熊貓小雲吞 (鯉魚門廣場)

营业中

休息中

初開業時幾乎每日都會食又平又抵食，38$就有一碗！而家加到$46，其實都無咩所謂畢竟物價漲，唔加做唔住只係貴左.. 都要保持番水準掛…本來抱住算啦，碗麵都叫平但餃子皮懷疑未熟透，有白粉末仍然粘係上面比起以前都易穿左另外仲有粒唔知咩野係碗內…我真係無奈咗少少….. 同樣係清湯，同樣用味精以前係清得有味道而家感覺重味左…

今日同男朋友去左油塘附近行下，去到鯉魚門廣場入面見到有間川菜叫熊貓小雲吞排哂隊，一於試下好唔好食先呢間鋪主要係外賣形式，但都有幾個位可以堂食，我同男朋友兩個人叫左個二人餐，包括有傷心重慶酸辣粉、芝麻鹽焗手撕雞、紅糖糍粑、一口粟米豚肉雲吞酸辣粉既辣度和酸度我自己覺得岩岩好，如果覺得唔夠辣既可以自己額外落辣菜甫或者辣椒油都得一口栗米豚肉雲吞外形精緻，而且仲係廚房姐姐即場包，夠哂新鮮鹽焗手撕雞既雞肉嫩滑，加上芝麻和鹽的調味，成個味道都好豐富紅糖糍粑口感非常軟糯，紅糖甜度適中，好適合作為甜品或下午茶點心

今日去咗油塘，見到呢度有間主要做外賣，但都可堂食的小店～#熊貓小雲吞，見有我哋想食嘅嘢食， 而且價錢親民☺️，便進入開餐啦。同行朋友要左個老北京擔擔麵，配料有青瓜🥒、花生🥜、黃豆同埋肉碎，佢額外加了蘿蔔、金菇同大魚蛋，超級豐富，要了bb辣，見佢食得好開胃呀。我就同另一老友點左個2人餐分享，包主食、小食、甜品同飲品🥤，都只需$138，又幾抵食呀。主食：韮菜雲吞配麻辣湯，雲吞皮薄餡靚，麻辣湯味道辣辣地很好飲。熱肉燥伴麵，店員己經拌勻了的麻辣麵，配埋小食的芝麻手撕雞，又幾惹味。飲品要左雪梨茶同茉莉花茶，微啦微的甜味又幾女飲啊。甜品叫左清爽的涼粉，完美的晚餐。門口有醬料買，我哋就買番樽麻辣醬放假煮麵🍲食☺️。

油塘成日經過依間店既辣味都好吸引我,原來佢有好多分店,而且仲有好多唔同選擇,好適合一家大細同埋朋友一齊食。佢d套餐好抵,超多野食,今日叫了2人餐,1.   肉燥熱撈面依個熱撈面都真係有驚喜,好入味, 面質都不錯~2. 重慶酸辣粉依個又係我最喜歡既粉類,酸酸辣辣,粉既口感都好好,必叫~3.    蜂蜜芥末雞翼超推介既小食,脆口,好味,正~4.  紅糖糍粑外面真係好小食呀,來自中國的一種民間傳統,口感軟糯煙韌, 好特別既一個甜品,不錯不錯~5. 洛神花茶x2另外就叫左:卜卜脆炸雲吞，鮮蝦小雲吞，紫菜湯脆炸得好好食,而且細細粒,一啖一口,好好的小食~2個人食真係好飽~會再試下其他野~

今日工人姐姐唔舒服， 叫佢休息下， 所以今晚冇住家飯食， 要叫外賣.係油塘地鐵站出， －路行去鯉魚門廣場， 沿路好多餐廳， 勁多選擇, 最後擇咗熊貓小雲吞.2⃣️人餐： 已包二個主食， －個小食， －份甜品， 同二杯野飲， 都只係$138，特別推介芝麻盬焗手撕雞， 雞肉嫩滑， 啖啖肉.另外， 油蔥酥肉燥熱撈面， 微辣， 好惹味👍👍－口鮮蝦豚肉雲吞（10 隻）+ 特濃蕃茄湯： 我囡囡好鍾意， 番茄湯唔太酸， 粒欄都有蝦， 大隻彈牙我地叫咗咁多嘢食， 埋單都係$200 左右， 已經足夠我地一家三口食飽飽😍

