燒賣王

营业中

休息中

上班出觀塘地鐵站B出口，有時會轉入觀塘廣場此店買粉果做早餐(標價10蚊兩隻，沒標明的是可以夾其他嘢的話，粉果可以賣一隻5蚊)。12月23號，想買10蚊粉果夾腸粉(腸粉標價10蚊四條)，咁我問有無得賣兩條(粉果得，睇下腸粉得唔得)，老闆一開始語氣就唔耐煩：可以兩條……都係俾10蚊囉；講多兩句，就晦氣話：「嘥~時~間~！」。講真，作為一個客人，我嘅感受都係好真實，就係生氣，隨後嘅結論係：我都唔會“嘥時間”轉入嚟買早餐。

呢間小食店係到好多年質素越做越差！最近行過去買10蚊燒賣食好難食成舊粉嘅燒賣仲要得7粒 （以前冇差少）豉油比幾滴 辣油比2滴都唔夠點7粒燒賣！之前另一次食個呀姐夾硬屈要$20燒賣我話 我點食得晒呀 我明明叫$10蚊呢間野食啲咁普通的小食都可以越做越差，仲越賣越貴！食得少個男人老細又會比說話你聽。啲呀姐都係態度好西，你想買10蚊，會老屈比$20野你，收你$20蚊！真心垃圾級別，間中食下點知現在變到咁，以後唔會再幫襯！

呢間位於觀塘廣場入面嘅小食店，其實衛生環境望落都幾惡劣。但係成日都見到好多人喺度買餃子似乎好好食咁，所以今次我都叫左餃子配米粉同一個碗仔翅。碗仔翅不過不失，唔會太甜仲算多料。餃子真係幾好食但個皮有啲厚，剪既應該會好啲，個湯米粉就有啲失色，完全係水咁無乜味。但整體都算平，下午茶醫下肚都ok

本身好鍾意食燒賣，啱啱有啲肚餓經過個商場想買啲嘢食，見到有間野叫燒賣王就諗住試下，滿心期待，心諗叫得燒賣王咁一定要叫燒賣啦！要左份魚蓉燒賣同茶葉蛋，不了！燒賣又細粒又難食，難食過微波爐叮返熱個隻，茶葉茶咸到跳舞。買左19蚊想坐低食，佢竟然同我講話唔俾，話要20蚊先可以喺度食… 好心啦，客都冇個都唔俾人坐低🙄🙄🙄 食個燒賣唔通我會當你coffee shop咁坐咩.. 失望！希望貴店可以改善服務態度同食物質素，加油！

全港最難吃的碗仔翅，無想過一味簡單的吃物，都可以煮得很難吃。以後唔會吃這間的碗仔翅，腸粉無問題，豆漿也可以。

有一個人出動食午餐，來到觀塘廣場打算吃一點小食，這是我慣常吃的一間老店。又是那句，老店真是不祈求他有什麼服務，志在吃那老味道，價錢算便宜又大塊。1. 生菜魚肉$20生菜份量略少，但魚肉夠多大塊又有口感，不俗。2. 腸粉多芝麻$10/4條普通普通，有口感不會太腍，豉油不會太鹹。總括而言：時間不充裕的話，又想快吃少食，來這裏的確是又方便又快捷，走過去地鐵站不用3分鐘，的好選擇。

諗住食少少舉鐵點知機舖對出果間執左唯有去呢間“知名”食店。點知黎碟甘既野，叫佢換仲大聲話“甘都嫌，唔好食啦”。唔知大家又睇唔睇到呢四舊係乜。其實間野係官廣無廿年都十五六年，可能真係我唔識貨啦。

同呀姐講堂食一碗豆腐花,,之後呀姐諗住幫我CUP蓋,我話唔洗蓋,,個呀姐就好差度態唔耐煩講:  係到食呀???早講呀嗎之後就細細聲EE哦哦俾說話我聽雖然我唔洗你好好態度,但可唔可以唔好咁衰,好似我得罪左人咁

放工肚餓，行過觀塘廣場見到碗仔翅，即時停低，望落去好似都幾ok唔似你地咁水，再望下餐牌話自己好足料，咁就坐底左。其實人都多，感覺上阿叔叔冇咩禮貌，見到都冇位，叔叔仲要就咁指一指張櫈示意我坐底，心諗都係食小小野返屋企再食過囉，就冇咩所謂喇。坐底左頭先個叔叔都有推介架，會問多你一句要唔要燒賣同魚蛋？🍡2樣都唔算我杯茶反而見每個人黎都叫腸粉食，我就想試下。就叫多一份大腸粉諗住自己食得晒，結果完來大腸粉果6條真係好多，仲要加埋碗仔翅真係好飽。 碗仔翅足料我就唔多覺，好足粉絲就真既，同埋味道偏淡，俾佢個樣呃左。腸粉黎既時候已經加左芝麻同鼓油， 熱辣辣，自己再加麻醬同甜醬，腸粉算滑， 熱嘅腸粉已經冇得輸，仲要加埋佢滑，腸粉係可以n call既😋

