烤肉時代 (已結業)

父親節那天 ，一心打算去食韓燒，但是，不是一般韓燒，而是韓燒加打邊爐，已表示不，但職員話不可更換韓燒一塊的鐵板，一定要用圖中的鍋，我們感到十分不滿，只好無奈接受。另外食物種類少 選擇和肉類也十分難食，建議大家不要去。

話說之前見咁多人去諗住就去試下啦點知同上網睇既野完全唔同本來係諗住去食燒肉點知係咩都冇....所以我諗我唔會再有下次...牛肉只得打邊爐用既肥牛但已經變左唔係烤肉了...

成年無黎，今晚突然想食韓燒即刻諗起「烤肉時代」，打電話黎問先知而家轉左任食，$178加一。見價錢咁抵即刻同屋企人行過黎食。點知，就係伏既開始，任食係火鍋+韓燒，但我韓燒個邊由我食到走都好似未大熱過咁，只係勉強烘熟d野食，完全唔係出面韓燒「咋咋聲」！坐低兩粒鐘連第一碟拎返黎韓燒野食都未燒得完，只係靠火鍋個邊食飽自己。完全唔會，係一定唔會再有下次！火鍋其實都係唔好食，但比韓燒個邊好d，食完仲要搵下場再食過，真係連我好日都唔寫食評既都忍唔任要爆喇可能以前做呢間對夫婦頂左俾人做啦，完全唔係以前個回事！

琴日約左朋友出旺角行街，朋友話想食韓燒，我就提議左去食烤肉時代！好開心啊！我想食好耐咖喇！！好采最後餐廳都冇令大家失望,餐廳裝修得好靚，地方闊落，仲播住K-POPMV，好似去左韓國一樣！！配菜有三款配菜，有芽菜、蓮藕同埋酸蘿蔔，全部都好好食！！蘿蔔酸酸甜甜特別開胃，芽菜有少少辣，重點係配菜可以refill！！另外烤爐旁邊有個位可以烤蛋，可以加泡菜、粟米同芝士，佢地啲泡菜唔算辣但好食.放題$188真係抵食另外烤爐旁邊有個位可以烤蛋，可以加泡菜、粟米同芝士，佢地啲泡菜唔算辣但好入味，而且唔似出面個Ｄ咁大大塊個烤蛋都好好味，尤其是加左牛油粟米個款，開頭見佢烤咁耐仲驚佢會老，點知食落口好香蛋味同牛油味，好滑，粟米又好甜。韓式壽司味道都唔錯,當前菜食感覺唔錯燒過肉先知個熨板原來咁好用我地叫左個M5牛肉眼，熨板壓住塊扒燒，鎖住啲肉汁之餘仲要係五成熟，口感同味道都一流牛舌條係厚切，所以特別爽口，得四條真係唔夠喉八爪魚都係燒得岩岩好，如果平時我地自己燒實會燒到老哂又難咬，好采有侍應姐姐幫我地燒，先食到軟綿綿既八爪魚，點埋個魷魚汁更正豬頸肉唔算厚，但都好爽口，加埋韓式辣醬一流！食韓燒緊係食豬皮同五花肉啦

韓燒不是我所好, 今次純是給爐邊蛋吸引著, 走到烤肉時代, 門外已排了長人龍, 原來正在宣傳每位$148任食韓燒.  沒花假, 真的是任食, 可能是我們不懂燒的技巧? 腩肉挺有嚼勁, 剪細件來燒, 好像比原條燒的較好. 燒時可把器具放在肉上輕壓, 逼出油份.  吃燒肉, 最好配燒酙, 有柚子或桃味, 我這款是柚子味, 略嫌柚子味道較淡. 我的焦點是在於爐邊蛋, 可加粟米、芝士及泡菜. 是要比點耐性才吃到好味的爐邊蛋, 太老不好吃, 太生則未夠火喉.一場去到, 當然不會只吃燒肉, 生蠔,賣相挺美, 相當肥大最吸引, 入口極爽, 但最好就是完全熟透後才吃, 這樣會更有味道.另外, 我們亦點了韓式壽司, 立刻自己動手吃吧, 口感爽脆.  除了晚上$148任食, 亦有其他放題套餐, 感覺上午餐$88的可能更抵食啊~