位於油塘鯉魚門廣場嘅熊貓小雲吞，係好多街坊好鍾意幫襯嘅一間小店，因為佢啲食物又平又大碗，真係窮人因物。肥雞嗰日晏晝就決定試吓呢一間，首先是下個孜然雞翼，即叫即炸，香脆可口。再嗌多個蝦皮清湯粟米豬肉小雲吞，佢個小雲吞比一般廣東雲吞係細隻好多，但係份量亦都啱啱好一啖吞晒，皮薄餡靚，再配埋淡淡海鮮味濃郁嘅蝦皮，唔經唔覺都食晒一碗。再嗌多個炸雲吞同埋手拍青瓜，呢啲小食真係一啖接着一啖，食唔停口。手帕青瓜，配埋揸到香脆嘅豌豆，再加少少辣油，酸辣嘅青瓜，夏天食消暑一流。

因為抵食，我揀咗3人餐黑醋涼拌木耳清爽開胃的涼菜，口感鮮嫩爽口，醋味十足，能夠帶來一份清新的味覺體驗。酸辣粉酸辣度適中湯汁和豐富的肉片，唔係好食得辣嘅我，覺得食完唔傷心，非常之開心。一口豚肉小雲吞，一啖一粒，餡料鮮美，皮薄餡多，入口即化，讓人一試難忘。下次我會揀濃味蕃茄湯底，應該更正！重慶川式涼麵配上辣椒油和花生醬，椒油味好香，配料多，味道鮮美，風味獨特。芝麻鹽焗手撕雞，以嫩滑的雞肉和辣椒油為主料，甜甜地，唔係好咸，芝麻夠多又香，清新之選！Naomi 必推:紅糖糍粑，我以前未食過 ，原來以糯米為主料，加上紅糖和芝麻，炸到金黃色，外面脆，口感Q軟，香甜可口。總之，$209三人餐有三個主食，一前菜，一甜品，三款飲品抵食好食飽肚~~~快啲去試！

🐼～熊貓小雲吞～🐼之前已經聽屋企人講過，呢間熊貓小雲吞好抵食又好味😎今次終於親身嚟到油塘分店試吓🤭🔥一口粟米豚肉雲吞配蕃茄湯底🔥（出邊好少會有蕃茄湯底配雲吞，呢度啲雲吞細細粒又好滑，一個人食20粒真係話咁易😂）🔥雞絲手工涼皮🔥（精粹就係佢哋嘅自家製菜譜，咁多配料一睇就知好有好感😎）🔥麻辣豬耳朵川色涼麵🔥（除咗豬耳🤭仲有涼拌雲耳涼拌青瓜😋）🔥油蔥酥肉燥熱撈麵🔥（有掛汁😆加埋菜鋪好香口）佢哋仲有唔同嘅自家製手工冷泡茶，自家製氮氣飲品🥤🥤地方光猛夠舒服👍🏻有好多唔同嘅小食😋❤️最鍾意佢嘅自家製菜鋪❤️

