無名炭爐雞蛋仔 (已結業)

星期日專程帶男友到牛頭角下村吃小時候(已經是十幾廿年前了)常光顧的雞蛋仔檔..去到的時候, 見到好多人排緊隊...有好多都拍低整雞蛋仔的過程...當然, 我都好期待當年企o係旁邊跟父親學習的兒子, 而家整的雞蛋仔係唔係真的得到老父的功力呢??排左一陣終於都買到了..外觀上無佢爸爸整的咁金黃..顏色白左好多....一試之下...只感到失望...當年的"出面脆卜卜, 入邊軟"林林"的雞蛋仔.已經變成"出面唔夠脆, 入面一團粉"的感覺........蛋味係好重..但已經唔係我印象中食過最好食的雞蛋仔了...想當年每次食佢父親整的雞蛋仔時, 都會"meet"開個殼, 食左入面粒"仔"先的...真係非常好味...而家其他出名的雞蛋仔檔, 都做唔到佢父親當年的水準....唉.....唔知係唔係老闆想快手d 整先會失準...如果佢可以做到佢父親的8成功力就好了~

等我仲特登去食，一Ｄ都唔好食！成件蛋糕ＧUM，一Ｄ都冇個種外面脆內面軟的感覺，成粒都係實心，又軟林林！仲有我發覺佢整得好快，快到個邊都冇脆就比人，可能想做多Ｄ生意！但唔會再去ＬＡ

炭爐燒雞旦仔，我食過銅鑼灣圖書館附近0個間，味道又真係唔錯。但今次食呢間，未放入口已經扣左分，因為已經一早做好吹凍左，咩味都吹走啦！食落去，似淡味蒸旦糕，又輕身又冇質感，其實仲差過$7一底0個d。佢仲要收$10！做一次羊古好啦...........

幕名而來, 周六下午果然見小人龍一條. 看著火舌翻飛, 靠著欄杆等候時感受著炭爐的陣陣暖和, 在冬曰確是有著別樣風味的. 四眼大哥一腳踢, 收單, 管帳, 看火, 倒漿, 翻夾子, 刮起烘餅到入袋. 每個動作都有有板有有眼, 功夫之利落教人拜服. 起貨速度很快, 大約兩分鐘不到就燒好一份. 雞旦仔也沒有太多古靈精怪的味道, 就點一份原味可以. 剛出爐的雞旦仔當然是熱烘烘的, 成色香味卻是欠奉. 邊位是脆口, 但咬下去不綿不甜更無旦味, 基本上是無味的粉團, 與好吃完全沾不上邊, 吃不完半底即告放棄. 然人人讚好, 有機會還得返檢作實, 不過下次我會多要一份格仔餅, 起碼有花生醬砂糖打底, 不會淡而無味!

雞蛋仔呢種懷舊小食, 對於舊區長大的人一定不會陌生. 今日經過就買左呢檔雞蛋仔黎試, 燒個陣冇雞蛋仔好香個種味, 所以本來打算買埋格仔餅, 但都係試下個雞蛋仔好唔好食先再算, 雞蛋仔無雞蛋香....得d甜味...個質感仲要係好似蛋糕咁, 完會同十幾二年前食開個d差好遠, 雞蛋仔燒完後又無擺係到吹一陣, 即刻就放入袋...食完呢次, 我諗係最後一次了.ps: 燒炭d味仲香過本身雞蛋仔d味 ...

唔知點解最近咁多人都介紹呢間雞蛋仔又以前去九龍灣睇完戲都會去淘大果邊揾嘢食~ 每次都必經牛頭角下邨果一條食街~但每次見到呢一檔雞蛋仔都唔會覺得佢好食既....但今次咁多人介紹...我就試下啦~因為睇七時,我無親身係買它,結果我既男朋友去咗埋完再JOIN 我~ 不過己經凍左~味道又真係唔同平時食開既雞蛋仔,我男友似蛋卷味喎如果唔係凍左都應該好好味架..... 佢仲同我講佢既格仔餅都好似好好 haha ~下次一定要再試下先得

呢檔係我由細食到大的最愛雞旦仔. 其他的, 實在比不上. 最愛係用炭火燒, 火力較慢, 但均勻. 出來的雞旦仔特別香脆.這裡原定二月會拆, 現在推遲到五月, 有買就趁手lu...好快絶跡架啦!