一向都好中意食韓燒, 雖然唔係間間好食,不過都唔會太差, 今次黎到烤肉時代,急不及待同朋友試吓.夜晚轉左做放題,希望唔會影響質素好快就有一個大大個烤肉拼盤,包括:  大蝦, 豬肩肉, 牛小排, 豬頸肉點好後, 服務員好快澆上圍邊既芝士粟米同埋泡菜疍, 個人好喜歡芝士粟米,係超級無敵好味!! 芝士味道濃郁又有拉絲, 好好味!之後就到烤肉拼盤了, 賣相骨子又整齊, 每樣食物都有一張小紙貼寫着名字, 每款都有3-4件, 唔錯~食物包括:大蝦, 豬肩肉, 牛小排, 豬頸肉, 豬頸肉 - 好有咬口之餘完全唔韌, 圍邊燒焦少少, 食落去仲煙韌好味, 口感幾肥美但又唔漏, 唔錯~牛小排 - 好新鮮嫩滑, 烤好後好豐富既肉汁鎖係入面, 油份較多, 食落去滑滑的好夠牛味~每款食物都唔錯,價錢都唔貴,絕對超值

老實說，總覺得天水圍數得上是美食的餐廳不多，很多都是普普通通.今天來到烤肉時代,不知質素如何這裡晚餐可以任飲任食,是放題的那種吃到的肉類是其他餐廳一款都要過百元的，這兒的CP值也是不錯。餐廳位於輕鐵站附近，不過如果在商場走過去有點複雜,很易迷路.我朋友正正是例子呢烤肉時代的爐邊蛋會放入泡菜，有咬口得來又不會過辣，十分開胃。另一邊是粟米芝士，可以拉絲拉得很高，口感也頗煙韌。放在爐邊烤的溫度較為溫和，所以怎樣烤都不會過老。吃完還可以不停免費添加呢，我們都忍不住添了不下三次，十分好吃。拾級而上的分別是大蝦、豬頸肉、牛小排、豬背肉.大蝦肉質十分彈牙不霉口，味道鮮甜。豬頸肉比一般的相對較瘦，不會過份肥膩，爽口得來帶點油分的香口，選料非常適合季節。牛小排雪花分佈均勻，肉色呈新鮮的深紅，牛肉味濃。豬背肉十分嫩口，選位部分不會像豬扒般嚡口，作為燒肉十分合適。醃過的牛肋骨，比牛小排的牛肉味相對較少，但醃醬令其較為惹味

再次吃我最愛的韓燒～重新回味當時的感動～這次是來到位於天水圍的烤肉時代，店內裝潢環境氣氛相當好，檯與檯之間也間隔著一定距離，有空間感之餘也讓我們聊天時不怕吵到別人。和上次一樣有手機袋和圍裙，讓我們的衣服和其他財物不怕被油彈到～真是細心爐邊蛋和芝士粟米都是韓燒的特式之一，缺一不可！晚上$148放題,有齊所有肉類食物,都幾抵食.餐廳更提供免費refill的優惠，我還refill了幾次呢～還有前菜和沙律，前菜還可以免費再refill雜錦拼盤出場～有豬頸肉、豬肩肉、牛小掛、LA骨和大蝦，當然還有最矚目的芝士生蠔和牛油芝士生蠔～～！牛小排油香滿溢，而且肥瘦適中，很適合拿來包生菜吃～只是相對的肉味較淡豬肩肉肉味濃郁而又有嚼勁，亦算美味。而最美味的，非豬頸肉莫屬！肉質爽口彈牙，而且充滿肉香，質感味道俱優，若再點些許的鹽，鮮味更是昇華，把其他肉都比下去了。

