熊築地 (已結業)

今日放學後路經銅鑼灣，個肚餓餓哋就周圍行吓睇吓有咩好食。見到呢間賣日式刺身壽司嘅熊築地，出面仲有五六個人喺度排隊等野，應該幾有保證掛仔細揀完一輪之後，本身諗住買帆立貝手卷，但行到收銀嗰度，就見到個牌棟住嘅蟹膏蟹肉蟹籽手卷（$27）好似好吸引咁於是轉左軚攞到上手，是咁的：坦白咁講，壽司飯太重水份，林得滯，期待嘅蟹膏冇乜鮮味，而且鹹咗少少，蟹肉（即係蟹柳）同埋蟹籽就冇乜特別，憑心講句，唔係難食，但真係唔識＄27囉試下就好， 下次我會寧願將呢＄27攞去SOGO食個芝士撻好過。

話說自己未係蠔既粉絲平時多數食自助餐先會食但今次朋友介紹食完之後好似即刻上左引咁前果排去完中環個法式週末市集見未夠飽肚朋友就帶我黎食蠔去到間野原來細細間主要係外賣，亦有少少地方可以立食我地都唔係食蠔專家對蠔既認識唔多但每款蠔前面都有簡單既介紹老闆見我地諗左好耐又主動出黎為我地推介最後揀左3款唔同既蠔左上係mermaid：海水中度、甜味回甘右上係aigue marine：爽口彈牙、鮮甜、海潮香下面係masse：爽口creamy、海水味適中另一位員工幫我地開完蠔拎出黎有教我地由邊款食起平時自助餐既蠔某d對我黎講會比較難入口但依3款蠔一試就愛上下次想過下口癮絕對會再黎！*最底消費6隻另加開蠔費

海膽山？激烈的海膽？大滿足？足半板？在哪？是對小人國的人而言嗎？期待海膽手卷已久，飲食誌老是在吹捧海膽手卷那華麗的份量，在經過熊築地多次以後，終於一試。當看見A4 紙般大的餐牌，印刷了A4 紙般大的海膽手卷時，說不心動是假的。只是始料不及實物原大比 A5 紙還小一點點。而且其上的海膽分佈一點也不激烈，最多也只可算堆疊而已。再者，味道非常一般。這個小海膽手卷，圖片也可見海膽有一半處於半溶狀態，不新鮮了。而另一半未溶的也不覺特別新鮮，更不至於可以輓救衰了那半的味道。吃了這個，真算100%與商品說明條例不符！如果以食材份量作招徠，卻又對食材非常檢用，何必呢。

之前聽過呢間手卷壽司鋪，尋日同啲friend經過埋入黎試嚇囉。我食咗個海膽手卷同埋個鵝肝手卷，仲有白珍珠生蠔。先講講海膽手卷喇，啲海膽好似有啲苦苦哋，似乎唔夠新鮮。跟住啲壽司飯好淋，啲飯好鬆散，不過好彩啲紫菜夠脆，夠香。舊鵝肝雖然細咗啲，但的確煎得幾香，不過可惜，呢個鵝肝手卷塊紫菜好淋，冇嗰個海膽手卷咁脆，所以都係影響到個口感。對啲手卷真係好失望，40幾蚊嘢，等咗2個鐘，唔抵食囉。啲白珍珠生蠔總算冇令人失望，還可以。唔知點解，食到一隻勁咸，唔知係咪忙得滞，個師傅拎錯咗，啲海水味好重好咸，絕對唔係白珍珠，我諗你哋應該唔會將嗰啲十幾蚊嘅cheap嘢當白珍珠賣俾我啩。

喺香港試過咁多間壽司鋪，呢間係我食過最難忘嘅一間，啲壽司飯又熱又冧，入口即化，同其他啲壽司鋪嘅飯差別好大，一般嘅壽司鋪啲飯係凍得黎又好彈牙，啲飯晶瑩剔透，而且粒粒分明。而佢哋嘅壽司飯卻剛好相反，熊築地個技術的確高超，能夠將壽司飯做到呢個境界，熱同埋冧竟然喺同一個時間裡面喺我個口度同時出現，真係雙重體驗，小弟真係甘拜下風。不過做生意呢家嘢，始終都係要講誠信嘅，係人地嘅嘢，就應該俾返人哋，唔好霸為己有囉。

老實說，與其追求手卷爆多海膽，倒不如買一板海膽大快朵頤，反正現時的手卷專門店價錢也不便宜。奈何本人的女朋友非常喜歡有 gimmick 的店（😅），於是明明知道這間店負評多多還是要來試試。幸好當日落微微雨，所以沒有人龍。不過手卷出貨頗慢，也等了大約 20 分鐘。一如其他評論，飯是微暖的，也許是煲飯煲不切吧。放題的手卷也不會這樣。海膽質素一般般，完全沒有滿足感。紫菜倒是脆的，但是最基本的吧。$45 一個手卷，倒不如比多少少買一板海膽。

好失望，一點都冇進步。唔知嗰啲話好食嘅人係咪佢啲friend亦或係佢間鋪頭啲人。我好好奇點解會排長龍，服務態度依然冇進步，有個講野仲好寸。啲嘢唔好食就算喇，連服務態度都唔好，以後唔會幫襯。