第一次食 ，揀左$209三人餐，套餐可揀3款主食，一個前菜，一個小食，一個甜品，我就揀左：黑醋涼拌木耳，酸辣粉，一口豚肉小雲吞，重慶川式涼麵，口水雞和紅糖糍粑，每道菜都好食，唔hea，本身以為價錢平就普通，但呢間絕對有誠意！黑醋涼拌木耳，啱天口熱開胃的涼菜，口感鮮嫩爽口，醋味十足，能夠帶來一份清新的味覺體驗。酸辣粉，酸辣的湯汁和豐富的肉燥，酸辣唔係太過辣，配料多，有脆脆，同内地食到嘅味道超相似 ，值得試。一口豚肉小雲吞，細細粒容易食，一啖一粒，餡料鮮美，皮薄餡多，入口即化，唔錯👍🏻，湯底今次我揀左比較清淡嘅，下次我會揀蕃茄湯底。重慶川式涼麵，第一次食，上辣椒油和花生醬，啱天口熱食，椒油好香，同平時食到冷麵比較，風味獨特。芝麻鹽焗手撕雞，d肉係新鮮嘅，唔係出面擺好耐冧嗰種，無骨多醬，勁多芝麻❤️，食落甜甜地，唔太咸，清新之選，入口回味無窮。最後，極度推薦 :紅糖糍粑，我從來都未食過，原來以糯米為主料，加上紅糖和芝麻，口感非常之Q軟，香甜可口，煙靭程度係彈牙唔黐牙，朋友同我一致認為非常之好食。總之，$209物超所值！推介俾你！

唔會再有下次、相比最初d野食越黎越難食之餘仲要貴。想要個外賣餐具態度惡劣話我地堂食淨係可以用堂食餐具、之前d舊員工態度都唔會咁、依家d新員工態度有待提高。。。。。

外賣:一口粟米豚肉雲吞 $43重慶酸辣湯底(小辣) $2外賣盒$1一共 $46湯底:湯夠酸夠辣 但都係比正宗重慶酸辣差了一些 我認為尚可小雲吞:小雲吞皮多但厚且較實 沒有一般小雲吞皮應有的輕盈 或許是小雲吞和酸辣湯不夾 反正我這樣的搭配我個人是不推薦總結:價錢稍貴 味道一般想試可以試一次看看自己喜不喜歡 但如果沒有特別有興趣的話就不用來試了

油塘驚喜雲吞店 平民價錢 食餃子最緊要係 食材新鮮！有靚菜靚肉韮菜豬肉雲吞🥟用新鮮豬肉整既雲吞，健康又好食過急凍餃子多多聲！皮蛋辣辣地，好有四川麻辣風味！鮮雞湯薯粉雞肉有雞味，薯粉又夠淋！麻辣手撕雞十分惹味，份量都唔少！自家製辣椒醬🌶️辣度正常，唔會太辣但好惹味！買埋一盒生嘅餃子，聽日放假lunch有着落，煮個麵又一餐！簡單，健康，美味嘅風味自家雲吞店！外賣返屋企，慢慢嘆！#熊貓小雲吞#小雲吞#油塘美食#油塘#自家店

放假悶悶地過嚟食嘢，買咗涼粉同紅糖糍粑。話係喺度食同叫涼皮走花生。當我收到花生都仲喺度，堂食就變咗外賣。但係明明張飛係堂食。咁都冇理就坐低搵為位食，之後對筷子唔小心跌咗落地下，問佢攞多對，點知有個阿姐同我講話下你外賣點解喺度食？我收返你服務費㗎！。佢態度極度惡劣唔係同我哋講笑咁。瞬間想食嘅心情冇哂。。。我都食過幾都係話要走花生但係次次都係有花生，希望嗰間公司可以重視下啲員工質素可以好少少，我係好聲好氣咁樣問同講但啲員工嘅態度不太良好🙏🏻

大家都知油塘冇乜好食，不過熊貓小雲吞係外賣或者堂食都係一個唔錯既選擇，黎到呢到，麻辣手撕雞都係必叫，有時係雪櫃賣曬既時間，店員會好細心咁即整比你食😁😁而且係到可以感受到舒服既感覺，好自在咁。另外d面都唔錯，價錢又唔貴

完全唔係平時食開涼皮嘅口感本身食開油塘一間嘅涼皮， 但係果間無左之後， 就試下呢間， 點知d涼皮都唔滑， d涼皮好厚，就算係手工姐， 都唔會咁大差別掛！ 超級失望， 食左一兩啖就唔想食， 人生最差嘅涼皮