之前食過呢間嘅搖搖便當盒，學生lunch set只需$35，我覺得又抵食而味道又ok，所以今次特別帶同事們再嚟一試佢嘅學生lunch😌(身為在職學生，就係要用盡學生優惠😜)然後發現lunch menu轉了🤔而家冇咗搖搖便當盒了。最後我叫咗雞肉石板燒。雞肉份量多但有點碎🤔而且調味料落得重得濟啦，所以好咸好重口味😂其實本身35蚊一個lunch連飲品，價錢上睇落係抵食嘅。但今次呢個真係太咸😶我想要番上次食嘅韓式搖搖便當呀😶

之前還ok的，未知是做唔掂，定轉咗老細，現在轉型做任食，我就冇乜信心，但男友好想試，🤷🏻‍♀️4月2日假期關係，下午打電話去訂位，個大陸口音的女人竟然話: “我見意你直接來等，有位就會俾你入...”我心諗，鬼唔知咩?!我: “咁你地係咪不設訂座?”她: “有，不過你訂位都可能要等，如果有位就優先，不如直接來等~~”我: 🙄咩邏輯? “咁我想訂位得唔得?”她: “你直接過來啦~~”如是者爭論了3-5分鐘，最後我堅持要訂位😒講返個餐自助型式：食物選擇極小，而且品質極差，好明顯係hea住做。聲稱的小食只有kimchi 同芽菜，仲要係同生嘅食物放埋一齊....😳🤭🤮食物擺放得勁亂，又冇標明係咩嘢食, 更不能用肉眼辯認，因為肉類一睇就知唔新鮮，d牛同豬嘅顏色係一樣，係豬定牛，冇人知。食物冇哂又唔添，食材全是最劣質，cheap貨!!用同爐做兩件事係唔work....燒嗰邊唔夠熱，燒好耐都唔熟。火鍋嗰邊太大火，要不停加水。食咗個半鐘還未飽，亦冇嘢可再食，不過丸類很多，最後我係食丸類同午餐肉，飲啤酒才飽的...😤最後忠告，不用嘥錢去試

烤肉時代係新北江隔離個商場，沿住樓梯落去就會見到餐廳門口而樓梯中間就有間烤肉時代。我哋兩個人去左食午餐,午餐有個放題套餐。當然係任食啦，$88已經有我成,唔太貴。爐邊蛋同芝士粟米都係任食，芝士粟米超正。肉類方面叫左好多,望住佢地有啲束手無策，唔知點燒好，就咁撻上去，「死蛇爛鱔」咁嘅款好彩燒完牛肉之後,轉燒豬肉,店員主動過嚟換器具,仲幫手燒，排到靚靚，好helpful，好專業！燒到啱啱好，咬落有啲彈牙，又帶啲脆卜卜，辣辣地，幾惹味。豬頸肉– 睇落好肥，牛小排 – 油花豐富，牛味唔錯。得三片，有啲唔夠喉。豬肩肉 – 一整片，已經調好味。整體都唔錯,如果下午黎食會幾抵

我住附近，諗住咁近就去試下!点知賴嘢!!两個人食晚餐都知道難叫餸㗎喇! 所以去之前睇咗評語同餐牌想食啲咩嘢! 去到好奇怪週日晚8点幾得小猫三幾隻，大把位!坐低叫咗個海鮮拼盤+一個牛肉石頭鍋。滿心歡喜本人喜愛食海鮮点知一開始食元貝即知唔夠新鮮有点腥，大蝦，八爪魚，雪藏到無味! 如果係白灼就真係唔敢諗乜味道喇...?至於生蠔，我問個waiter可唔可以生食，佢話可以但唔鼓勵生食，咁即係唔可以生食啦…! 咁燒嚟食都ok嘅，但好一般囉! 另多春魚細過我只手指，呢個拼盤量$288.两個人跟本唔夠飽!好彩叫多個石頭飯!!至免強夠飽，埋單加一要$392.我就唔覺抵食囉!! (如果係新鮮就唔同!) 所以我諗唔會有下次喇!

