煌府將軍薈 (已結業)

這晚和媽媽慶祝生日找了這間酒樓吃個晚飯😋這裏裝修不錯👍🏻由於地方很大 所以不用坐得密麻麻可以和家人舒舒服服用餐☺️我們四人 可以點一個優惠小菜我們點了半隻片皮鴨很怕吃到很膻的鴨之前吃過的很膻 要沾很多醬才蓋過所以都吃不到片皮鴨的味道但這個味道很適中 很快已經吃光😌另外點了波士頓龍蝦伊面底龍蝦份量很多 而且龍蝦非常新鮮肥美 每一口都是啖啖肉的 由於媽媽很喜歡吃芝士所以我們決定轉芝士焗這裏的芝士質地很黏厚配伊麵真是一流 還有點了個百里香牛肋排配天使麵這個牛欄排賣相很好而且有點中西合璧的感覺有的質地是爽口的感覺有點像牛尾這種口感而且醬汁加了一點西式的味道整個感覺很新鮮不得不提的是這裏的服務員非常細心 不停幫我們更換骨碟還有經常幫我們檢查茶壺非常殷勤而且很好笑容 現在酒樓已經很少有這種服務了 讚👍🏻

本來想去美中鴨子，但食中餐最重要既就係可以住耐d。所以最後去左煌府，晚餐優惠2-5人可以選一個，6人以上選兩樣。我地超想食片皮鴨! 勁大份$88好好食，有兩籠皮，熱烘烘! 鴨皮唔會全部都係肥肉，脆皮的肉。夾埋一齊食好好味道!龍蝦伊麵就正正常常，酒樓既質數唔可以expect太高! 份量都多既，但比較淋，如果d汁結身d會好食d。龍蝦伊麵+一個荷蘭豆炒黑松露 ~$188有菜有海鮮都幾抵食~!!蒜蓉白菜仔好高質!我好怕d菜沙未洗乾淨~ 清清地!5個人食，每人120元到，可以吹足4個鐘水，服務員都好好幫手fill水。

今日同同事來飲茶，點心落單時，叫極侍應都無人理，好辛苦落到單，D點心姐姐將D點心求其放，完全唔會考慮放在桌中心，叫佢剪點心，點心姐姐話廚房無，叫我問樓面，問樓面佢地就黑面，就咁俾把交剪我自己剪！完全唔可以接受咁的服務！

平時去煌府都係週未飲茶多，今日晚市時段黎試下佢既小菜。煌府既座位都好夠，而且坐得好舒適。另外，侍應都好細心，入坐時候會問下想唔想坐睇電視，再安排位置。回味五香牛展 ($48)未食小菜前，先點個前菜填填肚。牛展夠腍身，唔會太靭，而且夠牛味。而調味方面則用上麻油，麻油充份融入牛展中，非常美味。而且該前菜凍凍地，於炎炎夏日食用剛剛好呢。白灼海生蝦 ($48)$48有十両蝦，見到咁抵食，我地都點咗客。夠新鮮的生蝦，不用花巧的調味，簡簡單單白灼，都非常美味。海生蝦Size都唔細，入口很鮮味，而蝦肉則爽口彈牙。而廚師灼的時間也拿揑得好好，唔會太老。唔想食生蝦，仲有其他優惠既選擇。果皮蒸大連鮑魚 ($88)果皮清香，配搭新鮮的鮑魚仔，係一個典型既配搭。鮑魚仔有咬勁，不過我個人覺得若果縮短少少蒸煮時間，相信會更好味。桂花榚 ($28)食過正餐，當然少不了甜點。而且甜品的價錢也相宜，所以我們果斷點了一客。我平時去酒樓都很喜愛點桂花糕，因為於眾多甜品，桂花榚夠清甜，多食幾件也不怕膩。而一客有六件，份量也不算少。另外，侍應服務都唔錯，成日黎換走污糟既碟。

今日行行下街好肚餓 去左將軍澳店煌府飲下午茶.叫左點心小食湯粉.賣相吾錯.原來碟碟點心都甘大碟.比起其他酒樓真系差得遠.而間酒樓都有特別點心出面食吾到.例如：蜂蜜糕 蟲草花棉花雞.魚翅竹笙灌湯餃.檬粉. 個仔兩歲都食到津津有味 環境亦都吾錯 燈光吾黑陰 食到好舒服 冷氣亦都吾太凍 仲有棵櫻花🌸樹粉紅色好靚

