無名炭爐雞蛋仔 (已結業)

知道牛頭角下村下個月要拆，專誠來試下呢檔雞蛋仔。叫左一底雞蛋仔同半底夾餅。的確用炭爐整出來有一陣獨特既炭爐風味，D雞蛋仔非常軟棉棉，像食棉花糖，而且亦唔會過糖。相較之下，夾餅有點失色，D花生醫好似無乜味，不過口感尚算不俗。一底雞蛋仔/夾餅要$10，都算正常價錢，面對越來越少雞蛋仔係用炭爐整既，真係要趁呢度就拆前試下。

這位先生在那個位賣雞蛋仔又十幾年, 我中學時代他已擺檔, 現在間中經過都係到, 估計他已有家室, 因為間中見到有位女士幫他手o 他這檔小食伴隨牛頭角下村發展, 是該區的文化資產o 雞蛋仔和格餅都可食, 很夠熱, 冬天感覺更正o

我孩童時代最喜愛吃的小食分別是白糖糕和雞蛋仔，但白糖糕已很多年沒有再吃，可能因為當時年紀小。至於雞蛋仔，我一直都有食，不過隨著車仔檔式擺買被淘汰，加上鮮有真正好食的雞蛋仔出現，近年已絕少吃雞蛋仔。承接上集，極速地吃完車仔麵後，在趕往九龍灣地鐵途中，竟然給我發現傳聞中的炭爐雞蛋仔車仔檔。機會難逢，就算幾趕時間也要試試，幸好有一“底”放著，就要這個罷！付了錢，從老闆手上接過雞蛋仔，發覺還是熱的，而且食落鬆化可口，很有蛋味，每一粒雞蛋仔的“心”都是滿滿的，仲要係味道和口感都是一樣。我和女友幾乎爭著吃，未到地鐵站已經吃完了，真的很多年沒有吃過如此美味的雞蛋仔！

趁下村未拆前, 同男友去食呢個咁出名既雞蛋仔... 可能前排生意唔好, 由$12減番到$10.. 星期六既下午去到, 發現得小貓2,3隻排緊隊買, 我同男友就試下啦..佢個雞蛋仔係新鮮即製, 不過可能我去嗰日唔好彩, d雞蛋仔好乾身(雖然都係好脆口), 但係內裡得好少既蛋糕仔.. 普普通通.. 有d失望.於是我同男友過左附近檔既粥檔, 買左個即炸油炸鬼, 反而係異常有驚喜! 超好味! 中學時我都成日買呢個油炸鬼...

得「興記」大哥既指點下，我終於搵到OR既人氣食物 「無名炭爐雞蛋仔」喇~~ 見仲未有大棚人排隊，同埋老闆仲係度整理緊D用具，估計佢都係剛剛開檔無耐~唔理咁多，立即order 雞蛋仔及格仔餅 各一客~格仔餅﹕我話要多糖多奶，但佢話要糖就無得要奶 佢問返我要糖定要奶....um...我都唔知點揀好....所以我問返佢邊個配搭好味d 佢話配糖既口感無咁寡喎 所以就依佢既意見啦~ 用炭爐燒既格仔餅既味道又真係有別於一般個喎 我覺得香d同埋好似有d BBQ味咁 配上糖又真係幾好味噃 果然無介紹錯~雞蛋仔﹕同格仔餅一樣，用炭爐燒的真的香d同埋有d BBQ味 不過可能由於我食左甜甜地既格仔餅先，所以就唔覺得d雞仔餅有咩味 但熱辣辣既雞蛋仔的口感真是good、good、good~~以街邊檔來說， $ 10 一底都真係唔便宜的了~ 但都算可以接受的價錢~

在牛頭角下邨長大的我，經常幫襯眼鏡哥哥造的格仔餅及雞蛋仔。 剛出爐的雞蛋仔熱騰騰、外皮香脆、內裏鬆軟；格仔餅也很好吃，鬆軟外皮配搭花生醬、牛油及椰絲砂糖，簡直正! 最重要是用炭燒做的。 北角個間好吃，但欠缺人情味，是眼鏡哥哥做的好吃，含了用心及人情味，想都想立即去吃的。 而且這小小的車仔檔見少買少，好多已遷入在店舖售買這些小食。 人情味加不捨下邨快要清拆，想吃炭燒做的格仔餅及雞蛋仔就要快！

初中放學買的格仔餅~ 當年未懂得細嘗, 只覺得有糖及椰絲份外好吃多年後的今天, 我又再去買格仔餅, 今次還多買了雞蛋仔~要等格仔餅造好, 所以邊吃雞蛋仔邊等不好意思在老闆面前讚揚****雞蛋仔****, 不過心裡覺得很好味呢!! 如像吃蛋卷一樣! 蛋味很香~ 不過只是可以再熱多一點~ 老闆說用炭爐跟電爐不同, 問我分別哈哈... 我本來不太知, 但後來在格仔餅身上找到答案呢!因為... *****格仔餅*****實在太太美味了! 外面那層脆, 內面的香軟, 加上椰絲糖... wow太幸福呢完全是satisfaction of the day! 所以我倆吃得太趕, 連相也忘了影!

