熱沙咖啡 (已搬遷) 新店位置

我諗如果黎過馬灣既都會食過勁回味呢間土耳其餐廳。呢類型既特色食店雖然好多,但依間coffee ☕️on the sand絕對係最特別既,因為價錢唔貴又好食。呢間係我食過土耳其餐廳最真材實料👍🏻我試左一個特色園池素三色飯，好大份,而且飯粒好香,食材好多，夠哂足料！這菜式入面有5種顔色蔬菜 (紅、橙丶黃、綠、藍紫色) 營養價值高，另外還有土耳其鷹嘴豆和紅蘿蔔秘製醬料，非常健康。,聽講每日食唔同顏色既蔬菜係會健康D,咁今次依個菜式真係好健康.💪🏻而且d飯唔會好酸，overall黎講真係無得頂架。賣相靚之餘味道仲好清新，好嘅我唔多食肉者😋另外再叫多個特式焗薯🥔，我呢隻薯仔🥔怪點會唔叫黎試下呢！味道都唔錯,好有薯味,薯仔好香，下次有機會入黎馬灣一定會再試其他！而且ORDER完之後好快就有得食，唔洗等，效率唔錯！👍🏻👍🏻

這天來到馬灣，人流未算高，但離遠就看到有間小店排滿人龍，原來是專賣土耳其餐的coffee on the sand。看到鋪面貼了不同土耳其的特色東西,我們便過去看看。由於約了朋友在他家工作,所以我們買了一點食物回去試試！特式焗薯,這個焗薯確是很大隻，面頭鋪滿了不同配菜，吃下去濃郁的焗薯香味就充斥著整個口腔，很香很新鮮，且口感鮮嫩爽滑，十分滿足！土耳其雞肉烤卷算是爽口，雞肉十分新鮮，雞肉厚度剛好，口感一流,配上飯會更好吃,真係勁回味！價錢不貴,老闆娘也很親切,下次會再來

大家到馬灣可以到走走逛逛,亦可以到酒店吃高水準的自助餐和蛋糕，不過如果想吃特式一點,就不防去呢間coffee on the sand試一試。同行朋友吃過呢度食物都非常驚喜大讚。我地買左D野食,係附近食,有氣氛D土耳其烤雞最怕就是吃烤雞時難咬開！不過這裡的烤雞脆口，絕無問題,雞味濃郁又新鮮,好正。特式焗薯味道都唔錯,依度既用料好新鮮,每款食物都好好食甜品方面.老闆娘推介我地食左一隻叫Baklava既甜品,個賣相好特別呀.入口 口味濃郁、土耳其酥皮點心甜甜地,。果仁蜜餅係用層層酥皮製成，餡入面有碎堅果，再配埋糖漿或蜂蜜，真係未食過咁特別既土耳其甜品價錢唔貴,值得一讚

朋友住馬灣都真係遠到冇朋友，不過耐唔耐約下佢出九龍，今次咪我就下佢！我入下黎探下佢！順個便帶我去食好野啦！😋今日佢帶我地黎食土耳其菜，原來都好多選擇，等左一陣😆就有得食喇！今日叫左田園池素雞轉轉，真係好好食呀，佢既用料好新鮮！全部都係即叫即整，好有心機，賣相都好靚，唔係求求其，唔似係冰鮮雞！🤤🤤餐廳內環境好適合打卡，星期五六日，朋友話成日滿座 👍🏻抵食！份量足😆 正！下次再黎探佢可以再試其他野！

馬灣呢一間土耳其餐廳，聽朋友講星期6同日都大排長龍，因為佢地之前係旺角好出名，好多嘅報紙雜誌又係有提及嘅。所以上星期日黎依度叫到會，我地都預早左叫野食！驚等太耐！最後到會都好準時到達，值得一讚。大件夾抵食嘅土耳其餐，呢一間都可以叫做始祖。最好食一定係個烤雞，燒出黎好香，肉質好嫩滑多汁！送到黎仲係熱辣辣，證明係即叫即做，而且都幾大份，依個價錢黎講性價比一流。香草雞肉配薄餅都幾好食，薄餅好脆好香，入口同味道都係一流！重點係依度用料好新鮮，好正式既土耳其菜，難怪咁多人食！

最近有朋友生日,我地提議去佢屋企慶祝,於是大家一齊去買野食�叫左依間我愛伊斯坦堡,朋友土耳其餐好特別,第一次食每款食物都唔錯,其中以下2款最特別特式焗薯尼個特式焗薯可以話係一次過滿足晒所有需要🤩！一黎夠多材料，俾到飽肚感，二黎又有薯仔，味道夠曬香濃！始終辛辛苦苦係公司做左咁耐野，點都要對自己好啲嘅，所以食依個真係開心�另外特色園池素雞飯好靚,第一次食咁靚既雞飯，入面既味道好簡單,唔會有過多調味料,食材夠新鮮,總之尼個係我嘅首選啦！價錢又抵，quality 又唔錯，而且老闆娘好nice，會主動介紹唔同野食比我地,下次會再試下其他野食