今日同媽咪姨媽表姐六人行將軍澳商場，見到煌府門囗的招牌做緊個五選二優惠，有媽咪最鐘意的扁皮鴨，於是入左去食。個酒樓環境裝修好靚，睇得出好dum本，作為一個結婚場地係岩曬。D枱唔算好full，所以一入去就可以坐低。坐左無耐，員工好窩心，見小孩飲水整到枱面濕晒，員工就遞上枱巾鋪上又比埋bb凳我哋坐。而且又唔會催我哋揀野食，企埋一邊等我哋慢慢睇menu👍🏻之後問佢有咩推介，都幾客氣咁叫我哋揀片皮鴨，又真係幾好食👅。佢地見到我有帶阿b落黎，問我地飲吾飲七星茶，估吾到酒樓都有七星茶飲，岩哂有小朋友嘅家庭黎(仲要吾凍的)媽咪姨媽簡左幾個餸，片皮鴨，金蒜銀絲蒸元貝，柚子蝦球，大龍躉二味，黑松露醬蛋白炒飯，九重塔鮮菌牛柳粒。媽咪話片皮鴨同北京的好吾同，係港版式的片皮鴨，同佢道地北京人的有D吾同，爭緊D白沙糖同其他的菜料，但細妹話好好食，自己用粉皮包，加自己鐘意的青瓜好正。不過哩道菜要趁熱食。銀絲蒸元貝幾好食，幾入味，入面仲有d汁，食落去好正😋d粉絲好入味好好食。不過本人最中意黑松露炒飯，味道一流，好好好食。最令人驚喜的係柚子蝦球，真真估吾到超出我們的預期，我們一致推薦👍🏼😋，酸酸甜甜，出面嗰層炸粉唔厚

今日中秋，大約6點50入去食飯。去到仲無咩人，所以不用等位。我地4人去食，待應介紹6人餐1千4百幾，（6個菜，包6罐飲品），其實我地本來擔心食唔曬，但見佢地菜單都無咩食，可能是節日沒有平時菜單，所以叫左個6人餐，打算食唔曬可打包。上菜超快，2-3分鐘上3-4菜，15分鐘內上完，上菜見到d菜細碟到呢！！！龍蝦伊麵一隻細隻得殻少肉，每一樣都小，又不熱只是暖。這個餐根本不夠6個人食，我地不到7:25食完7:30埋單走，食完個個都唔飽，回家每人煮左公仔麵食。全家感到這餐非常不值，以後不再在節日去食。以前早上飲茶食點心還可以，晚飯就算啦。大家晚飯平日去食好d⋯⋯

**如果唔想等呢間一定係首選**間舖頭好少人， 茶樓有幾台都係吉既， 今日約咗一點半去飲茶， 一班人有12個人， 有兩個人早到，早左入去坐一個鐘 都冇畀人趕走， 正常星期日係唔會搵到一個茶樓，唔需要等位就已經可以入到咗。** 餐廳入面冇乜店員， 經常都要自己處理食完嘅碟**主動將隻碟拎畀服務員服務員就話，唔可以放喺佢嗰度， 一直放咗喺張枱一段好長嘅時間，其他餸都上埋枱，好多碟嘢一齊喺張枱度都冇人理會，** 食咗24碟只有一碟係有質素**大部分食物賣相都係非常之好，味道就一般 , 食材麻麻，只有大蝦乾燒麵， 呢碟值回價， 可以叫多兩碟。** 場地靚**個檯隔離有部三角琴白色嘅 ,如果結婚用呢啲場地都唔錯嘅個場夠靚，但係食物質素就麻麻, 唔難食， 唔好食，收得貴， 因為個場太大 , 聽野辛苦，難傾得到計， 不過好過一開始開業嘅時候， 嗰時超級多人流，更加聽唔清楚隔離嗰個人講咩**八成飽肚，一人平均食咗兩碟，性價比低**1000蚊12人(後加左2個人) 一人平均八十幾蚊， 不過呢個質素唔值 **洗手間幾乾淨**

垃圾食物！ 叫左個半席 千幾蚊完全伏 好難食！ 絕對唔會再黎 浪費錢 ！炒飯又干又冇味 鴨肉煮到干曬，唔知反煮過幾多次！ 青菜完全係冇味同開水六菜冇分別！ 冇一樣好食！ 咁大個都冇食過咁難食既野食！ 點解咁都可以拎出黎比客人食！