第1次去 試左雞蛋仔 我覺得甜左少少 不過好香好有風味雖然唔係新鮮整既 但係都仲有少少暖意等緊朋友果底果時 講起我唔鐘意食軟林林既格仔餅老闆叫我下次去同佢講要脆啲 好貼心 十蚊1底 我覺得幾值第2次去 食左格仔餅老闆見我地2個去買1個格仔餅幫我地分開左2個細紙袋裝 ;)叫左老闆脆啲 真係好好味因為即整 所以拎上手熱騰騰 糖入面好似有椰絲 好好味 我覺得格仔餅好味過雞蛋仔好多 ;)可惜下邨就黎拆 >< 要食就快啲去食多啲

回想起從前，這兒的首個食評是小弟寫的。現在下邨離別在即，究竟這小小的車仔檔何去何從 ? 以後還有沒有機會再嘗那炭爐格仔餅的風味 ?還是不用想太多，可以吃的，便吃吧....從雲興隆走出來，順步走到第八座。沿路燈火通明，滿目皆是車仔檔。有賣潮式鹵味的，也有賣多餸飯的。小炒、粥點、點心、越南菜等，林林總總，一應具存，真的要吃甚麼就有甚麼。這樣的大笪地風情，在何處尋 ? 向目的地進發，離遠已看見那久違的面孔了，心中高興得很....不知何解，喜歡吃這兒的格仔餅多過雞蛋仔。吃了一整塊，仍是美味得很。那炭焦香味及蛋香仍在，再加上夾入大量的花生醬、牛油及砂糖，吃完後雖然可能要做三五七日運動才行，但面對如斯美味，誰可抗拒呢 ?吃完最後一囗，踏上歸途，回歸繁華的現實....下邨，再見了.....

同2個朋友係附近食完$16 3送飯之後.經過見到雞蛋仔!就3個人share 買黎食!$10,因為好香好吸引!由於都幾多人同新鮮即燒ga關係.所以我地都等左大約5-8mins到啦,但無所謂啦,好味ga野要等下嫁啦XD但老細好似驚我地會等到發難...所以問我地: 要唔要脆呀(d雞蛋仔)?我地: 好呀! 要脆!佢: 咁就要等下啦...因為要脆就要吹冷佢!我地: 好呀!跟住1拎上手,佢: 食下睇下脆唔脆,話我知!哈哈.好搞笑,跟住我地食完, 真係脆wor又!我自己真係第1次食到脆ga雞蛋仔!熱熱的.係冷的天氣下食真係1流!我地: 脆呀!好味呀! 要唔要食返粒?佢: 哈哈.多謝.唔洗啦.我呢到仲有好多.多謝.呀.呢d係咪就係舊村有ga人情味呢?會係買野食間傾下計笑下開心下.呢d係宜家1般係商場銷頭做唔到出黎ga人情味..可惜呢份人情味12月就無啦...

雞蛋仔食得多,但是用炭爐做出來的雞蛋仔就第一次食.雞蛋仔的形狀好像比較小,不算大顆,粉漿調教都不錯,外脆有蛋味,不管用炭爐或者是用電做,都應該差不多吧!!但是蛋味道明顯比較香和濃

要再講呢檔野有幾好食我唸已經唔需要喇, 都係新鮮..熱..料足...脆...今次行過買左半底格餅$5....真係wonderful!!! 其實依家呢個已經係第二代黎喇, 以前係佢爸爸整比我食, 睇住蛋仔以前手勢都冇咁好, 依家多年後既功架真係同佢爸爸一模一樣, 好希望蛋仔能夠繼續做落去, 而且一代傳一代, 我地一定會支持你!!!P.S. 另外其實想講下佢旁邊有檔鹵味店(零食同水果店中間), 都係食左好多年喇, 都好好味架, 今次買左$6串既墨魚, wow~好鮮好爽好大舊呀!!!

由於自細係德福住所以經常性食到其實佢唔係好夜先開架..佢中午都會開..不過係另一個地方擺檔之嘛同埋其實有半底買因為我經常買半底一個人唔想食一底咁多...講番d雞蛋仔先由於最近係北角果邊番工所以終於試左非常出名o既北角雞蛋仔試完之後..完來都係自細食開o既好始終我食過最脆都係4眼仔整果d而且佢有d"火農"味係而家好多用電爐o既鋪頭整唔到o既..可能唔係個個都鐘意"火農"味但係我自己就幾鐘意喇~ XD而且都係炭爐有風味~~

這是我覺得全香港最好吃的雞蛋仔吃了十多年我是找不到有別的比他更好吃我會一直支持你的雞蛋仔大王！

絕對係老行家, 開左好耐la! 我由細食到大, 一直都保持水準本人好鐘意食格仔餅, 雞蛋仔得呢間最好味, 同尖沙咀果間一樣咁好