周末離開繁囂都市，走入馬灣小社區放鬆心情，體驗一下土耳其餐飲文化🍽。呢間土耳其餐廳周末可以walk-in，周日只接受預約，客人亦可預約土耳其菜烹飪班。初次到訪，老闆娘詳細介紹熱門菜式，以及是日精選。餐牌上一共有3款一人套餐，其中一款$188，包括土耳其沙律/凍湯、主菜及飲品，份量較為適中。主菜以古土味烤雞、牛/素薄餅及羊肉烤餅為主。飲品包括傳統土耳其咖啡及水果茶，亦可以跟餐加$15試下其他土耳其乳酪飲料。另外，特色甜品及小食選擇不少，我地額外order 土耳其小麥餅及甜南瓜🎃，滿足一下好奇心～ 1\Coffee On The Sand 熱沙上的咖啡名符其實，土耳其咖啡就係用熱沙煮成的！毋須瀘紙，咖啡粉及糖直接倒入細小圓桶形嘅銅鍋，加入冷開水，以熱沙代替明火，將咖啡煲滾，待咖啡渣沈澱再飲用上層澄清嘅咖啡。咖啡質感較濃稠☕️，香味洋溢，味道偏甜。特別嘅係可以分別品嚐到咖啡果酸同糖味，兩者味道並冇融合。2\Salted Yogurt Ayran 香草鹹乳酪土耳其嘅特式飲品亦唔少得呢款有「土耳其可口可樂」之稱嘅鹹乳酪。鹹乳酪由原味乳酪、水及鹽調配而成，加入大冰塊，提升清涼感❄️。第一啖飲落去，味道

今天放假，在馬灣閒遊，發現這間精緻土耳其小店。在香港是第一次試土耳其菜。下午人不多，長bar 枱加兩張小枱，佈局十分舒適休閒。Menu 都幾豐富，以素食為主，也有燒雞。我選了素雞包。白色的軟包加與雞味無分別的素雞，美味的沙律醬，很香口。配上土地耳地道的紅茶，很有風格。原來小店是旺角搬進馬灣，老板娘跟我閒聊了一個小時，十分友善，她在土耳其生活過，在香港推廣土耳其地道食物和文化，讚👍🏻晚上有Set Dinner 和可訂私房菜，有機會很想試試

專程坐車入馬灣試下呢間土耳其餐廳🍴其實佢原本旺角都有分店但因為搬遷中所以決定入馬灣試下🤔叫左2個set其中一個叫左佢個必食土耳其烤雞🍗好香烤到岩岩好皮脆內嫩😋佢個飯吸哂雞油非常香👍🏼另外一個叫左個素雞串佢個醬汁撈埋個飯好好食👍🏼素雞做到好似真雞肉咁😋推介❗️

星期6唔想去太遠,就係屋企附近食野.去左依間新餐廳,除了佈置有風格外，食物也非常有特色。客人首先用ＷＨＡＴＳＡＰＰ跟店主預約時間，此餐廳一定要預先訂座，不能walk in。店主很用心佈置此店，燈飾使氣氛更浪漫，很話適合情侶談心或好姊妹傾密計。其中最喜歡的是園池三色糙米飯，好似韓式撈飯但味道是土耳其秘製醬汁.賣相十分漂亮，味道相當不錯，此組合食材非常新鮮，吃上去格外清新，令胃口大開。此道菜為本人最喜愛的菜，由於本人很喜歡吃糙米的關係。質感香脆可口，更突顯糙米的香味。入口不算太肥膩，味道十分夾，比起普通糙米飯,這個增添另一種層次。份量也真的很多，吃下去也有足夠的飽肚感。想不到土耳其秘製醬汁配搭出來有不同效果，令整個飯增添多種層次感。可見廚師是多麼用心制作，而且幾種食材能在幾道菜式作出不同的配搭，發揮出廚師的創意。特色地道傳統甜品kunefe,甜品看上去很特別，吃下去也有意想不到的驚喜。餅底入口香脆,味道適中，雪糕入口即溶，令我們非常滿足，而且十分難忘總括而言，我很喜歡這裡，不但是食物質素高，菜式有創意，而是因為這裡的環境很優雅，很有氣氛，讓鬧市中的人感到舒適和放鬆本人十分推介我的親友到來，