相信大家行開銅鑼灣都食過依間手卷鋪啦～😅😅😅下午茶真係一流，唔太飽又好味，價錢都可接受，雖然睇佢細細間，入面竟然有勁多款式選擇，一定滿足到唔同人既要求啦🤓🤓🤓一人兩件，行行下街食番兩舊叉叉電，又真係幾爽咁，材料都幾新鮮，對得起個價錢，勁想試海膽，但下午茶黎講確實貴左少少，都係要食番d平民價錢既選擇啦😂😂😂唯一唔好既係要企係到食，行街行到攰都冇得坐，你話如果多番幾張椅坐下你話幾好呢👿👿👿👿

幫襯過呢間好多次，一開始開業時候quality唔錯都算幾好味道後期可能因為客人多左質量開始下降不過不得不承認如果以咁嘅價錢(HKD6x)喺銅鑼灣食到三個手卷算喺相當不錯圖中三個手卷喺值得推薦嘅三款左下角喺拖羅手卷，溫度凍啲會好食啲，肉質算喺唔錯(唔會食到好多未打碎嘅筋肉)麻油希望可以落少啲但係店主話一早整好原材料所以無得少麻油(絕對能理解小店喺要提前prepare)另外就喺帶子手卷，都食得出喺急凍帶子跟住解凍果啲嚟 勝在俾料都多同埋平 所以都幾抵食 味道無乜但口感還是不錯的最後就喺蟹子柱貝，柱貝真心幾正，我本身唔鐘意食林batbat嘅野，柱貝彈牙同韌勁十足~ <3 所以都幾滿足咖呢個如果大家喺銅鑼灣行行下餓左可以過嚟呢間食下手卷頂住先哈哈

去完工展會，由於只係食左魚蛋牛柳粒，唔上唔落，正經食一餐又唔係，唔食野又肚餓~行過熊築地，記得呢間都有人介紹過，加上銅鑼灣區手卷店唔多，決定一試。呢度嘅手卷以咁嘅位置，定價都唔貴，最平嘅三文魚13蚊，海膽就48蚊~在場都有唔少客人等緊，睇落都幾有信心。點知出哂事！三文魚腩帶子手卷 $28唔知是咪我呢排黑仔？食親乜都出事？見到店員遞過黎果下，我直頭唔想申手接…同圖片嚴重不符！三文魚腩同帶子得一片睇番其他客人嘅手卷，又冇寒酸得咁交關！點解我又中伏…話就話係三文魚腩，但完全唔肥美…同一般三文魚無異，普通貨色。帶子算尚新鮮，不過只有上面有料…以$28食左一條咁嘅手卷，性價比低，我只能講我係中伏了。

我認我認我好鍾意食海膽，有陣時行過壽司店都會忽然之間想食，好彩現在流行手卷店。隨時隨地總有手卷點出現。是日喺銅鑼灣等緊朋友出嚟嘅時候又想食，記得之前行過世貿後面有一間，就走過來試吓啦$48 足本版馬糞海膽，其實我睇嚟呢一個應該係韓國海膽嚟嘅，應該唔係馬糞，不過都幾鮮甜。甘甘甜甜嘅感覺好不錯而且即叫即做，算好新鮮。豉油呢仲有已經混合左芥末嘅芥末豉油同埋豉油選擇，方便客人即時享用。＄48呢個價錢我自己覺得就心服口服啦！而且呢度仲要係銅鑼灣喎！有朋友話呢度嘅好都不錯，下次都試吓先。

之前同FRID試過大閘蟹手卷，真係好幹，好難食。啲米都唔OK，爭鮮果啲3蚊個嘅啲米都好食過你哋。排咗我半粒鐘，真係曬時間。以後食手卷都係去旺角松板庫好過喇，又近又好味，最緊要係唔使排隊。

辛苦了一天，要想辦法慰勞自己。晚上十時多，食完「別天神」後，來到隔壁的「熊築地」再食！就算晚上十時多，店外仍有食客光顧。雖然沒有像以前那麼誇張，但是食客仍是好多。上次食過魷魚軟骨沙律手卷，今日又再encore！魷魚軟骨沙律手卷 HKD 18.00上次食完，回味到現在！再食，依然好味！魷魚的軟骨好爽脆，說是軟骨，但是是軟軟爽爽的口感，沒有好硬。加上沙律醬，更加好味。而且用料也很足，滿滿地舖在上面！但是這樣有個缺點，就是好難吃到飯，到最後還是先把上層的軟骨全吃完，才吃飯。又食了拉麵又食了手卷才回家，晚上吃這麼多，真的是想瘦也難！減肥的事，明天再說吧。

呢間小店真係唔太起眼，位置都唔係係旺街， 但貪他價錢平得黎有晒我晒鐘意吃嘅野： 生蠔、海膽同埋鵝肝。一板日本海膽手卷只不過係$38！ 鐘意滿到爆嘅可選三排， 都係98 蚊。海膽十分新鮮同鮮甜， 就算要企住係度吃都唔理！另外個心水推介係香煎鵝肝手卷、鵝肝香氣撲鼻、 入口即溶真係超級美味，盡在不言中！

今日終於路過可以試試，之前見好多媒體介紹海膽山手卷，又見好多藝人幫襯，又多人排隊，以為好好食，但結果係海膽溶嘅（唔新鮮至溶）飯熱嘅，紫菜硬嘅，講完大家小心咪中伏。