岩岩開張聽人講話唔好食，所以冇食過。今日終於尼一試..冇下次🤦🏻‍♀️1. 唔係蒸籠上嘅野食，全部都凍嘅，無一幸免2. 紅油抄手仲難食過屋企整，皮厚到仲有粉3. 人就叫極唔應，冇人收野不過...啲野食又幾快尼嘅，唔洗吹單

話說 我下午茶時間去 叫左個蝦米腸 好快到 個賣相肉酸都算 硬到咬吾到 叫左人換 ok 呢樣一野都算 睇到點心卡點解畫左我4個圈 但我只系到左3樣野 （我懷疑換返泥既蝦米腸牙姐畫多次）甘咪問清楚先 當我問完個員工 佢無答我任何野只系去印到點菜紙比我 我系好清楚表明問題 問佢4個圈系咪代表泥左4樣野 而吾系問佢我泥左啲咩野食囉 9吾搭8..我吾想到最後比錢先好似呃人廿令蚊囉 就直接搵呔位問 始終大小小 態度都好小小 仲幫我跟埋其餘點心 大集團還大集團 都要留意啲細既服務態度 飲食業無良好服務態度都吾會留到客

服務態度差到不得了！$688食隻乳豬全體似被人夾走部份，頭大身細既乳豬都係第一次見！10個人用餐當中有兩個小孩，叫左9餸1湯清碟都要再加單，餸菜味道可以但份量少得可憐！個樓酒經理不知所謂，唔係幫食客解決問題，反之一副趕客樣子。此服務態度，下次不會再幫襯！

我住附近難得可以十位朋友食開年飯,提議這間新開酒樓睇了套餐一些都唔吸引底食最後散叫了九餸一湯，乳豬小得可憐，其他餸咕嚕肉，叉燒，炸子雞，豆苗扒瑤柱，蒸石斑等味道可以但分量超細，員工服務麻麻不停想逗利是，尤其經理都黑口黑面一副唔憂做的表情，為何可以差成這樣，新年遇到咩心情都無，希望可以速速改善。免費泊車只可卑一小時，這部分連大家樂都不如呀，至少大家食滿$200 🈶️2 小時免費泊車，實在太老土了可況埋單三千洗手間要注意下很污糟

母校校慶聚餐唔知點解會揀咗呢間擺，之前嚟飲過茶已經覺得麻麻地，不過都俾面嚟試下，expect唔高燒味拼盤唔係好靚，乳豬唔脆都唔熱，似係擺咗幾耐，芥末醬陣味怪怪哋蜜糖豆炒鮮魷蝦球，魷魚唔新鮮，啲肉好淋蝦球同蜜糖豆尚可不過唔知係咪因為遲咗開始，好多餸菜都上得好趕，唔夠時間搞到有種催人食飯嘅感覺如果可以冇咁趕就好炸沙律卷入面有蝦，都幾脆因為我哋檯少咁個人，所以負責我哋檯嘅都有幫手分埋佢碗仔翅變咗燕窩，幾重味精味

難得放假可以陪屋企人，就同咗阿媽去飲早茶，做個孝順女。近近地去煌府，早茶時間非常多人，唔知係人手少定係啲人太忙，門口並沒有知客，亦無員工幫手帶位，只能自己搵位。搵好位坐低之後，有兩個員工話唔比坐大檯，而其他細檯已經滿曬人無位，要求我哋轉檯去另一張大檯，於是我哋由酒樓左邊最邊緣既檯，移動到最右邊，響食點心前做咗唔少運動，消耗脂肪，哈。我哋嗌左鯪魚球，菜苗餃，雞扎，芋絲餅，點心大約等咗半小時嚟到，不過點心唔係好熱，只算是暖。菜苗餃入面有好多菜，但有花生，有啲似粉果餡加菜。雞扎比較大件，有魚肚，蟹柳同芋頭。鯪魚球有蜆芥，蜆芥有蜆肉而唔只係汁，感謝主啊，呢個係最好食既點心了。芋絲餅比較油，但就唔太脆，感覺似係放咗落鑊熱一熱，吸夠油就上碟，可能師傅知我熱氣，覺得太脆會喉嚨痛啦，唔俾我食香口嘢。兩個人食咗一百蚊，正常價錢。 可取之處係地方就腳，屋企落樓好快就到。