perfection. And it’s covered in so much salted egg yolk that it’s like a flavour explosion in your mouth. The wings are separated into two pieces to make it easier to eat. They have other options from the salted egg yolk menu too like fish skin and hot chips which I will d

The Salted Egg Yolk craze is still going strong! The perfect guilty pleasure indulgence, fresh out of the fryer oily goodness. Crisp and crunchy on the outside and juicy and tender on the inside, the chicken wings are fried to perfection. And it’s covered in so much salted egg yolk that it’s like a flavour explosion in your mouth. The wings are separated into two pieces to make it easier to eat. They have other options from the salted egg yolk menu too like fish skin and hot chips which I will d