今晚想試一些特別的菜色，於是在網上找到這間土耳其餐廳。餐廳位馬灣，室內有空間感，環境漂亮，很有家庭式經營的感覺。我是第一次吃土耳其菜，在店員的推薦之下，點了幾道菜和飲品 但最吸引的一定是兒童餐,侄子吃了這個土耳其雞腿加薯條加可愛包包薯條和雞腿味道很香，但不會太乾，淋上了汁後味道更香雞腿十分軟熟而多汁，薯條薯仔味道濃郁，整體味道十分有平衡感和層次感。這道菜十分滋味，實在令人回味無窮！東歐咖啡咖啡有種炭燒的香氣，咖啡裡浮著很幼細的咖啡渣，奶比較幼滑，奶味較淡。很特別的味道，和外面喝到的咖啡很不同。這杯咖啡是以傳統土耳其咖啡煮法制作，放在沙上加熱，以保留傳統風味。店名coffee on the sand原來是以此為名，十分特別。

本來book咗去旺角店, 但因旺角店未能續租, 所以黎咗馬灣新店食食完可以順便去沙灘睇下風景影下相新店有兩張枱, 其餘都係bar枱雖然店鋪細細, 但感覺都ok舒服今日只有set A $17x 有前菜, 主菜同飲品前菜沙律 個醬汁都幾酸 但酸得ok開胃土耳其特色薄餅(牛) 薄餅皮好薄但只有薄餅邊是脆,微微的辣秘製招牌烤雞配飯一切開隻雞香氣即時傳入你鼻中雞肉好嫩滑好入味途中可以觀賞熱沙煮咖啡過程熱沙咖啡 Sand Coffee食完再行去沙灘行下 影下相

難得放假,當然要和好友去吃好西啦，是日好友叫到，帶我食特色土耳其菜，原本以為來來去去都是一貫的，想不到是晚有驚喜，由真正土耳其大廚主理，餐廳裝飾都用上土耳其風格。這裡的菜或可因選的菜式數量而分定格，二人足夠有餘又夠飽，未開飯前看看店主用沙爐煲土耳其咖啡，聽聞全港隻得這裡引入，很特別呢。煲滾的咖啡要待一會，等咖啡渣沉澱後即可飲用，由於未有像外面用上咖啡渣，因此有所不同，口感會較'杰'身，而味道帶點用沙爐煮的香氣。喝過咖啡，就來個正餐了，這裡的食物十分有心思。其中園池素雞配糙米飯味道好香，素雞夠爽脆夠新鮮，撈作一起同吃口感更佳且味道帶點香氣，微酸又醒胃，雞肉肉質較嫩，連平時吃不多的我倆都完全把它消滅掉,連肉都滲出香氣，肉夠味，十分美味。回顧整頓飯，無論飲品菜式都是我第一次嚐，味道合我口味，飲品選擇多又夠特式，如果飲品方面可每人再多嚐一杯則更好了，而這個定價確是很值得吃的土耳其菜，要重來呢。

週六試左呢間土耳其菜，係馬灣新開張，本來以為只係一間咖啡店呢，原來仲食到地道嘅土耳其菜。"Coffee on the sand"嘅店面幾特別，入到去就知點解喇，原來係傳統土耳其咖啡 - 熱沙咖啡！小店位置唔多，裝潢有啲似cafe，但當中可以見到唔少土耳其風味，例如拼布飾品、枱上嘅擺設、播放嘅音樂等，都花過小心思。因為客人唔多，所以我地坐得好舒服； 他們是以特別菜式為主，記得預約。因為我地之前冇食過土耳其菜，冇乜頭緒，決定交俾廚師話事，園池素雞配糙米飯,呢個好食喎份量頗多，類肉韓式撈飯,食落口感豐富，唔會太肥太油，蔬菜唔會太膩。配搭得宜，幾好食。好惹味，相當飽肚我地仲上埋Cooking school, 學習製造土耳其鷹嘴豆漿鷹嘴豆漿做法好特別，我地都係第一次見，工序繁複，我地都大開眼界。豆漿味道突出，入口香濃,值得一試。不過如果平日飲開港式豆漿，或許會有少少唔慣，不過單係欣賞製作過程都可以一試呢

煩囂的香港，餐廳多不勝數。要是一般餐廳未能滿足喜歡新奇事物的你，可以考慮到訪位於馬灣的coffee on the sand。這裡是一家Cooking School,裝潢如家般閒適，環境絕對是吸睛之作。內裡供應土耳其特色飲品，以咖啡廳而言，大抵是貴精不貴多杯子設計很有風味，猶如置身土耳其的感覺。導師教導細心,而且用的食材全是十分新鮮,做出來的食物是一家好吃的土耳其素雞轉轉非常可愛，要是喜歡素雞的話，這就真的是你杯茶喲 ,味道香濃,份量也大,絕對超值.食材新鮮,入口十分開胃另一款園池素羊配糙米飯也很好吃,這兒的食材全是十分有質素,但價錢卻不貴,性價比十分高