以前在淘大工作，一星期總會吃幾次雞蛋仔或格仔餅......四眼哥哥總是穿醒目黃衣，見其他人的食評相中四眼哥哥穿了灰衣，有點不習慣!hahaha........雞蛋仔外脆內軟，內裡不是空心的，一底可以填滿我的肚子...雖然吃過更有蛋香的，但炭爐燒出來始終更香口更勝一籌。格仔餅更好吃，花生醬、牛油、砂糖的份量剛剛好，又香又甜(又肥....)......下村好像年底開始清拆，要來掃掃街，還有何興記、雲興隆.......無名炭爐雞蛋仔?應該叫四眼哥哥雞蛋仔......!

期待已久的牛下美食團終於成行...各位為食團員當然唔會放過任何品嚐美食的機會一早得知這炭爐雞蛋仔遠近馳名 , 還不第一時間排隊買番底於是我們一行四人便買了一底夾餅一底雞蛋仔分甘同味新鮮即製 , 蛋香撲鼻 , 拿在手裡還是燙的先說雞蛋仔...外脆內軟 ? 又說不上可能是製成不久 , 沒有足夠的時間讓它的外層冷卻 , 所以內外層的口感對比不太明顯內層只是半滿 , 沒有之前的食家提供的相片那麼飽滿(因為我們四個也很為食 , 雞蛋仔未拍照已被我們瓜分了 > <)內層的確很鬆軟 , 看見很多泡泡 (氣孔) , 口感不錯但總括來說 , 我還是覺得港島的那一間比較好吃反而夾餅較雞蛋仔出色同樣是即製 , 蛋香亦十足 , 非常 "煙 un"最欣賞的是裡邊 d 芝麻豐富了口感 , 也增加了香味沒有期望 , 住住反而有驚喜個人意見認為路過可以一試 , 炭爐風味不是隨意尋覓得到但對於特意慕名而來便有所保留

格仔餅, 雞蛋仔無名炭爐雞蛋仔 虽然环境唔系好高档但系卫生条件都OK...好耐无食甘好吃的街頭小食,好有童年的感觉格仔餅, 雞蛋仔都叫左一份伙计人几真实,服务态度好家下好少有甘既小吃了

近來經常到這裡附近（德福廣場，淘大, etc.），但如果不是看 Openrice，都不知道這裡有那麼好吃的街頭小食。上週某一天，放工後到德福廣場閒逛，之後餓餓地，又不想食快餐或晚餐，就想起這個小檔。　只是一條天橋及地鐵站之隔，就從一個充滿「聖誕歡樂氣氛」、裝修高檔但浮誇、標榜高消費及中產的大型商場，走到另一個世界一樣，落差感覺非常大。這邊的風雖然大，但人情味很濃，這跟高檔但冰冷商場有很大分別。　落了天橋，沿著兩邊都是小販的窄巷轉個彎，就見到「無名炭爐雞蛋仔」這小檔。檔主的「哥哥仔」很賣力而且細心，即叫即做之餘，如有出品未能即時賣出，他就不會出售。 他還會叫你「趁熱食，因為凍左就唔好食」「好唔好食話我知」！當天去到時，見有幾底整好了雞蛋仔被放在一邊，有一底的色澤較深，原來是煎過了時間，這失敗之作他也不會賣，很老實。　換了是其他人，可能會說成是「朱古力味」而賣貴一點呢！叫了一底「格仔餅」，見他落了糖、牛油和花生醬（沒有特別叫他加或減）…好食呀！　唔太甜唔太「漏」，恰到好處。　不過隨著香港發展，「牛下」即將重建，這些街頭小吃很難再有生存空間，就算搬了進地鋪，又沒有那種風味了…