當我光顧一串燒賣既時候，等緊佢收緊前一位客人既錢，點知當佢準備我既燒賣既時候，佢竟然用佢收完錢既手去蒸爐直接攞串燒賣岀黎。跟住我就問佢果頭岩岩掂完錢，之後又直接用同一隻手去攞串燒賣岀黎，姐係錢既細菌間接去左燒賣度姐，然後佢就答我左手掂過，但右手無。我好無奈地話我頭先見住佢兩隻手都掂過。。。到之後我再去，我指明吾要果位同事整俾我，我話吾想錢既污糟去左燒賣度，點知佢態度極差，找錢既時候話:啲錢甘污糟 你都吾會想要過可

咁啱今晚無飯開，一個人經開觀廣，順道去幫襯呢間食開嘅小店。佢喺商場入面，舖仔细细，無裝修無服務，賣嘅係貼地的街頭小吃。恕我直言，呢間小店嘅生菜魚肉同辣魚蛋係試匀觀廣最好食架嘞。我至愛當然係生菜魚肉，湯頭清甜，魚肉新鲜嫩滑，加入麻油和胡椒粉，將味道大大提升。其次係辣魚蛋，佢用细细粒嗰隻魚蛋，十分彈牙及有咬口，加上此店的辣汁非常入味。燒賣相對失色，食麵粉的感覺太強和不夠熱，可以慳番嘞！仲有蘿蔔糕唔係你想叫就有，尤其放工時間經常沽清，通常我會請老闆娘煎香D，再加橙色辣椒醬。（要醬，不是油）簡直係人間美味！呢度仲有其他嘅街頭小食，如：粉果、腸粉、撈麵（可加餸）、粢飯、蒸牛肉球、湯餃、煎餃、碗仔翅、豆漿及豆腐花……等。我仲未一一試齊，來日方長……

放工返屋企食飯，但肚仔餓，所以周圍睇下有冇嘢食，呢間小食店有粉果燒賣同腸粉啱心水，所以坐低就叫了粉果同腸粉。小店地方唔大得2-3張枱，呢個時間冇乜人有位得，粉果大大隻涵料都幾多，點辣油食惹味，腸粉滑得嚟唔會蒸得太林，唔錯，加埋甜醬，辣醬，花生醬，不過實肥到不得了。食食下對面坐了個女人。叫咗兩隻煎餃，餃子個外型都好靚，好似好好食咁，不過我要返屋企食飯，如果再食就冇胃口返屋企食飯，所以先忍一忍口，等下次先至再食。

喺觀塘廣場入面呢間燒賣王，係我每星期都會幫襯嘅一間小食店。這裡雖然環境和服務均欠奉，但以食物的質素及便宜的價錢吸引食客。我最欣賞佢個生菜魚肉，湯底清甜，生菜新鲜，魚肉混入葱花，而且魚肉嘅份量很足，價錢才是十九蚊，吃一碗已非常飽肚，的確物超所值。最讚係老闆將所有調味料放在枱上任加，绝不吝嗇，因為我最愛加入大量麻油調味，很多的小店只會加入數滴，只是求其打發食客！另外，辣魚旦也是此店驚喜之作，细细粒魚旦很有咬口而且很彈牙，辣汁很入味，$8有八粒，非常抵食，喺香港有呢D質素嘅街頭小食已經買少見少！

好味道嘅野係日日食都真係唔會厭架！！每日響觀塘返工經過觀塘廣場都一定會心思思想食！即使食完都仲會好掛住，好似成極都唔夠喉甘🤤！觀塘廣場呢間燒賣王個煎餃真係好吃都不得了，平民價錢、超班米芝蓮級數（4隻/$15）👍🏻。個煎餃係煎到香噴噴，即使隔住個膠袋都遮唔住佢個香味！而且一D都唔油膩，餃子皮非常薄，個邊皮一D都唔厚，所以成隻餃子都好脆口。而且個餃子餡完全可以用齒頰留香黍形容，只要咬一少囗，你成個口就會食到有韭菜夾雜住椰菜粟米豬肉個香味，而且個餡料非常實，唔會鬆鬆散散，所以即使食四隻已經有飽肚感。甘抵食又甘好味，你叫我點忍口！如果唔係怕熱氣，我叫夠六隻食添呀！

平時行過觀塘廣場只係以為佢賣D小型電器, 電子產品, 電腦用品之類！！原來係嗰度有吾少小店賣小食！！係眾多嘅小食中！！我最鍾意食嘅就係燒賣！！見到個店名寫住燒賣王即刻要買嚟試試！！加埋買多串魚旦先！！咦！！呢隻咪係失傳左好耐嘅魚旦, 細細粒有質感嘅魚旦！！食落口好夠辣勁同彈牙！！而坊間食到嘅通常係大粒魚旦！！而燒賣都很彈口, 好鬼死好味！！加埋辣汁豉油食就最完美啦！！估吾到今日本來只係想食燒賣！！加送埋食到失傳左好耐嘅細細粒魚旦！！有驚喜！！