煌府酒家 (已結業)

見到有新開食肆而且呢度食評好似唔錯﹐昨晚和親戚食晚飯就選了這裡試試吧﹗6 點半去到只有3﹑4 檯﹐好靜﹐到我們9 點左右離開都只是半滿﹐銅鑼灣喎﹐點解咁少人既﹖一去到發覺裝修堂皇﹐金配暗紅的裝修﹐還有壁畫和水晶燈﹐像西餐廳的格局多過食中菜火鍋的酒家。後來吳鋼師傅出來派卡片時﹐他說這是找法國名師設計的“羅浮宮式”裝修﹐我們心想是“浮誇式”設計吧﹗我們一行8 人吃晚飯小菜﹐不是打邊爐的。但居然人齊都沒有人拿菜牌給我們﹗找個夥計問他拿菜牌﹐有個部長立即走來﹐指指檯上那張套餐紙就算﹗那些套餐全部是魚翅鮑魚的﹐我們不過是家人聚餐﹐不需如此大菜喎﹗告知部長啦﹐他又開始介紹蒸魚呀﹐海鮮呀﹗完全硬銷貴價食品。我們要好insist 要看看小菜牌﹐他才好不情願的把小菜牌和另一張套餐紙拿來﹗這次的套餐比較近磅喇﹐是自選小菜6 款加例湯一窩﹐8 人餐$498﹐好似好抵食喎﹗看他們的裝修格局和部長的介紹﹐我們都怕他們的平價套餐不行﹐怎知又不是喎﹗食物的質數不錯的。至少那隻(對﹐是一隻) 霸王雞是用新鮮雞﹐而且d 肉都幾滑﹐是有水準之作﹗其他的小菜(燒味拼盤﹑涼瓜炒牛肉﹑雜菜煲﹑蒸多寶魚﹑翠肉瓜豆腐) 沒有什麼驚

(2/9/06)新開張,同男一起來試試。環境靚,不過細少少。下午茶大中小點一律價錢。陳皮紅豆沙,不太甜,起沙,唔錯。楊枝甘露,唔得,好稀,無乜芒果,柚子唔靚。春風得意腸,腸粉皮軟熟,但入面的春卷"無"餡o既?大部份是炸脆脆。雪影杏汁飽,內裡的香精杏汁餡,食過西苑的杏汁飽,係天然杏仁味,呢度既質素,同放在超市雪櫃的,差不多。要提一提,容納有番咁上o下的茶樓,女洗手間竟然只得三格,真係唔夠o羅。點心味道雖然麻麻,不過服務幾好,下次可試埋晚飯。

尋晚忽然之間好想打邊爐, 同男朋友周圍搵食, 係街度見到呢間酒樓派傳單, 價錢ok, 所以就上左去試!6:45上到去, 仲有好多位. 個度環境感覺完全唔似平時好多人好混亂既任食邊爐, 感覺好乾淨, 裝修得好華麗!坐底叫左個蕃茄薯仔湯底, 火鍋料選擇唔算多, 但係都算新鮮. 最難得既係你寫幾多碟, 佢真係比幾多碟你, 唔似好多火鍋舖自動幫你delete幾碟! 除左任食, 仲有得任飲酸梅湯同竹庶水, 我地叫左一渣竹庶水, 可惜完全冇竹庶味, 只有甜味, 都係少飲為妙!我地一坐坐左3個鐘! 其間仕應不停主動加水, 而且態度親切! 食下食下, 仲見到吳剛師傅係度同d食客傾計打招呼影相, 仲聽到佢同d食客講"吞得既我都吞呀!", 好攪笑, haha.最後我地叫左2 round, 2罐汽水, 埋單$227, 以佢咁既環境質素同服務, 算係好抵食!

一個星期唻食兩次晚飯，唔駛睇埋落去都知呢度掂啦！第一次上唻係盲摸摸咁摸上去的，因為夜左有D宵夜特價，食左大隻佗叉燒(x2)、九肚魚、西檸雞、咕嚕肉...等等，都唔記得啦，總之都好OK，個叉燒尤其得！埋單五個人食左三百幾，其實同正價差唔係幾多，即係平時唔駛等咁夜都可以。今餐飯令我地知道原來仲有任食火鍋既...隔左一日特登走上去食火鍋，D野好新鮮好乾淨，個滋補雞鍋底真係俾碟雞你自己煲架，我咁大個人食咁多次火鍋真係未見過！火鍋料好多varieties，我地冇叫過double野，連美國肥牛都冇encore過，但樣樣食一碟都試唔晒呀！埋單兩個人220蚊～　超OK啦！呢度裝修幾靚，古典feel啦，同埋D伙計好鬼攪野，有D黑口黑面又有D笑口世世，但做野同service都得架喎！（無啦啦話俾我地知擺廿七八圍就可以包晒成個場啦...哦！）我諗好快會再唻，因為我同女朋友仔都好滿意呢度既食物and環境！推～

星期一同十幾個同事來呢度試新野,新張期間,d點心真係抵食夾大件,蝦餃王又大粒又多蝦,$2粒ja,個燕窩奶黃包好大個好好味,呢兩樣點心,我地食到最後又encore,飽到飛起.期間吳剛師傅來打招呼派卡片,我地至知原來佢係呢度老闆,唔怪得有咁明星送來的花籃啦.呢度d服務唔錯,不過d裝修就有d夜總會feel.趁佢新開要來多次食至得.