先回應下面網友既食評先:四眼哥哥所整既雞蛋仔,吾好見佢"燶左小小GEI攤係度"就己為佢係"吾好既制成品"實情係,就如四眼哥哥所講,係另一種口味來AR個種味度呢, 就好似PURE朱古力咁食開就知,佢會問你要 燶D 定係 '臨'D,'臨'D個隻呢, 就會有比較重既蛋香law.新去食既人落order要雞蛋仔,可能會覺得好奇怪,點解四眼哥哥會問要咩味而呆左响度, 如果大家有機會去試下既,大可以兩隻都試下la...講返自己先,兩日前:==================================================食完晚反,突然心血來潮,好想食返以前成日食開既夾餅,明明記得係响落橋位,搵來搵去,原來己搬到現在既位置,太夜去,己賣剩最後一底,後面一大班波友,我聽到好似都係黎買夾餅, 二話不說, "老細,比一底夾餅我吾該"最後一底都比我買左,遲黎既波友門黎到就緊係失望而回LA.<---沾沾自喜中正準備拿過手上既夾餅既時候,四眼哥哥講左句:"最後一底放左太耐太乾,吾收你錢la,"--天氣很泠,但係個件夾餅都吾係想像中咁乾,老細仲要幫我整返熱少少先比我食"你下次再黎時先比錢LA

一出淘大商場..好大風呀好凍凍凍凍凍凍凍諗起呢檔雞蛋仔..就走過黎試試.去到見到有一底燶左小小GEI攤係度..仲以為會就咁俾呢底我..但佢無呀..整左底新GEI自己就係度食底燶GEI..XDDDD唔將唔好GEI製成品交俾客又唔浪費食物..VERY GOOD!等佢PACK緊之際..突然聽到佢講:嗱~俾D唔同味GEI你試下~跟住就順手塞左半底燶GEI俾我...-0-!!我當堂:下~~~~!!!(心諗我邊食得哂!?)佢笑住話:我都食緊架!(順勢再搣一粒入口)=v=...我唯有苦笑接過咬一啖..好暖又軟熟..d邊邊脆得黎唔刮口..好味=]令人暖笠笠的..除了雞蛋仔的新鮮熱辣..還有小檔子獨有的人情味*

十二月十四日 (星期日)八月曾試過一次,一試難忘,並決定要在牛頭角下邨清拆之前再試一次(至少),遂今天再臨來到,已見數人排隊,未必是壞事,只是可以肯定買到的是新鮮出壚老闆手勢純熟,不消十分鐘我們的雞蛋仔就送到面前吃過的不說也知,這裡的雞蛋仔是用炭爐燒的,雞蛋仔特別的蛋糕質地,口感很特別,而且有一陣陣BBQ(or燒濃)的味道亦是其吸引之處一句講晒,好味!離別在即,將來可否再吃都是一個問題,未吃過的,是米芝蓮三星(即值得專程到訪),試過的,相信大家都不介意再緬懷一番呢

近來勁鍾意食格仔餅，可惜一直未試過炭爐製，知道牛頭角下邨就黎拆，再唔黎試就後悔喇。去到九龍灣落車，先發覺無記低個地址，唔理三七廿一，走去牛頭角下邨既出口先。點知一路行一路都見到唔少人拎住雞蛋仔/格餅，我地就沿住呢d途人比我地既hint黎行排隊既時候已經聞到陣陣炭爐獨有既味道，真係令人興奮。見到哥哥仔手起叉落括括括，括走模具邊邊既蛋漿，唔駛一分鍾就已經整好一個。同朋友仔share一個格餅哥哥勁好人，早就預備細牛皮紙袋，方便d人share時一人一個袋。讚!未試過無奶而用上沙糖既格仔餅，食時feel到一粒粒，有口感，幾得意。而且很有蛋香，希望呢檔唔會因屋邨重建而無啦...