成日話呢個天水圍城無好野食，今次就去搵下正野，呢間韓燒店超大間，係正天水圍既新裝修街市旁邊夠方便，行入去好多人燒緊，但係無油煙味亦無成店都係煙。門口裝修好有古代既感覺，有小小既舖仔收錢，仲有好似古舊式房屋既裝修，好似番左去睇韓劇果啲古時朝代一樣。店內貼上左好多韓國電影既大海報，仲有好多唔同既韓文小海報同埋韓文燈箱，整到好似成條街咁，成個感覺就好似入左去韓國食店一樣。除左卡位之外中間都有得坐，好似韓國店一樣，用左直接抽風咁就唔會成陣味，仲有好有特色既韓式既座椅。首先就有四式既前菜，泡菜帶辣味都幾重，不過超級惹味。餐紙已經介紹左十款特色熱賣產品，見到都真係好想食喇已經。坐低之後店員就會黎倒蛋液同埋牛油栗米，等我地燒到咁上下就可以一齊食喇，栗米食落都幾甜。之後送左菜黎包肉同埋有醬料，菜都好新鮮包肉一流解油膩感，醬汁都有幾款揀。豪啲食個《韓牛拼盤》($488)，一黎真係幾大盤，果舊韓牛真係超大塊。塊韓牛肉眼真係又大舊又厚，啲油花又勁靚，仲有oppa幫我地燒，燒到半成就會問要唔要熟啲好貼心，一咬啲牛口真係超好食，仲有牛脂爆哂出黎。另外仲有頂級和牛舌，有四大塊薄身燒好快就食得，點落去食去左面頭油份

其實呢間嘢喺天水圍開咗兩年，我係一次都冇行過入去！🙈 早排決心去自修室摺埋自己，醫肚時間就近近地&平平地，入咗呢間食個lunch~~😌叫完嘢就會送兩個前菜，冇乜特別！😂 但以為平lunch份量會少，估唔到成煲都滿嘅！☺️ 鮮蜆新鮮到連殼上，蠔就係蚵仔煎size... 雖然唔係大隻，但各種都有超過10隻，重點係冇沙！😋 其餘仲有少少蔬菜同金菇，仲有埋罐飲品，其實係飽嘅！🤓 辣就對我黎講唔夠辣！呢個價，呢個味道OK啦！Btw,間唔中唔覺意碰到個煲，係熱到癲咗咖！🙈

元朗和天水圍的韓國菜開得越來越多，簡直百花齊放，#Lucas小食家 找來的這一家烤肉年代，絕對有一定的水準，因為...老闆對食材有一份堅持和執著，他們家進口很多韓國食材，令人尋回真正的韓國風味！ 一進餐廳就感受到韓風的裝潢，可以給我打打卡！ 韓國酒的種類應有盡有，甚至比在韓國的餐廳更多><現在消費滿$350送1支白酒（每日限量20支送完即止），我們一行二人再加買了一支店長推介的梅酒！ 這兩支酒也相當易入口，有濃郁果香味，用來配燒肉也不錯！韓式前菜泡菜等和韓國一樣都是任加的，不算太辣。殿堂級海鮮拼盤這裡的海鮮拼盤絕不馬虎，有兩隻珍寶級生蠔，還可以生食用，頗有鮮味和海水味，成了焦點！虎蝦肉質爽口彈牙，鮑魚鮮味突出，很令人回味。 韓牛相當有份量，雪花清晰明顯，脂肪比例不錯，有濃厚牛肉味，脂肪味比和牛清淡，感覺不會太油膩。 一口和牛、頂級牛小排牛小排可以燒烤又可以火鍋用，各有春色。一口和牛爆多肉汁，每咬一口恢有肉汁必出來。 濟州豬腩肉豬味十分突出，脂肪部分十分甘香可口，媲美西班牙黑毛豬。 海軍辛辣八爪魚鮮貝鍋很多不同的海鮮配料，令湯低很有海鮮鮮味，我們點了小辣，和八爪魚